شوفوا الفرق بين بنات أدبي وبنات علمي ؟؟

[توأم الفرح]

شوف الفرق بين بنات علمي وبنات أدبي..

بنات الادبي دايما مبتسمين ومفرفشين وشاقين الحلج من كثر الضحك ...
بنات العلمي دايما مكتئبين وماعندهم وقت يضحكون بس عندهم وقت يصيحون ...

بنات الادبي عادي عندهم يروحون المدرسة والا لا والافضل عندهم طبعا انهم مايروحون
لان مايحتاج احد يفهمهم اللهم يحفظون الكتاب ويروحون يسمعون اللي حفظوه ...

بنات العلمي اذا غابوا يوم عن المدرسه أو بس تأخروا يسوون سالفة مايخلون وحده ومايتصلون فيها يخلونها تشرح لهم وتفهمهم وياخذون الواجبات منها وعقبها يروحون يقعدون على راس المدرسات علشان يشرحون لهم مرة ثانية وعلشان يتأكدون انهم حصلوا كل المعلومات ومافاتتهم ولامعلومة ...
بنات الادبي يطلعون من الامتحان وهم شاقين الحلج لان ماتفرق معاهم الدرجات
بنات العلمي يطلعون من الامتحان يصيحون وعلى طول يفتحون الكتاب ويتاكدون من اجوبتهم وياويلنا لو في جواب والا نص جواب غلط على طول الدموع تنصب والوجه يصفر.. .


اذا شفت بنات دببة تأكد انهم بنات الادبي ماوراهم دروس ولا شغل الا الاكل و اذا شفت بنات يكسرون الخاطر عصاقيل شوي ويموتون تأكد طبعا انهم بنات العلمي المساكين دايما يذاكرون لدرجة انهم ينسون ياكلون ...

بنات الادبي وفي حصة الاحتياط يقعدون يلعبون أو يسولفون مع المدرسة أو يعيبون عليها وطبعا طايحيلك حش فيها أو في البنات ...
بنات العلمي في حصة الاحتياط طبعا مايفوتون أي حصة بدون دراسة تلقاهم يدرسون بنفسهم أو يروحون يدورون على مدرسة فاضية وينادونها علشان تفهمهم إذا في شي مو فاهمينه ...

بنات الأدبي دايما تشوفوهم منحاشين من مدرساتهم وقاصين حصصهم ويتمشون في ساحة المدرسة كأنهم على الكورنيش ...
بنات العلمي مانشوفهم في الساحة إلا وقت الفرصة ونادرا طبعا والمدرسات أهما إللي ينحاشون منهم بس لا مفر طبعا للمدرسات .. .

وقت الرحلات ما تلقى غير بنات الأدبي لأن بنات العلمي مو مستعدين يطوف عليهم شي من دروسهم


وتحياتي للجميع ...
تووو

[دلوعه]

مشكوووورة اختي على المشاركة الحلوة

بس كانه غلطتي عليهم مو لهالحد كل دراسه وحتى حصص الاحتياط نبي ندرس ترى كل شي ولا بنات العلمي (امزح خيوه)

في اشياء صح واشياء لالالالا

بس الادبي كل شي عنهم صح

اوكي خيوه بنتظار جديدك دومااااا

دمتي بحفظ الاله الجبار

[توأم الفرح]

زيارتك الاحلى خيتوووو ....

لاوالله خيتو الكلام صحيح مية بالمية وهذا الانشووفه احنا عندنا في المدرسة ...

يمكن انتو عندكم الوضع يختلف ..؟؟

تحياتي وتمنياتي لك ..

أختك .. توووم

[دلوعه]

هو في كلام صح مااعترض بس فيه بعد لا

انا علمي واعرف يمكن انتوا بالسعوديه غير

بس كلاهما تعب وعوار راس متى نخلص ونفتك

توام الفرح انتي علمي ولا ادبي؟

[توأم الفرح]

ههههههههههههههههه

انا علمي حبيبتي ..

صدقيني لو تشوفي بنات الادبي عدنا ماتصدقي انهم بنات تقولي اولاد ..

اول شي الكسالة ..

وثاني شي المشاغبة الزايدة عن حدها ..

وثالث شي الاصوات المزعجة ..

ووووو ..

بس تعالي شوفي بنات العلمي والله تشوفيهم مؤدبين ومهتمين والاغلبية شاطرين ..

بس قليل منهم كسلانين الا داخلين علمي بس عشان كشخة و و و ....

آسفة حبيبتي طولت عليك بس عشان تقتنعي بكلامي صح ...

تحياتي وتمنياتي لك ..

أختك ... توووووووم

[دلوعه]

هههههههههههههههه

صح هو الادبي مشاغبين عددددل وصراخ وحاله

والعلمي اكثر اهميه بالدراسه والاغلب شطار

على العموم خلاص اقتنعت بكلامج

[توأم الفرح]

ههههههههههههه

الحمد لله انك اقنعتي ..

ماقول الا الله يهدي بنات الادبي ..

سعدت بمرورك .. وتواصلك ..

تحياتي وتمنياتي لك ..

أختك .... تووووم

[سر الوجود]

هههههههههههههههها

بصراحه كلامش صح ميه بالميه

اني علمي وعانيت ماعانيت

ولاتنسي المساعدات الي يقدموها المعلمات لبنات الأدبي والدرجات ليهم بالهبل

[توأم الفرح]

والله صدقتي أختي في هذي ..

صحيح المدرسات دايماً يعطوا درجات بالهبل الى الادبي ودايماً يدافعوا عنهم ويقولوا مساكين ..

تشرفت وسعدت بزيارتك ..

تحياتي وتمنياتي لك ..

أختك ..... تووووم

[بيسان]

:( حرام :( :( :(


احنا مش كذا والله

في بعض البنات المستهترين اني معاكِ
بس مو كلهم

ولا كل بنات علمي مهتمين

سي يو

[بنوتة توتة]

اشلخ
كلام مايتصدق ولا يدخل العقل

العلمي والادبي الحال من بعضه هذا دراسه وهذا دراسه

مدري ليه بنات العمي شايفين روحهم

كانهم واثقين بيجبون نسبة واذا جابو نسبة واثقين بيدخلون مجالات زي الناس والله حاله


والله ويقهرون اذا قالو صعب ومش عارفه ايه كانهم مايدورن انه هالمواد صعبه


والله ناس بس وش نقول عدنا وعدكم خير يابنات علمي

[توأم الفرح]

أختي بيسان إحترامي لك وإحترامي لرأيك ..

أنا عارفة أنه بنات العلمي في مو كلهم مهتمين بس الأغلبية العظمى شطار ومهتمين

وأنا أتكلم عن الأغلبية والا نشووفه احنا في مدرستنا وفي المدارس الا في منطقتنا ..

أختي بنوته توته ..

أختي ماتعرفي تردي بأسلوب لبق ولطيف ..

أنا سبق وضحت للأخت بيسان أن كلامي صحيح 100% ..

مشكورين ..

يعطيك ربي الف عافية ..

تحياتي لكم .

تووووووووم

[بيسان]

اوكي انا معك ان بنات علمي اشطر واهداء بس المواد نفس شي في صعوبه

انتي بس درسي علم نفس وعلم اجتماع بتستجني

وغير الجغرافيا وايد المنهج وغير وغير

الله يساعد بنات "ادبي " وعلمي

وبتوفيق للجميع

[توأم الفرح]

أختي أنا مااتكلمت عن المواد ...

أحنا أسهل عدنا لأن فهم بس الحفظ صعب كتير وبياخد وقت طووويل عكس الفهم ..

والله يوفقق الجميع ..

تحياتي لك عزيزتي ..

توووووووووم

[(شمعتك أنا)]

:( :( لااااااااااااااا ماني ماني أني أدبي وشاطرة بعد وكل أدبي شطار ويذاكروا واجد مرة لانهم يبغى اليهم

حفظ موادهم مو مثل علمي يعتمد على فهم وخلاص وتصير الحكاية عندهم مثل اللعبة وهم يجاوبوا بصراحة كله

تظلموا بنات أدبي واللي لاحظته ان بنات علمي دلاليع على أقل درجة قاموا يصيحوا ،وبعضهم يدخلو علمي لانهم

يفتخروا بالعلمي على الادبي وهم زين اذا جاوبوا 1+1 وسلامتكم يالحلوين مو تزعلوا ياغناتي دا اللي الاحظه

مو تعميم بس يعني ...

تسلمي خيه توم على هالموضوع وموفقين دايما علمي وأدبي

أختكم(شمعتك أنا).

[توأم الفرح]

:( :(

حبيبتي الحين انتي ليش تصيحي انا ماقلت كلهم اغلبهم انتي تعالي مدرسة العوامية وشوفي البنات كيف ؟؟

بعدين عيوني العلمي بعد يبغليه وهذي مو دلاعة انهم يصيحوا على نص علامة هذا من زود الشطارة ولانهم يبوا يجيبوا

ليهم معدل لأن ليهم مستقبل ;) ..

الله يوفقك حبيبتي ويوفق بنات العلمي والادبي ان شاء الله ..

تحياتي وتمنياتي لك .

أختك ... توووووووووم

[بنوتة توتة]

ليه حبيبتي تووم مو عاجبك اسلوبي؟؟

كل وحدة داخل ادبي في دافع وكل وحدة داخلة علمي هم في دافع
في القسمين في الشطارة وفي الكسالة


واسفه اذا ازعجناك

تحياتي

توووتة

[القلب المرح]

السلام عليكم

انا القي رايي عن الموضوع بس ماليي دخل اذا احد زعل

لايوجد فرق بين العلمي والادبي فكلاهما لهما نجاح واحد ولهما رسوب واحد
ولانقول بان علمي افضل من الادبي وليس العكس لانه كل انسان يدخل المجال الذي يناسبه فالبعض يناسبه الادبي اكثر من العلمي فيدخل ويتفوق على من في العلمي وهم ليس مجالهم العلمي والعكس ايضا
فالعلمي يعتمد عالفهم اكثر والادبي يعتمد عالحفظ اكثر فكلاهما مفيد ولكن من يتقنهما جميعا فكل واحد وله شئ مخصص

يعني الكلام الذي قلتموه عن الادبي والعلمي ليس معضمه صحيح فانه فيه من الاشياء غير الصحيحه

وانا هنا ليس طالب ادبي فاني علمي فالعلمي افضل عندي من الادبي ولكن عند غيري لا فعندهم الادبي افضل من العلمي

وايضا الكثير من طلاب العلمي يتغيبون عن المدرسه وكذلك الادبي فالغياب لايعتمد عالمجال فالغياب يعتمد عالشخص نفسه وظروفه ومدى حبه للدراسه

وهذا مالدي ما اقوله هنا
وتقبلو من تحياتي..

[دمعه حزن]

السلام عليكم

انا اوافق الاخ القلب المرح فى كلامه

وكل واحد يدخل المجال الا يناسب ميوله ورغباته

وما تقدري تعممي على الكل هالكلام

وانا ترى ما لي علاقه لا بالادبي ولا بالعلمي

على العموم يسلموا على طرح الموضوع

الله يعطيك ألف صحة وعافية

والله يوفق الجميع

تحياتي
دمعه حزن

[توأم الفرح]

بنوته توته ..

القلب المرح ..

دمعة حزن ..

كلامكم صحيح 100% لكنكم خرجتم عن نطاق الموضوع ..

أنا أعلم وكلنا يعلم أن الشخص يختار القسم الذي يتفق مع ميوله ولكني لم أتطرق إلى هذا الأمر ..

بل كل ماطرحته هو تصرفات كلا من طالبات الأدبي والعلمي والتي نرها بأعيوننا في المدارس

وأيضاً إهتمامهم بالدراسة والنجاح ...

وأنا لم أكتب غير الحق والذي رأيته وسمعته ..

ومع احترامي لأراء الجميع ...

تحياتي وتمنياتي لكم جميعا ..

أختكم ......... تووووووووم

[My tears]

شدني عنوان الموضوع .. وقلت أعطيكم رأيي ..

مافي فرق بين علمي وادبي .. فكلهما يعاني منهم المراء ..

وعجبني رد اخي الكريم .. القلب المرح .. واضم صوتي له ..

وكل واحد وحسب ميوله .. وربي يوفق الجميع ..

تحياتي .. وشكري لكِ خيه تووم لأثارة الموضوع ..

أختكم .. My tears ..

[توأم الفرح]

أختي ماي تيرس مرحباً بك في صفحتي ..

أختي أنا أعلم جيداً أنه ليس هناك فرق بين القسمين لكن أختي أنا طرحت تصرفات الفتيات في كلا القسمين ومدى

اهتماماتهن في المذاكرة ..

أختي أتمنى أن تقرأي الموضوع مرة أخرى ..

تحياتي وتمنياتي لك ...

أختك ... توووووووم

[الولاء الفاطمي]

هلاا اختي توووم

اختي اني قريت كل الردور ورد الأخ القلب المرح صحيح
وإذا كان على المذاكره فمن يذاكر اكثر الأثنين حبيبتي انروح امواصلين لأن كل شي حفظ وفهم بعض المواد ما فيه شي مو حفظ وبنات الأدبي ما يسو اللي قلتيه بالعكس اني اشوف بنات العلمي بس اتصفر عندهم حصه صرخو الصريخ اللي عندهم واحنا اعظم موادنا لأن احنا الحين ندرس جغرافيا مال الجامعه وش حالنا زي الرياضيات الكتاب وش كبره وش الخرايط اللي فيه طبعاً غير علم النفس والأجتماع هذول بعد اعظم من الجغرافيا واني وبيسان وبنوته توته ونشوف وش اللي يصير ما اقول ما يسو ازعاج يسو بس حتى بنات العلمي في فصل واوافقهم الراي بنات الأدبي ما فيه راحه واجد يعني مو علمي احسن من ادبي ولا ادبي احسن من علمي اثنينهم وراهم مستقبل والى ادبي مجالات انتي اتقولي ان علمي اليهم مستقبل حتى ادبي اليهم ما انحط قسم الا واله مجال ومستقبل صح وبنات الأدبي مو اكثر ازعاج قصدش اول ثانوي ايه هذول ازعاجهم الى المديره تحت يوصل وهم في الطابق الثالث

بس ادبي وعلمي البنات نفس التصرفات وادبي خيه مو كله حفظ في فهم واااااااااااجد نحو بلاغه وحتى علم النفس والجغرافيا إذا ما فهمتي ما راح تعرفي اداكري .



واسفه على الأطاله

[توأم الفرح]

اهلين خيتو

اختي كلام القلب المرح سليم وكلكم كلامكم سليم والكل يدخل القسم الي يتفق مع ميوله وانا ماقلت عن بنات ادبي انهم

كسالة لاا انا قلت انهم مزعجين وفوضوين وفي اغلبهم كسالة ودايما تجي الشكاوي منهم ..

وبالنسبة للادبي والعلمي انا اشوف والكل يشوف انه مجالات العلمي اكثر من الادبي بدليل انه العلمي يقدروا يدخلوا مجالات الادبي بس الادبي لاا مايقدروا مجالاتهم محدودة جدا

وانا قريت مرة في الجريدة انه بنات الادبي مو شايف ليهم مجالات او انهم مااليهم مستقبل على حد علمي ..

ارجوا انك اقتنعتي بكلامي .

ومشكورة على الحضور ..

والله يوفق الجميع ان شاء الله ..

اختك

توم

[بنوتة توتة]

هاي
حبيت اقول شي
صحيح ان مجالات العلمي اكثر
بس مو كل من دخل علمي جاب نسبه ولا كل من جاب نسبه دخل شي عدل ولا كل من تخرج توظف
الي يقول كل من دخل علمي شاطر غلطان والي يقول كل من دخل ادبي كسلان هم غلطان لثنين فيهم الشاطر والكسلان
وفي البعض يدخل ادبي عشان على قولتهم بسيط
بس لما يدخلون يلاقون العكس
اسأل مجرب ولاتسأل طبيب
تحياتي

[توأم الفرح]

اهلين خيتو

صحيح خيتو كلامك وانا ماتكلمت عن الكسالة وعن الشطارة الا بذاكر بينج والله اكيد ماراح يضيع تعب احد منا ..

والكلام الا قلته صحيح وانا مااجيب كلام من عندي ..

تحياتي لك ..

اختك

توم

[أمير العاشقين]

السلام عليكم ورحمة الله وبركاته

اولاً اختي توام يسلموا على الموضوع الحلو

اختي توام الصراحه انا بعد ماعندي فرق بالعكس القسمين نفس الشي الفرق مثل ماتكرم الاخ القلب المرح الفرق على الحفظ والفهم

ثانياً اختي توام بصراحة مادام صار الموضوع فيه نقاشات ليش مانقلتيه العام عزيزتي

لان لو شافه شبكه راح يقفله لان بيقول في قسم مخصص ليه

وشكراً مرة اخرى اخيتي توام الفرح

عساكي على القوةي يارب

تحياتي
أخويكي امير العاشقين

[توأم الفرح]

يعطيك العافية اميرو على الحضور ..

ومشكور وماتقصر ..

اخي انا مااقدر انقله الى العام ..

تحياتي لك ..
اختك

توم

[أمير العاشقين]

اوكي اختي توم خلاص انا كلمت المشرف العام

وقال خلاص مكانه مناسب وهاذي ردود عاديه

واسف خيه على التذخل

وشكراً على التجاوب

تحياتي لك اختي
أخوكي أمير العاشقين

[كبرياء]

اشكرك على هذا الموضوع بس
اني بعد بنت ادبي وما ارضى على بنات ادبي واني شاااااطره


وثاني شي في بناات علمي واااااااااجد تدري عن قدراتها انها ما تصلح انها تدخل ومع ذلك
تشوفيها رازه الوجه في علمي واخر السنه صيااااااح ونيااااح وبعدين قعده في البيت
وبنااات ادبي صحيح ان فيهم تسيب بس في النهايه يدرسون مو دافنين حالهم بالكتب على خرطي
وتحياااااااااااااتي دمتم