&&& ســافـــــــر &&&

[أمير العاشقين]

لقد غبت وها انا ارجع لكم بقصيدتي الحزين وأقول فيها سافر


على متن الألم سافر وترك لي مجاديـفك

ولاتنسى تلوح لي تذكرني بغيباتك

وخذ وقتك من ايامي وخذ من ليلتي طيـفك

وخذ ماضي بنى صرحه على وهمك وكذباتك

ولو يشقى العمر بعدك شقى عمري دهر زيـفـك

أنا مابيك تنظر لي ابيك اتناظر مراتك

تمعن في تقاطيعك وانت احكم على كيفـك

بدون قناع ابي تحكم على وجه سكن ذاتك

خدعني همسك الكاذب غمرني في المطر صـيفـك

وكنت افرح ولا اعرف نهاية كذب همساتك

فقدت احلامي بحضنك رحلت اتبع سواليفك

معاها خطوه بخطوه وخانتني مسافاتك

حبيبي لملم شتاتك ورحب بالألم ضـيـفك

ولاترجع تلوح لي خلاص اعتدت غيباتك

تحياتي
أمير العاشقين
ساكب الدمع الحزين

[دلوعة الكون]

تسلم اخوي أمير العاشيقين
على الكلمات الراقيه..

[أمير العاشقين]

الله يسلمكي خيه الدمعه



مشكورة على المشاركة

عساكي على القوة يارب

تحياتي
أمير العاشقين