عاااجل:أرصاد الشرقية : درجات الحرارة تلامس الصفر

[عاشق النجف]

أرصاد الشرقية : درجات الحرارة تلامس الصفر
فيصل السعدي ـ الدمام
توقعت مصلحة الأرصاد الجوية بالمنطقة الشرقية استمرار هبوب الرياح الشمالية الغربية النشطة على المنطقة الشرقية حتى يوم الأربعاء المقبل وسينعكس اتجاهها لتكون جنوبية شرقية وجنوبية غربية يومي الخميس والجمعة لتعود بعدها شمالية شرقية .
وستتراوح درجة الحرارة الصغرى بين درجتين وأربع درجات مئوية خلال هذه الأيام . وتتجه للارتفاع بدرجة أو درجتين يومي الخميس والجمعة , على أن تعود لتواصل انخفاضها واستمرارها فوق الصفر بدرجتين تقريبًا بعد عودة الرياح الشمالية الغربية ابتداء من يوم السبت المقبل .
وأضافت الأرصاد ان السحب ستستمر بالتحليق في سماء الشرقية , مع احتمالية وجود غيوم وضباب يومي الخميس والجمعة.
وأوضحت أن هطول الأمطار أمر غير متوقع حتى نهاية هذا الأسبوع مع احتمالية نزول زخات قليلة متفرقة على المنطقة الشرقية و توقعت هطول أمطار غزيرة مع بداية الأسبوع القادم.
منقول
الله يكون في عون الجميعhttp://www.hasaprog.net/images/smilies/sm287.gif

[سيناريو]

والله بردانه


يسلمو على الخبر اللي يبرررررررد
الله يعطيك العافية اخوي عاشق النجف

[w_alwaheed]

يسلمووووو



الله يكون بالعووووون

[مناجاة الصابرين]

الله يكون في عون الجميع

بس تدرون
ما حسيت بالشتا الا هاليومين بس
لا ومو ذاك الزود

بس ما عليه
كنا نحلم نشوف ثلج وبردي
يمكن احلامنا تتحقق

اخواني خواتي... اعرف انكم بردانين وكلامي يخليكم تنفعلوا
بس احسن عشان تدفوا....<< بلا خفة دم الموضوع مو متحمل

خلاص لا تزعلوا
تقبلو موروي

[Sweet Magic]

الله يعطيك العافية اخوي عاشق النجف

[واحد فاضي]

ياااااااااااااااااسلام على البرد والفلج اللي يخلي الواحد يتقرقص >>>حلوه يتقرقص:toung:

أهم شي الواحد ينتبه الى صحته والى صحة اليهال في هالأيام

وعلى قولت حجي زين >>>لازم بابا تغطى بمناعتي ....>>الترجمه ( يعني لازم الواحد يتلحق زين بالبطانيه )هههه:toung:

وان شاء الله ينزل مطر حق تحلى طلعت البر .....خيمه ومنقله وكستن ولحم مشوي وشاي على الفحم :wink:
اممممممممممممممممممممممممممممممممممم

أحلى شي

تحياتي

[الفارسه الحسناء]

ززززززززززززززززززز
والله هذا مو برد ألا صرقيع

ما يمدينا نسوي شي

عظامتنا يبست

هذا لو وصلت درجة الحراره صفر ويش نصير

أخوي فاضي
صدق أنك فاضي في هالبرد تفكر تروح البر
زين الواحد يقدر يقوم من منامه


سلام

[واحد فاضي]

أخوي فاضي
صدق أنك فاضي في هالبرد تفكر تروح البر
زين الواحد يقدر يقوم من منامه




خيتي الفرسه الحسناء مرحبتين
فاضي ويش أسوي هههههههه
البرد عندي امممممممممممممممم

زي العسكريم وقت الحر

والبر اله نكهة خاصه

منقله وخشب وشوي على الفحم

وأهم شي الواحد يشيل معاه عدة التخييم

وخلي اليهال يلعبوا على الأرض براحتهم

سلام

[ملكة سبأ]

شكرا لك اخوي عاشق النجف لإيراد الخبر .
اخذا بالإحتيطات الازمة من مدافئ وملابس للأطفال وخلافه إستعداد للبرد لو قرصنا .




ياااااااااااااااااسلام على البرد والفلج اللي يخلي الواحد يتقرقص >>>حلوه يتقرقص:toung:

ابو زين هذا حالي مع السيد هو يقول لي الطقس بارد وأنا أقوله لا حلو مافي برد يقول لي إنتي ماتبردين.
شسوي الله خلقني أحب البرد واعشق المطر واخاف من الرعد ههههههههه:atkal:أبضايي

[اللؤلؤ المكنون]

وااااااااااااااااااااو
برد اهئ اهئ اهئ
يعني زيادة على كدا
أنا في هالجو مو متحملة الأنفلونزا دابحتني

الله يكون في عوننا

[عفاف الهدى]

اهلين جماعة

البرد والمطر عندنا في البيت :weird:

ترى بيتنا مكشوف وكل شي عندنا

تراني اتنقل بالبطانية وين ما رحت

غير الشرابيين والشبشب

وبلوزتين واحيانا ثلاث

وسروالين وقبعة

:wacko::wacko:

متحزمة عدل الأخت

ولا ني شايخة

الله يكون بالعون

[EeMoOo®]

المفروض هالايام يصير عندنا سبات شتوي زي الدببة القطبية ومافي لادوام ولاغيره... الواحد استغفر الله يستثقل حتى الوضوء للصلاة ................. لكن ماعليه برضو البرد والشتا احلى واحلى .... خصوصا اذا صار الجو غييييييييييييييييييييييييم .... ياسلام .... جو شاعري وخيالي وكأنه حلم ... مع انه يسبب الاكتئاب لاكثر صديقاتي
يسلمو