المساعد الشخصي الرقمي

مشاهدة النسخة كاملة : ودي أمــــــــــــــــــوت



ahmad haossain
11-29-2007, 01:19 PM
ودِّي

أمُوتْ .. اليُوم ... وأعيش باكر
وأشوفْ مِنْهو .. بعد مُوتي فقدني ..!
ومِنْهو حَمَلْني لِين .. ذِيكْ .. "المقابر "
وأشْكرْ أنا .. كِل مِنْ كَرَمْني ودِفنِّي
وبشُوفْ .. يرثيني أنا كَمْ [ شاعر ] ..؟
ومِنْهو تركْني .. وما كِتَب شَي عنِّي
شِخصٍ تعنَّى لي .. مع إنه .. مسافر
وشِخصٍ قِريبٍ .. وآنا مَيِّت / طعنِّي
وشِخصٍ يمثِّل دمعِتَه .. ما هو قادر !
وشِخصٍ تِطيح دموعه كِلْ ما ذكرني
ومِنْهو مِنْ أهلي فـ العَزا كان حاضر
ومِنْهو دعى لي في " صلاته " ورحمني
ومِنْهو بنى [ بإسمي ] سبيل ومنابر
ومِنْهو يفز قلبـه .. إلا مِنْ لمحني
ومِنْهو عشاني : طُول الأيام ساهر ..!
ومِنْهو ثلاث أيَّام .. راح وتركني ..؟
ومِنْهو يرتِّب .. غرفتي .. / والدفاتر
وإن شاف ( صورهـ ) لي ماتْ وحضنِّي
يالله عسى .. ما تغفى كل المشاعر
ويالله عسى .. ما ينصِدِم يُوم ظنِّي
خايف يروح العُمْر .. وأكُونْ خاسر
وإن طار طيري .. ما يفيد / التمنِّي
وخايف يجيني وقت : أكْسِر خواطر
إن دارت الدنيا .. وزماني كسرني
ومدام هذي الدنيا .. صارت مظاهر
وكِلْ مَنْ على كيفه .. وجَوَّه يغني
[ صحيح مُسلم لكن : الهَم كافر
كل ما بغيت أضحك يهددني حزني ]
الضيق وافـي .. والحزن حيل وافر
والجرح أكثر شي .. شفتـه يحبني
عايش وميِّت بين .. ماضي وحاضر
والصبر [ مفتاح الفرج ] ضاع منِّي
قل وش تبي وتتركني يا حزني آمر
مسكين فرحي / تصدِّق إنَّ وحشني !!
( شاعر ) ولكنِّي .. ماني بـ شاعر

ودِّي أموت اليوم .... وأرتاح منِّي !!
منقول

تحياتي
ahmad haossain

عاشق الزهراء
11-29-2007, 01:56 PM
شعر جميل وفيه
الكثير من المعاني
نقلك للشعر موفق
تسلم يداك
تحياتي عاشق الزهراء

همسات وله
11-29-2007, 04:48 PM
كلماااات جميله اخي
تسلم ويسلم عمرك من كل الشر
وانشالله العمر كله
تقبل مروري المتواضع
تحيااااتي

لحن الخلود
11-29-2007, 07:24 PM
سلمت اناملك اخي احمد على ماخطت يداك
تقبل مروري اختك لحن الخلود