قصص مرعبه.. الرجاء من اصحاب القلوب الضعيفه عدم الدخول

[أسرار الليل]

هذه مجموعه من القصص المرعبه

نرجو قبل القراءه اتباع التعليمات :


1_ ذكر اسم الله والتعوذ من الشيطان الرجيم


2_ اذا كانت غرفتك اضاءتها خافته الرجاء تغيير اسلوب الاضاءه وياليت تطفى النور احسن


3_ قراءة المعوذات والادعيه المأثوره


4_ اذا حسيت قلبك بدء يقول( طربق طربق طربق) الرجاء طفى الجهاز وروح نام فى غرفة اخوانك


5_ اذا سمعت صوت غريب عندك بالغرفه لا تحاول تلف راسك وتدور من وين جاء الصوت


6_ اذا نمت وحلمت بحلم مزعج انا لست مسؤل

7_ جميع القصص التى سوف تقراءها حدثت فى دولة عمان


يالله نبدء :

بسم الله الرحمن الرحيم


القصه الاولى :

فى مره شلة اصحاب راحوا الى منطقة السد فى وادى صحنوت ومعهم عدة السمر من عود وطبل وغيره... وطاب السمر وياليل دان وكانوا يضحكون ومستناسين... وفريب الساعه 2 بالليل ... سمعوا صوت أمراه تصيح وتنادى.. فلما توجهوا بانظارهم باتجاه الصوت.. شافوا والعياذ بالله أمراه بنص جسمها الاعلى (بدون ارجل) ويداها توصل للارض وهى تركض باتجاههم باستخدام ايديها وهى تقول بالعاميه ( عذبتونى هلكتونى عذبتونى هلكتونى) طبعا الشباب لما شافوا ذا المنظر طيران على السيارات... وجوا اليوم الثانى وشالوا عدة السمره

:
:
:

القصه الثانيه :

هذا فى بيت مسكون بس يقال ان به الجن الصالح وبه عائله ساكنه به من البشر... فمره كانت البنت نائمه فى الغرفه لما سمعت طرق على الباب راحت وفتحت الباب.. واذا به اخوها جاء يسالها عن غرض له فاجابته... وخرج الاخ وردت البنت الى النوم... ولكنها لما عادت الى السرير.. تذكرت انا اخاها مسافر الى مسقط من يومين... فتحول لونها الى الازرق من الخوف وركضت الى غرفة اهلها ونامت بينهما الى الصباح
:
:
:


القصه الثالثه :

مره مجموعه من الشباب كانوا فى طلعه خفيفه الى المغسيل ( منطقه فى دولة عمان ) وكانوا جالسين فى احدى الاستراحات... واذا بهم بسياره لاند كروزر تصف على مسافه بعيده شوى... وشافوا ثلاث بنات ينزلون من السياره .. اكيد بتقول كيف شافوهم والسياره بعيد... شافوهم لان البنات لابسات عبايات والقمر بدر... فقال واحد من الشباب ليش مانروح ونشوف ايش السالفه فتوجه هو واثنان منهم بهدوء الى قرب السياره... فلما وصلوا قرب السياره تفاجوا بان لا أحد فى السياره... ولمحوا البنات على الشاطى يلعبون بالرمل بطريقه غريبه جدا بحيث ان كل واحده كانت تاكل من الرمل وهم فى تلك الحاله من الانسجام المشبع بالخوف اذا بيد تتمتد من خلف أحدهم فالتفتوا جميعا ... فاذا بامراه كبيره فى السن.... مغبرة الشعر (( شكلها يخوف)) وقالت لهم بصوت رجالى... سيروا احسن لكم.. ولا ماباتشوفون خير... طبعا على طول الشباب ركظوا لسيارتهم وهم مايحسون بأنفسهم
:
:
:

القصه الرابعه:

أم لديها طفلة تبلغ من العمر أربع سنوات وقد ولدت طفل أكملت أربعين يوم وبعدها بفتره وفي يوم كانت تعد العشاء لعائلتها تركت بنتها ذات الأربع سنوات تلاعب أخاها في الغرفة وهي بالمطبخ وبعد أنتهائها من أعداد العشاء ذهبت لترى طفلها وفجأه .........

تجد بنتها قد أكلت طفلها وتلتفت البنت لأمها مخاطبةً اياها أماه أن عظمة الرأس قوية لم أستطع أن آكلها
صرخت الأم وقد جن جنونها وعندما سمع صوتها الجيران وشاهدوا بأنفسهم المنظر بأم أعينهم ...
ما هذا الذي حصل ؟؟؟؟؟؟؟؟؟؟؟؟
نعم أنها قصة واقعية وقعت ببهلاء
حكم على البنت بالقتل إذا كانت بهذا السن وتفعل هكذا فالمستقبل ماذا ستفعل ؟؟؟
:
:
:

القصه الخامسه :

فيه مره مجموعه من العوائل قرروا يطلعوا رحله الى الخيص (منطقه ساحليه بعيده عن المدن.. قريب مرباط) وواحد من الرجال رفض انه يروح ولما وصلوا هناك اكتشفت حرمة هذا الرجال انها نست الاكل مال ولدها (الله يهدى الحريم) واتصلت بزوجها فقام الرجل وشل الاكل وتوجه اليهم ووصل.. قريب العشاء... وهناك تعشى معاهم وقرر يرجع بس الاهل قالوا له يبات معهم بس صمم على الذهاب... وفى الرجعه الرجال ضيع الطريق (لانها منطقه اذا ماتعرف طرقها تضيع) وهو يدور على الطريق شاف نار من بعيد فقال اروح واسال هناك عن الطريق فحصل بيت من العريش وعنده رجل شايب وبنت شابه فسالهم عن الطريق.. فقال له الشايب انت الان بات هنا والصباح خير فقامت البنت وجابت للرجل مخده وكمبل ... ونام هذا الرجل .. فلما صح الصبح بسبب الشمس حصل نفسه نايم على الارض بدون مخده وكمبل.. ولا توجد هناك اى اثر لبيت العريش والرجل والبنت



****

اللى عنده قصه مرعبه يكتبها فى هذا الموضوع
بس على فكرة هذا منقول القصص بس اني بجيب لكم قصص صارت لي شخصيا اسرار الليل
عندي صديقه او بالأصح زميله جالسه وراي في الفصل وحنا إذا معلنة غايبع عندنا نجلس آخر الفصل مع شلة بنات اللي جالسين ورى تجمعنا وبدت هذي البنيه تتكلم وتقول ليي:
فلانه اني شفتش مع صديقتش (..... ) في بيتنا البارحة !!!!!!!
كلنا قمنا نضحك لأنه هذي البنت مسخريييييييه مررررررررررررررررررررررره
قالت بجد ولله شفتش انتين معاها
اني صدقتها قالت اهااا كملي وكلنا منتبهين إليها
كملت وقالت:
جا اخوي .... وكان اخويي اصلا نايم في بيت اهلي
دخل عليي وقال ليي فلانه صديقاتش جو لش (( وكان نص الليل طبعا وكنت نايمة))
قلت له اوكي دخلهم
دخلتي انتين وصديقتش وكانت عليش بلوزه صفرا وو ..... كانت عليها بلوزة زرقا وتنانير قصار
(( اني الصراحة ما صدقت وشهقت))
وكملت
قالت بعدين شفت راسش في كتف صديقتش
اني طبعا من اسمعت صديقتي قالت ليي السالفة قمت اصيح حتى المعلمة انتبهت ليي لأني من اسمع طاريهم اصيح بدون شعوور
اني اللحين ابي كل واحد يدخا يقول لنا شي
تحياااااااااااتي

[الكرزه]

يسلمو اختي على القصص الرائعة
خصوصا القصة الرابعة
اني عندي قصة قالتها ليي امي

القصة




كان يا ما كان في قديم الزمان , كان في رجالين وكانوا قرايبنا من بعيد (توفوا)الله يرحمهم ,كانوا طالعين يتمشوا في النخل في نصف الليل ولمن وصلوا منتصف النخل شافوا ايد صغيرة مرمية عليهم ,وبعد دقايق شافوا ايد ثانية مرمية عليهم ,وبعد شافوا رجايل صغار مرمية عليهم و خافوا لكن جاهم فضول انهم يعرفوا ويش السالفة, ودخلوا بين الاشجار والنخايل الي جات منها الايادي والرجايل ,وشافوا ثلاث نسوان ,وحده حامل والثانية قاعده تولدها اما الثالثة تتكفل بتقطيع الجاهل الي توضعه الحامل,انبهروا لرجال وسألوهم ليش يقتلوا الجاهل ؟قالوا:ان هذي المرة حامل بالحرام وهم يمبوا يقتلوا الي توضعه اللقيط لكن حلفوهم مايخبروا احد ,
وانتهت السالفة

[اللؤلؤ المكنون]

لا إله إلا الله والله قصص مرعبة جـــــــــــــدا
يسلمووووووووو أخواتي

[أسرار الليل]

مشكوورين على المرور
يعطيكم الف عافيه

[ملاك الناصره]

بسم الله الرحمن الرحيم
مشكوره اختي اسرار على القصص الرائعه
وأني راح اكتب ليكم قصه صارت معاي شخصيا بس القصه طويله شوي وراح اختصرها




أول ماسكرت المدرسه كنت أنام بدري<<لأن الحين نومي اخترب انام الصباح خخخ
المهم يوم من الأيام قبل مايسلمونا النتايج كنت قاعده احاتي مره النتيجه وفي داك اليوم مانمت بينما خواتي واهلي كلهم نايمين وراهم دوام مو مثلي ..المهم جلست بروحي في الصاله واهلي نايمين واني مشغله التلفزيون ومنزله الصوت بالمره يعني دوبه ينسمع .. وكنت مستمله حدي فاقمت اقرأ قرآآن بصوت هاااادي وبخشوع ..المهم شفت اختي قايمه من النوم ومعصبه حدها وتقول لي اففف منش ويش هالإزعاج ماتدري ان ورانا دوام .. استغربت حدي قلت غريبه اول مره اختي تقول لي انها مزعوجه من قرآت القرآن مع ان اهلي وخصوصا اختي كانوا كله يصروا انهم يسمعوني لما اقرا القران ويكونوا معاي يقولون لي صوتي مره مؤثر لما أقرأ القرآن ..قلت ليها طيب آسفه بس لأني كنت مستمله حدي وقلت اتسلى بالقراءه ..المهم عصبت فيني حدها لما قلت كذا ومسكتني بقوه وتقول لي اذا سمعتش مره ثانيه تقرأي ياويلش وقالت ليي ابجلس معاش طول الليل بشوفش تقرأي لو لا .. واني ماني مستوعبه الموضوع اقول في خاطري معقوله اختي تقول لي كذا .. المهم قلت ليها اوكي خلاص ماراح ازعجش روحي نامي قالت لي لا مافيه بجلس وياش قلت ليها طيب اني بروح انام قالت لي نامي اني ويش دخلني ..استغربت حدي اول مره اختي تكلمني بدا الأسلوب ..المهم دخلت غرفتي وقفلت الباب وجلست اقرأ قران بصوت مره نزيل يعني يادوب اني اسمعه..لاحظوا قفلت الباب .. ماسمعت الا صوت صراخ وضجيج يقول لي قومي افتحي الباب لا افتحه بالغصب وطبعا اني مره خايفه وقلت ماراح افتح الباب ماشفت الا اختي داخله وفاتحتنه بكل سهوله صرخت وقلت كيف فتحتيه واني مقفلتنه قالت ليي انتي ما تفهمي مو قلت لش مو تقرأي قرآآن .. قلت ليها صلي على محمد بكره نتايجنا وخايفه ما اجيب الأولى خليني أقرأ علشان يروح الخوف الي في قلبي قالت لي والله اذا تقرأي مره ثانيه راح انزلش الأرض تحت يعاقبوش صاحباتي الي تحت ..واني اصيح وعلى وجهي مليون علامة استفهام .. المهم في وصت هالمعركه ماسمعت الا صوت جوالي يرن الا هو خطيب اختي طبعا بعد السلام والهدره يقول لي ويش فيش لويش تصيحي وحكيت السالفه ليه واختي قدامي ماتتكلم ولا كلمه واني كلما قلت ليه حاجه يصلي على محمد وآل محمد يوم خلصت كلامي قال لي يافلانه اقول لش شي بس توعديني تتمالكي نفسش وتهدي روحش قلت ليه قول قال ليي داهي اختش من العصر ويايي وخايفه عليش كلما تتصل فيش ماترفعي الجوال وتبغى تكلمش اني طبعا ماصدقت الا لما كلمتها ... لأن اني كنت في بيت جدي ومارجعني عمي الا يوم خواتي ناموا ومافيه الا اخوي قاعد وبعدين قام نام فما ادري ان اختي مو في البيت .. المهم قالت لي اختي استمري في قرآت القرآن لين ما اوصل لش البيت مو تخافي ولا تبيني الى البنت انش خايفه زين .. المهم سكرت الجوال وقعدت اقرأ قرآن والبنت معصبه حدها بس ماتضربني وكلما قريت زادت عصبيه لين ما توجهت الى الحمام وسكرت عليها الباب واني اقرأ وبعدين جت اختي وتوجهنا اني وياها الى الحمام الا مافيه احد بس مسكوب فيه دم وااااااجد وما قدرنا نستوعب الموضوع اني ويا اختي ولا وحده فينا رضت تغسل الدم الي بالحمام المهم جا الصباح واني واختي مو نايمين وجلسوا اهل البيت وحكينا ليهم السالفه وماصدقوا الا لماشافوا الدم وقال ابوي الحين بخلي كل الجن الي في البيت يطلعوا بس لا احد يخاف قام ابوي شغل شريط قرآن سورة يس وسمعنا اصوات تموت من الخوف كأن احد يتشابق ربع ساعه بس ولا كلشي طبيعي الى حد اليوم ولافي جن ولا حاجه بس المهم ان بيتنا مانتركه يوم بدون قرآة قرآن علشان مايفرحوا ... وعلى فكره رحت جبت النتيجه وبفضل الله أخدت الأولى .. اتمنى انكم استفدتوا من قصتي وانكم اهم شي ماتخافون منهم لأن اذا خفتوا هم يستنسوا وصلوا على محمد وآل محمد ولابيقدروا يسوا ليكم ولا حاجه... والسلام عليكم..

[أسرار الليل]

مشكووره خيتوو ملاك الصراحة القصة ترعب واني من عادتي لما اسمع قصص جن على طول اصيح اني كذا جبااانه حتى من كثر نا اخاف اتخيل احد ورايي
المهم اني بعد بقول لكم قصة من قول امي اتقول امي بس قبل ما اقول ليكم بقول شي حنا من قبل كنا ساكنين في بيت إيجار مسكوووووووووووووون عدل انزين وتقول امي ليي:
في يوم من الأيام كان ابوش مسافر وخواتش في بيت اهلش واني ابي ارجع شي الى بيت جيرانا وما كان في البيت احد غيري اني وانتين وكنتي انتين في المفرش صغيرة المهم قمطش وخليتش وقلت خليتش عندي اللي عطاني وياش امانه ورحت رجعت الغرض وانتين نايمه رحت ورجعت وما رجعت الا انتين مييييييييييييييته من الصياااااااااااح معا اني رحت ورجعت حتى دقيقتين ما اخدت اللي وبعد فترة اعرفت ان اللي سوو فيش كذا الجن
وبقول قصة ثانيه بعد وهذي القصة في نفس البيت بعد اتقول امي:
اني إذا خلصت من الشغل اروح اجلس على السرير وامدد رجايلي ما امدهم الا احس بخبطات جهال على رجولي واطالع يمين يسار ما اشوف احد حتى اقعد اصارخ واقول ولا خير يعني ما بتهونوا عني وتالي ما احس بشي وانام
والقصة الثالثة اتقول امي:
كانت خواتي اللي اكبر مني صغار وينيموهم في غرفة لحالهم طبعا
كانت اختي الكبيرة عمرها تقريبا خمس سنوات كانت نايمة وصحت من النوم وشافت وحدة جالسه فوق الكبت ومدلدله رجايلها وشكلها غريب وقالت لأختي: تنزلي ويايي تحت الأرض؟؟
كانت اختي جاهله وهبله قالت ليها: لحظة بقول لأمي وبرجع
راحت اختي لامي وقالت لها السالفة امي فزت من مكانها وما راحت الغرفة الا ما فيها احد
ادري اني هذاره واجد بس احب اهدر
سلااااااااااااااااااااااااااام

[كبرياء]

يمه يمه يمه وش هالقصص لو درييت ماادخلت ههههه <<<,امزح :toung:

من جد قصص مرعبه

يسلموووو

[الأمل البعيد]

تدري ماقريتهم تعرفي ليش لاني كتبت في قوقل قصص عن الجن وطلع لي وقريتهم زي هاذي القصص بضبط تدري وشصار لي يوم الثاني قمت اهلوس واحلم وكوابيس واتخيل
عشان جدي خلااااااااااااااااص بطلت اقراء قصصعن الجن
مشكوووووووووووووووووورة مرة ىوباشوف في قصص مرعبة عشان يخافوا الاعضاء ويحلموا <<< زيي خخخخخخخخخخ
بقول لكم قصصي مع الجن
كنت صغيرة جذي سنتين كنت عايشة وامي في شقة مسكونة اصوات والبيبان تتحرك
وكل يوم اطالع المكيف واقوم اصرخ وافزع الدنيا امي علطول اطفي المكيفات الي طلع انهم الجنانوة
وكنت ادا ادخل الحمام اخاف من الجن لحد الان
تعرفوا عايشة في شقة مسكونة اشوه تحولنا كان اموت
مشكوووووووووووورة بس لا تقولي لي عن الجن مرة ثانية <<<<< خخخ امزح
تحيااااااااااااتي

[سيناريو]

سكنهم في مساكنهم يارب والحين طلعتي الأولى ووووولا

[م الغاليين]

مشكورين خواتي على القصص المرعبة
وخصوصاً قصة ملاك الناصرة
الله يبعدهم عنا
تحياتي للجميع

[ملاك الناصره]

هلا اختي سيناريو ... طلعت الأولى لا تخافي على ملاك قدها وقدود<<<مداح نفسه يببيله رفسه ملاكوه ...هههههه

[صدفة البحر]

يسلموا اسرار على هالقصص >> الله يغربل ايليسك خوفتيني .. مع اني مسويه روحي بطلة وقلت لا ما يخووووف ولاشيء .. تاريها كل جن ..

اسمعوا هاذي القصة صارت لجدي الله يرحمه أيام اول ..

أذن صلاة الصبح .. طلع جدي من الغرفة متجه للسطل الي فيه ماء عشان الوضوء ومن ثم اقامة الصلاة فجأة إلا هذا واحد شايب واقف في الحوش .. جدي ما خاف ولا اختلع متعود يشوفه .. بس هاذي مو من عوايد الجني قاعد ساعات .. ويش يبغى ..
يوم خلص وضوءه جدي سأله .. اقدر اساعدك ؟؟
إلا كل يقوله >> أي والله وين بتجمعوا للصلاة ..
قال له في بيت فلان ..
قال : خلاص اكمل وضوئي واجي معك .. زين
قال جدي : يالله ما يخالف ..
ومشوا سوا في الليل وتعرفوا اول كان واجد نخيل والمكان ظلمة ويخوف يعني .. المهم دقايق إلا كل وصلوا ودخلوا البيت .. صلى بهم الشيخ .. وخلصوا >> أخذ قشه الجني وطلع بعد ما سلم على جدي ..
بعدها سأل جدي الرجال الي كانوا بجنبه شفتوا هالرجال الي جاء سلم علي ..
قالوا الله يهديك ما في رجال ولاشيء .. الظاهر عليك نعسان ..
وقام الجني كل يوم يمر على جدي ويطلعوا يصلوا سوى ..

تحياتي
صدوفــــــــــــــــــــــه