هل اصابك موقف محرج كهذا؟؟ تـــــم ذمجه ونقله للطرائف

[ولايه]

سلام

كل واحد يحط موقف محرج حصل اليه او الى احد يعرفه (17)

واتمى من جميع العضاء انهم يتفاعلوا معاي وبدات اني اول مرة احط موضوع


ولاتيخلو علينا بمواقفكم الطريفه ولامحرجه


واتمنى ان الموضوع مانطرح من قبل



ولانا عودة من جديد



ولايه

[دمعه حزن]

مشكورة اختي ولاية على الموضوع الحلو

انا عندي موقف محررررررررج جداً

بس عاد لا تتطنزون

اوكي نبدأ

السنة سافرت العمرة وطبعاً لازم بنوقف بالمحطات

طيب وقفنا بمحطة وامي كانت مع بقية الحريم وانا مع اخت صديق اخوي

رحنا نتمشى شوي ..تعبنا من القعدة المهم بعدين شفت اخوي مع صديقه

ونادوا علينا ورحنا لهم وكانوا بيسألونا اذا محتاجين شي والله لا.. انا قلت له مو محتاجة

بس معاي اخت صديقه قالت لاخوها الا تبيه وانا وقفت مع اخوي وبعدين اخوها راح بيشتري لها

وظلينا واقفين ننتظر اخوها يرجع عشان يعطيها ونمشي .. بعدين واخوها جاي شاف قطة

وقام يركض وراها واخوي بعد راح لها من قدام والقطة جت صوبنا ..طبعاً انا بموووت خوف منهم

قمت اصارخ وجودت الا معاي والفضيحة ان الكل سمع الصراخ قام يطالع بس الحمدالله كنا عند باب الباص

وسيده ما طالعت احد ركبت الباص وبعدين قالت لي اخت صديق اخوي ان الناس كلها قامت تطالع

تفشلت عدل يعني بس اشوى محد شاف وجهي فما عرفوني

طبعاّ بالعمرة مووووواقف محرجة واااااجد صارت لي

ومثل ما قلت بالبداية لا تتطنزون لاني بخااااف مووووت

[ميمو]

هههههههههههههه


علىفكرة اناكمان كتير باخاف منالقطط

بس موقف اللي راح احكيه مش مع قطة

انا موقف كان اني بيوم من الايام المدير طلب مني اعمل اله دراسة ميعنة عن اتفاقيات السلام
وبلشت اكتب في الدراسة وانا كتير مبسوطة لاني حبيت الموضوع

المهم اول ماخلصت الدراسة سلمتها للمدير لحتى يقرأهاويحكى رأيه فيها وانا جدا واثقة انها راح تعجبة



شطب الي كل الدراسة وزعل مني
عارفين ليه؟


لانه اكتشف عندي غلطة عظيمة

كنت كاتبة الاحتلال المصري بدل ما اكتب الانتداب البريطاني


تصوروا شو الاحراج اللي انا كنت فيه

[ولايه]

هههههههههههههههههههههههههههههههههه

مواقف حلو منكم يادمعة حزن وميمو وتمنى انكم تتحفونا با لمواقف الحلوه والمضحكه

والحين انا راح اكتب لكم موقف محرج حصل اليي لما كنت في المدرسه الثانويه وبتحديد لما كنت في اول ثانوي

كانت عندنا مدرسه ماتحب احد يدخل بعدها الفصل ولي يجي بعدها ماتخليه يحضر الحصه في يوم انا طلعت من الفصل

كان المعلمه تجي طبعا انب لمحتها من بعيد واجي الركض عشان اوصل قبل المعلمه طبعا المعلمه وصلت قبلي لانها اقرب الى الفصل مني المهم اني ماوصلت لا والمعلمه في الفصل توني موصله ال والمعلمه فاتحه الباب كان انشدخ شدخه قويه انطاره انكسرت ونجرحت في الرجولي بس انحرجت لنا المعلمه ولبنات قامو يضحكو عليي صار وجهي قد السمسمه (66)



يالله اتحفونا بمواقفكم



ولايه

[دمعه حزن]

هههههههههههههههههههههههههه

طيب راح اقول لكم موقف محرج بعد صار لي بالعمرة

لما كنا بالعمرة فى يوم من الايام رحنا جبل عرفات وطبعاً هناك كل جمال وااااجد

وكان عند الباب الا ننزل منه في جمل قاعد اخوي يقول لي نزلي اقول له ماني اخاف

يقول لي انا بجودك لا تخافي وانا ما رضيت لان كنت خايفة بعدين شافنا المرشد تبع الحملة

وقال لصاحب الجمل يباعده عن الباب ونزلت بعدين اخوي راح مع الشباب وانا رحت مع امي ومعانا بنات بعد

كنا اربع نمشي مع بعض طبعاً انا مجودتهم كلهم اقول لهم محد يخلني وقلنا بنركب فوق عاد

واحنا بنركب وحدة من الا معانا ما انتبهت للجمل وانا شفته وقفت مكاني مع امي وهم وقفوا بعد

وكان الجمل قريب منها كلش قام اكل عبايتها وهي ما شفت الا شي مجودنها ونصرخ انا وياها

وتباعدنا بعدين مشينا بعد الا فى جمل على الدرج بعد واحنا بنمشي قام الجمل بيوقف وهم صاروا بعيد عني

انا مت من الخوف وقعدت اصارخ واصيح وهم بعيد عني صاروا بعدين شافني واحد معانا بالحمله ومعاه اخته

قعد يضحك عليي ويقول لي لا تخافين تعالي معانا وبعدين جودت اخته ومشيت معاهم

بس يعني تفشلت عدل بالخصوص يوم شفته بيضحك عليي


تحياتي
دمعه حزن

[القلب الجريح]

موقف محرج صار لي


كنت متصل لصديقي اول مرة طبعا
توني متعرف عليه
وانا افكر اسمه حسين
وهو اسمه براهيم

اتصلت قلت السلام عليكم
ردو السلام
قلت موجود حسين
قالو اي حسين
قلت هذا مو بيت العيلة الفلانية
قالو اي
قلت حسين هني لو لا
قالو ماعندنا احد باسم حسين
ماشفت نفسي من الفشلة يوم توهقت
قلت ليهم
ايهو عندكم يدرس في صف ثاني ثنوي
قالو براهيم
قلت عيطو عليه

وفشلت مرة
متصل ولا ادري ويش السالفة

شكرا يخية عالموضوع الحلو
ويالله بنشوف الجديد

[ولايه]

هههههههههههههه تسلمو اخواني على الموضوع

والحين انا راح اكتب ليكم موقف حصل لصديقتي



كانت صديقتي في بيتنا وتصل فيها اخوها يقول اليه ادا تبي تروح السوق اولا قالت انها تبي تروح قال اليها خمس دقايق ونا جاي للعلم ان بيته جنب بيتنا المهم اتصل اخوها عليها وقال اليها تنزل نزلت وكانت في سياره واقفه عند البيت افتكرتها سيارت اخوها هي كانت متغطيهوكان ليل بعد مانتبهت انه مو اخوها قامت تفتح الباب وهو يسكر كدا مره بعدين رفعت الغط عشان تشوف السيار الا وتكتشف انها مو سيارت اخوه وتفشلت عدل وتمشي شوي الاسيارت اخوها ورى السياره واخوها يضحك عليها بس انحرجت عدل طول ماهي في السياره وهي ساكته





ولايه

[ملك العشاق]

موقف ما انساه

يوم من ايام الاختبارات وكان علينا تاريخ المهم انا كانت معاي براشيم المهم لما خلصت الحصه وانتهى الاختبار انا طعبا غشيت منهم وخلصت منهم وظمنت العلامه الكاملة المهم كان علينا بعد هذه الحصه هو نفس الاستاذ المهم وانا مخلص من البراشيم وكنت ابي ارميهم في الزبالة والا المدرس شافي وانا ارمي البراشيم قام المدرس وكب الزبالة في الفصل وطلع البراشيم اللي فلتها كلها وجمعهم كلهم ...

هذا الاستاذ عنده قاعده لو ماتحل شئ على الورقه عادي يعطيك 15 بس اهم شئ ما تغش

المهم الموقف الطريف ان قال يالي يا فلان انا مابحط لك صفر في التقرير من قال كذا وانا فرحت قال بتشوفها في التقرير (صفرين ) هو ماقال كذا ولا جميع الطلاب ميتين من الضحك

هذا موقف طريف حصل لي واتمنى اني ماطوولت عليكم

[ولايه]

مشكور خوي على هل موقف بس مره ثانيه لا تغش ترى الغش مو زين





ولنا عوده مره اخرى







ولايه

[دمعه حزن]

هههههههههههههههههههههههههههههههههههههههههههههه

مشكورين على هالمواقف المحرجة والطريفة

بس ملك العشاق تستاهل ليش تغش..(امزح)

وبانتظار مواقفكم المحرجة والطريفة

دمتم لنا سالمين

تحياتي
دمعه حزن

[القلب المرح]

بصراحه هذي انا انحرجت فيها مع ابويي وفي نفس الوقت انا حسيت نفسي اني مخنوق من الا سويتها
...
هذي مره انا جالس في المشاي بره بيتنا المهم كان عندنا كتكوت حليو مره وهوه عاجبني وفي نفس الوقت مضايقني واقوم انا الملقوف والاحقه من مكان لمكان لين ما حجزته في مكان وارفع ارجولي فوق وارفسه ويتعفرت المسكين الكتوكوت واروح اهج والا شافوني وحده من الاخوات وشوشو عليي
وجاء اليي الوالد وقال اليي ليش رفست الكتكوت مو حرام قلت اليه لاموانا هدولين اثنين حراميه خشو البيت
وضربوه وانحاشو والوالد مشاها معايي يبغاني انا اعترف لوحدي المهم مر اسبوع واعترفت اليه قال اليي زين
ليش رفسته قالت اليه حبيت اجرب رفستي اشوفها قويه اولا وانا منزل الراس والفشيله مبينا على الوجه
وخلصت الحكايه

[دمعه حزن]

ههههههههههههههههههههههههههه

جدااااااااااب مناسف

مو يقولون حبل الجدب قصير

اخرتك كشفت نفسك

والله تجرب شوتك ..حرام عليك

زين ما قتلته مسكين..انا بخاف منهم

بس حرام لكن

يالله بانتظار الجديد

تحياتي
دمعه حزن

[القلب المرح]

ياحظي مات في يومها الكتكوت تدري الالم فيه كثير بس ماعليش الرفسه ميه ميه طلعت قويه

[دمعه حزن]

بل بل بل

ومستانس على عمرك بعد

حرام عليك يا مناسف

صدق سفااااااااااااااح

يا ويلك من عذاب ربك

[القلب المرح]

لا هذا يوم كنت انا صغير الحين كبير فهمت هذيك وانا في ابتدائي الحين خلاص اعقلنا الاول مجانين

[ولايه]

دات يوم كنت في الرياض ورحنا السوق الي جنب السكن وكان الساعه 10 الصباح بعد ماتسوقنا وخلصنا
طلعنامن السوق وكان شفنا الهيئه في السياره وكمان كانوا ثلاثه تقريبا يتمشوون ... تعرفون يبون يتصيدوا في بنات الشرقيه ... المهم الحين شفناهم وقام قلبنا يدق يدق وننخش بين السيارات والحمد لله عدت على خير ... وولما وصلنا السكن وحطينا الاغراض في الشقه .. قمنا رجعنا وبروح سوق ثانيه .. مايجوزون توهم بصيدهم الهيئه
يقومون ويرجعون السوق مره ثانيه ... المهم ماعلينا خخخخ... الحين نزلنا تحت نستنى الاموزين الا يوقف لنا الاموزين ويكون السواق سعودي والله لايوريكم شكله اللحيه الي الصدر يخووف مره .. حقرنا وقمنا نستى واحد ثاني .. الا تلمح بنت عمي سياره الهيئه ... قامت تقول الهيئه الهيئه ونشوفها ونقوم نركض نركب على الدرج ركيض ماحصلش .. والسكورتي يطلع فينا مستغرب واحنا نركض ...
وصلنا عند الاصنصير واحنا خايفين يلحقونا والحمد لله فتح وصلنا الي الشقه واحنا مايتين خوووف
ولا عارفين شنو نسوي نضحك او نصيح .. وقلنا
انعل ابوها من سوق ولا رجعنا نزلنا الا لما نزلنا الي باص الشرقيه


ولايه

[دمعه حزن]

هههههههههههههه

مشكورة ولاية على الموقف

بالرغم اني ما فهمت كل شي

بعض الكلمات ما فهمت شنو يعني

مثل الهيئه ما عرفت شسالفتها..الاصنصير شنو يعني؟؟

[القلب المرح]

مشكورة ولايه على الموقف

[ولايه]

مشكوره اختي دمعة حزن واخي المناسف على المرور


الهيئة يطول عمرش هدي جماعه تقول عن نفسها انها جماعة الامر بالمعروف وانهي عن المنكر بس هي بعيد كل البعد عن هدا المسمه طبعا تشوفيهم في الرياض بكثر وخاصه عند الاسواق ودايم يتحرشون بلي رايح ولي جاي وخاصتنا بنات الشرقيه عامة وبنات القطيف خاصة طبعا هدول حوثالات المجتمع كانو من قبل خمارين سراقين يسجنوهم كم شهر او كم سنه وبعدي يقطوهم في الشارع ويخلوهم يلاحقون الناس في الشارع في اوقات الصلاة واحياننا في اي وقت بس هدي شغلتهم طبعا ادا مسكو بنت يشرشحوها ويهزئوها من فوقها لتحتها واحياننا يركبونها الجمس مالهم ويودونها المركز مالهم ومايتركونها حتى يجي ولي امرها وماتدري شي سوون فيش ويش يقولون لهلش وفي وين شافوش او في اي وضع ممكن يلفقون لش مصيبه ونتي ساكته.


اما يعيوني شنو الاصنصير هو اليفت هو زي الدرج المتحرك بس مو درج غرفه متحركه الى جميع طوابق العماره مادري ادا وضحت او بهدلتش بس ما اعرف اليه اسم ثاني





ولايه

[دمعه حزن]

هههههههههههههههههههههههههههههههههههه

الاصنصير احنا نسميه مصعد او لفت مثل ما قلتي

اما الهيئة ما اقول الا الله يعينكم

بلاوي يعني ما يصير الواحد يطلع ويتهني

الله يكون بعونكم

مشكورة خيو على التوضيح

[القلب المرح]

عندي اليكم قصه محرجه وهيه حقيقيه
اسمعو..
هذا مره انا ومع الشباب رحنا القهوه ومعسل وما معسل المهم لقينا هناك رجال سكران راخي على الارض ويشم ورقه عنده وواحد من شبابنا قال يبي ينصب عليه بالفلوس الا عنده لان كان الرجال عنده فلوس مرميين جمبه المهم
راح اليه الولد وقال اليه شخبارك ومن انواع الحياله وقال اليه ليش رامي الفلوس جمبك شيلهم حطهم في جيبك قال اليه الرجال لا خليهم
وقال الولد خليني اسحب فلوس من عندك قال اليه الرجال لا ما اقدر اصرف ولا ريال
المهم احنا انتهى وقتنا ونبغى نطلع والشاب الا معانا قال الى الرجال ع تعال ابغاك في كلمة راس بره
وطلعه وقال الى الرجال انا ابغى اشتغل معاك في بيع الممنوعات والرجال وافق والشاب غدر بالرجال وكفت ايده حت مايتحرك وربطه بالحبال واخد فلوسه وانحاش ووبعدين رحنا الديوانيه وجا وقت التقسيم انا رفضت اني اخد فلوس وبعدين غدرت بهم واخدت الفلوس كلها وانحشت عنهم
وفي وقتها جت لي امي وجلستني من االنوم وطلعت السالفه كلها حلم وازهقت انا .....
ههههههههااااااااي ان شاء الله عجبتكم القصه

[دمعه حزن]

ههههههههههههههههههههههههههههههههه

الله يغربل ابليسك يا مناسف

وانا اقول شهذا

لكن حلوه ونستنا شوي

[ولايه]

مشكور اخي المناسف على هل الموقف

بس لاتحلم واجد







ولايه

[القلب المرح]

العفو اخواتي
استني واجد مو اشوي
ولايه اذا الله كتب ما احلم مابحلم

[القلب المرح]

السلام
انا جاينكم بموقف مضحك مع سوري
هذا انا مع ود خالتي رحنا نشتري الينا اشياء من محلات الا بسوريا المهم دخلنا محل فيه ملابس حليوه
انا سالت البياع على كم هالبلوزه قال اليي بكذا وكذا حوالي 6 مرات قلت اليه على كم هالبلوزه وما اخدها اتركها
ولما الرجال عصب قال اليي وغيروووووووو شو بدك قالت اليه بس ادور اليي على بنطلون بس مافي وطلعت والرجال وده يدوس فوق حلقي بس ماعليكم الموقف عجبني مره

[دمعه حزن]

عليكم السلام والرحمة والاكرام

هههههههههههههههههههههههههههههه

الله يغربل ابليسك .. عليك سوالف

تشكر على الموقف الا يطفش

هههههههههههههههههههه

تحياتي
دمعه حزن

[القلب المرح]

العفو اختي تدري هالمواقف ماتجي الا في الاوقات الحرجه
وتحياتي

[ميمو]

هههههههههههههه
ايه والله من اول ما شفتك يا مناسف
قلت انت اكيد عفريت

[ولايه]

هههههههههه مشكور اخي القلب المرح على هل موقف

ويالله الكل يدخل ويحط مو قف من زمان ماحد حط لينا موقف



ولايه

[القلب المرح]

افا ياميمو انا عفريت انا الرئيس حق العفاريت مو العفريت
ويالله نبي نشوف مواقف والعفو اخت ولايه

[دمعه حزن]

السلام عليكم ورحمة الله وبركاته

هذه الموقف صار لي بالمدرسه .. وتفشلت فيه قدام المعلمه

كان علينا حصه انجلينزي وجت المعلمة وسكرت الستاير وبندت المصابيح

الا احنا نقول لها ليش معلمة ؟؟ البنات يمزحون يقولون لها تبينا انام؟؟

الا تقول لنا عندي معاكم سالفه اسكتوا واسمعوا .. نقول لها شنو ؟ تقول صبروا

الا تقول صراحة انا للحين مو مصدقه الموضوع وهو بالجريده قرأته بس ما ادري مو مصدقه ابي اسألكم

واحنا على اعصابنا نقول لها معلمة قولي شصاير؟؟ الا تقول انتوا صبروا وطبعا المعلمة وجهها مبين عليه انها خايفه

انزين الا تقول كاتبين بالجريده ان فى بداية السنه اجت طالبة جديد المدرسه

وهذه الطالبة متفوقه بدراستها فقامت المعلمة وحطتها جنب طالبة ضعيفه على اساس تقويها

وقامت تدرسها وقالت لها اذا تبين بعد تعالي لي البيت بدرسج وقامت تروح يوميا لها

يعني طول اليوم تقضيه معاها .. وجت امتحانات المنتصف الا يشوفون الطالبة المتفوقه ما تجي

سألوا الطالبة الضعيفه قالت ما ادري عنها .. وطبعا احنا كلنا بالصف جامدين ومنفعلين وي المعلمة

انزين بعدين راحوا المعلمات للمشرفه وخبروها ان الطالبه صار لها كم يوم من بدئ الامتحانات ما تحضر

فأخذت اسمها الا تقول انا هذه الاسم مو غريب عليي اعرفه .. فقامت تدور وتبحث بالسجلات عن هالطالبة

واتصلوا لها بيتهم مقطوع .. بعدين المشرفه يوم بحثت اكتشفت ان هالطالبة كانت قبل 5 سنوات كانت موجودة بالمدرسه

وصادها حادث هي واهلها وكلهم ماتوا .. فقالت للمعلمات فقالت لهم الطالبه الضعيفه ما يصير انا يوميا اروح لها بيتهم

فاتفقوا معلمتين مع الطالبه ان العصر يروحون بيت هالبنيه.. وطبعا البنية بعد ما عرفت انها ميته كانت مايته من الخوف

فراحت ودقت الجرس وفتحت لها الباب وقعدت تطالع شافت ان المنظر كل يوم يتكرر نفسه ما فيه شي يتغير

يعني الابو هذه قعدته يوميا يقرأ الجريده والام يوميا قاعده على الكرسي وتخيط والاخوان يوميا يلعبون

يعني المشهد نفسه ينعاد يوميا ..فخافت البنيه اكثر الا تقول لها المتوفقه ما بتدخلي بتظلي على الباب

الا تقول لها بلى بدخل .. ودخلت وهي تطالعها الا تقول لها اشفيج تطالعيني فيني شي؟؟

الا تقول لها لا بس بسألج سؤال الا تقول لها اتفضلي

الا تقول لها مو انتي مايته

الا هي تقول لها ايييي وطبعا المعلمة لحظتها كانت تمثل لنا المشهد وكانها بتجي لنا واحنا منفعلين بالقصه وكل الصف من الخووووف قعد يصارخ وبصراحة انا قعدت اصيح ..

وطلعت السالفه كلها هرار بس خرعتنا المعلمة ظليت طول الوقت قلبي يرقع وحالتي حاله

وتفشلت لان المعلمه والبنات كلهم يطالعوني .. انا نزلت رأسي بس بعد فشله

هههههههههههههههههههههههههههههههههههه

اسفه على الاطاله

[القلب المرح]

هههههههههههههههههههههههههههه
والله ان القصه حلوه
بس لو انا منش اخد الموضوع على طول مزح حتى ولو كان جد حتى اني ما اتفشل قدام الناس

[دمعه حزن]

هههههههه

تحلو ايامك اخوي

بس انا ما اقدر اتصرف على غير طبيعتي

يعني حزتها كنت منفعله وخفت وانا شكلي يفضحني

يعني لو حاولت اخفي ما راح اقدر من وجهي يعرفوني

تحياتي
دمعه حزن

[القلب المرح]

اها يعني مو متعوده على هالمواقف الا كذا
الله لايرد الش مواقف مثل دي

[دمعه حزن]

ان شاء الله .. الله يسمع منك

[دلوعه]

هههههههههههههههههه
سلامة قلبج من الخوف

[دمعه حزن]

الله يسلمج خيووووووووه

وعساها دووووووووووم هالضحكة

[abu noura]

مره كنت مع اخي الاكبر رايحين الى نخلف على احد الزملاء وبينما نحن نمشي واحد من الشباب صوت علي بصوت مرتفع بس عاد ما قال اسمي لا قال شئ ------------------------------------------------------------------------------------------------------------------------------------------------------------------ بس والله استحيت من اخي لانه اكبر مني ولا عرفت ويش اسوي من الفشيله قلت خليني اكون ما سمعت الصوت احسن بعدها بشوي قربنا يمه الشاب وبصوت مرتفع ويش فيك ------------------------------------------------------------------------------------------------------------------------------------------------------------------------------------------------------------------------------------ كان اخوي يطلع فيني ويقول انت تعرف هذا والله صرت صغير يمه من الكلمه الي قالها الاخ

بس مثل ما يقولون

عضه او فيها سوف

سكت والله من الفشيللللللللللللللللللللللللللللللللللللللللللللل للللللله

[دمعه حزن]

ههههههههههههه

الله يكون بعونك اخوي

تشكر على الموقف الحرج

تحياتي
دمعه حزن

[abu noura]

لا شكر على غداء

[دمعه حزن]

هههههههههههههههه

جوعان شكلك ؟؟ قوم تغذى

[abu noura]

موقف صعب انا بالعمل كان فيه اثنين بالمكتب واحد موافق علىسعر الموقاوله والاخر معارض
قلت اله ليش انت زعلان عزيزي قال علشان انت تحب الاخ وانا ما تحبني ورئيس مار جان يجي ويقول له قوم اخرج بره انت وين جالس بالشارع

سمع الاخ ماصدق انه واحد يكلمه قال له انت الي ويش بك هاجم علي مثل البعير قاله انا انت من اي شركه قاله ان من الشركه الفلانيه اخد اسمه وراح

قال الاخ من ذا

قلت له هذا رئيس قال هههههههها

راح بها وطي الاخ

[دمعه حزن]

ههههههههههههههههه

مسكين .. الله يسترها عليها

[abu noura]

احلى موقف محرج

كنت واقف مع بنتي عند البيت جا رجل يمشي قام اعطا البنت ريال واعطاني ريال قلت له تعالي اخي ليش سويت كذا قال علشان انا نادر بعد ما اطلع من البيت اول اثنين اعطيهم على ريال قلت له زين الله يزيدك من غناه
قال ها عيل ييب الريالات قالت البنت وع على هذا رجال

قال الله يسامحك

سئلته ليش قلت ييب الريالات قال علشان امي قالت لي يوم انك تعطي احد شئ لا تستناه يقولك الله يغنيك علشان لا تروح البركه منها

[دمعه حزن]

هههههههههههههههههههههههههههه
هههههههههههههههههههههههههههههههههه
ههههههههههههههههههههههههههههههههههههه

يا حلاة الاطفال لما يتكلمون

الله يخلي لك بنتك يارب .. وتتربى بعزك ان شاء الله

[abu noura]

دخلت المنتدى ولا عني ويش اقول من مواقف محرجه وكنت في موقف موحرج منكم ومستحي بعد لكن ارجو السموحة

[دمعه حزن]

ههههههههه

عادي اخوي ابو نوره

ما له داعي الاحراج من اخوانك واخواتك

طيب انا اليوم جايبه لكم موقف جداً محرررررررج

هذه امس كنت طالعه مع خالاتي وعيالهم .. المهم رحنا البحر

الا يقول زوج خالتي خلنا ندخل البحر شوي .. والاطفال متحمسين يبون يدخلون

وبعدين وافقنا ودخلنا وركبنا القارب وطبعاً زوج خالتي هو الا يسوق القارب

فى البداية قام يسوق بس على خفيف وحليو الجو كان .. بعدين قام يمشي سرررررررريع

وبي عاد حزتها قلوبنا وقفت من الخووووف والاطفال يصيحون وحالتنا حاله

وخالتي الا هي زوجته تقول له حرام عليك ما بنركب معاك مرة ثانية

تقول له بنتك (الصغيرة) وقف قلبها .. وهو يقول لا حليوو ما تخاف وبنته الكبيرة تقول له حليو بسررعة

وهو فعلا عجيب كااااان يعني فى حماس بس بعد يوقف القلب .. المهم رجعنا بعدين

وقلنا بنروح المسجد نصلي ووصلنا المسجد وكان فى مزرعة غنم صوب ما وقفنا السيارة

وكان راعي المزرعة واقف ومعاه كم غنم برى .. المهم نزلت انا وسكرت الباب

ونزلوا الاطفال وخالتي بعد وبقت خالتي مع بنتها الصغيرة بندت السيارة وبتنزل

الا نشوف الغنمه تجي لنا ركيض وخالتي قامت قفلت عليها السيارة مع بنتها يوم شافت الغنمه ورانا

واحنا شلنا عليه ركييييييييييض والغنمه ورانا تركض .. يعني عن جد موقف محرررررررج مررره

وبعدين الله سترها وجى راعيها لها .. لكن تفشلنا عدددددددددددددددددل

ههههههههههههههههههههههههههههههههههه

الله سترها ما كان هناك الا راعي الغنم

جان وافشيلتاااااااه

تحياتي
دمعه حزن

[دلوعه]

هههههههههههههههههههههههههههههههههههههههههههههههههه هههههههههههههههههههههه
الموقوف محرج وبنفس الوقت مضحككككككككك

ان شاء الله مايصير لكم مرة ثانيه
بس موقادره اسكت من الضحك

بنتظار جديدك دوما

[دمعه حزن]

هههههههههههه

اي محرررررج مرررررره

لا تتطنزين علينا دلوعه

تحياتي
دمعه حزن

[القلب المرح]

هخهههههههههههههههههههههه
والله حلاوتها والغنمه راكبه فوق السياره ماتخليكم ههههههه عفر اخدتي حشيش من عندهم

والله موقفش حلو بالمره ومضحك

وانا بعد راح اقول اليكم موقف اسمعو


/////
هذا مره الاخ القلب المرح بالسياره يفحط يمين يسار ويعطيها عرضه بالسياره لين مادخلت السد الا في الناصرة وكانت في وجهي شرطه وانا افحط عليها وتلاحقني زي الصحيح و انحاش منها واروح انط السد بالسياره والشرطه تفتكرني انا طحت في السد بس ماعليكم منها كذابه ماتدري الشرطه اني نطيت السد الى الشارع الثاني وبعجين الشرطة نطت ورايي تفتكر نفسها سوبر مان وسقطت في السد رواسي مسكينه واخترب الونان حقها والعفسه ودخنت وانا ماكان صاير شي نزلت من الجو الى الارض وسكرت اجنحة السياره ومشيت توكلت عالبيت بس الشرطه مسكينه عورت افادي ويوم جلست من النوم رحت اغسل وجهي وطلعت القصه حلم مو بعلم ياناس ياللي مدمجين انتو

تحياتي..

[دمعه حزن]

هههههههههههههههههههه

لو ركبت الغنمه فوق السياره جان انصرعت خالتي

وانا ما اخذت منها لا حشيش ولا شي بكبري اخاف منهم مو اروح لهم بعد

وانت يبو الاحلام .. انا عرفت ان هرار لان ما تتصدق السالفه

بس حاسب لا تسويها وتروح فى داهيه

هههههههههههههههههه

تحياتي
دمعه حزن

[القلب المرح]

ان شاء الله بعد وش نسوي الاحلام هالايام مجانا بس بفلوس تنقال لانه مايدري بها الاانا

هرار يعني ويشو ؟؟هدار وهدرة فاضيه لو ايش معناتها عندكم يالبحرانيه

[دمعه حزن]

هههههههههههههه

هرار بمعني مو صدق

لا تخاف هدرتك مو فاضية لانها مسلية

[القلب المرح]

ايه افتكر بعد شي ثاني شسمه داك كان هذا ببقص

[دمعه حزن]

ههههههههههههه

مثل ما قلت الحلم بمجان

[القلب المرح]

هذا مره كان عندي عرس لواحد ينسب لي
وكان بجيني العرس اثنين واحد منهم يدور عليي من حسينية لحسينية والغلط مني ماقلت ليه في اي حسينيه هالعرس
وانا مارحت العرس نمت
وقامو يفترو لين ما وفقو عند حسينية سالو موجود فلان اهنا
قالو ليهم لا مو موجود سالوهم الا هم الشباب تبعي هذا عرس من
رد
عليهم الولد هذا مو عرس هذي فاتحه
ووجهم الا سالو في الارض من الفشيلة اتخيلو نفسكم في هالموقف ..؟؟

تحياتي

[دمعه حزن]

هههههههههههههههههههه

مساكين .. وانت تعزم الاودام واخرتها تنام

يالله يعيشوا ويأكلوا غيرها

[القلب المرح]

اليوم جايب ليكم موقف حلووو

هذا مره الاخ القلب المرح في المدرسة
الحينا عندنا استراحة فطور توها بادية والطلاب يطلعو حتى يشترو فطور
الحين المكااان زحمة مافيه محل كيف اشتري والباب حق المدرسة مفتوح
فكرت ليها انا وواحد من الطلاب نطلع بره ونشتري من البوفيه
والله وسويناها وطلعنا هربنا مثل مايقولو ورحنا البوفيه وشرينا الا فجأه استاذ من مدرستنا جاي
شافنا قال انتون من المدرسه هااا طالعين ولا هاربين ولا غايبين قلت انا طالعين هو ماحدد طالعين من المدرسة يعني طالعين باستاذان لو بدون مع انه وضح بكلمة الهروب بس حتى يشك في نفسه
المهم رحنا المدرسة وشافنا نفسه الاستاذ ونادا علينا وودانا الى المدير قال ليي تقول طلعت لت ليه ايه وانا ماكذبت طلعت من المدرسة ورحت اشتري المقصف زحممممممممه والفطور مو حلو والماي حار والعصير يجيب العطش حطيت ليه الف حجه وقال ليي يعني هارب وانا سالتكم هربتو وقلت ليي طلعت زييين اراويكم بتندمو قلت ليه افاا استاذ انا ماقصدي واسمح ليي ومن هالكلام الصبغ الزيين واقتنع وسمح لينا ان نروح الفصل
الا وانا رايح الفصل اشوف فصلنا يفطروو وهم مسويين فطور جماعي مع الاساتذه وانا في الفصل مادريت بس كيف حسو الاساتذه للفطور بس يالله راح علينا الفطور وانحرجنا مع الاستاذ بس كسبت قوطي عصير الربيع مانجا لذييييييذ

[دمعه حزن]

ههههههههههههههه

حسبي الله على ابليسك ..

مو هين بعد تشرد من المدرسه هاااا ..

زين طوفها لك الاستاذ جان رحت فيها ..

[القلب المرح]

الله المعين
وغربل الله ابليسش انتين ابليسي ماليه دخل خليه في حاله
حيوووو

[عاشقه اهل البيت]

لا يوجد لدي

[امير الشباب]

لعل الكثير منا اصابتة مثل هذه المواقف وأذكر من هذه المواقف والتي تحدث دائما ويقع اصحابها في حرج كبير
اذكر قصة حقيقية حدثت لشاب في بيت عمه حين تخيل عمتة زوجته ووضع يده على كتفها ليرى ... تهرب ويتضح الامر انها ليست زوجته بل عمته واحمر على إثر ذلك وجهه
وانا اصابني موقف مع شخص عندما ضربته على ظهره وبقوة ليتضح الامر ان الشخص ليس بصاحبي ... ومرة صرخت وبصوت عال على شخص وانادية زهيييييييييييييير فرد صاحبنا اي زهير بعد ..اخونا مسامحة
وفي مرة غير بعيدة وانا قادم بسيارتي قرب بيتنا لأرى إمرأة تمشي وهي مشمله ... توقفت وفتحت نافذة السيارة وناديتها ( ها خالة وين رايحة حياك ) طبعا الام الكريمة لابسة بوشية .. لم ترد علي ونظرت لي بإستغراب وكأنها تقول ويش فيه هالحجي... إصبت بإحراج شديد وعلى طول خبرت الاهل قبل لا تجي شكوى او دعوة
وهكا لطالما اصيب البعض بمثل هذه المواقف
لأجل ذلك أرت بهذا الموضوع ان ألطف المنتدى بمشاركات الاخوة والاخوات والتي اتوقع الكثير منهم بذكر مثل هذه المقالب المضحكة والمحرجة وسلامتكم

[سجينة الآهات]

يعطيك العافية عالى هالموضوع والله يسلمك

والله المواقف شكثرها بس ألحين مو ذاكرة شي <<<<<<<<<توي راجعة من المدرسة والمخ مقفل
... سامحوني ( لعدم ذكر الموقف )

سجينة الآهات

[سيناريو]

خليني أقول ليكم ذاك الموقف ههههه>>> من الحين تو الناس ياحظي :bigsmile:

هذا ياطويلين العمر في أيام المدرسة في الفسحة زحممممممممممة وأني مع صديقتي حشرك مع الناس عيد نبغى نعبر
صديقتي حسيتها ضاعت في الزحمة
عاد أني لاشعورياً حسيتها ورايي وأخذت ايدها وأجرها وأطلعها من الزحمة والا تطلع مو صديقتي بنت ثانية ماأعرفها خخخخخخ >>>> فشلة :embarrest::embarrest:

[اللؤلؤ المكنون]

أما أنا السنه الي راحت يوم أروح المدينه
دخلنا في حمامات أكرمكم الله ومصلى وصايره ذيك المكان خرااابه
وفيها ريحه وأنا عاااد أمووت خوف من الحشرات وأنا أتوضى قلت لخوتي
أنا أشك أني بشوف وزغه وشفت شي أسود طاير وقمت أصااااااارخ وسمعوا الي في المصلى كلهم
وبعدين أكتشفت أن هذا لا هي وزغه ولا هم يحزنون توقعون وش هي ؟؟؟؟؟
:
:
:
:
:
:
:
:
:
:
طلع الخيط للربط مال العباية
والله فشله !!!!!!!!

[عنيده]

السلااام


انا مره كنت رايحه مع ولد اخوي البراده ( عمره ثلاث سنوات ) عاد هو متملل قلت بلطف الجوء شفت حمامه الا اقول له : علوي طير يقول لي حمامه انا اقول طير واهوا يقول حمامه عاد ارتفع صوتنا شوي ووقفنا في الشارع نتهاوش انا اقول طير اهوا يقوول حمامه بعد خمس دقايق جاء شاب يقول حمدالله والشكر تتهاوش مع ياهل

انا اانحرجت لاني ما اعرفه

[قطعة سكر]

هههههه
مره انا وبسمه نغم كنا فوق في الطابق التاني قلنا بننزل نشرب ماي من البراد
وكان المكان ظلمه وكنا خوافيين <<< بس خوافين :weird:
المهم شربنا الماي وخلصنا قلنا يلا نركب ننام نعسنا وجتنا النعسه وركبنا واحنا على الدرج
عاد درجتنا طويله الا وبسمه نغم تقول لي **( ارجولي ناعمه ماقدر اركض)**:weird: وانا فكرتها
تقول**( الجني ورانا ماقدر اركض)** :toung:وعاد ديك الساعه قعدت اصرخ واختلعت هي من
صراخي وقعدت تصرخ معاي اني اصرخ وهي تصرخ وقعدنا نركض:wacko: بعدين جت امي وابوي
يركضوا يفتكرونا شايفين حرامي طاب علينا:wink: وصلو لينا يقولو لنا ويش صاير ليش تصرخو
الا واني اصيح قعدت اقول بسمه نغم الدفشه :evil:تخوفني امي من العصبيه ضربتني
وضربت بسموه بس مو بالقوه ضربه ماتاثرفي النمله:amuse: طبع كنا صغااااااااار كنا في ابتدائي:rolleyes: المهم
قامت بسمه نغم تطالع فيني بنظرات وتقول لي يا جدااابه متى اني خوفتك خلاص انا حسيت اني تفشلت:embarrest: كلهم قامو يطلعون فيني
بديك النضرات الي تخوف:weird:
يلا الحين مو تقعدوا تضحكو علي:embarrest:
تحياتي

[أمير العاشقين]

سلملم


عندي ليكم موقف





هاذا ياطويلين العمر والسلامه مودي بنات خالتي والوالده المجمع
وقالوا ماراح يمهلووا


ضليت انتظرهم جنب بوابة المجمع
الا واحد نفس سيارتي واقف وراي


طلعت ما ادري زوجته اخته من المجمع


ومن البهدله ركبت سيارتي
انا من شفت المره على طول فتحت الباب وطلعت من السياره ورحت جنب السياره وقلت ليها خيه الظاهر غلطانه في السياره


هي ماتدري بالدنيا قامت طالعت فيي واستحت انحرجت ونزلت من السياره وركبت السياره حقة زوجها لو اخوها


وجاني مسامحه ومن هالكلام وانا الفشيله معبيه وجهي عادي حصل خير


واال داك اليوم ماليي حال القلب بغا يووووقف


هذا الموقف


اذا عجبكم راح اقول غيره


تحياتي
أمير العاشقين
جاسم أحمد

[وردة البستان]

بسم الله الرحمن الرحيم
والصلاة والسلام على اشرف الانبياء والمرسلين وعلى اله الطيبين الطاهرين

عاد انا موقفي يضحك ويعور القلب

في السنه الاولى من زواجي كنت مسافره الى المدينه انا وزجي واختي وزوج اختي وكنا طالعين الى السوق وعاد انا امو ت في شي اسمه سوق واناحامل ماشيه زي البطريق كلهم يسبقوني في المشي وانا امشي واسولف ولا ادري عن طريقي حتى وصلنا الى رصيف ركبنا الرصيف وانا مازلت اهدر حتى جينا عند نهاية الرصيف وانا ماادري بالدنيا وكلهم سابقيني ماسمعو الا صرختي وانا على الارض على وجهي وبطني كبير في الشهر السابع من الحمل طبعن بعدها مادريت بالدنيا مسكين الي في بطني ظل تعبان حتى الولاده و طبعن منهم من ضحك عليي ضحك سنه بيوم ومنهم من راف بحالي وطلعو اصحاب المحلات والناس التمت افتكروني مت ولما صحيت صحت وبعدين ضحكت ماتصوروه طبعا من الفشله وزوجي ظل كلما نطلع ونوصل الى المكان يقول تباركو بهذي المكان وطبعا صرت مسخره والمشكله انها انعادت السالفه من جديدفي السنه الثانيه ونفس المكان وكل مااذكر السالفه اموووووت من الضحك

[وحيدة عالمي]

مواقفكم جدتضحك
انا عندي موقف من كثر الخلعة قمت اصيح
حابين تعرفوه
كان مره خالي قاعد يقص لي قصة واحد بريطاني الا اشوفه يدخل في سالفة ثانية
عن ان كان في طريق ومايشوف الا عزكم الله في كلاب تلحقه واني مندمجه في السالفة
وواحد من الكلاب نط عليه فجاة ...


وعضه في ادونه


قالي قربي شوفي العضه
اني ما كذبت خبر الا ما اسمعه يقول ليي الا هوووووووووووو في داوني بصوت عالي بغيت انتفه بس جت غلط وقمت اصيح

تصدقو
قام في الاسبوع الثاني وقالها لوحده من خالاتي تصورو ويش سوت فيه
ضربته ضرب
انشاء الله عجبتكم السالفة