هنا تجاربي

[عيون لاتنام]

لا أعرف إن كان هنا هو مكان الموضوع المناسب لكون الموضوع متشعب ومتنوع

هنا تجاربي

كل عضو أو عضوة تضع تجربة فعلية ليستفاد منها ولينتفع منها الاخرين في أي مجال من المجالات



وهذي تجاربي

1- صابونة دوف الوردية :
تزيل البقع الصعبة وللحصول على احسن النتائج أستخدام الصابونة فور حصول البقعة وذلك بوضع رغوة منها في مكان البقعة على الثوب ثم الفرك باليد ثم غسل المكان بالماء
وهذي الطريقة تصلح بعد للرجال ( أفرض ان زوجتك ماهي موجودة أو أن أمك مو في البيت طريقة سهلة )
2- استخدام الملح الخشن وإذا ماحصل الملح الناعم لإزالة البقع من على السجاد أو الثياب أو اي شيء فهو عملي ويمتص الالوان
3- يمر الطفل الرضيع بحالات مغص وبعدها الأمساك
ولعلاج الامساك وهذي الطريقة من دكتور أطفال خبير ماينصح بالادوية
تاخذين تمر وتحطينه في كاس ويكون الماي حار أو فاتر وتخلينه ينقع ربع الساعة بتشوفين لون الماي تغير لللون التمر تقريبا
تعطين الطفل بالقطارة لين هو يشبع
وحتى للكبار تنفع هالطريقة
4- حق يصير الكنب مثل الجديد أقلبي المخاد على الجهة الثانية أعكسيهم كلهم حتى اللي نتسند عليهم وبتشوفين الفرق وهذي توسينها تقريبا كل اسبوع أو أسبوعين بالكثير
5- أنا أتأخرت بالحمل سنة واربع شهور وسمعت حريم وايد ينصحونهم الاطباء برياضة المشي
وفعلا بعد أربع شهور من الرياضة حملت بحسوووني
6- للي تجيه حالات نوم وإغماء وينام على الكتب بدون مايحس
في المرحلة الثانوية صارت لي حالة نوم مو طبيعية سكت عن الموضوع في أول وثاني ثانوي وثالث ثانوي في عز الامتحانات ( لا حظوا مو قبل 000من الشطارة ) رحت مستشفى القطيف المركزي وتبرعت بدمي بعدها حسيت والله بنشاط مو طبيعي لمدة أيام وأنا ماسويت هالشيء الإ سامعة عنه ولاتخافوا ترى الدم يتجدد بسرعة وعلى طول





تحياتي للجميع
أختكم
عيون لاتنام

[شبكة الناصرة]

السلام عليكم ورحمة الله وبركاته ..

يعطيك ربي الف عافيه على التجارب المفيدة ..

بارك الله فيك .. كل المودة

[عيون لاتنام]

وعليكم السلااااام والرحمة
الله يعافيك ويسلمك أخي شبكة الناصرة ويسلم عمرك من كل شر
شكرا على التواجد والمرور الجميل
فسلمت يمناك
وبالتوفيق
أختك
عيون لاتنام

[دمعه حزن]

معلومات مفيده ..
ألف شكر لك أختي .. عيون لا تنام ..
الله يعطيك الف عافية ..
بانتظار الجديد ..

تحياتي
دمعه حزن

[عيون لاتنام]

الله يعافيك أختي دمعة حزن والشكر لك
على التواجد الجميل
فسلمت يمناك عزيزتي
تمنياتي لك
بالتوفيق والسداد
أختك
عيون لاتنام

[عيون لاتنام]

أيضا


7- المضمضة بالماء والملح قبل النوم مفيدة لقتل الجراثيم والميكروبات
ثم أستخدام فرشاة المعجون لفرك اللسان بعد المضمضة مباشرة




تحياتي للجميع
أختكم عيون لاتنام

[شذى الزهراء]

عزيزتي عيون لاتنام مشكوره على التجارب المفيدة والله يعطيج العافيه...

[عيون لاتنام]

الله يعافيج والشكر لج على الحضور والتواجد الجميل
فسلمت يمناك عزيزتي شذى الزهراء وسلم عمرك من كل شر
تحياتي لك
أختك
عيون لاتنام

[دمعه حزن]

عيون لا تنام ..
يعطيك العافيه خيووه عالمعلومات ..
بانتظار الجديد ..

تحياتي
دمعه حزن

[عيون لاتنام]

الله يعافيك أختي دمعة حزن
شكرا على التواجد والحضور الجميل
وياليت انتوا بعد تحطوا تجاربكم
ومنكم نستفيد
ابي شي جديد مااااااعرفه في اي مجال من المجالات


وبالتوفيق
أختك
عيون لاتنام

[ملكة سبأ]

من جد والله أختي عيون لاتنام موضوع رائع وهنا أشارك ببض تجاربي
لإنعاش الكنب والسجاد و وازالة رائحة السجائر ومختلف الروائح منها إمسحيها بملطف الأقمشه كومفر ت أو أي نوع آخر تستخدميه بعد تخفيفه بالماء فيضفي عليها نعومة ورائحة طيبة
لتفادي جفاف البشرة وتقشرها قومي بترطيبها فور غسلها وتجفيف الماء
هذا مالدي الآن واجدد شكري وتقديري

[عيون لاتنام]

الروعة حضورك عزيزتي ملكة سبأ فسلمت يمناك وسلم عمرك من كل شر
شكرا على التجارب الرائعة ولاتحرمينا من جديدها

فعلا زوجي مدخن وكنت أستخدم ( البخور واللبان ) وسأجرب طريقة المسح بالكمفورت على السجاد والكنب
فألف شكر لك
وبالتوفيق
أختك
عيون لاتنام

[نور الهدى]

الله يعطيك العافية اختي ام حسوووووون

وعساك على القوة

وتسلم يدينك

بنسبة الى ازالة البقع بصابونة السباحه حتى انا اسويها

حتى ان الثياب ما يصفر لونهم مثل ما يسوي المبيض عادة

عندنا وصفة في البحرين لتسهيل عملية الولادة للنساء ويمكن تكون موجودة عندكم بس بذكرها يمكن احد ما يعرف عنها يستفيد منها

الا وهي غلي الماي مع الدارسين والماء الورد والزعفران والسكر حسب ذوق الحامل

مجربة مع اولادي اثنين منهم والحمد الله احس انه صار احسن من الثالث الي تكيسلت وما سويت لي هالوصفة

وان شاء الله تستفيدو منها

واذا ذكرت لكم شي بقوله

تحياتي لك اختي ام حسوووون

اختك ام محمد

[عيون لاتنام]

شكرا أختي العزيزة أم محمد على التجارب المفيدة
وأنا بصراحة ماسويت شيء لتسهيل ولادة حسوني لدرجة إني تأخرت ( كنت بدخل الشهر العاشر لو ماحطوا لي الطلق الاصطناعي )
ان شاء الله في الحمل الثاني نجربها هههههههه ( مابي يهال :toung: )

أختك
عيون لاتنام

[أسيرة الأحلام]

مشكوووووووووووووووووووووووره حبيبتي على التجارب الحلوووووه والمفيده

يسلموووووووووو يالغاليه

تحياتي

[نور الهدى]

هههههههههههههه

مو على كيفك انك ما تبي يهال

كلنا قلنا جدية بس مو على كيفنا

ههههههههههههههههه

على فكرة ترى اذا يكونوا اكثر من طفل يصير احلى وتصير في حياة في المكان اكثر وحتى انهم يلهو مع بعض مما يعطيك فترة راحة اشوي تتنفسي فيها

غير لين يكون طفل واحد يلصق فيش ويبيك تصيري مثله وترجعي طفلة من جديد عشان اهو يستانس

يالله بلا دلع وجيبي الى حسووون اخوا او اخت عشان يستانس

الله يوفق اليش خيتو

تحياتي لك

اختك ام محمد

[النغم انيني]

مشكورة اختي على عرض التجارب

[عيون لاتنام]

حرام عليج أختي أم محمد :wacko:
عمر حسوني سنة وست وشهور :weird:
توني ماحسيت بفراق الربى
حتى الفطام مافطمته للحين
صحيح هو لازق فيني ومايتركني وعافس الشقة عفيسه
ولا أحس بالراحة الا اذا نام مثل هالحزة
لكني ماااابي الحين ابدا
صحيح هم يونسون وحلوين لكن احيانا يصيرون ثقال دم وودج تكفخينهم تكفيخ من الحجايج والصراخ والتحكمات

في الاخير صحيح كلامج مو بكيفي :bigsmile:
واللهم لا اعتراض

[عيون لاتنام]

الشكر لك أختي النغم أنيني على التواجد الجميل
فسلمت يمناك
وبالتوفيق
أختك
عيون لاتنام

[أمل الظهور]

هههههههههههههه


مو على كيفك انك ما تبي يهال

كلنا قلنا جدية بس مو على كيفنا

ههههههههههههههههه

على فكرة ترى اذا يكونوا اكثر من طفل يصير احلى وتصير في حياة في المكان اكثر وحتى انهم يلهو مع بعض مما يعطيك فترة راحة اشوي تتنفسي فيها

غير لين يكون طفل واحد يلصق فيش ويبيك تصيري مثله وترجعي طفلة من جديد عشان اهو يستانس

يالله بلا دلع وجيبي الى حسووون اخوا او اخت عشان يستانس

الله يوفق اليش خيتو

تحياتي لك


اختك ام محمد



افاااا ام حمود خخخخ طلعتي من مؤيدي الانجاب افا بس افااا ...

الا مايلهومع بعض الا يتهاوشون وكل واحد يضارب اخوه ويلا ماما تعالي انجدينا هههههه

اللهم لااعتراض والحمد لله رب العالمين ...وربي يخليهم لنا

وعذرا عذرا على التدخل ...<<<شعقبه ...:huh:



خيتووو عيون لاتنام

جميل ماطرحتيه ..

وفي قمة الروعه

سلمت يداك حبيبتي ام حسون ونصيحة لا تجيبي عليه الا بعد مايكمل الأربع سنين <<<كلام مجرب خخخخ:wink:



واذا تذكرت تجربة من تجاربي الشيطانية بنزلها ان شاء الله ...


موفقة حبيبتي

[همسات وله]

مشكوره خيتي عيون لاتنام
والله يعطيك العافيه عالتجارب المفيده
ويلا احنا في انتظار اي تجربه تطلع من مختبر ام حسووووون
تحياتي وتمنياتي لك بالتوفيق
اختك همسات وله

[عيون لاتنام]

أحنا في أنتظار تجاربك الشيطانيه أم عبود
والله يسلمك ويسلم عمرك من كل شر
الروعة حضورك حبيبتي أمول
أسعدني تواجدك الجميل
بالنسبة للنصيحة ياليت والله لأن الأولاد يشيبون الراس
بعدين أحب حسون ياخذ حقه كامل من الرضاعة والتربية والانتباة الكامل له
( بصراحة عانيت مع ولدي وهو بعد مسكين أكيد عانى أكثر 0000من عمر ست شهور وهو يلبس نظارة سووله عملية اولى لأنحراف العين قبل 4 شهور وقال الدكتور ضروري نغطي عين وحده باللزقة كل يوم لساعات محددة وفوق كذا في عيونة الثنتين ماي ابيض وهذي حالة نادرة تصيب الاطفال
)
وللحين متابعة وعلاج والماي الابيض متى مايزيد راح يسوون له العملية في اي وقت والله يعينه
علشان كذا مابي أجيب عليه الحين

على العموم شكرا مرة ثانيه
وعذرا على الأطاله
تمنياتي لك
بالتوفيق
أختك
عيون لاتنام

[عيون لاتنام]

الشكر لك أختي العزيزة همسات وله
والله يعافيك ويسلمك ويسلم هالطلة الحلوة
أن شاء الله اي شي يفيدنا راح أحطه
تمنياتي لك
بالتوفيق والسداد\دنيا واخرة
أختك
عيون لاتنام

[حزن العمر]

عزيزتي وغاليتي
عيون لا تنام

الله يعطيك العافية على
التجارب المفيدة واتمنى
الكل يستفيد منها ،، شكرا لك
والله يخلي لك ولدك حسوون
ويحفظه لك ،،

تقبلي تحيتي العطرة
حزن العمر

[عيون لاتنام]

الله يعافيج يااااارب ويخليج لأهلج وحبايبج
تسلمين حبيبتي حزن العمر على المرور الجميل
شكرا على الدعاء الدال على طيبة قلبك عزيزتي
تمنياتي لك
بالتوفيق والسداد دنيا واخرة
أختك
عيون لاتنام