سجلوا رايكم في هذا الموضوع الأزلي

[زهور الامل]

اللهم صلي على محمد وآل محمد
بسم الله الرحمن الرحيم



كيف حالكم ان شاء الله طيبين

يقول المثل(لو العمه تحب الكنه كان ابليس دش الجنه)


نسمع هالمثل وايد لكن هل هذا الكلام صحيح يعني هل العمه فعلا ما تحب زوجة ولدها؟

يمكن تحس العمه ان هذي المراه اخذت ولدها منها مثلا او ويش السبب بالضبط

عندي جدتي طول الله عمرها: طبعا عندها خبرة في هالمجال خخخخخخخخخخ

تقول ان العمه عمرها ما حبت زوجة ولدها يعني مو تكرهها بس ثقيله على قلبها وحتى لو زوجة ولدها طيبة بس تنتظر عليها الزله ...
من وجهة نظري الخااااصه
ان زوجة الولد مهما عملت خير مايبين عند العمه
ولو اني انا بعدني صغيره وااااجد ع هيك نظريه بس الحياه تعلم الصغير قبل الكبير...
اتمنى انه مو موجود من قبل ...
تحيااتي غفران

[همسات وله]

اخالف هذا الراي تماما
لاني عشت مع ام زوجي من اول ماتزوجت لحد ما توفت الله يرحمها
ما شفت منها الا كل خير
وكانت مره طيبه وحنونه واتحبني واتحب اولادي
حتي بعض الاحيان تهاوش ولدها اذا زعلني
وعلى ما يقولون اصابعك مو سوى
مو كل العمات يكرهون ولا كل العمات يحبون في وفي وهذا بعد يعتمد على المعامله ان كانت طيبه ولا لاء
الله يعطيك العافيه
وعساك عالقوة دوم
تحياتي لك

[صعب انساك]

اللهم صلي على محمد وال محمد 00000انا اقول في بعض العمات يصيروا مثل الام والبعض لا وكلا حسب اخلاقه وحبه للولد 000مع اجمل تحياتي

[فرح]

مشكووره حبيبتي
غفووره
ع هيك طرح
صحيح اصلبع الاليد مو سوى
منهم الطيب ومنهم الشين
وانا اسكن مع ام زوجي ساعه تكون طيبه وحبابه
اشوي الاانقلبت 180 درجه بس خلاص اتعودت عليها
يعطيك الف عااااااافيه
لاتحرمينا جديدك
تمنياااتي لك بالتوفيق
فـــــــرح

[عماد علي]

اخالف هذا الراي تماما

لاني عشت مع ام زوجي من اول ماتزوجت لحد ما توفت الله يرحمها
ما شفت منها الا كل خير
وكانت مره طيبه وحنونه واتحبني واتحب اولادي
حتي بعض الاحيان تهاوش ولدها اذا زعلني
وعلى ما يقولون اصابعك مو سوى
مو كل العمات يكرهون ولا كل العمات يحبون في وفي وهذا بعد يعتمد على المعامله ان كانت طيبه ولا لاء
الله يعطيك العافيه
وعساك عالقوة دوم

تحياتي لك


رأيي من رأي أختي همسات وله كفت ووفت ودائما التعميم أمر خاطئ.

[نور الهدى]

مع اختي همسات

التعميم خاطئ

الحمد الله عايشة مع ام زوجي وتعاملني مثل بنتها واحسن بعد
من رأي الي تبي تكسب عمتها خل تحسن اخلاقها معها وتعاملها مثل امها وتشوف

الا عاد الشوذ ما لي دخل فيهم

تحياتي لك غفران والله يرزقك بعمه احليوه تغير الفكرة الي ما خذتنهم عنهم بعد ما ان شاء الله تكبري ويصير سنك مناسب

تحياتي لك اخية

اختك ام محمد

[عيون لاتنام]

تقدر تطااااااال العمة قريبتها أكثر من الغريبة
وهذا عن تجربة وتجربة ناس وايد
القريبة كلامها ماله اي داعي
الغريبة كلامها على العين والراس
القريبة اي مشكله تحصل لها ماتقول لأهلها خوف من المشاكل بين العيلتين
الغريبة مايقربوا منها لأنهم يعرفون أن وراها سند
والخ 000000
وهذا حالي
والله المعين


مشكورة أختي غفران على طرح الموضوع القيم والهادف يااااصغيرة
وتسلمين حبيبتي
والله يبلغك ان شاء الله ونشوفج عروس
أختك
عيون لاتنام

[شمعه تحترق]

اتوقع ان الامر يعتمد على الطرفين في حال كانو أشخاص متفهمين
بس لو كان أحدهم سيء الله يعين الثاني ..
والمعتاد في مجتمعنا ان العمه هي المسيئه
بس في بعض البيوت ينعكس الوضع وتصير هي المساء لها
يمكن هذا يخلينا نفكر بأهمية حسن الاختيار في امور الزواج
يعني لما يتقدم شاب لبنت لازم الاهل يسألو مزبوط عن اسلوب اهله
في التعامل حتى يضمنو حياة خاليه من المتاعب لبنتهم
ونفس الشيء الشاب لما ينوي يخطب
ضروري يعرف اسلوب البنت وطريقة تفكيرها ومايكتفي بالنسب والحسب والشكل وبس


يعطيك العافيه غفوووره
والله يهدي ويوفق الجميع

[زهور الامل]

همسات وله&صعب انساك&فرح &عماد علي&ام محمد &عيون لاتنام&شمعه تحترق
مشكووورين وماقصرتوووبابداء وجهات نظركم اسعدني حظوووركم
تمنيااااتي لكم بالسعاده انشاء الله
اختكم غـــــــفران

[antaumry]

كل له رأيه

وبالنسبة للعمه بعضهم يصير بلسم على البنت

وبعضهم يورونهم نجوم الليل بالظهر

وحسب التربيه تظهر هذهالأمور

تحية لك

...............

[العجمية]

انا بعد اخلف هاي الراي مثلا اذا زوجة الولد من الاهل مستحيل ان العمة تكرهة لانة من اهلهة و مثل ما قالو انة مو كل العمهات يكرهون و هاي الشيئ ععللى شخصية البنت

تحياتي العجمية

[واحد فاضي]

الحمد لله رب العالمين

أنا والحمد لله مع عمتي عسل وسمن

وتخيلوا الى الحين تحسب حسابنا حتى في الغداء -- اللي يصير غشاء

وما ترضى علي أبد

والعكس صحيح أمي مع زوجتي سمن عل عسل

رغم انا ساكنين بعيد عن الثنتين

بس صحيح أهم شي ان كل طرف محترم الطرف الآخر

تحياتي الك خيتي

[زهور الامل]

antaumry&العجميه&واحد فاضي
مشكوورين اسعدني حظووركم الطيب وارائكم
يعطيكم الف عااااااافيه
لاحرمنا الله من طلتكم اللمشرقه
غفران

[دمعه حزن]

السلام عليكم ..
موضوع جميل منك اختي ..غفران ..
ومثل ما قالوا الاخوه على حسب اخلاق كل من العمه وزوجة الولد ..
واحيانا العمه اوكي وزوجة الولد ام المشاكل .. واحيانا العكس ..
ونادر نلاقي عمه وزوجة ولدها حلووين وعلى قلب واحد ..
بس الحمد الله اكو تطور الحين ماكو مشاكل
بين العمه وزوجة الولد مثل اول ..
لو العمه تعتبر زوجة الولد بنتها ..
وزوجة الولد تعتبر العمه امها ..
ما صار هالمشاكل بين الطرفين ..
ع العموم ألف شكر لك عالموضوع الحلو ..
الله يعطيك ألف عافيه ..
دمتي بخير ..

تحياتي
دمعه حزن

[زهور الامل]

مشكووره خيتوو دمعه حزن
اسعدني حظوورك الحلوو اكتير
وتعقيبك الراائع
دمت بالف خير

[عيون لاتنام]

انا بعد اخلف هاي الراي مثلا اذا زوجة الولد من الاهل مستحيل ان العمة تكرهة لانة من اهلهة و مثل ما قالو انة مو كل العمهات يكرهون و هاي الشيئ ععللى شخصية البنت

أختي العجمية أنا الوحيدة من اللي عقبوا ( لمحت إني قريبة )
لاتقولي مستحيل طيب
المشاكل في زواج الاقارب تكون أكثر من غيره
والله لو اقولج شنو يصير
كان تتعجبين من الاقارب( تحسبهم جميعا وقلوبهم شتى )
والحمدلله والشكر كل شيء اسويه أقول يالله لوجه الله بس
واقطه بحر وأنساه
وهذا وأنا ساكته بسبيل حالي وتجيني البلاوي