المساعد الشخصي الرقمي

مشاهدة النسخة كاملة : كيف تتصرف في مثل هذا الموقف .....



واحد فاضي
03-04-2008, 06:45 PM
بسم الله الرحمن الرحيم

اللهم صل على محمد وآل محمد الطيبين الطاهرين

موضوعي اليوم عن شيء نكاد نراه ونواجهه يومياً
وهو يتمثل في أنه وعلى الطرق العامة وانت مار بالسيارة تجد أن هناك من يقف على جانب الطريق سواء كان الواقف
رجل أو إمرأة وأركز هنا على موقف حصل للبعض
وفي أثناء توجهه لوجهته تصادفه إمرأة على جانب الطريق
وهي تطلب من يوصلها الى مكان معين ، فيقف السائق بسيارته لتركب المرأة ويسألها عن وجهتها فتطلب منه إيالها مثلاً لسوق معين أو مكان معين
وفي أثناء الطريق يتفاجأ بموقف المرأة
فبعض الشباب يقول لي ...
أنه مرة وقف الى إمرأة وطلبت منه ايصالها الى سوق معين وفي أثناء الطريق تفاجأ من المرأة فهي وبلا مقدمات قالت له
..شوف جيب اللي معاك من النقود والا با أصرخ وبا أقول انك تبغى تعتدي عليي وانت سيد العارفين ....المرأة مصدقه في مراكز الشرطه .
يقول هذا الشخص ..أعطيتها مكرهاً مبلغ 200 ريال هي كل ما تبقى معي وهي كانت تطلب 500 ريال وبعد المفاوضات قبلت وبكل حقارة بأن تأخذ المبلغ مني وتتركني بحسرتي على مالي الضائع ...
- لعلم فقط ..وعند الذهاب الى الشرطة للشكوى فإن أول أمر يقال لك بأنك أنت المخطئ فليس من مهامك أن توصل الأشخاص الى وجهتهم فهناك الليموزين والتاكسي وهم أصحاب الشأن فتحمل ما يحدث لك .
فهل .......

- انت من النوع الذي يقف لمن هم على جوانب الطريق ؟
- تجد الأمر مبالغ فيه ، ولا توافق على ما ذكر في الموضوع ؟
- الم تسمع بمثل هذه القصص من قبل ؟؟
- كيف تتصرف اذا مررت بمثل هذاالموقف ؟

للعلم فقد مررت بمثل هذا الموقف والحمد لله لم أخسر أي مبلغ لكن سيطرت على الموقف بشكل إيجابي ، ويمكن لأن الظروف ساعدتني في ذاك الوقت .

لكم مني أجمل التحايا .

فمان الله

صالح 48
03-04-2008, 09:35 PM
السلام عليكم
موضوع مهم جدا


- انت من النوع الذي يقف لمن هم على جوانب الطريق ؟




الحمد لله ، مستحب قضاء حاجة المؤمن



- تجد الأمر مبالغ فيه ، ولا توافق على ما ذكر في الموضوع ؟





لا ، الأمر ليس مبالغ به فهو واقع

و للأسف أصبحنا في زمن ، تسيئ الظن بالجميع حتى يثبت العكس




- الم تسمع بمثل هذه القصص من قبل ؟؟





سمعت بمثلها ، و بأفظع منها



- كيف تتصرف اذا مررت بمثل هذاالموقف ؟





إذا وقعت بهذا الموقف ، لا أعطيها شيئا

بل بقول لها روحي إشتكي
و بكون بموقف أريها اني مسيطر على الوضع و مش خايف
(و بعدين بلبنان التحرش مش عيب هههههههههههه )
يعني حتى لو إشتكت عليّ بيكون الحق معي انا
لأنو البنات في لبنان معروفين
الله يجيرنا


و السلام

سيناريو
03-05-2008, 05:29 AM
لأن الشرف أغلى ماعندنا ونفضل الموت على أن يخدش ...


ولأن قضاء حاجة المؤمن مايسعى إليه المؤمنون المتسابقون للخيرات

أرادوا بهذا أن يشوهوه بهذه الطريقه البشعة!!!!!!!!!!!!!!!!!!

زماااااااااان تعمل خير وتقطه بحر وتنساااااااااااااااه

لكن الحين
قبل لاتعمل خير تحسب له ألف حساب ويقطوووووك في البحر ولاتنسااااااااااه
ويمكن تندم عليه ....

القصة بالضبط صارت لجارنا وبدل ماأحرجته أحرجها قدام أصحابه وطلعت من السيارة متفشلة
هو كان راجع لسيارته من سوق السمك والظاهر ماكانت مقفله السيارة
أوكان يجيب أغراض !!
مادري شو السالفه بالضبط بس سيطر على الموقف

ومثل ماقلت خيووووه حسب الظروف
يمكن الموقف يصير مع واحد ثاني في منطقة غيورة وحساسة جداً
والظروف كلها ضده وهذاك مايعرف يسيطر ولايتصرف راح فيها
يايدفع أو سجن بجريمه .....


اتهام الناس في أعراضهم
واستغلالهم بهذا الاستغلال الرخيص والحقير وهم بريئين منه
تفكير مادي$$ دنيوي كقطاع الطرق على الناس ....
يرهبونهم ويهددونهم مقابل الأمان والستر.....


يعني الحل أنك ماتوقف لأحد

بس شوف هذي قصة جارانا في حاله لاوراه ولاقدامه مايشوف
الا مره في سيارته داخله لاأحم ولادستور
يعني حتى الواحد في حاله وماله شغل بالناس
تصير له مواقف أعوذ بالله محرجه من ناس إيمانها ضعيف وانتهااااااازية ....

المشكله لما الواحد يشوف مثلاً عجوز أو مرة روحها مستضعفه
يحب يساعد ويقضي حاجه
بس
الزمن تغير ماتدري هالمرة شتسوي يمكن تطلع ارهابية بعد وانت ماتدري عنها ...

حتى أصحاب الميكروباصات المفروض ينتبهوا لهذي النقطة المهمة
أنه مايركب وحده في الباص تتصل عليه حتى أشوف بعضهم يجيب معاه مرته أو أخته قدام...


لاحول ولاقوة إلا بالله
أخوي أبو زين
أشكرك جزيل الشكر على التحذير والموضوع الغاية في الأهمية .....

يعطيك ربي ألف صحة وألف عافية.....

ملكة سبأ
03-05-2008, 09:58 AM
- انت من النوع الذي يقف لمن هم على جوانب الطريق ؟
اني لما اكون مع زوجي في السيارة وأشوف حرمة واقفة محتاجه سيارة سواء في مستشفى او أي مكان آخر أطلب منه توصيلها إذا وقته يسمح .يعني اقول الوحده في مجتمعنا وبين اهلها ماتضيع .
- تجد الأمر مبالغ فيه ، ولا توافق على ما ذكر في الموضوع ؟
كنت اتصور انه مبالغ فيه لكن ثبت انه واقع أليم
- الم تسمع بمثل هذه القصص من قبل ؟؟
فقط قرأت عنها في أحد المنتديات
- كيف تتصرف اذا مررت بمثل هذاالموقف ؟
احط نفسي مكانكم لو اني رجال وتعرضت للموقف هذا .على طول أوقف السيارة وأفتح الباب واصرخ عليها بصوت عالي عشان تنزل .هو الموقف حقيقة صعب الواحد يخاف على سمعته لكن هالأشكال ما يستحون وجبناء في نفس الوقت لو سويت لها هذه الحركة راح تنزل على طول وهي مرعوبة


للعلم فقد مررت بمثل هذا الموقف والحمد لله لم أخسر أي مبلغ لكن سيطرت على الموقف بشكل إيجابي ، ويمكن لأن الظروف ساعدتني في ذاك الوقت .
قول لنا ابو زين كيف تصرفت وخرجت من هذا الموقف


لكم مني أجمل التحايا .
ولك منا اصدق التحايا وكل الشكر والتقدير طرح جدا رائع ويعالج مشكلة لربما تستفحل


فمان الله

في أمان الله

فرح
03-05-2008, 11:10 AM
- انت من النوع الذي يقف لمن هم على جوانب الطريق ؟
بجد انامن الناس الاماتؤيد ان المرأه تركب مع اي شخص
ماتعرفه اوحتى تعرفه وما تقرب له مستحيل اركب معاااه لو فيني الموت
لاوبعد في الشارع واقفه وانتظر اركب مع انسان ما اعرفه نهائي
لالالالا..
- تجد الأمر مبالغ فيه ، ولا توافق على ما ذكر في الموضوع ؟
ليس مبالغ فيه وكل شي يصدق في مجتمعنا للأسف
- الم تسمع بمثل هذه القصص من قبل ؟؟
سمعت عنها وكنت ما اصدق الاينقال كنت اقول انها زياااده
بس سمعت عن واحد مر بهيك وصابته جلطه اعوذبالله
من هيك بشر ..
- كيف تتصرف اذا مررت بمثل هذاالموقف ؟
يعني ياخيي تخلينا نتصور نفسنا نسوووق:embarrest::toung: ههههه
بجد لو انا رجااال وانا ع مثل ما انا عليه من هالعناااد
ماتفلح معااااي ..بجد المرأه مهما حاولت تظهر قوتها في اشياء
في بعد اشياء المراه عندها غااااليه واغلى من كنووووز العااالم
الا اذا كانت بايعتها وما يهما عفتها هذا شي ثاني
والباب الايجي منه الريح سده واستريح
لااقف الى نساء بغير محرم ابد ..
وبعدين في لموزين مكروباص تاكسي يعني موكل مره اسلم منها




مشكوووور اخوووي ابو زيــــــــــن
ع الطرح الرااائع ربي يحفظك من كل شر
ولايحرمنا هالنشااااط الحلووو منك
اجمل الامنياااات لك بالتوفيق

واحد فاضي
03-06-2008, 02:19 AM
أخي الإسلام الحقيقي

السلام عليكم
عليكم السلام ورحمة الله وبركاته
موضوع مهم جدا
وتواجدكم مهم أيضاً

اقتباس - انت من النوع الذي يقف لمن هم على جوانب الطريق ؟
الحمد لله ، مستحب قضاء حاجة المؤمن
بالتأكيد أخي مستحب قضاء حاجة المؤمن
لكن في بعض الظروف وفي حال الشك هلى ستؤدي قضاء هذه الحاجة الى مضرة على الشخص يجب على الشخص أن ينتظر ( يضرب فرامل )هههه



اقتباس - تجد الأمر مبالغ فيه ، ولا توافق على ما ذكر في الموضوع ؟
لا ، الأمر ليس مبالغ به فهو واقع

و للأسف أصبحنا في زمن ، تسيئ الظن بالجميع حتى يثبت العكس
وهذا ما يميز زماننا
لابد من أخذ الحيطة والحذر في كل تعاملاتنا


اقتباس - الم تسمع بمثل هذه القصص من قبل ؟؟
سمعت بمثلها ، و بأفظع منها
الله يعين أصحاب تلك القصص جميعاً


اقتباس - كيف تتصرف اذا مررت بمثل هذاالموقف ؟
إذا وقعت بهذا الموقف ، لا أعطيها شيئا

بل بقول لها روحي إشتكي
و بكون بموقف أريها اني مسيطر على الوضع و مش خايف
(و بعدين بلبنان التحرش مش عيب هههههههههههه )
يعني حتى لو إشتكت عليّ بيكون الحق معي انا
لأنو البنات في لبنان معروفين
الله يجيرنا
أييييييييه عندكم بلبنان غييييير يا خوك
وعندنا إحنا تصير بلاوي في مثل هالمواقف
يعني الواحد مسكين يتكفففففففففففخ تكفففففففففخ بسبب هالشي
والبنت مصدقه والولد مكذب مكذب مكذب
ولا يقدر هو اللي يصرخ ههههههههه
لأن متكفخ يعني متكفخ خخخخخخخخخخ



و السلام
عليكم السلام ورحمة الله وبركاته

أسعدنا تواجدكم وإبداء الرأي

تحياتي

Abert Sapeel
03-06-2008, 02:36 AM
انت من النوع الذي يقف لمن هم على جوانب الطريق ؟
يقولون سو خير وارميه البحر ، لكن إذا سيصيبني سوء من جراء هذا الخير ، لا أريده
فالله سبحانه وتعالى لا يرضى بأن نرمي أنفسنا بالتهلكة
وأوصي كل من لديه سيارة ويرى أناس على جانب الطريق لا يعرفهم شخصيا وكان الوقت متأخر بالليل ، لا يقف لهم ويركبهم معاه
اقتباس - تجد الأمر مبالغ فيه ، ولا توافق على ما ذكر في الموضوع ؟
الأمر غير مبالغ فيه ، فهو يقع كثير




- الم تسمع بمثل هذه القصص من قبل ؟؟
سمعنا وقرأنا عن قصص أزيد من هذه القصص ، أناس تريد أن تمد يد العون والمساعدة لوجه الله تعالى
لكنها تجد نفسها تقع في مشاكل كبيرة ، والله هو المعين




كيف تتصرف اذا مررت بمثل هذاالموقف ؟


وكأني : لا أرى ولا أسمع ولا أتكلم



شكرا للأخ واحد فاضي
على الموضوع المليان بالعبر والاعتبار

واحد فاضي
03-06-2008, 02:47 AM
خيتي سيناريو حياش الله


لأن الشرف أغلى ماعندنا ونفضل الموت على أن يخدش ...

بالتأكيد خيتنا ما فيه أعظم من الشرف بالنسبة للبنت أو الولد

ولأن قضاء حاجة المؤمن مايسعى إليه المؤمنون المتسابقون للخيرات
أرادوا بهذا أن يشوهوه بهذه الطريقه البشعة!!!!!!!!!!!!!!!!!!
زماااااااااان تعمل خير وتقطه بحر وتنساااااااااااااااه
لكن الحين
قبل لاتعمل خير تحسب له ألف حساب ويقطوووووك في البحر ولاتنسااااااااااه
ويمكن تندم عليه ....
وهذه بلية البلايا
يعين قبل الواحد ما يفكر يسوي أي شي لازم يحسبها صح
ولا يفكر في هالزمان إنه يتسبب لروحه بمشكله من لا شي
وبصراحه أنا أعتبرها مجازفة أنو الواحد يوقف لأي أحد على الطريق العام

القصة بالضبط صارت لجارنا وبدل ماأحرجته أحرجها قدام أصحابه وطلعت من السيارة متفشلة
هو كان راجع لسيارته من سوق السمك والظاهر ماكانت مقفله السيارة
أوكان يجيب أغراض !!
مادري شو السالفه بالضبط بس سيطر على الموقف
زين سوى هالشي بس مع الأسف الكثير الكثير من الأشخاص
حصلت ليهم هالسالفه والقليل نجو منها بأقل الأضرار

ومثل ماقلت خيووووه حسب الظروف
يمكن الموقف يصير مع واحد ثاني في منطقة غيورة وحساسة جداً
والظروف كلها ضده وهذاك مايعرف يسيطر ولايتصرف راح فيها
يايدفع أو سجن بجريمه .....
أي والله خيتي في بعض الأحيان زي ما قلتي
هوه الل يدفع الثمن سواء بالسجن ولا الدفع
ولا ....التكفيييييييييييخ والإهانااااااااات
والناس ما تعذر لأن الناس تاخذ بالشبهه

اتهام الناس في أعراضهم
واستغلالهم بهذا الاستغلال الرخيص والحقير وهم بريئين منه
تفكير مادي$$ دنيوي كقطاع الطرق على الناس ....
يرهبونهم ويهددونهم مقابل الأمان والستر.....
هذا بالضبط ما أريدد الوصول اليه
يعني هذا هو الأرهاب وقطاع الطرق المتواجدون بيننا
واللاعبون بالأعراض والمتاجرين بالشرف
يعني الحل أنك ماتوقف لأحد
وهذا هو الحل الأكيد
يعني ريح بالك من البداية وعلى قولتهم
إقطع عرق وسيح دم
يعني اللي واقف على الطريق موجود اله تاكسي ولا ميكرو باص
ومو من مهامك انك توصل أحد
تقدر تسوي خير في الجيران ...الأصحاب ....وغيرهم من المأمونين
بس شوف هذي قصة جارانا في حاله لاوراه ولاقدامه مايشوف
الا مره في سيارته داخله لاأحم ولادستور
يعني حتى الواحد في حاله وماله شغل بالناس
تصير له مواقف أعوذ بالله محرجه من ناس إيمانها ضعيف وانتهااااااازية ....
المشكله لما الواحد يشوف مثلاً عجوز أو مرة روحها مستضعفه
يحب يساعد ويقضي حاجه
بس
الزمن تغير ماتدري هالمرة شتسوي يمكن تطلع ارهابية بعد وانت ماتدري عنها ...
أي والله هالزمن مع الأسف صار زمن ( اللاطيبه ) يعني الواحد يصير على طول في هالمواقف في موقف الحذر الشديد
ويأخذ إحتياطاته من كل الطرق
حتى أصحاب الميكروباصات المفروض ينتبهوا لهذي النقطة المهمة
أنه مايركب وحده في الباص تتصل عليه حتى أشوف بعضهم يجيب معاه مرته أو أخته قدام...
وهذا المفروض اللي يصير خصوصاً مع الشباب
وخصوصاً في الأوقات المتأخره من الليل

لاحول ولاقوة إلا بالله
أخوي أبو زين
أشكرك جزيل الشكر على التحذير والموضوع الغاية في الأهمية .....


يعطيك ربي ألف صحة وألف عافية.....


خالص تحياتي لتواجك الرائع خيتي

رحم الله والديش

فمان الله

واحد فاضي
03-06-2008, 03:03 AM
خيتي ملكة سبأ مرحبتين
- انت من النوع الذي يقف لمن هم على جوانب الطريق ؟
اني لما اكون مع زوجي في السيارة وأشوف حرمة واقفة محتاجه سيارة سواء في مستشفى او أي مكان آخر أطلب منه توصيلها إذا وقته يسمح .يعني اقول الوحده في مجتمعنا وبين اهلها ماتضيع .
ما فيه مشكله خيتي اذا كنتي مع الزوج يعني حتى لو وحده فيها لفه ودوره ما بتقدر تتكلم اذا كانت الوحده مع زوجها في السياره


- تجد الأمر مبالغ فيه ، ولا توافق على ما ذكر في الموضوع ؟
كنت اتصور انه مبالغ فيه لكن ثبت انه واقع أليم
واااااااااقع اليم بكل ما في الكلمة من معنى


- الم تسمع بمثل هذه القصص من قبل ؟؟
فقط قرأت عنها في أحد المنتديات
وهذا قليل من اللي ظهر
اتذكر واحد من الزملاء في العمل
سمعنا نتكلم عن هالموضوع دخل علينا عرض
ويقول فيه مره أخوه رايح الخبر يشتري أغراض للكمبيوتر وهوه راجع جت اله حرمه في مواقف السيارات وطلبت انه يرجعها الى الدمام ( ويكسب أجر) وفي الطريق ما سمعها الا تقول له شوف أني أعرف ان اليوم رواتبكم تنزل وما بيخليني ما أفضحك الا نص راتبك ولا تقول لي ما عندك
يقول من الحر اللي أصابه قام يزخ عررررقااااااااااات لين قام كل شي فيه ينقط
وقال ليها بس أنا ما جبت وياي البطاقه وبا أخلي ولدي يطلع ليي البطاقه
واتصل على واحد من الشباب واللي عنده حوش على الخط السريع
وكأنه يكلم ولده وفجأه ما شافت الا هوه ما سك خط الرياض وطالع بر
وقامت تصارخ وهوه يضحك عليها ويقول ليها شوفي صارختي ولا ما صارختي
أنا قاضي عليش اليوم ولا بيردني شي عن قتلش ، ولا كل الفلوس اللي عندش جيبيهم ...يقول تفاجأت يوم طلعت لي 3000آلآف ريال وعطتني وياهم
وتقول هذي حصيلة شغل صباح واحد بس
وبعدين اتصل على أخوه وقال له تعال انت معى بنتك وركبوها معكم وودوها لأقرب محطة بنزين
- كيف تتصرف اذا مررت بمثل هذاالموقف ؟
احط نفسي مكانكم لو اني رجال وتعرضت للموقف هذا .على طول أوقف السيارة وأفتح الباب واصرخ عليها بصوت عالي عشان تنزل .هو الموقف حقيقة صعب الواحد يخاف على سمعته لكن هالأشكال ما يستحون وجبناء في نفس الوقت لو سويت لها هذه الحركة راح تنزل على طول وهي مرعوبة
والله ياخيه هذولا على قولتهم قويين عيون
ولا يستحوا بالمره ومو بعيد يقوموا يصرخوا هم بعد وتصير
فضيحه للرجال هوه في غنى عنها
ونظرات وكلام الناس ما ترحم


للعلم فقد مررت بمثل هذا الموقف والحمد لله لم أخسر أي مبلغ لكن سيطرت على الموقف بشكل إيجابي ، ويمكن لأن الظروف ساعدتني في ذاك الوقت .
قول لنا ابو زين كيف تصرفت وخرجت من هذا الموقف
ما فيه مشكله راح أجيب الموقف ان شاء الله

لكم مني أجمل التحايا .
ولك منا اصدق التحايا وكل الشكر والتقدير طرح جدا رائع ويعالج مشكلة لربما تستفحل
خالص تحياتي للتواجد الكريم لخيتنا ملكة سبأ

فمان الله

في أمان الله

فمان الله

خالص تحياتي للتواجد الكريم

سلام

واحد فاضي
03-06-2008, 03:15 AM
خيتي أم حمزه حياش الله
- انت من النوع الذي يقف لمن هم على جوانب الطريق ؟
بجد انامن الناس الاماتؤيد ان المرأه تركب مع اي شخص
ماتعرفه اوحتى تعرفه وما تقرب له مستحيل اركب معاااه لو فيني الموت
لاوبعد في الشارع واقفه وانتظر اركب مع انسان ما اعرفه نهائي
لالالالا..
مزبوووووووووووط وتصرف صحيح 100% يعني لو صار العكس وتحرش السواق بالبنت اللي واقفه على الشارع شو راح تسوي وخصوصاً ان فيه ناس مو أوادم ....الا وحوووووووووووووووووش آدمية
- تجد الأمر مبالغ فيه ، ولا توافق على ما ذكر في الموضوع ؟
ليس مبالغ فيه وكل شي يصدق في مجتمعنا للأسف
الأمر هذا طبعاً موجود في جميع المناطق وأغلب المناطق مع الأسف
- الم تسمع بمثل هذه القصص من قبل ؟؟
سمعت عنها وكنت ما اصدق الاينقال كنت اقول انها زياااده
بس سمعت عن واحد مر بهيك وصابته جلطه اعوذبالله
من هيك بشر ..
الله يعافيه ان شاء الله
والله هالشي مو بس يجيب الجلطه الا الموت لا سمح الله
وخصوصاً اذا الواحد طول عمره ملتزم ويصير له مثل هالموقف
يستجن ويطير عقله
- كيف تتصرف اذا مررت بمثل هذاالموقف ؟
يعني ياخيي تخلينا نتصور نفسنا نسوووق:embarrest::toung: ههههه
يعني هههههههههه:wink:
بجد لو انا رجااال وانا ع مثل ما انا عليه من هالعناااد
ماتفلح معااااي ..بجد المرأه مهما حاولت تظهر قوتها في اشياء
في بعد اشياء المراه عندها غااااليه واغلى من كنووووز العااالم
الا اذا كانت بايعتها وما يهما عفتها هذا شي ثاني
والباب الايجي منه الريح سده واستريح
لااقف الى نساء بغير محرم ابد ..
وبعدين في لموزين مكروباص تاكسي يعني موكل مره اسلم منها
وهذا الفعل الصحيح يعني الحين التكاسي والميكورباصات
منفره والواحد يتعرقل بهم
الله يرزقهم ان شاء الله
ليش الواحد يبلي روحه ، مع الأسف الزمان تغير مو مفلات لول

مشكوووور اخوووي ابو زيــــــــــن
ع الطرح الرااائع ربي يحفظك من كل شر
ولايحرمنا هالنشااااط الحلووو منك
اجمل الامنياااات لك بالتوفيق
تواجدك خيتي أسعدنا
لك مني خالص التحياتي للتواجد الكريم

فمان الله

عفاف الهدى
03-07-2008, 08:12 AM
السلام فعلا الموضوع مهم

اني بالنسبة اليي كنت اايد ان اخواني بوقفوا الى وحدة نمر عليها
لكن الحين والف لا
من هالمصايب الي انشوغها
بس لو كانت هاوجدة نعرفها ما في اشكال لو وصلناها رحمة والدين
واذا كان مع اخواني احد منا بالسيارة لو وقف لحرمة وركبها بس لحاله لا
من كثر البلاوي الي نسمعها
راح اذكر عدة مواقف صارت مع اخواني:
هاديك الفترة سمعنا عن ان واحد ركب وحدة يوصلها وبعدين اتهمته و....وعرفنا المرة هادي على الشوشرة الي سوتها /////////// ومرة كنا رايحين شقة اختي نتغدى في عز الظهر وديك اليوم غبرة ويوم وصلنا الا هادي مرة تمشي مع بناتها في الهوى والغبرة ثلنا الى اخويي وصلها حرام جهال وكدا والا هي جاية تركض جهة السيارة فقلنا بسرعة اذا قالت لك وصلها وصلها مع زوجتكوراحوا وصلوا والحمد لله سلامات لكن طلعت نفس ديك المرة الي سوت البلبلة
( وطبعا هالمرة متجاهرة بالفسوق )
طيب ومرة ثانية اخوي مع ولد اخوي كانوا رايحين يجيبوا زوجته من المعاريس وتجي مرة شوية كبيرة واتقول له وصلني والوقت متأخر قال ليها ما اقدر اصرت وركبت واطر انه يوديها
بس المرة الثالثة انصاد اخويي وكان لحاله وقفته وحدة قالت له ابغاك اتودي مستوصف ........وقال ليها ان شاء الله وركبت اشوي قالت له دقيقة بنزل الخياط قبل لا يسكر وبعدين قالت بتمر ما ادري وينه وبعدين وصلها المستوصف
يمكن مثل هالمرة ما عندها مواصلات ورحمة والدين بس يمكن اتكون هي خبيثة ويمكن الي تركب معاه يكون خبيث
لأن الدنيا ما هي بخير هالأيام
ورحمة الوالدين يبغالها دراسة قبل لا تقدم عليها

ويسلموا

ريام البراري
05-15-2008, 09:27 PM
انت من النوع الذي يقف لمن هم على جوانب الطريق ؟
تffصراحةفي وقتنا الحالي وخصوصا في العراق مستحيل لا انا ولا غيري نقف لشخص في الشارع مهما يكن ضرفه جد الأمر مبالغ فيه ، ولا توافق على ما ذكر في الموضوع لا ابدا غير مبالغ فيه بل هذا شيء بسيط لما يوجدج حاليا ياريت عالنقود كان سهله جدا
الم تسمع بمثل هذه القصص من قبل كيف تتصرف اذا مررت بمثل هذاالموقف ؟بلا سمعت بهكذا مواقف بل واتعس
اما عن نفسي فكيف اتصرف في مثل هكذا مواقف فمع الاسف اتركهم وبسرعه واخلص بنفسي والله اعلم بما في النفوس

أمل الظهور
05-16-2008, 02:27 AM
- انت من النوع الذي يقف لمن هم على جوانب الطريق ؟

لا ابد مانوقف لحرمه ولا رجال مانعرفهم

اممم الحين انا حريم اعرفهم بس موذاك الزود معاهم بس اعرف حركاتهم مو اوكي

ضحك ومسخره وتعليقات ونظرات مو اوكي بالسياره او ماارتاح اذا اركبوا

معانا او لبسهم اعوذ بالله

اتعذر لهم ....او اوصلهم بس مايوصلوا الا وهم جثث :rocket:

<ول علي طلعت ارهابيه:embarrest:


او انا صايره بركان من القهر والغيظ :ranting:

كيف بعد من الباب لطاق ونركبهم يتروالي تهور ومجازفه


- تجد الأمر مبالغ فيه ، ولا توافق على ما ذكر في الموضوع ؟

يمكن لو نسمع بزمان غير زمانا ماصدقنا

بس بهالزمن نصدق مع كل اسف

- الم تسمع بمثل هذه القصص من قبل ؟؟

مثل هالموقف ماسمعت

- كيف تتصرف اذا مررت بمثل هذاالموقف ؟

هههههههههههههه الصراحه ..بروح فيها ملح ..والفاتحه على روحي


انا وحده خوافه حتى من ظلي وتجيني وحده تقول جيبي فلوس مدري ويش


انا ماراح اعطيها فلوس بس... بعطيها عمري من الخوف



لكم مني أجمل التحايا .


فمان الله





والله زمن يخوف


الله يستر علينا منه


تسلم اخي ابو زين على الموضوع


وعلى القوه

الاسد الثائر
05-16-2008, 09:57 AM
بسم الله الرحمن الرحيم





- انت من النوع الذي يقف لمن هم على جوانب الطريق ؟
طبعا انا لست ممن يقفون ولا يشجعون على مثل هذه التصرفات
- تجد الأمر مبالغ فيه ، ولا توافق على ما ذكر في الموضوع ؟
لا الامر حقيقي وما في شي بيجي من فراغ
- الم تسمع بمثل هذه القصص من قبل ؟؟
سمعت بكثرة
- كيف تتصرف اذا مررت بمثل هذاالموقف ؟
ليس من مهامي ان انقل الاخرين الا اذا كنت اعرفهم حق المعرفة فقط




شكرا للموضع الحلو
فذكر ان الذكرى تنفع المؤمنين
تقبل مروري المتواضع

نجمه سهيل
06-10-2008, 01:58 AM
مشكور أخوي على الطرح الحلو

هذا الموضوع زائد في الفترة الأخيرة

بس لو كنت في مثل هذا الموقف (خسارة مانسوق سيارات)

لازم ما نوقف لأي أحد لأن هذا الزمان مو مثل الأول

علي pt
06-22-2008, 11:20 AM
ابدأ بهذه الكلمة
الشين يخرب على الزين ..
كنت ممن يقف للناس بالطريق ..
ونقول سوي خير وقطه بحر - طبعا من قبل كنت أقف إذا كانت امرأة محتشمة .. وطبعا مو بكل الأوقات .
حاليا لا أقف إلا لي رجالا ووجوهم مألوفة - وجوه خير .
لأن سمعنا عن مشاكل حصلت مع أناس كثيرين .
أذكر بإحدى الليالي وكانت السماء ممطرة وكنت بصحبة أخي وشفنا أحدهم يمشي والمطر يهطل وقفنا له ويوم ركب طلع الرجال سكران ورايح فيها - وصلناه لأقرب نقطة لوجهته المشبوهة ونجينا بجلدنا .

وبالصراحة أنا شخصيا حتى لو كنت متعطل ما أسوي هالحركات ولا حتى أركب تكسي .. الله يخلي الأصحاب والأخوة .
بس أذكر موقف كان يوم 10 محرم كنت راجع من اختبار برفقة اثنين من الزملاء ودق الجير - وتعطلت السيارة بالطريق واحنا لسة طالعين من الجامعة اندور بالاتصالات يمين يسار - مافي احد مداوم - صحيح واحد عرض انه يجينا من البلد - بس ماحبيت نتعبه .
ندور تكسي ولافي وكان وقت ظهيرة بعد مدة مو قصيرة وقف لنا واحد كان هو من الدمام وقفنا عند آخر اشارة بالدمام وقال اهني تشوفو اهل القطيف . مايقصرون - بالفعل تونا نازلين وكنا مسودين - وقفو لنا اثنين جميع الله يجزاهم خير حتى اللي ركبنا معاه رجع مسافة لنا .
‏(‏ لو خليت لخربت )
مو كل اللي يوقفوا بالشارع مو زينين >> ومو كل أصحاب السيارات زينين

آسف .. هدرت واجد

ياجرح
06-22-2008, 01:30 PM
- انت من النوع الذي يقف لمن هم على جوانب الطريق ؟

بعض الأحيان أتمنى اوقف خصوصا اذا كانت مره واحيانا يكونون صغار بس مستحيل اسويها

- تجد الأمر مبالغ فيه ، ولا توافق على ما ذكر في الموضوع ؟

بالعكس سمعنا الي يشيب الراس والموضوع ما في مبالغة ولهالسبب ما نآمن

- الم تسمع بمثل هذه القصص من قبل ؟؟

قصة مرة تطالب بفلوس اول مرة اسمع بس القصص مشابههة نوعا

- كيف تتصرف اذا مررت بمثل هذاالموقف ؟

الله المعين
اكيد بعطيها الي تبغي من فلوس لأني احس بكون ذاك الوقت ميتة من الخوف :embarrest:

عاشق السيستاني
07-23-2008, 02:12 PM
يالخوي (( واحد فاضي )) انا عن نفسي احبب مساعدة الناس (( الناس لناس والكل بالله )) ولكن لو يصير ليي موقف كدا مأعطيها ولا شي عساها لو تجمع عليي الدنيا كلها ولو زادتها وياي غير ايصير شي مو طيب (( اشلخ بدنها رفيس وبكوووس )) وادري في ناس مايعجبوا بردي ولكن هذي وجهت نظري

أُخرىْ
07-23-2008, 08:18 PM
- انت من النوع الذي يقف لمن هم على جوانب الطريق ؟
لو كنت أنا مع واحد من أهلي,,يمكن لا مانوقف حتى وإن كانت حرمه,, التكاسي ماليه البلد,, والشوارع مو فاضيه اكيد يشوفوها,,وصاار اكثر من مره اكون مع اخوي ونشوف حريم واقفين بس مستحيل يفكر يوقف لهم
- تجد الأمر مبالغ فيه ، ولا توافق على ما ذكر في الموضوع ؟ ابداً.. هذا الزمن صار زمن الرعب,,عااادي كل شي يصير
- الم تسمع بمثل هذه القصص مين قبل ؟؟
يمكن سمعت من زمااان يعني مو في منطقتنا,,بس اذكر اني سمعت مثل هالقصه
- كيف تتصرف اذا مررت بمثل هذاالموقف ؟
لو كنت أسوق << لازم أفكر بنفسي اول..
اخد الحرمه من عبايتها وارميها في الشارع << رجال مو بنت,,:amuse:
صج,,لو انا في هالموقف مستحيل أخظع للتهديدات وين قاعدين احنا في فيلم أجنبي,,أكيد بحاول اتفادي اي ضرر وبحاول اني اطلع من المشكله بدون ضرر,,وأكيد مابخضع للتهديدات لان هالاشخاص مايسوون كدا الا للضعف
نفوسهم,,شي بسيط يخوفهم, واكيد مابيصير كل من هذا لاني مستحيل اوقف لاحد,,<< خليتني اصدق اني اسووق :wacko:



الله يحمي,, الجميع,, من شر نفوس هالمرضى
والله يوفقك,,خيو,,
دمت بحفظ الرحمن