غـــــــــــــااااز ويبغى له ولاااااعه ..!!!

[Princess]

كالعاده .. تغيب اميروه شوي زين عن العام .. وترجع بهدره .. عسى بس هدرتها مهي ثقيله وتعور الراس….<< لا تقعدي تسألي .. وخلصي هدرتش خخخ.. :wink:

المهم... مع زحمة الأيام وكثرة الضغوط النفسيه..
تجي فيوم ... تفتح عينك من فجر الله .. تلاقي مزاجك متعكر .. ياربي يالله صباح خير .... تشيل عمرك شيل من هالوكر الهادئ.. وتسحب روحك سحاب .. تدخل الحمام.. اكرمكم الله .. تجي تغسل وجهك.. تطلع المرايا .. وتتحنطب على هذاك الوجه المتنفخ والعواين اللي كنهم تيل خخخ : " ويش هالحاله اففف . مع هالوجه" .. ويامسكين هالوجه.. وتقعد تكفخ الصابونه من جهه ومعجون الأسنان من قوة الضغط تقول بتغسل اسنان فيل ياادافع ..خخخ . :weird: .. تطلع وتكفخ البيبان .. واذا ما كنت مجهز ثياب لك .. من النوع اللي حزة الحزه يشوف ويش الدنيا وويش عنده .. .. يامسكين يالكبت " الدولاب "
.. تقلب احواله فوق تحت .. ويالله تخلص و تلبس ..شبااق عاد ويا هالثياب .. :toung: .
و ان كنت رجا ل .. يللا دق سلف السياره.. واستناها تحمى في هالصبح.. واف واااه . وانااا لله .. وخذ لك غفو على الدركسون.. وشغل الإذاعه .. وخل ضغطك يرتفع زود يا اما مع مياعة مذيعه .. او مع اخبار تجيب الهم والفجيعه ... و انت مره واصل حدك... . تحس نفسك توصل في لحظه لقمة الغضب ..و يدق عندك عداد الخطر . وابد منت راضي تخفف السرعه .. وتغلط في الشارع ... و...لا ااا ..و تسب بعد .. لاحوول :huh: . ويوصل دمك لراسك... وتعض على اسنانك. وتوصل شغلك او مكان دراستك ... خاطرك تكفخ اللي قدامك ..
. سلام عليكم .. ما ترد .>> عجييب السلام لله . :weird:
والا ترد من طرف خشمك >>. كان لا رديت . :evil:
والا ترد ببتسامه بارده << زين نعمه من الله ... :huh:
. وتبغى متى اليوم يقضي على خير
وان كنتي انثى .. من تركبي السياره والا الباص رايحه شغلش والا مكان دراستش . او ل ..الغيث... كفخه لباب السياره.. وان كان ابوش بيقول يالله صباح خير .. كان اخوش بتلاقي لش شوي زين من السبايب كان سواق المرجع لله بيتأفف مابيده حيله .... و تقعدي طول الطريق فبالش تتحججي و بأقل شي .. مع اقل لفه تلتفي معاها . نفختي . اففففف ... ويـــــــــــــــــــاكثر الأف ...
وان كنتي ربة بيت .. لما تصحي الصبح لأولادش تصيري معصبه ... وتصارخي عليهم واقل الشي انقهرتي .. واذا راحوا مدارسهم تجيش حالات تأنيب الضمير ..!!!
بالمختصر ..الحال في هاليوم .. غاااز ويبغى له ولاااعه...
وليش ..؟؟
الجواب الغريب و الغير مقنع ... ماااا ادري ...!!!
كذا قعدت لقيت نفسي ماني رايق ..×××
طيب... شذنب اللي حولك.. ؟؟؟
اااا.. صدق ماليهم ذنب.. بس غصبن عني .....
الكل يمر بهالشي ... واني اعترف تجيني ايام .. اهاوش حتى الهوا ... بس مو دايما,,,
القهر والعتب .. على اللي دووم عافسين هالخشه.. خاطرك تشوف ابتسامه على وجههم.. مافي امل .. واذا ابتسموا .. معجزه .. بسم الله .. وامحق من ابتسامه.. صفرا وتجيب الكدر...
مصيبه معاشرة هالأصناف.. العمر معاهم يقل ...دوم شكايين .. حنانين.. ما يعجبهم العجب.. دووم يحسوا نفسهم نااقصين اشياء وااايد مع انهم والحمدلله احسن من غيرهم...
تحس نفسك ضاايق ومكتوم بمجرد شوفتهم.. وكأنهم هم على القلب...

وان كنت طويل البال وقلبك وسيع ,, تحاول قد ما تقدر تحتويهم.. تهديهم .. ترسم البسمه .. تضحك وياهم...
صنف صلوات على محمد ,, يتلحلح معاك.. يتجاوب .. ويحاول يغير طريقة نظرته للدنيا .. وتفرح انت .. لأنك تحس نفسك انجزت شي عظيم .. غيرت ذات انسان للأحسن..

وصنف والعياذ بالله .. تلعن وتندم على الساعه اللي فكرت فيها تكلمهم .. لأنهم بجد غااااز ,, وكلامك ومواساتك بمثابة ولاااااعه ... ويـــــــــــــاويلك اذا صرت من ضحايا الإنفجار ..××× :evil:
من فينا ما يتعكر مزاجه .. ويعصب .. من فينا ما يصير فيوم ثقيل طينه وما ينطاق .. بس يكون هاللحظه يمر بمرحله .. ازمه .. تعدي .. وصاحب الإبتسامه والقلب الطيب والمرح... اذا مرت به هالحاله.. تلاقي الكل حوله .. ولايزعلوا منه لو غلط عليهم.. ليش؟؟
لأن هذا مو طبعه ..فمقدرين حالته ووضعه .. غير اللي كذا على طول .. من يشوفوه عافوا ارااضيه وهجوا عنه .. لأن من جد .. الهم والكدر يقصر العمر .. والواحد يعيش عمره لحظه بلحظه .. فالدنيا لحظه..
االزبده من هدرتي "
نصيحه .. الى كل عاابس .. والإبتسامه عليه كلافه .. ابتسم وانسى الهموم ... مافي شي على حاله يدوم .. وعش جميلا .. لترى الوجود جميلا .."

ودمتم بحفظ الرحمن

[براءة روح]

حركاات والله طرح رائع وصدقتي والله ..

يسلموو..

بأنتظار كل جديد..؟؟

تحيااتي.. براءة روح

[القلب المرح]

السلام عليكم
كثير من هالمواقف تحصل تلاقي نفسك زهقان متملل او انك طفشان في شئ واي احد يكلمك تحط حرتك فيه اما انه يسكت عنك ومايبتلي بك او انه يرد عليك وتقوم الشبقه والهدره وتزيد زهقك وطفشك اكثرر واكثر
وتستمر عندك كذا الحياة ان كان هذا الحال معاك دوما ومن هالكذا راح تبعد عنك الاحباب بهذا الاسلوب

وان شاء الله تظل البسمة مرسومة على جميع الشفاه والراحه النفسيه ماتفارقنا ونظل على طول مفرفشين حتى نكسب الناس بروحنا المرحه ولا نبعدهم باخلاقنا المعفوسة والنفسية المخنوقه

يعطيك الله العافيه اختي ع الطرح
بارك الله فيك
تحياتي لك بالتوفيق..

[واحد فاضي]

تسلمي خيتي على هذا الطرح الاكثر من رائع

بصراحه انا أول ما أقعد من النوم صدق عوايني كأنهم تيل

والخشم كأنه خشم صيني >>مفشوخ وفيه خطوط خخخخخخخخخخخخخ

بس أكره شي إذا لبست الثوب وأخذت الشاي من عند المدام بعد الـ .............( محدوووووووووووف )ههههههههه

ونزلت للسياره ومن أخش السياره ينكت الشاي على الثوب أووووووووووووففففففففففففففففففففففف

أحياناً اروح للعمل وما أتحرك من الكرسي الا وقت الصلاه بس


سلام

[وعود]

مشكورة الله يعطيك العافية أميرة..
نتظر جديدك دوما..

[شمعه تحترق]

تسلمي يا امووره على هالموضوع

أسلوبك اللطيف بس يكفي حتى يرسم الابتسامه على وجهي

ويملئني احساس بالمرح .. اما بالنسبه للصحيان على حالة نرفزه

امم ما اتذكر مره بحياتي صحيت كذا .... أثناء قراءتي لموضوعك حاولت أتذكر..موشايفه اني تصرفت مره هالتصرف صحيح لي اوقات انفعل فيها بس ولله الحمد نادره .. ونادره جدا

المهم حبيت أتأكد اني ما اسوي اللي قلتيه اخذت الجوال
واتصلت في ملوووكه أسألها يمكن تكون زبطتني مره بهالحال بس حسافه لقيت جوالها مغلق .

ياريت احد من الي يمارسو هالنرفزه الصباحيه يحاول يعطينا تفسير لها

وماقول غير الله يعين المبتلين بأمثال هالناس .

يعطيك العافيه ياقلبي

ماننحرم من عطائك للمنتدى

موفقه دوووم

[Princess]

ياهلا خيتو برااءه
الحركتات وجودش حبيبتي
صدقت هاا
اعترفي كم مره حاشتش هالحركه
خخخ
يسلموو يالغلا على هالتواجد الحلو
دمتي بحفظ الرحمن

[Princess]

وعليكم السلام والرحمه
ياهلا خيي القلب المرح
عسانا مثل ما تقول دوم مفرفشين
لأن صاحب النفس الخاايسه
راح يخيس في دنياه << ويش هالمصطلحات خخخ
من جد .. الكدر واللي عافس الخشه كنه بوومه
هذا وربي ما ينطاق
الله يهون الحاال ويفرج عن كل ضاايق بال
يعيطك العافيه خيي
ودمت بحفظ الرحمن

[Princess]

ياهلا خيي واحد فاضي
اووه هذا مزاجك حاله
ههههههه
والوصف عجيب
اتمنى يكون احيانا على قولتك
ولا هو دائما
يعطيك العافيه
ودمت بحفظ الرحمن

[Princess]

العفوو وخيتوو و عود
ويعطيش العافيه
على التواصل الجميل
لا عدمته
دمتي بحفظ الرحمن

[عيون لاتنام]

شكرا أختي أميرة المرح على طرح الموضوع الجميل
يعطيش الف عافيه عزيزتي

ذكرتيني بوحده نكديه :angry: صج الله يستر عليها ايام الثانوية
جالسه جنبي بالصف ثالث ثانوي :coool:
تخيلي لو أعد لش كم مرة في اليوم تقول أوووووف ماقدرت ؟ :huuh:
طول اليوم بالمدرسة
أوووووف
واه مللل
أو زهقانه
أو نعسانه :sleep:
000الخ
كيف تحملت سنه كاملة مادري ؟
لا وبعد في ثالث ثانوي عيشتني معاها جو أعوذ بالله :nuts:


أختك
عيون لاتنام

[.:روح وريحان:.]

ههههههههههههههههههههه
اشوا احنا مو من هالنوع لاني ولا فطووم
احنا يالازقين بالمخدة ولانقوم
ههههههههههههههههههه
يالشالقين البوز بالابتساامة للي تنبهنا
هههههههههههههههههه
اما حركة حزة الحزة تصير ساااعات
المريول مو مغسول
اووة عاد دوري الثاني
والا نصف ساعة انتظريه ينغسل
ولاعااد ماينشف
نروح امبللين
نرقص من البرد
خخخخخخخخخخخخخخخخخخخخخ
يسلمووووو
اموورة على الموضوع الحلو

[نور الهدى]

الله يعطيك العافية اخية


اممم تدرين تصيدني هالحالة اذا كنت نايمة معكر مزاجي من شي صاير

وانام وانا افكر فيه ومضايقة منه

اقعد عاد مو مثل ما وصفتي بالضبط اقل اشوي اكون معصبة على اقل شي اثور والضحايا الجهال مساكين

اي حركة لعانه تروح عليهم مني

هههههههههههههههههههههههه


عاد هم يعرفوا لي من يشوفوني جدية يحترموا انفسهم ماشاء الله عليهم اشوة طلعوا يعرفوا امهم عدل


وانتي ما قلتي لنا كم مرة في الاسبوع تصيدك هالحالة؟؟؟؟؟؟


تحياتي اليش


اختش ام محمد

[فرح]

يعطيك الف الف الف عاااااافيه
حبيبتي امــــــــوووره
الحمد الله اوقاااات قليله جدا اكون مضايقه
وانام وانا معصبه ابليس (الله يلعنه )واجلس من النوم
معصبه اشوووووي مولدرجه كبيره هههههه
وبعد اشوي ابتسامه من وجه طفلي العزيز وتروووح العصبيه كلها هههههههه
ولو ان عصبيتي بركااان .....
طرح روووووعه تسلم الايادي
موفقه

[دمعه حزن]

والله تحصل معاي احياناً
بس فى هالحاله احب اكون لحالي حتى لا اغلط على احد ..
واذا ما اقدر اختلي بنفسي عادي اتواجد مع الاخرين بس ما انطق ولا بحرف بس عشان لا اطلع حرتي باللي حولي ..
وبالعاده هالحاله تصيدني لما يكون حاصل لي موقف ومعصبني بدرجة كبيره فيعتفس خلقي حزتها ..
بس احاول اني اتجنب هالعفسه الخلق بتجنب الاخرين ..

طرح رائع منك .. اميرة المرح ..
ألف شكر لك ع المشاركة الاكثر من روعه ..
الله يعطيك الف عافيه ..
بانتظار الجديد ..

تحياتي
دمعه حزن

[همسات وله]

هذي الحاله تصيبني مو الصبح
تصيبني العصر لما ما اخذ غوة كفايه
بسبب فوضة الجهال عندها اتحول الى بركان اشوي وينفجر
واقوم الى شغلي وانا مولعه احرق اللي يمر صوبي
وتروح على اولادي من الهدره والحنه
وهم يتجنبوني هالحزه لانهم يعرفون جزاهم اذا اتقربو صوبي
يلا خليها على الله
الله يعطيك العافيه خيتي اميره
تسلمين ويسلم عمرك
مع تحياتي لك
خيتك همسات وله

[Princess]

ياهلا خيتووو شمعه
احمدي ربش غناتي ما تصديش هالحالات خخ
لا ومتصله بملووكه بعد
خشيتي جوو مع الموضوع وحابه تتأكدي ...
ممم تفسير للي يجلسوا من صباح الله متعكر مزاجهم
نااايمن لأنهم وهم يفكروا بشي معكر مزااجهم .. هذا اني اما غيري ما ادري ..
يعطيش العافيه غاليتي
وما انحرم من هالطله عسااها دووم

************************************************** *************
ياهلا خيتوو عيوون لا تنام .. منوره والله .. صدق كيف تحملتيها هذي ..خخخ ساعدش الله
يللا راحت وعدت على خير .. عسى بس ما جاش ضغط منها .. اسم الله عليش خخخ
بس ويش الجو اللي عيشته به بعد ثالث ثانوووي هااا
يعيطش العافيه عزيزتي وما انحرم من طلاتش..
************************************************** *
هلا وغلا ببشوره
بش بش ..ههههههه عجبتيني .. خلش كذا دووم .. بس وخري عن الإهمال لا تترقصي من البرد خخخ
والله الله بالمريوول ... هههه .. عجبتيني
يعيطش العافيه عزيزتي
************************************************** **********************
ياهلا ومسهله بأم محمد .. منوره يالغاليه ,,,هههه تصيدش هالحالات هاا .. بس ما تسوي كثر ما وصفت اني .. ممممم
اعترفي بس .. هههه .. تمام الحمدلله يفهموش اولادش .. ايه معلوم ضروري لازم يفهموا لا يروحوا فيها خخخ
... ممممم كم مره تصيدني هالحاله ... تقريبا كل شهر مره او مرتين .. خخ دوا يادافع . اصير بومه خخخونحيسه والله يساعدهم علي حزتها خخخ. الله يهدني بس
يعطيش العافيه عزيزتي وياهلا
************************************************** ************
فرووحه .. ياهلا غاليتي ... احسن شي في هالحاله مثل ما قلتي .. الواحد يشوف له شي .. ينسيه ضيقته وتعصيبته ..
والحمدلله انها اوقات قليله عزيزتي ويااعساها تنعدم ..... ويعطيش العافيه يالغلا ومنوره
************************************************** *********
خيتو دمعه حزن .. ونعم الأسلوب اسلوبش .. الواحد اذا صار غااز ..خخخ .. يبتعد عن الولاعه لا اق لشراره ويصير الإنفجاار
تصرف سليم منش عزيزتي ... ان شالله ما تحتاجي انش تسويه في يووم
ويعطيش الف مليون عافيه على التواصل الرائع
************************************************



ياهلا خيتوو همووسه .. هههههه حلوه منش .. العصر .. الله لا يجيبها لش فعصريه ...
خخ صدق يحترق دمه الواحد ويعصب بس ويش يوس على قولتش خليها على الله
منوره غاليتي

ويعطيش الف عااافيه
********************************************
دمتم جميعا احبتي بحفظ الرحمن

[عيون لاتنام]

بس ويش الجو اللي عيشته به بعد ثالث ثانوووي هااا
أهلا أختي اميرة المرح
بصراحة أنا درست الجامعة بالرياض
في السنوات الاولى كنت أركب الباص مصدومة ماني متعودة على الجو :nuts: :unsure:
بس ماني عصبية أبدا
بعدين شفت وحده شايله البوشيه داخل الباص
عاد انا مابلعت الحامضة :silal:
قلت أي لو شعرها خشن كان ماشالت البوشية
مادرت على جنب الا البنت اللي قاعدة جنبي ميتة ضحك :blink:
بصراحة كنت أحب السوالف مع البنات داخل الباص
بما معنى كان الجو :kaseh:

[Princess]

يااهلا بالأكشنات
والحركتات
في الباصات
من جد
في المساافات الطويله ... ما يهوون على الوحده زهقها
الا السوالف .. بس مو بكثره
لأني يدووور راسي من الهدره بالبااااص ..خخخ
منوره بهالرجعه عزيزتي عيون لا تنام
ودمتي بحفظ الرحمن

[عماد علي]

الحمد لله أنا مو من هذه النوعية والصراحة أستغرب لما يكون في ناس كذا السموحة منكم يا جماعة بس والله غريبة علي هذه الحالة بس يا أميرة في ناس أعظم من كذا نسميهم البغمي وهو اللي دائما وجهه مثل العابس وردوده جافة دائما كذا ...

[Princess]

ياهلا خيي عماد
خخخ الله لا يلاك بهيك حاله
والله هالوضع فتره بس وتعدي
بس على قولتك البغمي
خخ = النكدي .....
صدق هذا اللي حاله
ومأساه
يعطيك الف عافيه اخوي
دمت بحفظ الرحمن

[أسيرة الأحلام]

هههههههههههههههههههههههههههههههههههههههههههههههههه ههههه

أولا مشكوووووووره اميرووووه على هالطرح الرائع

وثانيا: أني احيانا تصيبني هالحالات بس في البيت اكون معصبه وماأكلم احد
اطلع واني ساكته علشان لايفوور البركان بس اذا ركبت السياره خلاص اهدا لأني اقعد اسولف واضحك واللي معاي بالسواق يستغربوا مني لأني ماأكون معصبه مثلهم واني اقول في بالي
((ياما تحت السواهي دواهي))

خخخخخخخخخخخخخخخخخخخخخخخخخخخخخخخخخخخخخخخخخخخخخخخخ

وإذا رحت المدرسه طول اليوم فرفشه مع المدرسات ماعدا حصة الإنجلش
وييييييييه ياربي إذا دخلت يرجع البركان يفور منها

يلا الله يعين

المهم ماأبغى اطول عليش ومشكووووووووووووووره يالغاليه على الموضوع الحلوووو

تحياتي

[Princess]

ههههههه
ياهلا اسر سر <<< خخ امحق تدليعه
منوره عزيزتي
هااا
طلعتي بعد تصيبش هالحاله

احم
تقريبا الكل تصيبه
ما عدا اخونا عمااد
الله لا يبلااااه
عاد تصيده في يوم ويقول حسدناه خخخخ
لأنها من جد حاله طبيعيه .. مزاج يتعكر كذا.. ويزول .. وربك يستر وما يخلف وراه مشاكل وبلاوي
يعطيش الف عافيه اسيروووووووه << هذا احلى خخخ
دمتي بحفظ الرحمن

[أسيرة الأحلام]

هههههههههههههههههههههههههههههههههههه

أقول عماد صحيح ماعنده هذي الحاله

بس هااا بس حطوا عليها خطين مو خط

إذا قعد من النوم خخخخخخخخخخخخخ

قبل مايغسل وجهه يشرب حليب أبو علم تصوروا عاده من صغره ماتركها إلى يومش هذا<<<<<<<ياأخي غسل وجهك الناس تغسل وجهها وانت طوالي على الحليب ولا على أبو علم تركت النيدو ورحت لأبو علم

الظاهر علشان فيه حرف العين

خخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ خخ

وثانيا أميروووه إذا بغيتي تدلعيني مو أسرسر لا دلعيني بأسيروووه أحسن

خخخخخخخخخخخخخخخخخخخخخخخخخخخخخخخخخخخخخ

[أمل الظهور]

اميرتنا خخخ


تجيني هالحالة اذا ماكنت شبعانه من النوم اوكي ...



قبل أسبوع جاتني هالحاله ..وييه كرهت نفسي والله ...حسيت حالي خلاص رايحه فيها ...



طبعا كنت سهرانه ليلة الخميس كالعادة ..والولد عبيدي نايم بأول الليل وسهر للساعه 6 الصباح ..


وانا معا ه ...


نام وانا ماصدقت على الله حطيت رأسي وتوها عيني راحت في النوم ..



الا بصوت المنادي قومي قومي ...


وين وين هالوقت توه الفجر <<7ونصف الصبح عندي الفجر ...


قومي متفقين مع شباب نطلع للبر ونشوي على ماتجهزين السلط وتجهزين نفسك ...


ترى الجماعه كلهم جاهزين ينتظرونا ..


لا لا لا حرام مانمت لسه .. :no:


يلا استسلمت وقمت <<<صايرة زوجة مطيعه


وجهزت السلطه وجهزت الاغراض وجهزت انا ..


ويلا وين الجماعه ..كل مادقينا عليهم باقي نصف ساعه


لحد الساعه 11 وانا خلاص رايحه فيها ...


مشينا كان الطريق يبغي له ساعه وحدي في السيارة لا احد يكلمني بس والشمس حرقتني


ياجماعه مانمت الا ساعه ونصف مايصير ..


قلت يلا خلينا نتفتل في الجوال ونقرأ قصص من قصص شموعه ..والله العالم كم نعسه نعستها


وانا اقرأ القصة بس ...


وصلنا هناك بر اسمه روضة خريم من اسمها تجيب النوم ...


المهم وطلع الجوو هناك الله لا يوريكم مغبر حده ...


ورجعنا نجر اذيال الاحباط وتجهيزات الطلعه ..


الا جاتهم فكرة قالوا ليش مانروح حديقة قلنا يلا ...ورحنا ..


انا كنت اوكي مصحصحة نسبيا ..


بعد الساعه 3 خلاص العيون متسكرة ماني قادرة ..جابوا الغداء وييه ماني قادرة ..


مااشوف اصلا شنو ...


والجماعه ها ويش فيك ...وتعليقات وانا مافيني نفس ارد عليهم اصلا ...


والله حاله ...صدق الواحد عند النوم مايقدر يمسك اعصابة ولا نفسيته ...


ماصدقت على الله وصلنا البيت بعد المغرب الا وينك ياالسرير بس ...:wacko:


مشكورة خيتووو الغلا اموورة على الطرح الحلوو ...خلتينا نفضفض اشوي ونهذر اشويات ...


الى اللقاء امووورة


ننتظر جديدك دوما

[ملكة سبأ]

ماشاء الله عليك أميرة طرح جميل ولقى إقبال وتفاعل من الأعضاء لآن الموضوع يمس طباع الإنسان
بالنسبة لشمعة بسم لله عليها دوم الإبتسامة مرسومة على وجها كلنا طقة وحدة أنا وشمعة وأخواتنا نفتح عيونا بالإبتسامة مادري طالعين على الماما ولا البابا .......... مادح نفسه يبي له :suspicious:
أحيان تصير عندي حالة نرفزة ودي أطشر اللي قدامي متى عاد تصير هذه الحالة ؟
لمى أكون فاتحه على المنتدى وتجيني حوسة ابتهال وفطوم تدرون ويش أسوي لهم قبل ما أفتح الكمبيوتر
اللي تبي الحمام يلا وأجيب لهم شبسات وعصير وألعابهم وأفتح لهم التلفزيون على افلام كرتون بس منشان ينشغلون عني . بس ابتهال ماتقدر تشوف الكمبيوتر وتصبر عنه عاد ايعلموهم في الروضة على أجزاء الكمبيوتر
وتجيني ماما هذا كيبورد هذا ماوس .......... ومن قبل من عمرها سنة وخمس شهور وهي متولعة في الكمبيوتر
من خالتها شمهة تحترق كانت معودتها وهي تشتغل ع الكمبيوتر تجلسها معاها على رجولها ومنها وبتدى معاها عشق الكمبيوتر وانا أعاني معاها تغار مني لأن اشتغل عليه أكثر منها مادري اذا إكبرت ا شبتسوي
أوه شطيت عن الموضوع ورحت بعيد الله إعذرونا والسموحة على قولة أمولة فضفضنا

[Princess]

ههههههههههههههه
حلووه منش خيتو ملووكه
منوره ياهلا بهالطله


هااا شمووع
هذا هي خيتش وبرأتش وما طلعتي غاز
بس فاف طلعت هي عليها حركه من دقتنا
غاز يبغى له ولاعه
وعلى بنوتاتها
يللا خيتو
هدي بالش
وفضفضي
لا عدمنا هالطلات
دمتي بحفظ الرحمن