مشاهدة النسخة كاملة : اللقاء السادس والعشرين مع صاحبة التميز والاخلاق الاخت الولاء الفــاطمي ..
أمير العاشقين
02-23-2007, 03:38 PM
بسم الله الرحمن الرحيم
وبعد التصويت الثاني ظهرت معان الاخت
" الولاء الفاطمي "
وها هو هذا اليوم لقائها
استعدي أخيه الولاء لهذا اللقاء
والله يساعدش على امير العاشقين
راح يهلكش اسئله
تحياتي خيتوو
أمير العاشقين
السلام عليكم ورحمة الله وبركاته
اعزائي كما اخبرناكم في التعريف بالقسم اننا سنقوم بأستضافة شخصيات
أو أعضاء تميزو في محيطهم ومحاورتهم ..
وقد اخترنا لكم الاخت (الولاء الفاطمي) لوضعها في دائرة الضوء ..
نرحب جميعا ً بالاخت التي أثبتت وجودها بجداره وتواجدت في كل الاقسام ..
بمشاركاتها وردودها المميزه فحازت على حب واحترام ومتابعة الجميع ..
وأود أن ألفت انتباه الاخوه والاخوات الراغبين في المشاركه معنا في الحوار
أن يلتزمو بقوانين القسم وهي :
1 / يمنع منعا باتا طرح الأسئلة الشخصية مثل ما هو اسمك كم عمرك مهنتك وما يتبع التعريف بالبطاقة الشخصية للفرد .
2 / يمنع طرح أسئلة ترمز الى استهزاء بالعضو أو فيها اهانه لشخصه .
كما انه يحق للضيف أن يمتنع عن الإجابة إذا شعر أن السؤال غير لائق أو محرج .
نتمنى لكم اجمل الاوقات معنا
فريق عمل شبكة الناصرة الثقافية
أمير العاشقين
الولاء الفاطمي
02-23-2007, 04:47 PM
تسلم اخوي امير
ويسلمووووووا الأعضاء اللي رشحوني
والله يعطيكم الف عافيه
الولاء الفاطمي
الولاء الفاطمي ...
لدي قناعة بأنه سيكون لقاء ممتع ومميز ...
لذا /
تسجيل حضور متابعة ...
موفقة يارب ...
حزن العمر
02-23-2007, 08:02 PM
الولاء الفاطمي
اسمٌ جميل أخيتي
و أتمنى ماتكون أسئلتي
مملة عليك ولك الحرية في عدم الإجابة عليها طبعاً،،
1. لكل إنسان له طموح في الحياة ماهي طموحاتك بالحياة ؟؟
2. ماهي أجمل مناسبة مرت عليك في حياتك ؟؟
3. هل حققتي شيئا من أحلام الطفولة ؟؟؟؟
4. إذا عرضت عليك مجموعة من اللحظات لمن تهديها !!
لحظة حنين واشتياق :
لحظة أسف وندم :
لحظة حزن ودموع :
5. ماهو لونك المفضل ؟
6. ما رأيك في تعلم المرأة للقيادة ؟
7. أيهما أفضل العباءة الزنبية ام عباءة الكتف
الذي أصبحت متداولة الآن بين الفتيات ؟
8. ماهو شعورك حين ترين تساقط المطر ؟ هل تنظرين نظرة تفاؤل
له ام نظرة تعبر عن محاولة استعادة الذكريات ؟
9. هل تؤيدين هذه العبارة : (( الحياة حلوة بس نفهمها )) !! ؟؟
10. أخيتي لو مرة انجرح قلبك من إنسان عزيز وأعاده الزمان ليعتذر
هل تقبلين بعودته وتنسين جراحك طيلة تلك السنين وتقبلين اعتذاره ؟؟
11. كيف توصلتي إلى منتدى الناصرة ؟
12. هل لديك قدرة التأقلم مع أي شخص ؟
13. وأخيراً أمنية تتمني أن تحققيها يوما ما ؟؟؟؟؟؟؟؟
اتمنى تكون اسألتي خفيفة عليك ،،
تقبلي تحيتي العطرة لك
حزن العمر
بيسان
02-23-2007, 08:40 PM
هلا والله بغاليتي
،، الولاء الفاطمي،،
تووه مانور القسم بهالقااء الحلوو
خيه هدي وبلا خوف وتوكلي على الله
يالله خلينا نبدا بالتعليمات
1/ عند استلام الاسئله سمي بالله وتوكلي عليه
2/ الرجاء قراءه الاسئله بتاني وفهم محتوياتها فهم جيدا
3/ عدم استعمال المزيل واستخدام الون الازرق فقط في الاجابه
4/ صدق ثم صدق في الاجاابه
يالله نبدا بالاسئله وانا على وعدي راح اهلكش بالاسئله الحلووه :)
السوال الاول
1/ اذكري لنا بطاقتك الشخصيه ؟؟
الاسم ،، العمر ،، مجال الدراسه ،، طموحش ياان الطمووح ،، الاكل الا تحبيه والا ماتحبيه
2/ ماأريك في صرح شبكة الناصره الثقافيه ؟؟ وباريكِ مالذي يننقصه باامانة ؟؟
3/ماأريكِ في بيسان في المنتدى ؟؟
4/ماريكِ في بيسان في المدرسه ؟؟
5/ ماأريكِ في بيسان في المسن ؟؟
ها جااوبي بامانة وكل سووال تجوبي غير عن السوال الا قبله خخخ ابي صدق بلا مجاملات وطبعا من الناحيتين السلبيه والا يجاابيه
6/ بيسان في المدرسه نفس اخلاقها في المنتدى ولا في فرق من خلال ...
المزح ،، المرح ،، الحزن ،، العصبيه ،، الكرم ،، الاخلاق
7/ يالله يالحلووه اذكري الى الاعضااء تعهد الا اخذناه في ثاني ثانوي بمنااسبة مولد الرسول نبي القصه كامله خخخخخخخخخخخخخ؟؟
8/موقف حلوو جمع بينا ثنتينا مع التيشرات ؟؟
9/ تذكري لما قالت ابله الجغرافيا لنا غاريت واحنا مافهمنا عليها وطلعنا في بعض مستغربين وفي الاخير قلتي ليها يعني غرتي قالت ايه
يالها من ذكريات رائعه اتمنى العوده اليها
انتِ اخيتي ماذا ترمز لكِ هذه الذكرى ؟؟
10/ امم من اكثر ابله كانت والى الان قريبه منك ؟؟
اذكري الحرف الاول فقط واذكري انها تدرس اي ماده وتدرستش وياها اي سنة..
11/ كانت بيسان قريبه من الولاء الفاطمي في اي سنة لما كنا في ثاني ولا ثالث ؟؟ وليش ؟؟
12/ اممم ماهو شعوركِ اذا احد قال لكِ
أكرهك
أحبك
13/ النسبي الصفات التاليه الى اعضااءوعضوات المنتدى
كريم ..
كريمة ..
خلووق..
خلووقه..
حبوب ..
حبوبه..
مغرور..
مغروره..
مصلحشي ..
مصلحشيه ..
امااانه ولوءه ترى ان حسيت في اجابه مني مناك تجاملي فيها
راح اهلك بالاسئله واخلي اسئلتي اكثر من 50 سوال
خخخخخخخخخخخخخخخخ
يالله خيتوو في امان الله
بس هالله هالله بالاجابات السنعه
سي يووووووووووو
وشكر مقدما لكِ
السلام عليكم ورحمة الله وبركاتة
كيفك خيتو الولاء؟
عندي لك كم سؤال خيتو؟
في أي مرحلة دراسية انتين؟
ما هو شعورك عتدما رأيتي اسمك؟
ماهي طموحاتك في الحياة؟
ماذا تحبين تقرأين اكثر شي ؟
كيف هو ادمانك على النت ؟ طبيعي لو زيادة ؟
ما رأيك في الحب قبل الزواج؟
من هو اقرب انسان لك ؟
لما تنزعجين من احد شنو تسوين وما هو رد فعلك؟
كيف هي علاقتك بالكتاب ؟ وافضل كتاب قراتيه ؟
شنو تفضلين البنت المتحررة او البنت الملتزمة ؟ وما هي حدود التحرر عندك؟
اريام الدلوعة
02-24-2007, 01:11 AM
اجمل هدية حصلت عليها ؟
اللي عمرك ما نسيتها ؟
اول رسالة حصلت عليها كيف كانت ردت فعلك ؟
ما اسم وردك المفضل ؟
أمير العاشقين
02-24-2007, 08:44 AM
هلا خيه الولاء
يالله حيييه
اتمنى لكي لقاء ممتع وجميل
وتفضلي هاذي أسئلتي
تفضلي
1/ ما رأيك بالعباه ذات الالوان المتعدده ؟
2/ لو أهديتك وردتان
الاولى حمرا والاخرى بيضاء
فأي ورده تعطيها أمير العاشقين
وأي ورده تهديها شبكة الناصرة ؟
3/ كم مره أنهيتي القران هذه السنه وكم مرة في رمضان ؟
4/ في رمضان البعض يفطر قبل الصلاه والبعض الاخر بعد أنتي من أي نوع واذا كنتي قبل الصلاه لماذا ؟
5/ ماذا أعجبك في الشبكة العنكبوتيه ؟
6/ أذكري لي موقف محرج أبي أضحك طلبتك لاتقولي مافي شي في بالي ؟
7/ أختاه وبصراحة متى خجلتي من والدك ؟
8/ ما رايك بالبنت التي تمتلك جوال وهي لم تكمل ربيع عمرها ؟
9/ ما رأيك بتقنية البلوثوث الجديده ؟ وهل هي سلبيه أم أيجابيه ؟
10/ ماهو جهازك الجوال المفضل ولما أخترتيه بالذات ؟
اذكري موقف حصل لك بالدرسه خيه ؟
11/ موقف حصل مع والدك؟
هذولا أسئله أمانه عليك تجاوبيهم بصراحه وبدون مجامله عادي ترا ما في شي قولي الصراحة
12/ لو طلب منك أمير العاشقين بيتين من خواطرك ماذا ستهديه ؟
13/ ما رأيك بخواطر أمير العاشقين ؟ وما هي أفضل خاطره أعجبتك ؟
14/ ما رايك بامير العاشقين ؟ وما هي ملاحظاتك عليه ؟
15/ كلمة تودين قولها إلى أمير العاشقين ؟ وكلمة تودين أن تنصحي بها أمير العاشقين ؟
16/ هل أزعجتك أسئلة أمير العاشقين ؟
اسئله خاصة بطبقة الحب
17/ ما رايك بالحب ؟
18/ وهل رق قلبك واحببتي يوماً ؟ اذا احببتي فما هو شعورك ؟
19/ لو تزوجتي وانجبتي طفلاً ووقع ابنك في دوامة الحب ماذا تفعلين ؟
20/ ما رايك بمن فارق حبيب وغالي ؟
21/ ما رايك بمن يخون ؟
22/ هل خانك احد يوماً ما ؟
23/ هل عانيتي مأساة فراق صديقه غاليه لديك تحبينها بكل قواك ؟
24/ هل ظلمك احد يوماً ما ؟
25/ كيف تعاملين من يعاملك بقسوه ؟
الى هنا انتهي
طبعاً لي عوده ما فيه يمه أرحميني
وانشالله ما اكون أزعجتك
لي عوده خيه
اتمنى ما اكون ضايقتك
عساكي على القوة يارب
خالص تحياتي
أمير العاشقين
الولاء الفاطمي
02-24-2007, 10:03 AM
ضياء
مشكور اخوي ع الحضور
وتابعنا في اللقاء
الولاء الفاطمي
الولاء الفاطمي
02-24-2007, 10:49 AM
حزن العمر ياهلا خيه فيش ويامرحبا
واتفضلي هذي اجاباتي واتمنى انها اتكون وافيه
1. لكل إنسان له طموح في الحياة ماهي طموحاتك بالحياة ؟؟
طموحاتي اخلص دراسة الجامعة واتخرج بمعدل ممتاز زي هذا الترم والسامع يقول امين
وطبعاً بعد ما اتخرج اتوظف وأممممممم واجد طموحاتي.
2. ماهي أجمل مناسبة مرت عليك في حياتك ؟؟
اول ما سمعت جابوا اليي بنت اخت.
3. هل حققتي شيئا من أحلام الطفولة ؟؟؟؟
نوعاً ما.
4. إذا عرضت عليك مجموعة من اللحظات لمن تهديها !!
لحظة حنين واشتياق : أمي.
لحظة أسف وندم :أمي وأبوي.
لحظة حزن ودموع : إلى أشخاص عزيزين على قلبي.
5. ماهو لونك المفضل ؟
الأخضر.
6. ما رأيك في تعلم المرأة للقيادة ؟
حلو, وياريت بسرعه اتصير تعليم القياده إلى المراة.
7. أيهما أفضل العباءة الزنبية ام عباءة الكتف
الذي أصبحت متداولة الآن بين الفتيات ؟
ثنتينهم. اني افضلهم
بس كل واحد ولبسه الى الشي.
8. ماهو شعورك حين ترين تساقط المطر ؟ هل تنظرين نظرة تفاؤل
له ام نظرة تعبر عن محاولة استعادة الذكريات ؟
شعور جميل, استعادة ذكريات. وهو موقف واحد ما راح انساه.
9. هل تؤيدين هذه العبارة : (( الحياة حلوة بس نفهمها )) !! ؟؟
أكيد, بس مو دايم الحياة حلوه حتى لو فهمناها
10. أخيتي لو مرة انجرح قلبك من إنسان عزيز وأعاده الزمان ليعتذر
هل تقبلين بعودته وتنسين جراحك طيلة تلك السنين وتقبلين اعتذاره ؟؟
اقبل اعتذاره, بس ما اتوقع أي أحد يقدر ينسى جرح ظل وياه سنين.
11. كيف توصلتي إلى منتدى الناصرة ؟
عن طريق بيسااااان وبنوته توته
12. هل لديك قدرة التأقلم مع أي شخص ؟
اني اشوف مو ويه أي شخص بس ناس واجد اتقول اتأقلم بسرعه.
13. وأخيراً أمنية تتمني أن تحققيها يوما ما ؟؟؟؟؟؟؟؟
خلها في القلب.
اتمنى تكون اسألتي خفيفة عليك ،،
تقبلي تحيتي العطرة لك
حزن العمر
واعذريني خيه إذا قصرت في اجاباتي
ومشكوره ع الأسئله الحلوه.
الولاء الفاطمي :embarrest:
نور الهدى
02-24-2007, 11:37 AM
السلام عليكم ورحمة الله وبركاته
وصلى الله على سيدنا ونبينا محمد وال بيته الطيبين الطاهرين
قووووووووووووة خيتو
شخبارش ويش مسوية
نور اللقاء
ياالله جهزي نفسك للاسئلة
نبتدي بسم الله
1_ من هي الولاء الفاطمي بشكل عام ؟
2 _ ما هي احب الاسماء الى قلبك من اناث وذكور ؟
3- ما هي صفات شريك العمر ان شاء الله الي تحبين يكون متصف فيها ؟
4- برأيك متى يكون السن المناسب للزواج للبنت ؟
5_ اي الاماكن المقدسة الي تتمنين انك تزورينها ؟واذا كان في مكان زرتيه شنو هو ؟
6_ تحبين السفر ؟ غير الاماكن المقدسة اي الدول تتمنين تزورينها ؟
7- اي المجالات اكثر تحبين تقرأين فيها ؟
8_ متى تنظرين الى البنت نظرة احتقار ؟ ومتى تنظرين لها نظرة اعجاب واحترام ؟
9_ تحبين الطبخ اعترفي تعرفين لو لا ؟ واي النوعين تجيدينه اكثر الموالح لو الحلويات ؟
10_عندما تواجهك مشكلة وتتحيرين في حلها من هو اول شخص تلجأين اليه ؟
11_ كيف هي علاقتك مع الوالد والوالدة الله يحفظهم لج ؟
خفينا عليش اشوي مراعاة لج
بس هذي الاسئلة
والله يعينش على باقي الاعضاء
تحياتي لج خيتو
اختك ام محمد
الولاء الفاطمي
02-24-2007, 12:58 PM
هلا والله بغاليتي،، الولاء الفاطمي،،
تووه مانور القسم بهالقااء الحلوو
خيه هدي وبلا خوف وتوكلي على الله
يالله خلينا نبدا بالتعليمات
1/ عند استلام الاسئله سمي بالله وتوكلي عليه
2/ الرجاء قراءه الاسئله بتاني وفهم محتوياتها فهم جيدا
3/ عدم استعمال المزيل واستخدام الون الازرق فقط في الاجابه
4/ صدق ثم صدق في الاجاابه
يالله نبدا بالاسئله وانا على وعدي راح اهلكش بالاسئله الحلووه :)
السوال الاول
1/ اذكري لنا بطاقتك الشخصيه ؟؟
الاسم ،، العمر ،، مجال الدراسه ،، طموحش ياان الطمووح ،، الاكل الا تحبيه والا ماتحبيه
الأسم: الولاء الفاطمي
العمر: 20
مجال الدراسه: جامعه
طموحش: اني اتخرج من الجامعه واتوظف واشوفش عروس وعندش درزن اولاد وبضرس واحد يابيسان.
الأكل اللي احبه: الورق العنب.
اللي مااحبه. الهريس والساقو وهذي الحركات.
2/ ماأريك في صرح شبكة الناصره الثقافيه ؟؟ وباريكِ مالذي يننقصه باامانة ؟؟
رايي فيه والله هو بيتي الثاني بعد ما يبغى اليها كلام
اللي نقصه.. الاعضاء اللي كانوا موجودين وطلعوا .
3/ماأريكِ في بيسان في المنتدى ؟؟
خوش بنيه. الله يخليها. ومرحه وبشوشه وتحب تمزح وتضحك.
4/ماريكِ في بيسان في المدرسه ؟؟
خوش بنيه. ويبقيها. وفي الحركات ماعليها كلام.
5/ ماأريكِ في بيسان في المسن ؟؟
خوش بنيه. ويرزقها بولد الحلال. اتحب اتنكت وايد.
ها جااوبي بامانة وكل سووال تجوبي غير عن السوال الا قبله خخخ ابي صدق بلا مجاملات وطبعا من الناحيتين السلبيه والا يجاابيه
6/ بيسان في المدرسه نفس اخلاقها في المنتدى ولا في فرق من خلال ...
المزح ،، المرح ،، الحزن ،، العصبيه ،، الكرم ،، الاخلاق.
مافي فرق.
7/ يالله يالحلووه اذكري الى الاعضااء تعهد الا اخذناه في ثاني ثانوي بمنااسبة مولد الرسول نبي القصه كامله خخخخخخخخخخخخخ؟؟
واي فضيحه بس ياالله ماعليه.
ياالله نبدأ ..
طبعاً الولاء الفاطمي في ثاني ثانوي اقترحت ع البنات ان هم يسو مولد النبي زين والكل وافق ويانا كم معلمه
المهم اتفقنا كل وحده وش راح اتجيب وياها من اكل وحركات ورحت قبلها بيوم واشتريت الزينه واشتغلنا عليها في الحصة الفاضيه وكتبنا عليها اسماء الأئمه
وعلى الباب كتبنا اللهم صلي على ومحمد وآلِ محمد وحطيناها ع الباب واليوم اللي بعده كان مولد النبي ورتبنا الفصل وحطينا الحركات وجبت ويايي المولد وبعد الفسحه جت المعلمه ويانا وقريت المولد واني طالعه بنادي معلمة الحاسب شفت اداريه حوله بره اتوقعت انه بصير شي بس سكت عن الموضوع وجت المعلمه وقريته مره ثانيه ورحت إلى المعلمة الثالثه أناديها وسمعت المديره اتقول جيبوا وياكم اوراق تعهد ورحت الفصل بسرعه وقلت الى المعلمه والبنات ورتبنا الفصل وجلسنا مكانا وتوني اقول رحم من ذكر القائم من آل محمد وصلينا كلنا على محمد وتونا جالسين ع الكراسي الا المديره وياها العصابة فاتحين الباب طلعوا المدرسات بره اني ما خفت ع البنات ع المدرسات أكثر وسكرت الباب المديره وقالت من اللي سو هذا الشي واحنا ساكتين صرخت من اللي اقترح عليكم واحنا ساكتين قالت من اللي حط الزينه ومن قال اليكم حطوا الزينه قلت اليها عادي انحط زينه المشرفه قالت حطو زينه وحطوا اللي تبغوه في فصلكم قالت بس انتوا منتوا اطفال حاطين بلونات وتنفقع وحده ويقوم الضحك وتصرخ وبعدين قالت حراااااااااااااااام شرك طبعاً اللي يتكلموا في الفصل بس اني ووحده من البنات كانت قاعده وياي
قالت مو حرام عادي احنا ماسوينا شي احتفلنا بالرسول قالت المديره الرسول ما يرضى بهذا الشي وهذا حرام وبدعه بعدين ماشفناها اللي اتقول انتم في النار قالت انتم اخرجكم الله من الجنه الى النار عباره زي دي وابتسموا البنات.. المديره تبغى تطلع ماهي قادره اتشوف الأكل واطالع فيه بقوه مشتهيه هي بس وش اتسوي مسكينه يتراولي بطنها عورها داك اليوم وقام يغرد يبغى ياكل وهددتنا بتجيب التوجيه وما ادري ويش طبعاً احنا كان الوضع عادي في الفصل اللي تبغى تضحك واللي تبغى تبتسم واللي واللي قالت ياالله شيلوا هالحركات بسرعه شلنا الحركات وقامت حطتهم في كيس البلونات ويه الزينه والأكل قالت شيلوه وكتبونا تعهد مخالفه الى الشريعة الأسلامية قمنا احنا يوم طلعت كملنا المولد قواية عيون وش انسوي وزعنا الأكل وكملنا فرحتنا ما نغصوا علينا قرينا المولد اربع مرات في عيون العدو وبعدين رحنا الى معلماتنا اني وبيسان اندورهم مانشوفهم والخوف في وجهنا عدل عليهم بعدين شفناهم وماصار اليهم شي والحمدلله.
8/موقف حلوو جمع بينا ثنتينا مع التيشرات ؟؟
طبعاً اني والحركات البهلوانيه اللي اسويها وياي بيسان اشتركت سمعت مره بنيه بتطلع وبتكمل السنه الجايه بس ابوها قال اليها مستعد يدخلها الجامعه بفلوس اني قلت ياالله خلني العبها عليها اتفقت ويه بيسان انقول اليها في اكاديميه الأهل بيفتحوها وإذا ابوها شارك فيها راح تدرس السنه مجاناً إذا كان امساهم وبعدين يدفع بس يكون الدفع مو واجد البنت قلنا اليها ولا ضحكنا ولا ابتسمنا واني اقنع فيها وبيسان تقنع فيها لين قالت صحيح قلنا اليها ايه وسوينا الإعلان وكتبنا رقم مركز اختي والموقع مال مااذكر ويش وحطينا الورقة ع الباب يوم ثاني وشافتها هي وكتبنا بالتعاون مع جامعه الملك سعود واستانست وقامت البنت ودت الورقه الى ابوها وقام ابوها يتصل في الوقت اللي مايكون فيه احد احمد ربي والبنات شافوها الورقه ورحنا الى معلمة الحاسب وقلنا اليها اتغيرت الوانها قالت غريبه بس زين بيسون اكاديميه الأهل ضحكنا وقلنااليها نكته هالحركه امسوينها قالت ما شاء الله عليكم وضحكت والبنت على عماها مسكينه بس بعد كم يوم قلنا اليها هالحركه كانت لعبه بس حبينا انخليش ماتطلعي من المدرسه وتعيدي سنه البنت بغت اجيها سكته قلبيه بس اشوى ضحكت بس ماكانت مصدقه نلعب عليها وصرنا من انشوفها انقول اليها ها بتسجلي في الأكاديميه تقعد تضحك وتقول ماعليه بتشوفوا.
والشي الثاني هي مو حافظه اسماء المحلات مال زار واكسسوريز وكليررررز وقلت ياالله لعبه ثانيه
قالت اليي وش تبغي من انواع الجالكسي ومن وين تبغي اجيب الش قالت اليها من اكسسوريز قالت وشو هذا بعد قلت اليها يبيع جالكسي وحركات قالت ماعليه باجيب الش وقلت اليها وينه وقلت إلى بيسان اللعبه وقالت بيسان تلعبي عليي قلت اليها صحيح وجت بيسان وقلت اليها ابغى من هالمحل جالكسي وقالت ماعليه وقلت اليها بعد من زار اتجيب اليي اكولات حلوه وبعدين قلنا اليها نمزح وياش هذول مو محلات اكل محل اثياب واكسسورات وضحكت وقالت انتون كله تلعبوا عليي. بيسان تضحك وديك ماهي فاهمه.
وتوتا توتا خلصت الحتوته.
9/ تذكري لما قالت ابله الجغرافيا لنا غاريت واحنا مافهمنا عليها وطلعنا في بعض مستغربين وفي الاخير قلتي ليها يعني غرتي قالت ايه
يالها من ذكريات رائعه اتمنى العوده اليها
انتِ اخيتي ماذا ترمز لكِ هذه الذكرى ؟؟
وااااااااااااااااااااااو ذكرتيني بها اتجننن يوم قالت غاريت كلمه صحيح صرنا نعلق عليها بس دخلت في
في القلب ذكرتني يوم كنا انروح ونجي في غرفة المعلمات راكبين نازلين حتى اضعفنا اني وبيسان داك اليوم وبعدين سألنها عنهم قالت شفتكم وغاريت يغناتي هالمعلمه.
10/ امم من اكثر ابله كانت والى الان قريبه منك ؟؟
اذكري الحرف الاول فقط واذكري انها تدرس اي ماده وتدرستش وياها اي سنة..
خلها في القلب عاد.
11/ كانت بيسان قريبه من الولاء الفاطمي في اي سنة لما كنا في ثاني ولا ثالث ؟؟ وليش ؟؟
اني اشوف في ثاني وثالث.
12/ اممم ماهو شعوركِ اذا احد قال لكِ
أكرهك. باقول اله شكراً.
والحمدلله ما حد قال اليي اكرهش ولا ابغى اسمعها.
أحبك. بيكون لون وجهي احمر.
13/ النسبي الصفات التاليه الى اعضااءوعضوات المنتدى
كريم .. جميع الأعضاء
كريمة .. جميع الأعضاء
خلووق.. جميع الأعضاء
خلووقه.. جميع الأعضاء
حبوب ..جميع الأعضاء
حبوبه..جميع الأعضاء
مغرور.. ماحد
مغروره.. ماحد
مصلحشي ..ماحد
مصلحشيه ..ماحد
ما اعرف كل الأعضاء بس اكيد كل الأعضاء فيهم الصفات الحلوه من تعاملهم في المنتدى.
امااانه ولوءه ترى ان حسيت في اجابه مني مناك تجاملي فيها
راح اهلك بالاسئله واخلي اسئلتي اكثر من 50 سوال
خخخخخخخخخخخخخخخخ
يالله خيتوو في امان الله
بس هالله هالله بالاجابات السنعه
سي يووووووووووو
وشكر مقدما لكِ
ماقصرتي غناتي واعقلي وبلا اسئله واجد وصيري بنيه حلوه وحبوبه علشان اشتري الش لعبه زين ماما.
ومشكوره ع الأسئله واجاباتي صريحه ومافيها أي مجامله.
الولاء الفاطمي :embarrest:
الولاء الفاطمي
02-24-2007, 01:19 PM
السلام عليكم ورحمة الله وبركاتة
كيفك خيتو الولاء؟
عندي لك كم سؤال خيتو؟
في أي مرحلة دراسية انتين؟
في الجامعه.
ما هو شعورك عندما رأيتي اسمك؟
فرحت.
ماهي طموحاتك في الحياة؟
ذكرتها خيه في الاسئله اللي قبل واضيف انه يعم السلام ويظهر الإمام المهدي عجل الله فرجه الشريف.
ماذا تحبين تقرأين اكثر شي ؟
الروايات والأشعار والخواطر.
كيف هو ادمانك على النت ؟ طبيعي لو زيادة ؟
الحين صار طبيعي.
ما رأيك في الحب قبل الزواج؟
عادي. بشرط علم الأهل.
من هو اقرب انسان لك؟
معلمتي.
لما تنزعجين من احد شنو تسوين وما هو رد فعلك؟
اسكت.. وإذا زاد عن حده اروح اكلمه.
كيف هي علاقتك بالكتاب ؟ وافضل كتاب قراتيه ؟
قويه, كتاب طريقك إلى النجاح.
شنو تفضلين البنت المتحررة او البنت الملتزمة ؟ وما هي حدود التحرر عندك؟
البنت الملتزمه
حدود التحرر.. اني وحده عادي عندي البنت تلبس عباية كتف وتتحجب وتطلع مع صاحباتها إلى الأسواق بحدود وانها تسافر الى دول بره بس بحدود.
واني عادي عندي اطلع مع اخوي ومرته ويانا اخوها واهدر واضحك بس بحدود.
والتحرر اله حدود. والشي لا زاد عن حده انقلب ضده.
وان شاء الله اكون خيه وفيت في الأجابات.
الولاء الفاطمي :embarrest:
الولاء الفاطمي
02-24-2007, 01:44 PM
اجمل هدية حصلت عليها ؟
باقة ورد من عند صديقتي
اللي عمرك ما نسيتها ؟
هدية تخرجي من عند اختي
اول رسالة حصلت عليها كيف كانت ردت فعلك ؟
فرحانه
ما اسم وردك المفضل ؟
روز
ومشكوره خيه ع الأسئلة
الولاء الفاطمي:embarrest:
أمل الظهور
02-24-2007, 04:28 PM
السلام
هلا ولوء كيفك ؟
يلا ولاء مستعدة تمام
تفضلي :
1_للأحزان مقام في حياة كل البشر ...انت الحزن ماذا اعطاك وماذا اخذ منك ؟
2_كيف تقضي ولاءوه يومها يلا قولي لنا شتسوين بالتفصيل ؟
3_ادعيه الولاء مداومه على قرآتها ؟
4_منو تتوقعي اللقاء بعدك ؟
ولاوه لاتفرحي فيه بعد اسئله بس هذول مقبلات للوجبة الدسمة اوكيك
يلا بايو
بيسان
02-24-2007, 08:40 PM
هلا والله بخووووووووويتي
اجااباتك كثير حلوووين
كنت بسوي مفاجاءت وبحط صوره الاعلان الا سويناه
بس وحساافتاه قلبت عليه نت وماحصلته
ولووءه اذا عندك الاعلان سكنريه وحطيه
يالحلووه نسيتي وش هو الايميل
academaia.com@-----------------
كتبنا بدل نقاط ايميل بنووته توته القديم خخخخخخخخخخ
والله ذكرياات حلووه
طيب عندي الحين كم سوال على المااشي
1/ مااهو افضل قسم تجدينه من وجهه نظركِ في شبكتنا؟؟
2/ ماأريك بالرجل الذي يبكي بسبب الحب والشوق الى محبوبته؟؟
3/ يالله اختااري مسج من مسجاتش الجدد في جوالكِ واهديها الى بيسووو وام عبوود؟؟
4/ لو احد قال لك كلمة "خرابه بيوت " وانتين هالشخص ماتعرفيه ولا لش علاقه فيها وش بتكون رده فعلش؟؟
5/يالله قولي تتمني تكوني ام شنووووو ؟؟
6/ مااهي الاسمااء الا تتمني تسمي بها بناتش واولادش ؟؟
يالله ترى في اسئله بعد
سي يووو
الولاء الفاطمي
02-25-2007, 01:03 PM
هلا خيه الولاء
يالله حيييه
اتمنى لكي لقاء ممتع وجميل
وتفضلي هاذي أسئلتي
تفضلي
1/ ما رأيك بالعباه ذات الالوان المتعدده ؟
عادي عندي بس اتكون في اماكن معينة مثل المعاريس بيت صديقاتي هيك يعني.
2/ لو أهديتك وردتان
الاولى حمرا والاخرى بيضاء
فأي ورده تعطيها أمير العاشقين
وأي ورده تهديها شبكة الناصرة؟
والله أباخد الوردتين وبافللهم وبوزعهم بالتساوي عليكم حتى يصير عندكم اللونين.
3/ كم مره أنهيتي القران هذه السنه وكم مرة في رمضان؟
في هالسنه اربع مرات.
وفي رمضان دايم مرتين.
4/ في رمضان البعض يفطر قبل الصلاه والبعض الاخر بعد أنتي من أي نوع واذا كنتي قبل الصلاه لماذا ؟
قبل الصلاة.. يكون أفضل لأن اللي اعرفه من زمان دايم يقولوها ان بقايا الطعام يظل إذا جيت اتصلي والواحد يقرأ يصير يحس بـ أكل فما يجوز.
والصلاة قبل الفطور احسن لأن الواحد بعد يحس روحه ثقيل.
5/ ماذا أعجبك في الشبكة العنكبوتيه ؟
كل شي يعجبني فيها.
6/ أذكري لي موقف محرج أبي أضحك طلبتك لاتقولي مافي شي في بالي ؟
أممممم.. ما ادري بس إذا يضحكوك.
مره اني كنت نايمه وتعبانه مرررررررره وجلست المغرب تقريباً الساعه 6 الا ربع وقمت بسرعه وصليت صلاة الصبح ولبست المريول وجهزت كتبي ولبست العباية ونزلت الصالة وجلست واشوف الوالد كان كاشخ بيروح ويه اصحابه وهو يطالع فيني مستغرب واني اقول اله اول مره اتشوفني واني باروح المدرسه سكت عني ويوم جت الساعه 6 بالزبت بطلع الا يقول اليي الحين مغرب وصار وجهي احمر وعصبت وركبت.
الثاني.. كنت نازله من الباص مال الجامعة عند المواقف وسيارة كانت واقفه زي سيارة سواقنا ورحت وركبت واشوف الرجال ماتحرك واني كنت ارتب في شنطتي صرخت عليه وبعدين طالعت فيه واني اصرخ عليه الا هو مو سواقنا والضحك قام عليي عند البنات.
يا الله أضحك على اللي يعجبك.
وإذا ما ضحكوك وش اسوي هذا اللي في بالي.
وجبت الك بدل الواحد اثنين.
7/ أختاه وبصراحة متى خجلتي من والدك ؟
لما قال اليي أن في واحد تقدم اليي وقعد يتكلم وياي حسيت اني خلاص باموت من الخجل
وعاد الوالد الله يخليه وحركاااااااااااته البهلوانيه واني وجهي قوطي صلصه.
هو يعني اني دائماً خجوله من الوالد الله يخليه.
8/ ما رايك بالبنت التي تمتلك جوال وهي لم تكمل ربيع عمرها ؟
مافي داعي يكون عندها جوال.. بتحتاجه في ويه إذا بتروح أي مكان الوالده او الوالد بودوها ويعرفوا هي وينه.
9/ ما رأيك بتقنية البلوثوث الجديده ؟ وهل هي سلبيه أم أيجابيه ؟
حلوه وسهله بحيث تقدر انت واللي وياك أي شي يعجبك في الجوال يا الله افتح لبلوتوث واعطيني..
تاخد الأثنين الإيجابيات والسلبيات.
من حيث انها سهلة الأستخدام وتوفير في نفس الوقت.. ومنها تأدية إذا كان بلوتوثك مفتوح الرسايل البايخه او الحركات اللي ماليها داعي تجيك ع الجوال.
10/ ماهو جهازك الجوال المفضل ولما أخترتيه بالذات ؟
اللي عندي in gage والثاني in 70
عجبوني واخدتهم وفيهم مميزات حلوة.
وجاي في الطريق جهاز جديد ادعي اليي ياخدوه اليي بسرعه.
اذكري موقف حصل لك بالدرسه خيه ؟
اخوي اقرأ اللي كتبتهم عند بيسااااااااااان في اسئلتها واااااااااااااااايد.
11/ موقف حصل مع والدك؟
مره كنت اتهاوش ويه اخويي وضربني وانخش واني واقفه فوق وكان فيه كيس اسود فيه ثياب بيودوهم الجمعية اخدته علشان برميه على اخويي واني ما ادري ان الوالد راكب اخدت الكيس ورميته على الوالد وصرخت بقوه ايوه احسن وبعدين ماطالعت الا هو يطالعني مستغرب قلت اله سوري ما ادري ان هذا انت وضحك بعدين.
هذولا أسئله أمانه عليك تجاوبيهم بصراحه وبدون مجامله عادي ترا ما في شي قولي الصراحة؟
12/ لو طلب منك أمير العاشقين بيتين من خواطرك ماذا ستهديه ؟
بكتب وبرد عليك.
13/ ما رأيك بخواطر أمير العاشقين ؟ وما هي أفضل خاطره أعجبتك ؟
حلوة مرة والله يوفقه وانشوفه بعدين ينشر اله كتب.
لا زالت دموع القلب تنهمر.. عجبتني مررررررررره
وكل خواطرك يا أمير حلوه مرررررره.
14/ ما رايك بامير العاشقين ؟ وما هي ملاحظاتك عليه؟
إنسان طيب القلب مرح يحب يمزح بعض الأحيان خلوق كاتب بمعنى الكلمة
ماعندي ملاحظات عليه.
15/ كلمة تودين قولها إلى أمير العاشقين ؟ وكلمة تودين أن تنصحي بها أمير العاشقين ؟
اللي باقولها الى امير.. الله يوفقك دنيا وآخرة ويسهل دربك ويحقق أمانيك.
والنصيحة.. وش انصحك يا أمير
انت اللي تنصح ياأمير مو احنا اللي ننصحك.
16/ هل أزعجتك أسئلة أمير العاشقين؟
لا طبعاً كانت حلوه بس تعبتني في الكتابة.
اسئله خاصة بطبقة الحب
17/ ما رايك بالحب ؟
الحب عذاب.
18/ وهل رق قلبك واحببتي يوماً ؟ اذا احببتي فما هو شعورك ؟
ايه حبيت.. زي شعورك لما حبيت.
19/ لو تزوجتي وانجبتي طفلاً ووقع ابنك في دوامة الحب ماذا تفعلين ؟
إذا اتزوجت يحلها الف حلال.
هو بوقف وياه وبساعده يعني هذي أكيد مايبغى اليها كلام.
20/ ما رايك بمن فارق حبيب وغالي ؟
الله يكون في عونه.
21/ ما رايك بمن يخون ؟
إنسان تافه لأبعد الحدود.
22/ هل خانك احد يوماً ما ؟
لا.
23/ هل عانيتي مأساة فراق صديقه غاليه لديك تحبينها بكل قواك ؟
لا.
24/ هل ظلمك احد يوماً ما ؟
نعم. لكن بيظهر في يوم من الأيام الحق.
25/ كيف تعاملين من يعاملك بقسوه ؟
عادي اتعامل وياه ابتسم إذا شفته اكلمه حتى لو كان قاسي في تعامله.
الى هنا انتهي
طبعاً لي عوده ما فيه يمه أرحميني
وانشالله ما اكون أزعجتك
لي عوده خيه
اتمنى ما اكون ضايقتك
عساكي على القوة يارب
خالص تحياتي
أمير العاشقين
تسلم خيو أميرع الأسئلة وربي يعطيك الف عافيه
واسأل اخوي على راحتك.
الولاء الفاطمي :embarrest:
الولاء الفاطمي
02-25-2007, 01:13 PM
السلام عليكم ورحمة الله وبركاته
وصلى الله على سيدنا ونبينا محمد وال بيته الطيبين الطاهرين
قووووووووووووة خيتو
شخبارش ويش مسوية
الحمدلله بخير.
نور اللقاء
بوجودكم.
ياالله جهزي نفسك للاسئلة
نبتدي بسم الله
1_ من هي الولاء الفاطمي بشكل عام ؟
والله خيه هذا السؤال صعب اني اجاوب عليه ااسألي اللي يعرفوني.
بس راح اقول شي بسيط عني..
إنسانه مرحه بشوشه أم حركاااااااااااااااات بهلوانيه , حزينه, طيبة اممم ماراح اكمل الى اهني وخلاص.
2 _ ما هي احب الاسماء الى قلبك من اناث وذكور ؟
أسماء اهل البيت عليهم السلام.
3- ما هي صفات شريك العمر ان شاء الله الي تحبين يكون متصف فيها ؟
اهم شي الأخلاق, الدين, صلة الرحم, كل الصفات الحلوة.
4- برأيك متى يكون السن المناسب للزواج للبنت ؟
على حسب تفكيرها ونضجها وتحملها إلى المسؤليه.
5_ اي الاماكن المقدسة الي تتمنين انك تزورينها ؟واذا كان في مكان زرتيه شنو هو ؟
اتمنى أروح لعراق, زرت إيران وسوريا والمدينه.
6_ تحبين السفر ؟ غير الاماكن المقدسة اي الدول تتمنين تزورينها ؟
ما أحب السفر وااااايد.
كندا, وامريكا ولندن.
إن شاء الله باروح وحده فيهم.
7- اي المجالات اكثر تحبين تقرأين فيها ؟
كتب الروايات والخواطر والأشعار.
8_ متى تنظرين الى البنت نظرة احتقار ؟ ومتى تنظرين لها نظرة اعجاب واحترام ؟
إذا كانت شايفه روحها انظر اليها نظرة احتقار.
أما إذا كانت محترمه روحها اكيد بنظر اليها نظرة اعجاب.
9_ تحبين الطبخ اعترفي تعرفين لو لا ؟ واي النوعين تجيدينه اكثر الموالح لو الحلويات ؟
ما أحبه وايد.. أيه اعرف... الحلويات.
10_عندما تواجهك مشكلة وتتحيرين في حلها من هو اول شخص تلجأين اليه ؟
إلى معلمتي.
11_ كيف هي علاقتك مع الوالد والوالدة الله يحفظهم لج ؟
الوالده الله يرحمها لا شافتني ولا شفتها.
الوالد عاديه جداً مثل الأخ اعتبره.
خفينا عليش اشوي مراعاة لج
بس هذي الاسئلة
والله يعينش على باقي الاعضاء
تحياتي لج خيتو
اختك ام محمد
تسلمي خيه أم محمد ع الأسئله
واتمنى اني وفيت في الأجابات فيهم
الولاء الفاطمي :embarrest:
الولاء الفاطمي
02-25-2007, 01:37 PM
السلام
هلا ولوء كيفك ؟
زوينه.
يلا ولاء مستعدة تمام
ايه
تفضلي :
1_للأحزان مقام في حياة كل البشر ...انت الحزن ماذا اعطاك وماذا اخذ منك ؟
خلها في القلب خيه... هو علمني الحزن اشياء وايد وعطاني دروس ما راح انساه.
أخد مني اغلى شي في الوجود وهي ( أمي )
2_كيف تقضي ولاءوه يومها يلا قولي لنا شتسوين بالتفصيل ؟
والله اقعد من النوم الساعه 9 الصبح وبعدين وبعدين انزل تحت وافتح التلفزيون
بس ما اشاهد اشغله واني اقرأ الجريده لازم اقراها وبعدين اسوي اليي شاي
وأشبك ع النت واقعد اقرأ وش صار في جامعتنا من الموقع وبعدين إذا ادن اقوم
أصلي وبعد الأدان ارد اعود الى النت وبعدين اطلع ع الساعه 3 اروح مركز اختي
واقعد وياهم وبعد ادان المغرب ارجع البيت واقعد وياهم شوي واروح بالليل بيت جدي
لازم وضروري عندي وبعدين ارجع البيت واستنى الى صلاة الصبح واصليها واقرأ اليي
قران وانام.
طبعاً في وقت الى المكلامات يعني مايصير.
والنظام يتغير كل يوم على حسب المزاج.
3_ادعيه الولاء مداومه على قرآتها ؟
أكيد وما يبغى اليها شك.
4_منو تتوقعي اللقاء بعدك ؟
اممممم ما ادري.
ولاوه لاتفرحي فيه بعد اسئله بس هذول مقبلات للوجبة الدسمة اوكيك
يلا بايو
ومشكوره خيه ع الأسئله
وان شاء الله عجبوش اجاباتي
الولاء الفاطمي :embarrest:
الولاء الفاطمي
02-25-2007, 01:51 PM
هلا والله بخووووووووويتي
اجااباتك كثير حلوووين
كنت بسوي مفاجاءت وبحط صوره الاعلان الا سويناه
بس وحساافتاه قلبت عليه نت وماحصلته
ولووءه اذا عندك الاعلان سكنريه وحطيه
يالحلووه نسيتي وش هو الايميل
academaia.com@-----------------
كتبنا بدل نقاط ايميل بنووته توته القديم خخخخخخخخخخ
والله ذكرياات حلووه
ماعندي كنت ابغاه من عندش.
طيب عندي الحين كم سوال على المااشي
1/ مااهو افضل قسم تجدينه من وجهه نظركِ في شبكتنا؟؟
كل الأقسام حلوه.. ويعجبني قسم تطوير الذات.
2/ ماأريك بالرجل الذي يبكي بسبب الحب والشوق الى محبوبته؟؟
في نظري عادي.. لأن زي ما المراة تبكي بسبب الحب والشوق الى محبوبها
لأن هو بعد اله مشاعر واحاسيس.
3/ يالله اختااري مسج من مسجاتش الجدد في جوالكِ واهديها الى بيسووو وام عبوود؟؟
اوكي من عيوني..
ياليال الود ودي له رسالة
لا قراها يعرف اني مانسيته..
علميه ان الغلا فاحت دلاله..
فوق جمر الشوق يومن احتريته...
مانسيته لو طراله ماطراله..
ساكن بقصا الحشا والقلب بيته..
4/ لو احد قال لك كلمة "خرابه بيوت " وانتين هالشخص ماتعرفيه ولا لش علاقه فيها وش بتكون رده فعلش؟؟
راح أقول اله كلن يرى الناس عين بضبعه.
5/يالله قولي تتمني تكوني ام شنووووو ؟؟
اممممم ما ادري على اسم زوجي والله باقول الش إذا تزوجت.
6/ مااهي الاسمااء الا تتمني تسمي بها بناتش واولادش ؟؟
على أسماء أهل البيت عليهم السلام.. مافي احسن من أسمائهم.
يالله ترى في اسئله بعد
سي يووو
بعد الظاهر متحلفين فيني
الولاء الفاطمي :embarrest:
روعة الدنيا
02-25-2007, 07:15 PM
هلا خيه الولاء
اتمنى لكي لقاء ممتع وجميل
وتفضلي هاذي أسئلتي
تفضلي
السؤال الاول :
1- ماريكِ في شبكة الناصرة الثقافية ؟
2- ماريكِ بـ روعة الدنيا ؟
3- شي يفرحك ؟
4- شي تكرهي ؟
مع تحياتي
روعة .
بيسان
02-25-2007, 09:43 PM
هلا والله بوووووووولووءتي
مبرووووووووووالف الف الف ومليار وووووووووووووووك
وعقبال مليون سنة يارب
تبي تعرفوا وش السالفه
،،،،، الولاء الفاطمي ،،،،،،،،،،
الليله عيد ميلادها
وابي الكل يباارك ليها
وتفضلي هذا الكيك والشوكلت
http://www.9m.com/upload/25-02-2007/0.9139501172428385.jpg (http://www.9m.com/upload/25-02-2007/0.9139501172428385.jpg)
http://www.9m.com/upload/25-02-2007/0152701172428454.jpg
وهذي هديتي الاولى والثانيه بالطريق
http://www.9m.com/upload/25-02-2007/0.94601172428124.gif
أن شااء الله يعجبك
امم يالله جيت وجبت معاااي اسئلتي
لا عيووني
حتى لو كان عرسش وعندش لقااء بكتب اسئله <<< طلعت النذاله على اصوول
خخخخخخخخخخخخخخخخخخخخخخخخخخخخخخخخخخخخخخخخخخخخخ
يالله نبدا
1/
18/ وهل رق قلبك واحببتي يوماً ؟ اذا احببتي فما هو شعورك ؟
ايه حبيت.. زي شعورك لما حبيت.
اه منش كل يوم مقابلتنش بالمسن ولاتقولي افا مااهقيتها منك
خلاص خلاص زعلت بيسان خخخخخخخخخخخخخ
يالله بسالك وش رايش بالحب ؟؟ وهلا الا تحبيه يبادلش نفس الشعوور ؟؟
خلاص ماابقرب من الحب لاني كرهته..
2/ يالله قولي موقف محزن مر عليينا ثنتينا في المدرسه ؟؟
3/ وش شعورش في حفله التخرج البايخة؟؟
4/ أنتي من اى نوع النوع الهادي او العصبي او العادي حسب المزاج او الظروف ؟
5/صفه لا تعجبك بنفسك وتحاولين تغييرها ؟
6/عضو يعرف حروفك و احاسيسك ويقرئها بشكل صادق ؟
7/ هل وقعتي يوماً في دائرة الظلم ؟ (ظالما او مظلوما)؟ وماشعورك حينها؟ وماهو الموقف ؟؟
8/شخصيا ت بالمنتدى تحبين متابعة مواضيعها؟؟
9/وش اكثر شي عجبك بمدرستنا؟؟
10/ اول ماشفتي هالصور وش ذكرتي وش جاء على بالك؟؟
http://www.9m.com/upload/25-02-2007/0.27101172428914.gif
http://www.9m.com/upload/25-02-2007/0.1475601172428982.gif
ذكريااااااااااااااااااااااااا آآآه من ااااااااااااااااااااااااااات
خلاص عورتي بقلبي
مااراح احط اسئله وهدي هديتي الثاانيه لك
خخخخخخخخخخخخخخخخخخ
تحيااتي ممزوجة ببقات الورود الى أخيتي
الولاء الفاطمي..
اختكِ ..بيسوو
عيون لاتنام
02-25-2007, 09:48 PM
أهلا أختي الولاء الفاطمي يعطيج العافيه:embarrest:
هذي أسئلتي
أي تخصص تدرسين بالجامعة ؟
التخصص اللي تدرسينه هو اللي كنتي تتمني تدرسيه ؟
لو حصلت لج وظيفة لكن شرط التوظيف فيها فتح الوجه تقبلين بالوظيفة؟
وبس
أختك
عيون لاتنام:rolleyes:
الولاء الفاطمي
02-26-2007, 12:18 AM
هلا خيه الولاء
اتمنى لكي لقاء ممتع وجميل
وتفضلي هاذي أسئلتي
تفضلي
السؤال الاول :
1- ماريكِ في شبكة الناصرة الثقافية ؟
هو بيتي الثاني.. لا تعليق أكثر.
2- ماريكِ بـ روعة الدنيا ؟
حبوبه, مرحه, طيبة, دخلت قلبي بسرعه.
3- شي يفرحك ؟
جمعة الأحباب.
4- شي تكرهي ؟
كل الصفات الغير حلوه.
مع تحياتي
روعة .
تسلمي روعة غناتي ع الأسئله الحلوه
الولاء الفاطمي :embarrest:
الولاء الفاطمي
02-26-2007, 01:29 AM
هلا بيسااااااااااااااااااااان
الله يبارك في حياتش غناتي
أشتهيت الكيكه مرررررررررره واطفي الشمعه :embarrest:
تسلمي غناتي ع التوقيع الحلوخجلتيني :embarrest:
انتين تبردي على قلبي بعدين اتردي اتخليه ناااااااااااااار :huh:
يالله بسالك وش رايش بالحب ؟؟ وهلا الا تحبيه يبادلش نفس الشعوور ؟؟
ايه :embarrest:
خلاص ماابقرب من الحب لاني كرهته..
:huh:
2/ يالله قولي موقف محزن مر عليينا ثنتينا في المدرسه ؟؟
ياالله احلى سؤال؟
نفس المعلمة اللي هزئتش هزئتني ياغناتي ومساكين احنا مظلومين ما سوينا شي والله شاهد.
المهم اني اول لأن التهزئيه اليي اول كانت.
الله يخليكم الولاء الفاطمي كانت يوم الأربعاء بالزبت تعباااااااااااانه مررررره وحتى بيسان شافتني
أول مره في حياتي اصيح شدي من معلمه كنت تعبانه مررررررررره ورحت المدرسه اول اسبوع وقلت
اليها ماذكرت اختبريني يوم السبت قالت اليي يصير خير ومن دخلت الفصل ماخلت ولا بقت عليي والله
أتمنيت الأرض تنشق وتبلعني في داك الوقت ولا اسمع اللي سمعته مع ان راسي كان ع الدرج وهي
ماخلت ولا بقت حتى البنات كرهوها في داك اليوم.. خليتها اتخلص من هدرتها وصريخها وبأدب قلت
اليها باروح الى المشرفه ومن طلعت ما مسكت روحي من لصياح حسيت ان خلاص روحي بتطلع
رحت الى المشرفه وقالت اليي وش فش اتصيحي وقلت اليها اللي صار قالت اليي هي ماتقدر بس
تبغى الكل يقدرها قلت اليها والله وانتين ادرى بالحال اني تعبانه وخلاص روحي بطلع قالت ادري
ومعلمات واجد شافوني وكل شوي وحده اتجي اليي اتسكتني واني مو قادره انسى اللي صار
بعدين ركبت الفصل وشفت اللي ريحت بالي وخلاص.
الحين قصة بيساااااااااان.. كان موضوع تعبير كتبته بيسان وودته قالت اليها منقول
قالت اليها بيسان مو منقول المعلمه ماطالعت فيها ما ادري ويش سوت الحركه البايخه
وركبت الفصل وقالت الى بيسان وش فيش قالت اليها بيسان بحركه عاديه مافيني شي
ما شفنها اللي استجنت وقالت انتون تزعلوا بسرعه وتروحوا تشتكوا عليي وانتون
ماتحسو ( اللي يشوف هي اتحس ) واللي ضحكني اتقول ان احنا انغازلها في الفصل
وان هي عندها ظروف ولازم انقدرها ( اللي يشوف احنا ماعندنا ) وهي كلام يعني
طبعاً بيسان ساكته طول الوقت وشرحت ديك الدرس ما اخد شي الله يهديها هزئت وشرحت
واشرت وقالت بتصلح الدفاتر ما ادري شيفه يمديها هالمره قامت اتأسفت وقالت خلاص نفتح
صفحه جديده فيها شي متأكده اني مو صاحي يوم طلعت صاحت بيسان وكلنا صرنا انسكت فيها
وتوته توته خلصت الحتوته
3/ وش شعورش في حفله التخرج البايخة؟؟
شفتيه غناتي صياح ..
4/ أنتي من اى نوع النوع الهادي او العصبي او العادي حسب المزاج او الظروف ؟
على حسب الظروف.
5/صفه لا تعجبك بنفسك وتحاولين تغييرها ؟
العصبيه.
6/عضو يعرف حروفك و احاسيسك ويقرئها بشكل صادق ؟
اممممممممممم ما ادري
7/ هل وقعتي يوماً في دائرة الظلم ؟ (ظالما او مظلوما)؟ وماشعورك حينها؟ وماهو الموقف ؟؟
مظلومه.. في المدرسه في اول ثانوي لما كانت الرئيسه والوكيله راحت اشتكت على مربية الفصل
وركبت والمديره نادتني وركبت الا هي في الفصل وقالت اليي من وين جايه والله مابتدخلي قلت اليها
المديره طلبتني قالت اوكي ادخلي وبعدين المديره طلبتها وقالت اليها شكاوي البنات عليها انها ما
تعرف تشرح قالت في الفصل اللي راحت الى المديره واشتكت ما راح تنجح هالسنه لو باقي عليها نص
درجه وكانت اطالع فيني بقوه واني ساكته كنت ما توقعت بتحط دوبها ودوبي وصارت وياي عادي مره
وكله اتقول الله يعطيني بنت مثلش خدومه قلت اليها ان شاء الله ونهاية السنه رحت اخد النتيجه قالوا اليي راسبه
في الرياضيات قلت ها وصحت وقتلت روحي من لصياح واتعبت ورحت المستشفى حالتي حاله وكلمناها وكلموها
التوجيه وهي قالت راسبه يعني راسبه مارضيت قالت إذا جتني البنت واعترفت ان مو الولاء اللي قالت الى المديره
انجح الولاء بسهوله وإذا البنت ماجت خلها راسبه.. وكلت امري وذاكرت ورحت اختبرت ونقصتني درجه ونص
ومعلمه ثانيه جبرت اليي درجه باقي نص والله العلي العظيم والله شاهد كم باقي ما رضيت اتنجحني الا إذا البنت راحت
وكلمنا اهل البنت وقالوا اليها روحي وقعدت اصيح قدامها وهي مو راضيه اتروح وخلاص سكت وقلت الى
المعلمه الله مايضرب بعصا قالت اليي ماعليه بنشوف ودعيت من كل قلبي الله يحرق قلبها زي ماحرقت قلبي
وبعد اسبوع انفصل ولدها من الجامعه لأتفه سبببب وقالت اليي الله مايضرب بعصا صدقتي.
8/شخصيا ت بالمنتدى تحبين متابعة مواضيعها؟
كل الشخصيات تعجبني .. وان شاء الله كلها اتابعها.
9/وش اكثر شي عجبك بمدرستنا؟؟
كل شي عجبني فيها مافي شي مايعجبني فيها.
10/ اول ماشفتي هالصور وش ذكرتي وش جاء على بالك؟؟
فتحتي لجروح.. ثاني وما ادراك ماثاني
خلاص باصيح صحيح تعرفي انتي ثاني بالنسبه الينا ويش.:sad2: :sad2: :sad2:
تسلمي غناتي ع الكيكه والحلويات وع التوقيع
كلك دوق غناتي
وداك الموضوع باقوله الش في الماسنجر.
الولاء الفاطمي :embarrest:
.:روح وريحان:.
02-26-2007, 04:02 AM
هلاااااااااااااا
خسارة خيتو الاسئلة الا كنت بسالها سالوش وياها بس مو كلها معضمها واللله يعينش على اسئلتي الحين خخ<<<<بشورررة وشايفه لها وحدة تتحجج بها خخخخخخخخ
طيب
اول سوال والا اساله اي عضو من اعضاء معكمة يحلو اللقاء
وشرايك بالعضوة .:بشاير:.(بتفصيل خخ)
س2\افضل عضو عندج بالمنتدى؟
س3\عضو\ة تتمني تشوفيه؟؟
س4\لو كان عندج 3 وردات لمن تهديها من عضوات المنتدى
س5\ الى وية اخترتي اسم (الولاء الفاطمي)؟
س6\تحبي تقري خواطر .:بشاير:.؟؟؟
س7\ وش يجدبك في المواضيع (كاتب الموضوع\ العنوان)؟
س8\ حلم تتمنيه يصير بس للحين ماصار؟؟(ياااااارب تتحق كل احلامج)
س9\ لو اتاحت لج الفرصة للسفر مع شخص فمن واحد فمن تختارين والى اين؟؟
س10\ وشهتماماتك بالحياة؟؟
س10\تتوقعي بشووورة من وين وكم عمرها (طبعا من ردودي؟
س11\ مو كاني زودتها واسئلتي ثقيلة دم خخخخخخخخ؟
طيب خلاص واااجد عليج مابكسر ايدج ولا بكسر الكيبورد بعدين من يحط لينا الاجوية خخخخ
تحياتي
.:بشاير:.
الولاء الفاطمي
02-26-2007, 08:52 AM
أختي الولاء الفاطمي يعطيج العافيه:embarrest:
الله يعافيش :bigsmile:
هذي أسئلتي
أي تخصص تدرسين بالجامعة ؟
الحين سنه تحضيريه السنه الجايه ادخل التخصص.. وان شاء الله ادارة ماليه
اواطلع من اللي اني فيها واروح ويه بيسون صيدله.
التخصص اللي تدرسينه هو اللي كنتي تتمني تدرسيه ؟
اللي راح ادرسه إن كان ادارة مالية او صيدله اثنينهم احبهم وان شاء الله واحد منهم.
لو حصلت لج وظيفة لكن شرط التوظيف فيها فتح الوجه تقبلين بالوظيفة؟
اني بالنسبه اليي عادي لأني اتحجب ساعات.
وبس
أختك
عيون لاتنام:rolleyes:
تسلمي خيه ع الأسئله
اهم شي وفيت في الإجابات
الولاء الفاطمي :embarrest:
الولاء الفاطمي
02-26-2007, 09:19 AM
هلاااااااااااااا
خسارة خيتو الاسئلة الا كنت بسالها سالوش وياها بس مو كلها معضمها والله يعينش على اسئلتي الحين خخ<<<<بشورررة وشايفه لها وحدة تتحجج بها خخخخخخخخ
طيب
اول سوال والا اساله اي عضو من اعضاء معكمة يحلو اللقاء
وشرايك بالعضوة .:بشاير:.(بتفصيل خخ)
اممممم.. اتوقع انها من ردودها حبوبه وطيبه وتحب ادور اليها احد تتحجج فيه :wink:.
س2\افضل عضو عندج بالمنتدى؟
كل الأعضاء.
س3\عضو\ة تتمني تشوفيه؟؟
ما شاء الله احب هذا الشي لأني شفت عضوات من قبل
هالمره ودي اشوف شمعة تحترق, أمل الظهور, أم محمد.
وحتى البقايا وان شاء الله اشوفهم زي ما شفت اللي قبلهم.
س4\لو كان عندج 3 وردات لمن تهديها من عضوات المنتدى؟
راح اسوي مثل اول ثانوي لما قالوا اليي من تعطي هذول الوردات
اخدهم ثلاثهم وافللهم وخد ورقه ورقه من الورده واكتب فيها اسمي واعطيهم وياهم ذكرى
والله انش ذكرتيني بـ أول ثانوي.
س5\ الى وية اخترتي اسم (الولاء الفاطمي)؟
باعيد الأجابه الحين اني.. لما كنت في النادي كنا مسويين مسرحيه واسمي فيها
الولاء بس وبعدين ركبت عليه الفاطمي وصار اسمي الولاء الفاطمي.
وطبعاً اني احب واموت في أسم فاطمة.
س6\تحبي تقري خواطر .:بشاير:.؟؟؟
قريت الش خاطرة (حبيبي بعدك) عجبتني مره
وان شاء الله اقرأ الش بعد
والله يوفقش وتستمري في كتابتش وتبدعي اكثر واكثر.
س7\ وش يجدبك في المواضيع (كاتب الموضوع\ العنوان)؟
الأثنين.
س8\ حلم تتمنيه يصير بس للحين ماصار؟؟(ياااااارب تتحق كل احلامج)
خلاص بس اتعرف عليش في المسن باقولها الش زين.
س9\ لو اتاحت لج الفرصة للسفر مع شخص فمن واحد فمن تختارين والى اين؟؟
مافهمت سؤالش عدل من اختار.. بس احد من اهلي اروح ادرس بره بـ أمريكا او كندا.
س10\ وشهتماماتك بالحياة؟؟
وااااااااااااااااايد
ما بعلم اتقلديني بعدين :toung:
أهتم بصلاتي وبصيامي وبـ أخلاقي وكل شي.
س10\تتوقعي بشووورة من وين وكم عمرها (طبعا من ردودي؟
أممم ما ادري والله كلمة لج هذي يقولوها أهل البحرين
بس كم عمرش اتوقع 16 أو أقل ما ادري اكثر ما ادري :toung: .
س11\ مو كاني زودتها واسئلتي ثقيلة دم خخخخخخخخ؟
لا حليوه زينه :cool: .
طيب خلاص واااجد عليج مابكسر ايدج ولا بكسر الكيبورد بعدين من يحط لينا الاجوية خخخخ
أيه تعجبيني.
تحياتي
.:بشاير:.
تسلمي خيتووو واهم شي وفيت الش
في اجاباتي
الولاء الفاطمي :embarrest:
بيسان
02-26-2007, 01:20 PM
2/ يالله قولي موقف محزن مر عليينا ثنتينا في المدرسه ؟؟
خيتوو راح اوضح الاجابه اكثر
والله فتحتي لجروح بطااريه
كان يوم الثلاثاء بتاريخ 7/2/1427ه
الحصه الثانيه جابت لينا تعبير بعد ماصلحتهم وبيسان تفاجاءت جايبه 18 من 20 الموضوع كان اختاري اي شي من النثر او الشعر او القصص او الروايات
طبعا انا احب الروايات اكثر فخترت اني انتقد الكاتبه خوله على مااذكر والروايه على مااذكر أنثى العنكبوت المهم كاتبه لي ملاحظه انا الموضوع معاااد وانا اقول كيف معاد وهو اسلوبي والمعلومات الباقيه عن الاسم ومكان الميلاد يعني اشياء عامه بعدين طلع ان وحده معانا بالفصل نفس الروايه منتقدتنها طيب انا وش علي تنقصني المهم رحت لها في الفسحة وقلت ليها بادب معلمة كيف كاتبه لي معاد وانا الا كاتبتنه قالت لي ان فيه وحده معانا بالفصل كاتبه عن نفس الموضوع قلت لها ماادري بها وانا الا كاتبتنه وهذا اسلوبي قالت لي طيب اخذت الموضوع من عندي تخيلوو زادت نص درجة بس عصبتني وركبت الفصل الحصه الرابعه كانت عندنا مره عمها خخخ علم اجتماع والحصه الا بعدها علينا قرقووش الا هي نفسها معلمة العربي المهم دخلت سلمت على طول سالتني وش فيش قالت ليها ماافيني شي قامت تقول طبعا ماافيكم شي وبدت تهزء وماخلت كلمة والا قالتها حتى صااحبتي الروح بروح ماقدرت تستحمل وطلعت من الفصل وطبعا طول الحصه بيسوو منزله راسها لانه الكلمة الا قالته قووي كان ودي اطلع من الفصل بس قالت الى نفسي لو بطلع ماراح استاذن وبتقول عني قليله ادب قلت خلني جالسه ومنزله راسي ارحم من الكلام الا بطلعه المهم طلعت مني وبيسان على طوول وسيلتها الوحيده لدموع
وبعدين الحلووين الا في الفصل وزهره ودي جت وسكتتني طبعا هذي وحده قريبه مني واعززها مثل امي لانها من فصل الكبيرات وعندها أولاد اكبر مني
المهم سكت عنها ولا اكلمها حتى طوول شهرين تخيلوو حدي اشاارك وبدرن ماارفع راسي حتى انها تبي تتكلم معاي بس كبرياها مايسمح وكم مره تسوي روحها مهتمه وتفتح كتاابي وو من هالحركات المااصخه في اخر سبوع في المدرسه نهايه سنة ثالثه ثاانوي قبل حفل التخرج بيومين رحت ليها وقلت ليها ابري ذمتي قامت تقول مفرووض بيسان اذا احد صار له هالموقف يجي ويتفاهم مو يتاحشاه وو من كلامها الفاضي وقلت ليها والله اني عاادي وماافي شي ومن ضمن الكلام الا قلته عباره لا " مو شاي بالحليب " خخخخخخخ قصدها مو على بعضش فيش شي خخخخخخ مااقدرت على هالكلامة ولايفووتكم طلعت قايله في غرفه المعلمات اني يوم تهزئني كانت تهزئني لاني كنت حاطه رجول على رجول واكلامها واني عااطيتنها ظهري شوفووا الكذب طبعا وصل لي الكلام من معلمة تفااجاءت انا مستحيل اسووي شي مثل كذا بس مااقول الا الله يسامحها وطبعا مره على السالفه سنة ويومين وموو رايحة من بالي ..
ومااقول الا الله كريم
أمل الظهور
02-26-2007, 05:08 PM
يلا استعداد
بسم الله
ادري هالمرة ماراح اسألك عن اخبارك ادري بتقولي الكلمة المعتادة (زوينه ) ليش مو جواهر :toung:
نبدأ الاسئله الثانية مدري الجزء الثاني مدري تحقيق سميها اللي بتسميها
1_سؤال حساس ويلا جاوبي عليه بصراحه مو تتهربي وتقولي مدري ومدري ويش :
رجلين في حياتك واحد منهم أنتي تحبيه بس هو مايفكر فيك ..والثاني يفكر فيك ويحبك ...منو تختارين ؟
2_مرة قلتي لي انك كنت بالروضة ذاك اليوم حسيتك يتطيرين من الفرح ...
يلا قولي للأعضاء كيف وشلون وليش ومع منو وشنو درستي ؟ولاتنسي تسجيل شعورك
ادري اسئله غثة مرة بس كفاية عليك السؤال الثاني عن مية سؤال ...
لاتفرحين يمكن لي رجعه ويمكن تكسرين خاطري وما ارجع ...
باي
اي صح قبل لاانسى
كل عام وأنت بخير
وعقبال مية سنة
http://www.graaam.com/up/Pic-1/a631795bc2.gif
ويلا هاذي السيارة مدري الشاحنه جايتك بالطريق للقطيف تقبليها مني
انتبهي شيكي على تواريخ الانتهاء ها ..
http://www.3ayady.com/images/a3iad/1.jpg
باي
الولاء الفاطمي ...
مشوار حافل ...
واجوبة ممتعة ، واسئلة رائعة ....
ساعدكِ الله فيما تبقي من استجواب الاحبة الاعضاء ...
استمتعت كثيرا هنا ،،،
موفقة يا ولاء ...
الولاء الفاطمي
02-27-2007, 01:01 AM
يلا استعداد
ايه أكيد أستعداد أربط حزام الأمان.
بسم الله
ادري هالمرة ماراح اسألك عن اخبارك ادري بتقولي الكلمة المعتادة (زوينه ) ليش مو جواهر :toung:
ما ادري خلاص اتعودتي عليي.
نبدأ الاسئله الثانية مدري الجزء الثاني مدري تحقيق سميها اللي بتسميها
1_سؤال حساس ويلا جاوبي عليه بصراحه مو تتهربي وتقولي مدري ومدري ويش :
رجلين في حياتك واحد منهم أنتي تحبيه بس هو مايفكر فيك ..والثاني يفكر فيك ويحبك ...منو تختارين ؟
والله ما ادري خيه .. بس راح اخد اللي يفكر فيني ويحبني واحبه :embarrest: .
2_مرة قلتي لي انك كنت بالروضة ذاك اليوم حسيتك يتطيرين من الفرح ...
يلا قولي للأعضاء كيف وشلون وليش ومع منو وشنو درستي ؟ولاتنسي تسجيل شعورك
كنت امخططه اروح الروضه ويه عمتي هي هناك تشتغل وقالت اليي اوكي وجلست من الصبح ولبست وكل شي ورحت اليها بيت جدي وطلعنا نستنى الباص وركبت وياها وبعدين من دخلت الروضه حسيت ذكرياتي يوم اني كنت في الروضه
وجلست ويه عمتي في الأدارة لين اكتملوا المعلمات كلهم وبعدين ورتني الفصول والمدرسات واني اعرف صديقة عمتي مرررررره كله ويانا قلت اليها ابغى ادرسهم اليوم قالت عادي ودخلوا الأطفال وقفوا طابور وقالت اليي من قبل لا يجون وش يقولوا اليهم في الطابور وقلت اليهم وسلمت عليهم طفل طفل وحبيته ياعمري الجهال يجننو وسألتهم كم سؤال وبعدين قلت اليهم نجلس في الحلقه وبعدين سألتهم عن الدرس السابق وما شاء الله عليهم شطار :icon30: وسألت كل طفل طبعاً بعدين دخلنا في الدرس الجديد وهو عبارة عن غرفة الجلوس من يجلس فيها وهيك اسئله إذا حضر الضيف البيت وين انجلسه وشو مكونات غرفة الجلوس وطبعاً اوريهم صور وهم يجابوني وبعدين اشيل الصور واسألهم مره ثانيه وبعدين انجي الى حرف ( الخا ) اعلمهم كيف نكتب حرف الخا ويعطوني اشياء بحرف الخاء واشياء تنتهي بحرف الخا وهيك حركات وبعدين مسكت وياهم الكتب وعلمتهم في كتاب وقالوا كلهم يعرفوا ودرت عليهم واللي مايعرف علمته وقلت اليهم اللي خلص برسم اله في كتابه وهو الفائز الأول بيكون وصار السباق ويجننو وقام الصريخ الأولاد انا ابله خلصت والبنات اني ابله خلصت وصلحت الدفاتر والكتب واللي كتب خطأ علمته كيف وبعدين الفطور في طفلين مساعدين الى الأطفال يلبسول علامة اليد المساعده كل يوم على طفل وطفله يفرشوا السفرة ويوزعوا على الأطفال واحد الفطيرة والثانيه الحليب وبصوت عالي يقولوا بسم الله الرحمن الرحيم وبعدين ياكلوا بأدب ولا يوصخوا وبعدين يقوموا وجلسوا في الحلقه ولعبت وياهم بعدين حركه ستوب وفتاحيه ورده وبعدين سألتهم اسئله عادي من يعد واللي بعده يكمل العدد والحروف واشياء هيك يعني وبعدين درت ع الفصول أشوف الأطفال واسلم عليهم وبعدين رجعت البيت طبعاً شعور ما ينوصف حسيت ان الدنيا كلها منفتحه اليي :embarrest: .
ادري اسئله غثة مرة بس كفاية عليك السؤال الثاني عن مية سؤال ...
ايه صدقتي .
لاتفرحين يمكن لي رجعه ويمكن تكسرين خاطري وما ارجع ...
باي
تسلمي امول لأنش خليتيني اوصف اللي صار اليي.
تسلمي ع الاسئله الحلوه
الولاء الفاطمي :embarrest:
بنوتة توتة
02-28-2007, 01:58 PM
ياحلو هاللقاء مع الولاء
اني اول مره اسأل:toung:
لاتخافي مافي اسئله واجد ...:wink: :wink:
1/ شرايك في توته؟؟
2/ويش الي يعجبك فيها؟؟ والي مايعجبك؟؟:rolleyes:
مافي اسئله حسافه:weird:
يالله سلااااااااام
النغم انيني
02-28-2007, 03:11 PM
كيف حالش اختي الولاء الفاطمي
تدري اني من زمان كنت انتظر هاللقاء
بس حسافة كل اللي ودي اعرفه سالوش اياه الاعضاء ماقصرو
بس عندي سؤال واحد
ويش رايش باليأس؟؟
ومن الانسان اليؤس من وجهة نظرش؟؟؟
تحياتي الخالصة وادا خطر ببالي سؤال باحطه ليش
وتسلمي على رحابة الصدر
لؤلؤة نجفية
03-01-2007, 01:12 AM
بسم الله الرحمن الرحيم
اللهم صل على محمد وآل محمد وعجل فرجهم
بصراحة اختي الولاء الفاطمي انا من فترة احب اتعرف على شخصيتك اكثر
والحمد لله جت الفرصة حتى اتعرف على شخصيتك عن قرب
اتمنى ما اضايقك باسئلتي بس يلا تحمليني هههههههه
1- ماهي السعادة برأيك؟؟
2-ما رأيك ب(( رحم الله امرئ عرف قدر نفسه فحفظها))؟
3-عددي 5 اشياء بدونها حياتك مستحيلة؟؟
4-ماهو عدوك اللدود؟؟
5-لو انكِ تسيرين في احد الشوارع المزدحمة وانقلعت ارضية احدى فردات حذائكِ وليس هنالك
محل لبيع الاحذية او تصليحها ماذا ستفعلين ؟
6-هل تؤمنين بالمثل القائل((طنش تعش تنتعش))؟؟
7-من هو مثلك الاعلى؟
8-متى تشعر الولاء الفاطمي بالذنب؟
وعندما تشعرين بالذنب كيف تتخلصين من هذا الشعور؟
اتمنى ماكانت اسئلتي ثقيلة عليك وشكرا لك
تحياتي
سعيد درويش
03-01-2007, 09:48 AM
مرحبا أختي الولاء الفاطمي
1- ما هو هدفك الأكبر في الحياة ومادا تعني لك الحياة ؟
2- لو خيروك بزيارة الإمام الحسين (ع) أو إستلام جائزة مليون دولار ما دا تختارين بصراحة ؟
3- مادا تعني لك هذه الكلمات :- الوفاء- الإخلاص- التفاني- الود-
4- ما رأيك بما يكتبه سعيد درويش يصراحة وبعيد عن المجاملات ؟
هل تؤمنين بالحب قبل الزواج ؟
5- ماهو ميولك او هوايتك ؟
مع تمنياتي لك بالتوفيق اخيك سعيد
الولاء الفاطمي
03-02-2007, 02:51 AM
ياحلو هاللقاء مع الولاء
اني اول مره اسأل
لاتخافي مافي اسئله واجد ...
1/ شرايك في توته؟؟
إنسانه أخلاقها مره حلوة طيبة مرحه أستانس إذا قعدت وياها
صديقتي وحبوبه وخلاص بسش مدح.
2/ويش الي يعجبك فيها؟؟ والي مايعجبك؟؟
أخلاقها وابتسامتها.
واللي ما يعجبني لما أتكون بيني وبينها هههه.
مافي اسئله حسافه
ههههههه حلوه.
يالله سلااااااااام
تسلمي بنوته ع الأسئلة الحلوه.
الولاء الفاطمي :embarrest:
الولاء الفاطمي
03-02-2007, 02:54 AM
كيف حالش اختي الولاء الفاطمي
الحمدلله بخير, اسأل عنش؟
تدري اني من زمان كنت انتظر هاللقاء
يوه أستحي.
بس حسافة كل اللي ودي اعرفه سالوش اياه الاعضاء ماقصرو
بس عندي سؤال واحد
ويش رايش باليأس؟؟
ان هو يسكر باب الأمل ويجعل الدنيا سوداء في نظر الإنسان.
ومن الانسان اليؤس من وجهة نظرش؟؟؟
في نظري اللي ينظر إلى نفسه نظرة خيبة وماعنده أمل.
هو الذي يقنط من رحمة الله
تحياتي الخالصة وادا خطر ببالي سؤال باحطه ليش
وتسلمي على رحابة الصدر
تسلمي خيه النغم أنيني ع الأسئلة
الولاء الفاطمي :embarrest:
الولاء الفاطمي
03-02-2007, 02:55 AM
بسم الله الرحمن الرحيم
اللهم صل على محمد وآل محمد وعجل فرجهم
بصراحة اختي الولاء الفاطمي انا من فترة احب اتعرف على شخصيتك اكثر
والحمد لله جت الفرصة حتى اتعرف على شخصيتك عن قرب
اتمنى ما اضايقك باسئلتي بس يلا تحمليني هههههههه
1- ماهي السعادة برأيك؟؟
هي الرضا عن النفس.
2-ما رأيك ب(( رحم الله امرئ عرف قدر نفسه فحفظها))؟
المقوله حلوه. إذا الواحد عرف يطبقها يعيش بسلام مع الأخرين.
وأتمنى الناس يطبقوها.
3-عددي 5 اشياء بدونها حياتك مستحيلة؟؟
الماء. الهواء. الأكل . الشرب . الحب.الضمير. الأحساس . اشياء واجد.
4-ماهو عدوك اللدود؟؟
النفس لما أتكون الأماره بالسوء.
5-لو انكِ تسيرين في احد الشوارع المزدحمة وانقلعت ارضية احدى فردات حذائكِ وليس هنالك
محل لبيع الاحذية او تصليحها ماذا ستفعلين ؟
بتصل إلى احد من اهلي يجيب اليي من البيت حذاء. مو مشكلة.
6-هل تؤمنين بالمثل القائل((طنش تعش تنتعش))؟؟
أيه بس آخر شي تبتلش.
7-من هو مثلك الاعلى؟
الرسول الأعظم صل الله عليه وآله وسلم.
8-متى تشعر الولاء الفاطمي بالذنب؟
عندما اخطأ في حق الأخرين.
وعندما تشعرين بالذنب كيف تتخلصين من هذا الشعور؟
اعتذر من الأخرين.
اتمنى ماكانت اسئلتي ثقيلة عليك وشكرا لك
تحياتي
مشكورة خيه شيعية حتى النخاع
ع الأسئلة الجميلة
الولاء الفاطمي :embarrest:
الولاء الفاطمي
03-02-2007, 02:56 AM
مرحبا أختي الولاء الفاطمي
1- ما هو هدفك الأكبر في الحياة ومادا تعني لك الحياة ؟
هو رضا ربي ورضا الوالدين.
الحياة هي ممر وطريق نعمل فيها من اجل الآخرة.
2- لو خيروك بزيارة الإمام الحسين (ع) أو إستلام جائزة مليون دولار ما دا تختارين بصراحة ؟
زيارة الإمام الحسين عليه السلام.
3- مادا تعني لك هذه الكلمات :- الوفاء- الإخلاص- التفاني- الود-
الوفاء.. الأمانه.
الإخلاص.. الصدق.
التفاني.. الأجتهاد.
الود.. الحب.
4- ما رأيك بما يكتبه سعيد درويش يصراحة وبعيد عن المجاملات ؟
أسئلة جميله وحلوه.
هل تؤمنين بالحب قبل الزواج ؟
نعم.
5- ماهو ميولك او هوايتك ؟
القراءة الكتابة السباحه النت.
مع تمنياتي لك بالتوفيق اخيك سعيد
مشكور اخوي سعيد ع الأسئلة الحلوة.
الولاء الفاطمي :embarrest:
الولاء الفاطمي
03-02-2007, 03:00 AM
أتمنى اني اكون وفيت في اجاباتي
واسمحوا اليي ع التقصير في بعض الأجابات
وحتى لو كانت اجباتي بعضها ماهي حلوه بس ترى بعضها حليتها
واكون اني ماليي خلق
واسألتكم كانت مررررررررررره حلوه وخفيفه
وياالله امير اخوي مشكور ع اللقاء ومشكورين الأعضاء على
اختياري
وياالله سكر اللقاء
وبحفظ الله
الولاء الفاطمي
أمير العاشقين
03-02-2007, 10:09 AM
أهلاً اختاه الولاء الفاطمي
كان بالفعل لقاء رائع وجميل الله يعطيش العافيه انشالله
مشكورة على الاجابات الحلوة وعلى رحابة الصدر الجميله
والى لقاء ممتع وجميل مره اخرى
أما الان فمع اللقاء السابع والعشرين
اخااك
أمير العاشقين