صفوا النيــــــــــــــــــة......

[الفاقدات]

صف النيـه
ياجماعه


ليش ما انصفي النيه ؟


ترا فينا طبع مو حلو حبيت اكتب عنه اذا سمحتولي


بس طبعا مو الكل فيه هالطبع البعض


اذا شفنا ريال قاعد على البحر و زعلان
تهاوش مع زوجته او ا و اقساط كثر شعر راهذا اذا ب


اذا مرت وحده الساعه 12 بالليل بسيارتها


ليش الشباب يفجون عينهم و يخزونها


يمكن دكتوره عندها خفاره رايحه المستشفى


حلاتهم ملائكة الرحمه



اذا وحده حلوه مرت و ريلج طالعها


ليش اتحسين انه يتحرش فيها و معجب ؟؟


يمكن ايقول بقلبه مرتي تسواها و تسوا اهلها


عيل شكو يطالع؟؟



اذا وحده ثقيله و ماتضحك على اي شي


ليش انقول نفسيه و شايفه روحها ؟؟


يمكن عندها حالة وفاة او احد من اهلها فيه شي



اذا بنيـه شعرها بوي ليش سيده على بالكم صبيك


يمكن شعرها خفيف او مو حلو عليها الطويل



اذا واحد الله قارده بلون ابيض و شفايفه حمر


ليش عبالكم جنس ؟


ياخي العرج يحن شيسوي



اذا مرت فلبينيه و خزها شايب ليش اتفكرون غلط


يمكن ماعندهم خدامه و بقلبه ايقول هذي تصلح


الا شايب مراهق


اذا قلتي حق ريلج ابي فلوس و قال ماعندي


ليش اتظنين فيه ظن السوء


يمكن امسويلج مفاجأه بيشتريلج شاليه


طل



اذا واحد صار له 7 سنين بالجامعه وصار طرشي


ليش انقول عنه فاشل ؟؟


يمكن اخته مستجده و ينطرها تتخرج يخاف عليها


أخاف صج


اذا وحده ميته من البجي بسيارتها


ليش كل الناس اتطالع


و على بالهم ريلها طاقها ..؟


يمكن عرسها اليوم و الخياطه خربت نفنوفها


أحلى ترقيع


اذا اثنين تزوجوا و مايابو عيال ليش سيده تقولون مافيهم


عيال و اتدشون بخشومهم ؟؟


يمكن اهمه مأجلين الموضوع


لاحقين على الحنه


اذا واحد على طول مغتر ... بر , نادي , مباراة


ليش اتقولون عنه اصلع و المايه قراح ؟؟


يمكن الريال ايحب الرزه


امبله


اذا شفتوا بالمطار البنات اللي واصلين من ايران خشومهم


ملزقه و عليها بلاستر


ليش على بالكم عمليات تجميل ؟


يمكن صار مطبات هوائيه و روسهم طقت


الكراسي اللي جدام


قويه



اذا وحده انعزمت على عشاء و ماكلت


ليش على بالكم رجيم و تتناغزون عليها


يمكن ياعت و تعشت مبجر


شخباري اللي يتعشون مبجر



اذا وحده اتدش الجامعه و تنفصل و اتدش التجاري


و تنفصل وتدش دورات خاصه او دورات مياه اخر شي نيوهورايزن


ليش انقول عنها فاشله ..؟


يمكن اتدور مصلحتها وين


ماصارت المصلحه اللي ما لقتها ليلحين


اذا واحد كل شهر سياره شكل مره مرسيدس


مره جاكور ليش على بالكم فلوسه وايده ؟


يمكن اجار


فششششششله


اذا واحد خطب وحده و اهلها ما عطوه و ماتزوج عقبها


ليش اتقولون وووي لي الحين يبيها لي الحين ايحبها ؟


يمكن مالقى اللي يبيها


وعلييييه


اذا وحده ساكنه بيت اهل ريلها و ماتنزل تتغدى معاهم


ليش ايقولون عنها شايفه روحها و نسره ؟؟


يمكن مسويه رجيم و ماتبي تقول


خوو غصب يعني ؟؟


اذا واحد لطيف ظريف باق ايميلي و حط اسمه عليه


بدون لا يكتب منقوول


و دزه حق القروبات ليش انسميه بواق ؟؟؟


يمكن يستعبط ؟


يمكن يستهبل ؟


لووووووول

[محبه]

ليش مانصفي النيه صحيح اول الواحد اشوف عيبه ويطالع عيب غيره شو هذا بس احبو تخريب بيوت بس تشكر على الموضوع اخوي

[عماد علي]

موضوع حلو يالفاقدات وبأسلوب النكتة... لاننسى قول رسول الله (ص) : احمل اخاك المؤمن على سبعين محمل ). وهذا يعني لا تلوم أحداً لا تظن سوءً وكلها أمور تريح القلب والنفس ولها فوائدها الاجتماعية.

[ابو طارق]

كما قال العزيز ((عماد علي ))

موضوع جميل وفيه روح الفكاهة

ولكن اين تصفية النية تطلبين المستحيل

سلام الله عليك يا أمير المؤمنين ابا الحسنين عليهم السلام اجمعين

عندما وصفت النية بكلمة ربانية وهي

((العلة في المكتوم ))

مع تحياتي وتقديري

محمود سعد

[القلب المرح]

السلام عليكم
لما لانصفي النيه ولانناظر الاخرين بعيوبهم ؟
لماذا البعض يتحدث عن الاخرين في مساوئهم واما في حسناتهم لاينظر ابدا وكانه يريد ان يشوه نظر الاخرين فيه؟

علينا ان نصفي النيه في الاخرين وان نرى محاسنهم بعيدا عن عيوبهم فكلنا لنا عيوب فان تكلمنا عن فلان كذا وكذا فبالطبع يتكلمون عنا كذا وكذا فالجميع لايخلى من العيب
يعطيك ربي العافيه اخي ع الطرح
تحياتي لك بالتوفيق..

[نور الهدى]

الله يعطيك العافية الفاقدات

وعساك على القوة


تسلم الايادي

وبصفي النية انشاء الله

[حور الجنان]

تسلم يمناك اخوي الفاقدات على الطرح الرائع والله يعطيك العافية

[تاج]

صفوا النية !
من اللي يصفي النيه ..!
يتهيء لي هذي طبع في اغلب البشر الظن السيء
قليل جدا من الناس اللي يمشيء مع القول القائل :
" احمل اخاك المؤمن على سبعين محمل "

شكرا يا الفاقدات ..