ماهي استعدادتكم للعطلة الصيفية ؟؟؟

[حور الجنان]

اللهم صلي على محمد آل محمد وعجل فرجهم وفرجنا بهم يا كريم ‘‘

والسلام عليكم ورحمة الله وبركاته‘‘

بما إن العطله الصيفيه على الابواب :bigsmile::bigsmile:
خطر ببالي هالسؤال " واتمنى أن ارى جواب جميع الاعضاء



ماهي استعداداتكم للعطلة الصيفيه ؟؟

[حزن العمر]

الله يعطيك العافية وشكرا لك
أني راح أقول أول وحدة
1. أخذت صيفي بالجامعة
وادا مانزلوا لي الله كريم .
2. راح اتكون عندي دورة تعليم
صلاة للأطفال .
3. راح أسافر العمره إذا الله كتب .
4. عندي مجموعة كتب رائعة
أتمنى أخلص قرآتهم .
5. يوم بالأسبوع مخصص للصديقات .
ووو أشياء اكثيرة مخططة لها
هذا اللي فكرنا فيه حاليا واللي
أكيد ان شاءالله راح يصير .

تقبلي تحيتي العطرة
حزن العمر

[حور الجنان]

مشكورة غاليتي حزن العمر والله يوفقك يارب دنيا وآخرة

[واحد فاضي]

خيتي حور الجنان

الله يرحم ايام العطله الصيفيه يوم كنا طلاب

الحين ما فيه الا كرررررررررف شغل

والمشكله ان مديرنا ما يرضى نطلع الا 3 اسابيع

وادارتنا تبغانا نطلع على الأقل سته اسابيع

لكن با أمللهم من الإجازات المقطعه

وان شاء الله يكتب الينا عمره ويا الاهل
وزيارة الامام الرضا عليه السلام

سلام

[زهور الامل]

اتمنى في هذه الاجازه اني اروح عمره
وويمكن في سفر والاا لالله العالم
واذا مافيه سفر في دورات تعليميه
ورحلات وطلعات اجتمعات ويا صديقااتي
وناسه ....
يعطيك العافيه اختي ع الطرح والفكره الحلووه

[حور الجنان]

اخوي واحد فاضي الله يساعدك يااارب على هالكرررررف اللي تكرفوه وربي يحقق اللي في بالك وتروح العمرة انشالله . <<بس اخووي اذا رحت لاتنسانا من الدعااء .>>



اختي غفران ربي يحقق امنيتك انشالله وتروحي العمرة وتستااانسي بالطلعااااات والروحااااات والجياااااااااات .
<<وانتين بعد اختي غفررااان اذا رحتي العمرة مو تنسيني من الدعاااء >>

[هارلي]

عزيزتي / حور الجنان

بالنسبة لي قدمت اجازة تبدأ انشاء الله من 20 جماد الاخر ( بداية الاجازة عندي مناسبة سعيدة انشاء الله وهي

زواج شقيقتي أخر العنقود وأنتي طبعا أول المعازيم . وبعدها تبدأ الترتيبات وهذا يتوقف على وزارة الداخلية

بالنسبة للسفر لانها مرة تقول ايران ومرة تقول سوريا ولكن دلوعتي الصغيرة مصممة على ( ينبع وجدة والطائف )

والله يسوي اللي فيه الخير للجميع . وأتمنى من جميع الطلاب الجد والاجتهاد لان الاختبارات أطرقت الابواب

ونتمنى النجاح والتوفيق لك يا حور الجنان وللجميع انشاء الله وأشكرك جزيل الشكر على هذا الطرح الجميل

المواكب للفترة الزمنية فلكي كل التقدير والاحترام وعقبال الدكتوراه انشاء الله . مع تحيات ( أخيك هارلي )

[نور الهدى]

يسعد الله صباحك خيتو

ان شاء الله اذا الله اراد ناويين على العمرة او ايران

وقولي ان شاء الله ننكتب


تحياتي لك

[حور الجنان]

اخوي هارلي الف الف مبروك مقدماا على زواج شقيقتك وبارك لها بالنيابة عني وربي يوفقك انشالله وين ماتروح ويسمع منك واتوفق في امتحاناتي وانشااااااااالله آخذ الدكتوراااااااااااه باااااااااارب .




تسلمي غاليتي ام محمد على تواجدك الرائع وربي ينولك كل اللي في بالك انشاااااااااااااااااااااااالله ويوفقك وين ماتروحي .

[طيبه الروح]

ممم اني مثل ما قالت اختي ام محمد ان شاء الله يا العمره او ايران
والله يوفق الجميع تحياتي اليك طيبه الروح

[حور الجنان]

الله يوفقك يااااااارب اختي ^^طيبة الروح^^ وين ماتخطي واذا رحتي خية مو تنسيني من الدعااااااااء

[رتال]

وعليكم السلام....
ووأنا ياناس ياعالم مااقول اني مو متفائله بالأجازه لالا بالعكس
أكو تخطيطات كثيره ومن ضمنها ايران او سوريا وافكورس طبعاً عمره رجبيه لااااهذا غير تجمع الشله والأهل والسهر والطلعات والرحلات لكن الي مو عاجبني انووو صديقتي حور الجنان يااااناس راح تسافر عني بداية الأجازه ياأختي النااس تسافر وسطها
بس ماأقول غير رحله موفقه انشاء الله وترجعي بالسلامه ..
والله يوفق الجميع ....

وأشكركِ على طرح الموضوع ...
وتحياتي,,,,

أختكِ رتال

[آهات عاشقه]

تسلمي اختنا حور الجنان على الموضوع



بالنسبة الي


ان شاء الله

اذا الله وفق بنروح الامام الرضا

ولاننا مانقدر نستغني عن المدينه ف ان شاء الله نروح

وان شاء الله مره وحده العمره >>> طماعه


الله يعطيش الف عافيه

دمتي لنا

[حور الجنان]

هههههههههههههههههههههههههههههههه
ويش اسوووي بعد اذا اجااازة الربع تبتدي بدايه الاجازة... لكن ونااااسة ومو وناااسة .... وناااااسة لاني بسااافر وبزور السيدة زينب عليها السلام وبستانس ... ومو ونااااسة لاني بفتقدك وبفتقد تجمعااااات الشلة " لكن ان تجمعتووووووووااااااااااااا بدوني ياويلكم ياسواد ليلكم " < <<< تهديد :evil::evil:

ترى ترى .......... انتين تعرفي الباااااااااااقي مايحتاج اقووووووول :wink::wink:




على العموووم غاليتي رتااال مشكورة غناتي على تواجدك الذي اسعدني وربي يوفقك انشااااالله ويوفق الجميع .

[حور الجنان]

اختي العزيزة آهات عاشقة انشالله يارب تروحي كل الاماكن اللي ودك تزورينهااا وربي يوفقك انشالله دنيا وآخرة

[ومضة امل]

وعليكم السلام
اني بعد مثل حزن العمر اخذت صيفي في الجامعه وان شاء الله يعطوني نفس المواد ونفس السكاشن
فبخلص وقتي كله على الجامعه والمذاكره
لكن بعد بفرغ نفسي شوي للتلفزيون والانترنت وطبعا منتدانا الغالي وخصوصا اني ناويه اشارك فيه واتفاعل بشكل اكبر (خصوصا بعد فترة الانقطاع عنه تقريبا - فترة الامتحانات - )
واذا الله كاتب لي اني اروح العمره مع البيت بروح ان شاء الله
تشكري اختي على الطرح
وامانه من كل الي بسافرون يدعون لينا
لان دعاء المؤمن لاخاه المؤمن مستجاب

[القلب المرح]

السلام عليكم
العطله الصيفيه لسا ما استعدينا ليها بس فكرنا فيها وش راح نسوي فيها
بداية نستانس نهج لينا شويات وبعدها نقدم في احدى الجامعات او معهد الاداره او ارامكو بس البعثه مافكرت فيها لاني محتار فيها ماطييييييييييييييييييييق الغربه وخاصه في الدول الاجنبيه وطبعا افكر اروح عمرة رجبيه ان حصلت لنا الفرصه والله يعينا ع الاعراس الا جايه لينا في الاجازة والله يكثرهم بس هلكككككه روح وتعال وسوي ده وودي ده وشيل وحط والنوم احلم فيه حدك ساعتين او اربع
واحتمااااااااااااااااااااااااااااااااااااااال يعني يمكن يكون من المعجزات اروح العراق ان شاء الله
وطبعا طلعاتي بتقل لانه حرررررررررر خنقه موووت ماسموها اجازه الا عشان ماحد يطلع خخخخخ
وهذا الا فكرنا فيه عشان الاجازة
تحياتي للجميع بالتوفيق والنجاح الدائم..

[حور الجنان]

عزيزتي ومضة امل مشكوووورة على وجودك االذي نور صفحاااتي وربي يوفقك دنيا وآخرة انشالله


اخوووي القلب المرح مشكووووووور على كرم التواجد واني معااك ترى الغربة كربة والله يوفقك انشالله دنيا وآخرة

[عماد علي]

إن شاء الله نسافر في العطلة ونقدر نروح المدينة والله عمرة..

[منحوسة]

السلام عليكم......
أما بنسبة لي انشاءالله اذا الله كتب برووح العمرة ويا الأهل .....
انشاالله مايكون عندي تدريب في الأجازة...

<<والي برووح قبلي لاينساني بدعاء>>
مـــــــــع الســـــــــلامة..

وأجازة سعـــــيـــــــدة للجــمـــيـــــــع..............

[حور الجنان]

مشكوووور خيي عماد علي على تواجدك الرائع وربي يوفقك انشالله وين ماتخطي ويعطيك ربي الف عافية .



مشكووورة عزيزتي منحوووسة والله ينولك اللي في بالك انشااااالله ويوفقك دنيا وآخرة

[طفلة]

احنا على العموم جالسين في البيت، وبنروح اعراس الاقرباء في الاجازة، يعني زيادة زهق على قعدة البيت.

[حور الجنان]

خيتوووووووو حتى لوكان زهق اني عندي ارحم من المدرسة وقعدت الصباااح على العموووم مشكورة غاليتي على طلتك الحلوووووة