معاناة قطة متزوجة !؟

[صدفة البحر]

بالعامـــــــــــية

مشت قدامه والفرو الأسود يتمايل وعيونها تجنن تقول : مياو .. مياو .. شان زين يطلع فيها و إلا ينتبه أصلاً .. ويش أقول ما في فايده منه بس هذي شغلته قاعد على السور يشاهد الكورة ( يشجع ويلعن ) ..
قالت لحالها : روحي يا ماما شكله اليوم في مباراة وما بيعطيش وجه إذا قعدتي .. رجعت بعد أشوي جايبه له فار ، بس تبغاه يتكلم ..
نزل بسرعة واكل الفار وقام يقول : مياو .. مياو .. حتى هي ما فهمت ويش قاعد يقول ، بس اكيد يشكرني ..
أوه قامت تكلم حالها مرة ثانية : شان زين إجي يمسح على الفرو الأسود حقي بعد هالركضة اللي صت فيها الفار .. آه منه وما قال في نفسه إني أبغى من هالفار أشوي على طول أكله ويش أسوي الله بلاني بزوج .......
أكيد وزني زاد ويمكن ما قمت أهتم بحالي من جبت هالسنانير لصغار إيه خلاص أني باسجل في النادي عشان أصير رشيق زي أول وتروح هالكرشه .. باسوي كل شيء لا زم يصير عاقل ويطلع في ويكلمني ..
قالت له : تبغى تشرب الشاي أهنيه و إلا في الحجرة داخل ؟؟
انتبه لكلامي القليل الحيا إيه ويش عليه قاعد يطلع في السنورتين اللي على السور مال جيرانا .. طلع في وهو مستغرب .. ويَّ هذي مرتي ويش فيها حليوة .. وين الكرشه أوه شكلها اختفت وأنا قاعد على السور .. حتى شعرها صبغته آخر موضة ..
على طول نزلت وقمت أتغزل فيها و ألمس شعرها .. على قوله استحت قامت أطلع من تحت لا تحت ..
قلت ليها : ايش رايش نروح البوفيه الكبيرة .. استغربت زوجتي البوفيه الكبيرة ؟!.. والمباراة ما تبغى تشاهدها !!
لا عيوني بعيدوها
عاد هي استانست وفكرت أنا مودينها عشان سواد شعرها .. هه ما درت أن في البوفيه تلفزيون كبير و باشاهد المباراة هناك
يا حبيبي .. والله أنا سنور ذكي ( ضربت عصفورين بحجر واحد ) ..