مشاهدة النسخة كاملة : مساعدة من الي عندهم خبرة بالاسواق بلييز
رافضية وللأبد
10-23-2007, 05:02 AM
هلا بالبنات الحلوووين كيفكم عساكم بصحة وسعادة
يلله بدا العد التنازلي لعرسي عقبال عندكم
وعندي فكرة بعرسي والي عندها خبرة بالاسواق اكيد بتساعدني
ابغى اعرف ووووووووووين يبيعون الاقنعة التنكرية للحفلات وابغى وصف دقيق للمحلات اللة لايهينكم
استنااااااااااااااااااااااكم
ام حيدر الكرار
10-23-2007, 05:53 AM
هلا خيه
الف الف مبروووك لش على الزواج وربي يتمم لش على خير
هذي اول مشاركة ليي وحبيت افيدش
شوفي غناتي حفلة اختي قبل شهر تقريبا واتخدمنا الاقنعه هذي الي تجي من ريش
واحنا شريناها من مجمع الزهراء في الطابق الثاني
في كشك صغير يبيع العاب اطفال وخرابيط تلقيهم عندهم ان شاء الله عاد ماخلصوا
وعاد لاتنسيني من العزومة في عرسش ^_^
رافضية وللأبد
10-23-2007, 06:49 AM
هلا واللة بام حيدر
يامرحبا يا مرحبااااااااااااا والله تو مانور المنتدى
مشكوووووووره غناتي وانشالله باروح وباشوفففففف وانشالله ماخلصوا بس ادا خلصوا ابغى البنات يسعفوني بمحلات ثانية
واتفضلي عرسي وادا ماشالتش الارض تشيلش اعيونا
ام حيدر الكرار
10-23-2007, 10:59 AM
تسلمي غناتي على الدعوة
وان شاء الله يارب مايكونوا خلصوا
اذا عاد شريتيهم طمنيني
وربي يوفق لش دنيا وآخرة
هلا اختي
فيه محل في مياس اسمه زهرة اللوتس يمكن يكون عنده هالشغلات
والي قالت به الاخت ام حيدر هذا بعد عنده
والله يوفقك ويبارك لك ..
تحياتي
رافضية وللأبد
10-24-2007, 03:45 AM
مشكووووره ام حيدر غناتي وادا شريتهم باقولش
ياهلا فيش عمري حور العين مشكوره على مساعدتك لي وانشالله باروح اشوف بعد
والله يوفقكم جميع
لحن الخلود
10-24-2007, 04:23 AM
احم احم
ست الحسن قامت تفلسف<<<
رافضية يا غناتي والله لو اقدر اساعدش والله ماقصرت بس لان من فرحتي الش وانشاء الله يتمم عليكم بخير ويفرحوا بش اهلش حبيت ادخل واهنيش الحين وبعدين انشاء الله
بس بصراحة ماتعرف للاعراس شيء الا اذا علموتونا شوي المفروض يخلوا قسم خاص لغراض الزواج
لان من زمان ماصار عندنا عرس تقريبا 12 سنة بيتنا فقير من الاعراس وان شاء الله اخوي قريب
وعقبال البقية
واتمنى انش تكتبي كل الاغراض الخاصة بالعروس وخوات العروس كان تفيديني لما يجي عرس اخوي <<<< الي يسمعها يقول بكره
اعذريني لاني طولت ومافدتش بشيء
والف الف مبروك مقدما
اختك لحونة
رافضية وللأبد
10-24-2007, 04:39 AM
هلا والله لحن الخلود عساش سالمه انشالله والله يبارك فيش ياعمري
وكل شي ياغناتي يحتاجوه اهل العروس بيحتاجوه اهل المعرس اقصد لليلة العرس يعني
يحتاجوا تجهيز من حجز حناية وحجز خياطة وهدي ادا من المشهورين ولا قبل سنة ياللة تحقلي حجز ولا لدوارة الى القطع فهالاسواق وغير ثياب الجلوات والحنا والتبريك وغير حجز الكوافيرات يعني يبيلة استعداد كامل واهم شي ميزانية جاهزه
وهدي حالة الاعراس بشكل عام وادا عندش سؤال معين اتفضلي ومن عيوني>>>>>>>>>صارت خبرة الاخت
واحنا مثلنا مثلكم غناتي من زمان ماصار عندنا عرس ولا 7 سنين بعد من اتزوج اخوي
واللة يفرج علينا وعليش والمؤمنين والمؤمنات ونسمع عنكم ياحلوه اخبار حلوه زيش
ومن قال مافدتيني مرورش احلى فائده ياقلبي
لحن الخلود
10-24-2007, 05:56 PM
تسلمي اختي رافضية للابد
طيب ثؤال يثدح نفثه
كم تكلف ميزانة خوات المعرس او العروس
الميزانية الي تحتاجها تقريبا كم ؟
ع شان ان جى عرس اخوي ما اخذ اقل بس اكثر عادي
لان بصراحة اول عرس بيكون اشيل واحط فيه يعني اكون فهمت ووعيت عليه الله يعين الاهل خمس بنات اش يقدرهم والله يخلينا ليهم والله يعين اخواني الاثنين المعرس والثاني :)
بتكونوا ريحتوني ان عطيتوني كم تقريبا الميزانية
ومشكور
واعذريني اختي المفروض صفحتش من شانك انتي انا الي صرت اسئل والله خجلانة بس اعذروني لاني جاهلة بهاي الامور ولاول مرة ادخل فيها
رافضية وللأبد
10-25-2007, 04:09 PM
لا واللة شرفتي صفحتي والة
شوفي باتكلم عنش وكل وحده من خواتش تحسب نفسها مكانش
انتين ادا بتخيطين ثوب ليوم الزفة وهالخياطة من الي يتشيرطون يبغون القماش الفرنسي والايطالي وغيره
وادا انتين تحبين داك الموديل الي كله حركات وغيره حطي للقطع 1000 وللخياط 1500 يعني بيصيرو 2500اقل شي فهالحدود
اما ادا خياطه عادي ماتتشيرط او انتين تبغين موديل عادي فبتكون ميزانيتش اقل من شديه
وادا بتاخدي جاهز يمكن للجلوات يعني بيكلفش من 800 وطالع ادافية شك وغيره وايام التخفيضات يوصلوا لنص السعر
نجي للحنايه
يعني هدولا فرق واجد بينهم
تجيلك وحده تحنيش ارجول وايادي ب 270 وتجيلش وحده ارجول وايادي ب 100 فقط فانتين وحظش والحجوزات
نجي للكوافير
ديلا اسعارهم ادا من المشهورين فمثل بعض في الاسعار
يعني وادا كان المعرس اخوش مابتحطي الا ابو 250 او ابو 300 وانتين تختاري
وغير الاكسسوارات وهدي شيلي ليها عالاكثر 200 ريال يعني وغير الاحذيه عزش الله ابتاخدي واحد للزفه وواحد للجلوات يعني حطي ليهم حدود 200 ريال
وبس
وترا هادي ميزانية ناس متوسطين يعني مدبرين عمرهم وشوفي ادا انتون ميزانيتكم ماتسمح ياعمري حاولي تستغنين عن بعض الاشياء
(والله غني عن العالمين)
والله يخليكم لبعض ويفتح علينا وعليكم وانشالله ادا نسيت شي دكريني
وتحياتي وفي خدمتش غناتي
رافضية وللأبد
10-25-2007, 04:16 PM
بس تعالي هدا الي كتبته لخوات العروس او المعرس
اما ميزانية العروس لروحها فشي ثاني بالمررره
لحن الخلود
10-25-2007, 07:26 PM
مشكورة اختي انتين جلطتيني طحت من طولي
خلاص مابنعرس احد
لا اخوي ولا اختي
اعتزلنا العرس من قال نبي نعرس احد
<<<<<<< تمزح مشكورة اختي لو هو المصاريف علي كان والله ماخليتهم يعروسوا بس الحمد الله الي بيعرس يطلع فلوسه قبل عرسه
<<<< البنت داشرة
مشكورة من قلب اختي رافضية للابد
رافضية وللأبد
10-27-2007, 01:20 AM
خخخخخخخخخخخ ضحكتيني
بس باقولش شي هو صح مصارررريف بس شوفي الصراحة تنقال البنات يحبون يصرفون على روحهم وبالذات في الاسواق يعني صح هو صرف بازياده بس اخر شي بتحسين بوناااااااااسه لانش تشترين الي نفسش فيه
والعفو حبيبتي ولوووووووووووووووووو
بئر الصمت
10-29-2007, 04:42 AM
ماعندي فكرة خيوووه
بس اني في عرس اخويي سويت واااحد لمرة اخوييي
والكل انهبل عليه كان عادي مرررة
بس العواين فتحاتها استوت صغيييرة مرررررة
ولو عندي صورته كان حطيتها لش اراويش وياها
لأني لبسته خرز اخضر مع وردي وكرستالااااات