ندبة الحوراء زينب لأخيها العباس ع

[ريحانة الحسين]

http://www.qatifona.info/designs/qatifonablue/misc/singnature.gif


وين سبع الگنطره **** وين راعي الرايه
من تولوني صحت **** وينك عباس


وين أبـو فاضل تصيح العيله والمدمع هلي
لاخـدر خلو علينه ولا معين ولا ولـــي
بس عليل وفـوگ علته بالحرم ضـل مبتلي
والشمر سوطه اعله متني وآنه زينب بت علي
وياك ﭽنت مخـــدره بزودك مكفايه
وين عن عيني رحت يا ابو النوماس

صحت ياليث الحرايب لــون تنظر حالتي
محيره بعيله وغريبه ومــن يجمع عيلتي
نجمعت علينه العساكر وآنه اصيحن يخوتي
يالجبتني مــن المدينه ما تهـزك نخوتي
آنه يا بن والدي بيدك مودايه
نجمعت بطف كربله علينه الارجاس

وين يا بـدر الهواشم خويه عن عيني غبت
محيره عفتوني وحدي وبالعــيال تحيـرت
حــرم واطفال وعليل البيهم آنـه تمحنت
خويه من عظم المصيبه وين ابو فاضل صحت
لن يكلولي جفيلج فوگ المسنايه
بزودك آنه يا كمر ما طخن الراس

ﭽن نطق راس الكفلني وصاح يا خويه اعتذر
خويه اعذريني الچفوف تگطعن مني بغــدر
واني لسه اعله الكفاله وياچ يا ام الخـــدر
راسي يبرالچ يزينب دونچ آنه شأنتظــــر
اني بن حيدر علي و اسمع النخايه
شلون اصبر واليتامه تصيح عباس

والنعم منك تگلــــــه انته بن حامي الحمه
عالهزل مچتوفه ترضه وآنه مهجت فاطمــــه
ردتك لهــــل يوم خويه تطفي ناري المضرمه
وصحت وينك يبو فاضل بالمصيبه محزمــــه
بيك ضلت رجوتي وخوتك وفايه
وانته ما ترضه الخدر يا خويه ينجاس


http://www.qatifona.info/designs/qatifonablue/misc/singnature.gif