المساعد الشخصي الرقمي

مشاهدة النسخة كاملة : دموع الحزن ترسم لي بداية واقع الحرمان



أمير العاشقين
07-29-2004, 12:18 PM
دموع الحزن ترسم لي بداية واقع الحرمان
....................وعيوني تسكب الدمعه وفراقك حيل يشقيها

رسمتي الليل في عينك سقيتيه الغروب الوان
....................وغيوم الهم في صبحك تزيدي همومنا فيها

أنا مدري أذا بعدك يبدد باقي الأحزان
....................أو أنك تهجري وروحك تبدد كل أمانيها

غلاة الروح أنا مثلك حزين وقلبي الحيران
....................كسته أشواق ظميانه وجودك كان يسقيها

أبي أفهم بس ليه البعد ولبي منك عذر رنان
....................تراني ميتٍ دونك تراني حيل معميها

تراني كارهٍ نفسي بعد هجرك هجرت أوطان
....................حياتي وينها روحي تراها الهم كاويها

في بعدك صرت أسير الهم حياتي مالها عنوان
....................في بعدك حارت ظنوني وتاهت كل هقاويها

أبي قربك أبي شوفك أريدك يا غلا الوجدان
....................أبي ترجع حكايتنا سفينة الشوق شاطيها

أبي نبض المحبه يرد بين القلب والشريان
....................أبي ترجع أماني العشق حقيقة حلم نرويها

بدينا بحلمنا الوردي وعزفتي للوفا ألحان
....................وهجرتي وماتت احلامي عزفتي البعد تاليها

أبي أكتب لك مشاعر قلب وأوضح لك عذاب أنسان
....................عساك تحني لأشواقي وكفايه لا تعنيها

أنا يا شوق من همي ومن شوقي ترى ولهان
....................ترى هالروح ظميانه ولا ظنك بتنسيها

أنا والله ما همني أذا قلبي كسته أشجان
....................ولكن ودي يا روحي تشوفي العين ومافيها

تعالي شوفي الصورة تعالي مابقى كتمان
....................تعالي وطالعي عيني وشوفي صورتك فيها

تعالي بددي همومي تعالي نحيي الأوطان
....................تعالي يا شقى سنيني خلاص اليوم بنهيها

أبي أعزف لك من الآهات أبي امحي ماضي الكتمان
....................أبي هالكون ذا كله يردد لك غناويها

تراني ما شكيت الدمع وأبي أسكب دمعة الحرمان
....................أبي أبكي دام لي فرصة دموعي لك بهديها

تحياتي
أمير العاشقين

القلب الجريح
07-29-2004, 02:53 PM
سلمت يداك اخي العزيز


كلمات في غاية الروعة


ولاحرمنا جديدك

أمير العاشقين
07-29-2004, 03:39 PM
تسلم لي والله اخوي القلب الجريح


عساكي على القوة يارب

تحياتي لك
أميرالعاشقين

القلب المرح
07-30-2004, 03:14 PM
امير العاشقين كلماتك جميله وفي غاية الروعه
واتمنى ان لاتبخل علينا من عطاياك
تحياتي

شبكة الناصرة
07-31-2004, 08:48 PM
سلمت لنا وسلمت اناملك ..

جميل ما خطيت لنا أخي من كلامات ..

الله يعطيك العافيه ..

ميمو
08-01-2004, 12:30 PM
كلام جميل يا شاعر المنتدى
يسلمو

أمير العاشقين
08-16-2004, 03:45 PM
مشكورين اخواني على الرد الحلو

ومشكورين وماقصرتوا وعساكم دووووم على القوة يارب

تحياتي لكم
امير العاشقين

دلوعة الكون
08-23-2004, 09:37 AM
تسلم يداك على الكلمات الرئعه ...

ونتمنى المزيد من قلمك ياأمير العاشقين..


مع شكري وتقديري لك...


مع تحيات الدمعه الحزينه....

أمير العاشقين
08-23-2004, 12:09 PM
العفو اختي الدمعة

ومشكورة وماقصرتي

عساكي على القوة يارب

تحياتي
أمير العاشقين ساكب الدمع الحزين