المساعد الشخصي الرقمي

مشاهدة النسخة كاملة : منـــــــــوع 000



شجن
11-29-2003, 11:58 AM
ممنوع في زمن الطاغية

قصيدة باللهجة العراقية لشاعر عراقي
***********************************


ممنوع اتصلي بكل جامع ... وممنوع ايشوفونك راكع

ومن يلكوك اتصلي الجمعة ... يضمونك والله يضمونك

وتحتار اهلك وين تراجع

ممنوع نمشي مشي ونزور ابو السجاد ... وممنوع نوكف على بابه اندور مراد

وممنوع نتوضه ... وممنوع نوصل على الشباك ونكضه

وممنوع نلبس محابس للصلاة فضة ... وممنوع اصبعك ندم ياصاحبي اتعضه

ومن تنسجن تبتسم وبحالتك ترضى ... وممنوع تبني سكن وممنوع تاخذ كاع

وانت لاجل هل وطن يا ما دفنت اسباع ... ويضيع كلشي منك وهواي منك ضاع

وممنوع تلبس هدم ويظل ثوبك مركع ... ولو جمعت جم فلس في يوم تتبرع

والما يعجبه الوضع ايطمغ ويطلع ... ايسافر لأي بلد ويروح ما يرجع

وممنوع وسط البلد تفتر ... واياك يم القصر ويصادفك بنجر

تنسحل ثق تنسحل ... واحلى كتل تنكتل ... وفوكاها تتعذر

ممنوع افكر بعد صادرو افكاري ... وليل خيم علي وماكو ضوه بداري

ولو طير انت ترى ممنوع تجمع عش... وممنوع بعد عالعش تنصب دش

الما عنده 57 ما يسكن بغداد ... ايكولوله روح ابتعد ليغاد

اشتعل كلي غضب من راسي لعروكي

سراب الليل
11-29-2003, 12:16 PM
مشكوره اختي شجن

تحياتي

سراب الليل

شجن
11-29-2003, 08:21 PM
العفو اخي سراب الليل

شبكة الناصرة
12-04-2003, 08:51 PM
مشكورة اختي على الموضوع

شجن
12-05-2003, 04:30 PM
العفو شبكة الناصرة(5)