وجد القصيد

[وردة عشق]

اليوم جايبتلكم قصايد حلوة للشاعرالكويتي حمد السعيد واتمنى انها تنال اعجابكم


غلطتي


يومهـا بيـن ايديـنـي والـغـلا عــادي
ويــوم قـفــت تـفـجـر حـبـهـا فـيـنـي
كـنـهـا حـطــت التـوقـيـت بـفــؤادي
لامـشــت حـبـهـا يـفـجـر شـرايـنــي
قـبـل تقـفـي وانــا متمـاسـك وهــادي
وعقبها ضاق كـل الكـون فـي عينـي
غلطـتـي كـنـت متـراهـي ومتـمـادي
كنت احسب الزمن والوقـت يمدينـي
واثـر مـن لا تغانـم فرصـتـه غــادي
اه يـا فرصتـن ضاعـت مـن سنيـنـي
تونـي فــي غـلاهـا قـلـت يــا هــادي
روحــت لعنـبـو مــن لامـهـا فـيـنـي
مــا نـفـع طـويـل الـوقـت وعـنــادي
يومـهـا مقـبـلـه مـــا كـــان يعنـيـنـي
بــس راحــت وكـنـي فـاقـد ابــلادي
اثر ما ارخص من الي تطوله ايديني
يـا وجـودي هليهـا وجـد بــن هــادي
وجـــد لا وجـــد فـــراق ولا ديـنــي
غلطتـي وارتكبهـا بثـورت ازنــادي
يـوم جـر العـزاوي راحــت ايميـنـي
والله انـــي علـيـهـا حـدنــي حـــادي
مـن يــرد المـواصـل بينـهـا وبيـنـي
علمـوهـا تـجــي وتـرجــع ارقـــادي
كــل ماجـيـت ابنـسـى وش ينسيـنـي
علموهـا الغـلا مـا عـاد هــو عــادي
مشـكـلـه الـولــع عـقــب الثـلاثـيـنـي

البسكول

سقى الله زمان فاتلي مع غزير الزين
ياليت البشر ما فات منهم يردونه
يعنك ما فاتك من الوقت زين وشين
رجوعه عليك اصعب من السيل لمزونه
انا حد علمي بالغلا يوم طبعه زين
قبل لا يطيع اللي عن الحب ينهونه
سمع سالفتهم وش وراء الحب وش بعدين
ومن وقتها يا قل ما القاء تلفونه
اجي وافتح البسكول يا مال فرقا العين
ولا اشوف رقمه جعل الارقام يفدونه
اخيل الجهاز اقول يبي يتصل الحين
واثر اقتنع في فكره جت معلونه
من العاذل الي شغلته تفرقت قلبين
انا اوحيت قلبي واجد اللي يسبونه
عذول المحبه جعل شرواه يعطى الشين
حرمني من اللي رغبتي فيه مرهونه
تغير علي واذا اتصلت ما سمعت اهلين
اخذ ثقل جعل مغيره تثقل ديونه
مثل ما ثقل ديني من مقاسط التموين
هاك البنك الاقشر جعلكم ما تمرونه
ذبحني غلاه وحط وسط الحشا جرحين
الاول من الصده والاخر من فنونه
وانا من هذاك اليوم ومعايد الثنتين
يا صعب الوصال وصده عن ملعونه
تمكن غلاه بوسط قلبي عام الفين
ومن يومها الحب يكبر على هونه
يقولونه خله يا معود واقول انزين
ابي فكه منهم وانا اموت في عيونه
هذاك اذا ضحكلي رحت كلي ولا ادري وين
كم واحد جذ راح لعيون مفتونه
وهذاك ان طرالي منه يقصني نصين
معه نص وابقى نص ما اعيش من دونه
وهذاك ان طلع رقمه وانا مشغل خطين
يروحون فدوه للنمرته ولتلفونه
عساه يرده اللي رد ركان بن حثلين
من الترك لدياره وللي يتحرونه
هذاك ان رجع عقب البطا ناذر نذرين
اني اسامحه واني مع الوقت ما اخوانه

مـــــا هو بكيفك


مـــــا هو بكيفك تواصلني وتقطعني
أمــــــــــــــــا غلا بين (ن) أو فضها سيره
ياشين لا جيت تقطع لا تـــــــوادعني
ليتك تحس الواع شلون تـــــــــــــــــــأثيره
يا ماخذ(ن) حب اللي فيني وسمعني
حـــــــــــب(ن) على كبر صعب ابدله بغيره
ابحتفظ فيك وادري منــــــت بنافعني
يمكن مع الوقت أقول محبتــــــــــك خيره
والله تـــــدري وش اللي معك دافعني
اني معـــــــــــاك انت امارس اخر الغيره
واحــــــــب فيك البرود اللي يقاطعني
لـــــــــــو ما تكلمت صمتك صعب تفسيره
يااللي عليك البشر شوفهـــا تقاطعني
منين ما اوجه الهقوات لــــــــــــــك سيره
ياشينها من الخوى قولتك قـــــاطعني
ما غير شره ولا انت بشايف(ن) خيــــره
ياشينها منـــــــــــــك لا جيت توزعني
في عذرك اللي على هالظــــرف تجيره
شوف كبر صبر البشر ما عاد يوسعني
واكبر هموم العباد اشوفهــــا صغيره
وش جاك مني خطا يومــــــك تبيعني
في سوقها عليك اسوقها لــــك جيره
انــــــــــا اذكر انك يومن تقول دلعني
القلـــــــــب هانت علشانك مشاويره
يا مشغل (ن) القلب بين تحبني ويعني
شي يقــــــول اعذره واقبل معاذيره
قلت احتفظ فيك وادري منت بنافعني
يمكن مع الوقت اقول محبتك خيره


يا معذبتنا

يا معذبتنا ليش زولك فقدناه
عن شفتك بديارنا ما سمعنا
حتى الاثر على الثرا ما لقيناه
نطرش ومثل الي طرشنا رجعنا

قالت

الحين تشتكي من غيابي ودعواه
وين انت يومن جموع اندفعنا
لدياركم الين النصيفه خسرناه
والان اكثر لين منه جزعنا

قلت
الي ذبكم بالرمي كم نصحناه
وان كان شبع منكم تراى ما شبعنا
كيف انتحمل بالزمن خطاياه
والمشكله هو السبب في ولعنا

قالته
اسكت ومثلك ناقل داه برداه
لو يحصلك انت وغيرك قطعنا
والله لولا الثلج والبرد لولاه
ما جيت في خد يدور شمعنا

قلت
حنا تراني غير وعنهم وفرقاه
راعي الرمي ننفيه من مجتمعنا
كم واحدن يخطي ويرمي وننهاه
ونفشله في رمته الي اجتمعنا

قالت
وشلون حكيك الي سمعناه
يا شاعر ان كان ضرنا ما نفعنا
بالشعر هيضت المولع وتنخاه
من سبتك في بركم ما هجعنا

قلت
من حبني لم اكتب الشعر وانقاه
واوصف هددنا الين كلن تبعنا
ماهوبذنبي يوم زنتي للمرماه
وماهو بذنبي ان كان مثله خدعنا

قالت
برمي عذرك والله انه قبلناه
وين انت يومنا بالاسواق بعنا
صرنا تجاره لمن يبي ترس مخباه
في وسط صندوق عطشنا وجعنا

قلت

لو هو بكيفي ذاك مثله سجناه
بس السنع والله ماهو سنعنا
وسوق يبيع فيه شرواك والله ما طاه
وان كلن ما طاع الزمن غصب طعنا

قالت الحبارى

خلها على الله وكل خافي عرفناه
يا شاعرن في حجتك ما اقتنعنا
يالله ترحم زايد الخير يالله
لولاه كلن من الوجود انقطعنا

قلت

الله عليك وزايد حل طارياه
مافي غير المدح لشعر معنا
ابو خليف والله ان فقدناه
غايب لكن طيب ذكرها معنا

البارحه قدرت اصدق ظنوني

البارحه قدرت اصدق اضنوني
خلاص كلامي وانت غرقات تفكير
كنت احسب انك سارحن في عيوني
اثرك معي وانت فكرك مع الغير
يا خاين التفكير قمت جنوني
لامن تساوت جيتي والمعاذير
مدري شسميها ولو عذر بوني
مدري خيانت حب او حب تغير
افرض ابعديها واقاوم شجوني
شل فايده ما عاد لي اي تاثير
تعال نحسمها بحطم سكوني
تعبت من قمت ابي منك تفيسر
لاصرت تقدر عيش عمرك بدوني
والله يذكر هل علاقة على خير
شق الصور وشطب رقم تلفوني
انسى ويعني لا افترقنا وش يصير
ما انت اول الي بالمحبه يخوني
ياكثرهم قبلك ولا انت بالخير
كم قلت للعالم ولا صدقوني
ان البشر فيهم مرض حب تغير

سبع الصنايع لاكن البخت ضايع

لا خانتك الدنيا قال عادت البنت
دنيا وفيه من العذارى طبايع
من كثر ما جربت امنة وايقنت
الطيب بالدنيا وبالبنت ضايع
لاهنت يا قلب شكى الضيم لاهنت
من دنيتك ضاقت عليم الوسايع
كم كنت قاسي لكن من الزمن لنت
الي اطلقك لا يع تكفاك لا يع
رغم السنين وخبرتك ما تمكنت
رايح حيا تك بين شاري وبايع
الحظ كم عاند من الناس حتى انت
ما طاعك من الحظ يا قلب طايع
كم شانت وجيه الرفاقه ولاشنت
خابرك يا قلبي تحب الرفايع
وفيت معهم واكثر من الوفاء كنت
والغدر بين الناس هل وقت شايع
اسرفت باخلاصك وطيبك ولاخنت
مع دنيتك جربت سبع الشرايع
كن المثل يا قلب راكب عليك انت
سبع الصنايع لاكن البخت ضايع


خلهم ينفعونك


شفت وشلون خلق الله تحب الكلام
قلت لك لا تصدق كلامهم ما اقتنعت
ليش ضيقت صدري بالعتب والملام
وانت يا ما كلموني عنك وما سمعت
جيتني وانت ودك بزعل والخطام
باين اللي يبي السبه ولو ما اندفعت
غيروك العواذل طعتهم يا حرام
عقب ماكنت مقبل بالمحبة رجعت
خلهم ينفعونك لا تزيد اتهام
من عرفتك مضره وانت عمرك نفعت
وين كلمة احبك وين ذاك الغرام
ليش نزلت قدرك عقب ما انت ارتفعت
اه يا قوى قلبك لك عيون تنام
تجرح اللي يحبك بالكلام وقطعت
كان لك قدر عندي وانتهاء وسلام
غلطتي جيت كلي بالمحبه وظعت

الهموم

يا الهموم اللي علي اثقل من هموم الركايب
ساعد الله قلبي الي مرتكي لحمول همي
يا الظروف الي علي وين ما وجه صعايب
ياكثر ما مسحت الدمع منها براس كمي
يا الجروح الي يجي هذا وذاك العام طايب
كل ما هبت ظروف الوقت شمي وستشمي
من عرفت العلم والضحكات ننهبها نهايب
لا تقافلنا الزمن قمنا علىت الضحكه نسمي
وان ضحك وجه الزمن تقلى مثل شرواي هايب
اي اهابك يا زمن وان سقت ضحكاتك يمي
منك وانا وان زنت بعيوني يا بو وحهين تايب
ادري انك لا ضحكت القاك طاعن ولد عمي
تشتكي من سطوتك وتقول من شقر الذوايب
وكل جرح يهون غير جروحك مات دمي
بس تنزفنا هموم ونضحك بوجه القرايب
ومن نشدني مالي الا بخير وهمومي بدمي
وانت يالي منك ثلثين الخفوق اصبح خرايب
دام بعثرني زمان الذل ما يغيرك لمي
لمني تكفى ترى ما عاد فيني لمصايب
يا خلف جدي وناس والا يا ريحته امي
لا تخليني وانا شفني شباب براس شايب
كان انت اقفيت مع هالناس محدن لديمي
مثل مال للهم سبة للفرح تبقى سبايب
انت يا فرحه ويا ضحكة ويا مدري شسمي
انت اخر ما بقى للي في الحياة من الحبايب
في زمان ما نشد والله عن مدحي وذمي
الزمن كم واحدن قبلي موريه العجايب
والمصبيه كانك اللي مع زماني صرت همي


ياللي تزعل


ياللي تزعل وانا ماني بغلطان
خلك على راحتك واللي تبي سوة
لا ترفع الخشم يوم انك تعداني
والله لتبطي وانا ما قلت لك قوة
في غيبتك جاء مكانك واحد ثاني
والحب ما ينوخذ ياهيه بالقوة
ان كان قصدك عبث ودك تحداني
فابشر بقلب على الصدات يا قوة
نسيت يومك تلذذ بتعذيبي وحرماني
وان جيت تلقا حبيبك منقلب جوة
ان قلت وينك حياتي قلت لي كاني
يا نار هالقلب من كاني ويا ضوة
ان كان جت زلة وحده من لساني
الواجب انك تطوفها من الخوه
لكن على راحتك واليوم صحاني
اسلوبك اللي يغير للاسف توه
تكفى على هالزعل خلك على شاني
عشان تبطي وانا ما قلت لك قوة


اغلى من سكن الكويت


يوم سافرت وانت من الزعل ما رضيت
كل شي بعيني صرت اشوفه كئيب
وش يضرك بو انك قبل لا امشي نسيت
هالزعل وابتسمت وكل جرح يطيب
والله اني على ذاك الزعل ما قويت
سامح الله طبعك كل ما جيت اغيب
تفتعل مشكله والموت كانك بكيت
اه من دمع عينك يا البعيد القريب
مابغيت ارتكك في هالزعل مابغيت
وانت يا اعز ناسي وانت يا اغلا حبيب
وسع الصدر يا اغلا من سكن بالكويت
لا تخلي الحزن يا خذ بعمرك نصيب
يا كثر ما انت في بالي لك الله طريت
كل ما اسج تطري غصب ماهو بطيب
دونك البعد لكن كم سرحت وضويت
في خيالي تعال وشوف وقت المغيب
لا بغيت انتهي ما كني الا بديت
فيك تفكير ياللي منك جرحي عطيب
كل ما قلت ادور لك عذر ما لقيت
غبت والموت اعرف ان الجفا وجه ذيب
واذكر اني افز اليا تعبت وغفيت
هب يا ليلة فارق الولايف يهيب
كثر ماني على الفرقا بقلبي دعيت
كثر ما الله كتب لي بالمفارق نصيب

بسيطه!!

بس لحظه يامهملنـى ونـاوى فـى غيابـك
دامك اللى ناوى الفرقا باأقول اللـى باأقولـه
أنت يعنى لانويت تغيب باقـف عنـد بابـك
لاوربى تاقف الدنيا وأنا " تأبـى الرجولـه "
ماتعودت اتبع المقفى ولو حضـرت جنابـك
رح عساها خيرة والدرب لك عرضه وطولـه
روح لاجابك امجيب الغيم واترك لى صوابـك
جيت حلم ورحت حلم تشبه احـلام الطفولـه
ماأنت بأول من طعن هالقلب والدرب انتهابك
ياثقل خطواتـك البـارح وهالليلـه عجولـه
باغى الفرقا !!جعل ربى يعجـل فـى ذهابـك
بايع قلـب لـك الله كنـت ماتحلـم تطولـه
من يلومك..؟ شايف حالك وفـ.. بداية شبابك
طاغى تجرح قلوب الناس تحسبهـا بطولـه
بسألك: كم واحد قبلى هقابك واشتقـى بـك؟
أنت ياللى نظرة عيونك قبل عرفـك خجولـه
ياكثر ماكانـت ظنونـى دخيـل الله تهابـك
بس اكذبها واقول اوهـام والقلـب وميولـه
اثرك اللى تستلذ ان ذاقـوا العالـم عذابـك؟
مشكله !! والمشكله هذى بسيطـه ومحلولـه
كان مالبستك الغيـره مثـل لبسـت ثيابـك
قل عوافى.. قل مثل غيره تركتـه وبسهولـه
واجد اللى مشتهين الوصل والخـط متشابـك
كان لك جوله ترى محاكيك له تسعين جولـه
لابغيـت تغيـب فـارق لاوربـى مادرابـك
شاعر ياكثر ماتـل القلـوب وصفقـوا لـه
لاهلا بك فى حضورك .. فى غيابك لاهلا بك
رح مهف امقيط يوم مقيـط ودنـه رجولـه
باكر ان ماشفت غيرك جا يعوضنـى غيابـك
قل حكى شعار ماتفعـل ربـع هاللـى تقولـه




ياللي غيابك طال

ياللي غيابك طال وبحقي اخطيت
هذا شهر ما اشوف للوصل نية
هن كانت اسبوعين لكن تماديت
في غيبتك كنك تنفذ وصية
لعبت باعصابي ولا قلت مليت
لا راح اقول باكر مجية
عانيت بغيبتك انا حيل عانيت
يابغضني للبعد يا رحم حيه
عقبك مشاويري من البيت لليت
اخاف لا دقيت ماني هنيه
الله ياني في غيابك تحريت
اثر المفارق صعب ماهو شويه
هذا شهر وش عاد لو انك ابطيت
والله لتلقى لك هنيا ضحية
البارحة مابين يمكن ويا ليت
وابليس يتركني ويرجع عليه
فكرت لو طول غيابك ولاجيت
يعني كذا روحه ومن غير جيه
خانتني الدمعة وطاحت وصديت
ملعون ابو التفكير يذبح خوية



بعض العلاقات

بعض العلاقات ما منها ابد فكه
يا شينها كان جبتها لك القدره
لاجاك دمه ثقيل ومنطقه سكه
يضيق صدرك وهو مستاسع صدره
لاصرت ضيق الصدر بالي معك صكه
لاتجامل الي غييث وشفته ودره
زك الخوي من قبل لا تعاشره زكه
ترى خوي النشاما صابته ندره
وقت الشدايد اذا بتجربه ضكه
يمد شوفه وتلقى فزعته حدره
الاجودي اجودي ما تلحقه شكه
وفرخ النخل ما يجي في قاعدة سدره
من رافق اجرب تبي تبدابه الحكه
والطير سلم عليه ان صابته جدره
باب يجيب الهواء ان طعتني صكه
ارقى الرفاع وتجنب كل من حدره
ما يبخص شعاب مكه الا اهل مكه
الصاحب انشد وتلقى عندهم قدره
كل القلوب بهل وقت مندكه
سبت كدرهم خوي حاشهم غدره



ضحكت الورع

يا ضحكت الورع مدري وين شايفها
ان كان ماني متوهم ضحكت فلانه
قمازته وشفته تشبه شفايفها
وعيونه عيونها يضحك ونعسانه
والله يا ضحكته عجز اطوفها
اللي شغلني معه من جملة اخوانه
وقفت والنفس مابدت حسايفها
ضيعت وقتي غصب كله على شانه
انشده والبشر تتبع ولايفها
يلعب طرب بالملاهي بين ورعانه
صديت والعين ماتنسى وصايفها
هذيك نفسي عليها حيل شفقانه
وا نفس ياللي تحلفني واحلفها
حاولت اشكك وهي ماهيب غلطانه
تقول هل الورع والله من خلايفها
واقول ربي يخلق اشباه سبحانه
هذيك راحة وانا ماني بعايفها
حكم المقدر وكلن راح في شانه
خبريبها يوم جاها من طويفها
الي خذاها ويتبع سلم جدانه
ماشافته ولاهو ماهو بعارفها
ماشاورها ابد ما كنها انسانه
راحت وانا بشقى كني مناصفها
يا مل قلبن شكى همه وحرمانه
لليوم قلبي يرددلي سوالفها
هذيك نفسي عليها حيل شفقانه



،، مجنـــون زعلاتك ،،

تزعل واراضيك واتلذذ بتزعيــــــــــلك

تبي الصراحه انا مجنون زعـــــــلاتك

لاقمت تبعد وانا اقرب وادنيـــــــــلك

وامسك طرف غترتي وامش دمعـاتك

وتبدي تعاتب وانا كل انتبـــااهي لك

ما اسمعك شتقول انا عيني على شفاتك

وتعيد حجيك وتفرك حيل منديـــــــلك

وتخالطت صادق حروفـــــــك بوناتك

واحاول ارضيك ومدري منين ابدــيلك

واحتار واذكرك في بعــــــض زلاتك

واسمعك ماكتبته بك واغنيـــــــــــلك

طاروقك اللي تحبه واكسر سكاتــك

واستسمحك واعذرك واسمعك واشكيلك

واتلهف لبسمتك ورد ضحكــــــــــاتك

يسرقني الوقت ولا يمديني احجيلك

كلام اللي تحفظته لشوفـــــــــــاتك

وقت الوعد فات وعيوني تراعـيـلك

وقفيت واشغلت القلب بلتفــــــــاتك

عيني على خطوتك والقلب يدعيــلك

الله يحفظك من الحاسد وشمــــاتك

تزعل واراضيك واتلذذ بتزعيــــــلك

تبي الصراحه انا اعشق كل حالاتك

تحياتي