بنت وولد

[أمل الظهور]

http://www.l22l.com/l22l-up-1/f089b892ab.gif (http://www.l22l.com)


أخواني واخواتي :


أممممــ السالفة ومافيها أني شفت موقف وأبي أخذ آرائكم فيه ....


بكتب الموضوع هالمرة كأني أسولف




كان يامكان.. كنت طالعه مع زوجي وولدي الحديقة كنا مستانسين وشاي ومكسرات وعبد الله كان يلعب


بالرمل ....


الا جماعة أطفال تقريبا يجي عددهم 7 بنتين والباقي اولاد كان يتراوح عمرهم بين السنتين والثمان سنين



الأطفال مو سعوديين كانوا اردنين وهذا مايدل على أني اقول السعوديين لا مايسوون إلا أزيد الله يستر عليهم بس



المهم ...


جاوو جنبنا ويلعبون بهالرمل ويحفرون ...كانوا مستانسين ويلعبون ....



شفنا جاي لهم ولد من بعيد الولد معوق ...رجله ومشيته كانت بصعووووووووووووبة (أبيكم تركزون عليها )



ورأسه أكبر من جسمه عاد أنا عطيته عمر يعني يمكن 17


اول ماأنتبهت له كسر خاطري ونزلت رأسي ..


قلت يمكن بيخرب الحين على الأطفال ويلعوزهم مسكين مسكين ...اكيد بيتأذون منه ...ويخرب عليهم الحفر والجبال


اللي بنوها ...وتوقعات تروح لي وتجي وتخمينات ....لحد ماوصل لهم ...


نادى على بنت عمرها يمكن 8سنين لابسه بنطلون عادي



وجاء جلس جنبها ...يسولف طبيعي يتكلم طبيعي ..عقله لحد الآن طبيعي ...يعني فهمنا انه الاصابة بس في الجسم ..



اوقفت البنت تنفض الرمل من على رجولها ، هو قام ينفض من على رجولها ويساعدها


(أحنا مثلكم الحين افترضنا منه حسن النية )


أشوووووووي ...


ألا نشوف منه حركات موطبيعيه للبنت .يعني .....و,,,,,,,,,,,,,و,,,,,,و,,,,,,,,,,,,,,,


أنا تفاجأت انصدمت باللي أشوف جات اللقافة عندي وبروح بأخذ البنت على جنب وبتكلم معا ها


بقول لها ليه الولد ......


بس تفاجأت أن البنت كانت مأخذه الأمر طبيعي .....يعني شكلها مو أول مرة ...فقلت ليش اللقافة ....



طبعا كنا نشاهدهم وأحنا منذهليين ...


البنت أنتبهت فينا ..قالت للولد ( ستوب .)..واشرت علينا ...


قلنا بس خلاص أنتهت السالفة ...


لا وربي ماانتهت تمادى الولد و..و..و


البنت كنت ممتنعه تستحي منا ينقال عنها ..وهو مو مهتم من حياها ...


المهم ما أبي اطول عليكم واهذر وطبعا الموقف اللي صار ...واللي شفته هزني ...


قلت في نفسي إذا في الحديقة كيف في البيت ...


أحنا مانعرف هذا الولد صديق العايلة ولا الولد أخت البنت ولا من عايلتهم ...


مهما كانت صلة القرابة بينهم .....................وين الأهل عنهم ..؟؟؟؟؟؟؟؟؟؟؟؟؟؟؟؟



يعني لأنه معوق مأمنين على البنت ؟وإذا كانت البنت من صغرها كذا كيف لو كبرت وصارت في سن المراهقة ؟


وإذا الولد وهو معوق وما أخذ راحته وما كأنه فيه حاجة ....؟


والله بعد ماطلعت من الحديقة كل ماتذكرت الموقف جسمي يهتز ..



وصلنا للنهاية ...بغيتي من كتابة الموضوع وهذرتي وهدفها الانتباه ثم الأنتباه ثم الانتباه إلى أطفالكم




أخوتي :



1_ سجل وجهة نظرك من الموقف ؟


2_ في واقعنا كثير يعيشون في بيت أبناء عمامهم ويلعبون .هل ستكتفي بالمراقبة فقط أم هناك وسائل
تتخذها ؟



3_كيف تربي أبنائك جنسيا سواء بنت اوولد ؟وكيف تفهم البنت أنها تحافظ على شرفها من صغرها ؟



4_ لو لو لاسمح الله .....أنتبهت انه ولدك أو بنتك ...................كيف تتعامل معا هم ؟





مدري من حقي أكتب هالموضوع في المنتدى أو أنه ممنوع ...بس عن جد قهرني الموقف .......!!!!!



اعذروني أن أطلت عليكم أو أزعجت مشاعركم ..


http://www.l22l.com/l22l-up-1/9e1367bae2.gif (http://www.l22l.com)

[عبير الورد]

بسم الله الرحمن الرحيم
السلام عليكم ورحمة الله وبركاته
أموله والله لك حق تنقهرين وتكتبين عن اللي صار


1_ سجل وجهة نظرك من الموقف ؟


أنا بصراحه إستغربت من الموقف وموقف سخيف جدا خصوصا ان مبين عليهم متعودين
مو خايفين من احد

2_ في واقعنا كثير يعيشون في بيت أبناء عمامهم ويلعبون .هل ستكتفي بالمراقبة فقط أم هناك وسائل
تتخذها ؟


لا تكتفي بالمراقبه فيه وسائل كثيره غير المراقبه وهي وأول حاجه ان البنت اللي عمرها سبع وما فوق ماتلعب مع اولاد
والمفروض نفهم بنتنا انك ياماما كبرتي صرتي عروس عيب تلعبين مع أولاد ومن هالكلام عشان تزيد ثقتها بنفسها

ثاني حاجه يمكن الولد اللي في الحديقه يقرب لها وهذا اكيد
ومدام يقرب لها اكيد الأهل دايم يخلونه يلعب معها بسبب إعاقته ومأمنينه على بنتهم وفي الأخير
النتيجه اللي صار
ومثل ما يقلون راح يكون ثالثهم الشيطان ولا تقولون صغار ما يعرفون ترى هذا السن حساس ويبتدي الطفل فيه يستفسر ويسأل ويتقبل اي حاجه من اللي أكبر منه
عشان كذا يقدر الكبير يؤثر عليه

3_كيف تربي أبنائك جنسيا سواء بنت اوولد ؟وكيف تفهم البنت أنها تحافظ على شرفها من صغرها ؟

أهم شي تنبيه الطفل وتقولين لبنتك أو ولدك هالمنطقه هذي حرام تكشفينها مهما صار ولويصير شي تعالي قولي لأن حرام
أهم شي نعودهم على مصارحتنا وانهم يصرخون بوجه اي واحد بيمس شرفهم
ومانمنع لعبهم مع الاولاد إلا بالتدريج
نحاول نكون لها صداقات من جنسها كثير عشان ما تمل
ومانتركها مع ولد لحالهم حتى لو أخوها
وفيه نقطه حساسه بس بضطر أقولها للمصلحه
أكثر إنحراف الولد والبنت يصير بسب الأم والأب
شلون ؟
بعضهم ما يهتمون في العلاقه الزوجيه بينهم عادي تكون جنب عيالهم
تعودوها
وأنا أعرف كثير صارت لعيالهم مشاكل من هالسبب

طولت عليكم
كثير تحصل إن الأم تخليهم بغرفة نوم واحد ه هذا خطأ حتى لو كانوا صغار



4_ لو لو لاسمح الله .....أنتبهت انه ولدك أو بنتك ...................كيف تتعامل معا هم ؟

لو كانت بنتي أكلمها بهدؤء وأفهمها إن هذا خطأ وحتى لو أمثل عليه أن أنا أبكي وأقولها خايفه تروحين النار لأن اللي سوتيه أكبر خطأ
ولأن البنت حنونه بتشوفينه تصيح معك وماتكررها مره ثانيه
وأهم شي إني أشتري لها كل شي تبيه وأدلعها بسبب إنها جات وقالت لي عن اللي صار
وإذا إكتشفت بالصدفه أكيد راح أعاقبها عشان ماتكررها وتخاف بس مو أي عقاب
مو بالضرب
يعني مثلا احرمها من العابها من الأشياء اللي تحبها

طولت عليكم كثيييييييييييييييييييييير
إعذروني بس من الصدمه

[حزن العمر]

الله يعطيك العافية أختي
أمل الظهور ،، بصراحة الموضوع
جدا خطيرررر ،، بعدهم صغار
وهذي حالتهم الله يعين إذا كبروا
بصراحة ما امتلك التعليق المناسب
لأني استغربت من الموقف جدا ،،
شكرا لك

تحيتي العطرة
حزن العمر

[نور الهدى]

السلام عليكم ورحمة الله وبركاته


تسلمين خيتو ام العبابيد على الموضوع


وانا اقرء الموضوع صادتني رجفه في جسمي شلون لو اشوفه

يتراولي بروح اكفخهم


بس من جد موقف مقرف ومخيف بعد


وهذي المواقف تصير بطريقة تخليك على طول تشكك من كثرها وخاصة في ايامنا هذي


يعني لازم الواحد يحاسب ويكون اكثر حذر وعلى طول مفتح عينه


ما تقول اطفال في حركاتهم الا اكبر من الكبار وتستغرب شلون يكون عندهم ها..............


وبالنسبة لي عايشه في بيت زوجي ومع اخوان زوجي وعوائلهم وصدق الام والاب ما لازم يستهينون بالاطفال وما لازم تغرهم برائتهم ويخلونهم على راحتهم ومن غير مراقبة


اعتقد هذا غلط


عن نفسي حذرة في هالسالفة وقد ما اقدر ما اخليهم يلعبون من غير ما كل شوي اطل عليهم



اعذريني طولت عليش


تحياتي لج خيتو


اختك ام محمد

[أمل الظهور]

http://www.l22l.com/l22l-up-1/f523a05134.gif (http://www.l22l.com)

مراحب بالجميع :

عبير الورد ، حزن العمر ، أم محمد ,,,

تواصل لا عدمناه

وآراء لاحرمنا منها

أم حمودي ترى والله ودي اكفخهم بالجزمة تكرمين بس ليش اوصخ جزمتي بوجهم ..

وليش اعوور ايدي واهلهم مو مهتمين بالأمر ...

الف شكر لكم على تواجدكم ..

وربي يعطيكم العافية

ويحفظ اطفالنا
http://www.l22l.com/l22l-up-1/218ba8fd16.gif (http://www.l22l.com)

[نور الولاية]

مشكورة ع الطرح الموفق
سلمت يمناكِ

[أمل الظهور]

http://www.l22l.com/l22l-up-1/20b44232b1.gif (http://www.l22l.com)
مشكورة خيتو الم على التواجد
http://www.l22l.com/l22l-up-1/489d13b52d.gif (http://www.l22l.com)

[أمل الظهور]

http://www.l22l.com/l22l-up-1/275ad1fe13.gif (http://www.l22l.com)

اخوتي

بالنسبة لنوم البنت مع الولد في غرفة واحده اذا كانت الظروف لاتسمح

بفتح غرفة أخرى ..

من المستحسن مراعاة نقطتين

البنت قبل النوم تلبس شيء ساتر

مثل البنطلون او بيجاما يعني لو لبست جلابية او فستان خفيف ممكن الشرشف اوالبطانية ترتفع وترتفع معاها

الملابس ..

النقطة الثانية :مايكون باب الغرفة مقفل عليهم او مسكر يكون مفتوح ...


امهات واباء الحاضر والمستقبل لاتستهينوا بالوضع وتقولوا صغار واخوان ومستحيل (الشيطان شاطر )

سمعنا وسمعنا حالات يشيب الرأس منها ....

ايضا الأنتباه للعلاقة بين الزوجين ماتكون بين الأبناء ...

الله يحفظ ويستر على الجميع

يعطيكم العافية

[هبة السماء]

أمل الظهور
ماأقدر امر على الموضوع وما اترك فيه رد
لاني اتحيرت ونصدمت
هذا في الحديقه ؟
ابصراحه اغلب الامهات مشغولين في كثرت المناسبات
من معاريس الى معاريس
من سوق الى سوق
فاضين كل سنه مولود جديد والشغاله هي المربيه ليهم
على العموم خواتي ماقصرو في الرد الجميل
تسلمي يالغاليه
تحيااتي

[عبدالله بومحمد]

الله يعطيك العافية أختي
أمل الظهور
الموضوع في قمة الحساسية والخطورة

كما اشكر الاخوات حزن العمر وام محمد
على المشاركة

[أمل الظهور]

هبة السماء :صدقتي الامهات صارت تنشغل بزواجات ووو والتربيه للشغلات خليها على الله

سلمتي على المرور لاعدمناه .

عبد الله بو محمد :مشكور اخوي على التواجد ،تواجد لافقدناه

الله يستر على الجميع

يعطيكم العافية

سلمتم من كل شر

[همس القوافي]

موضوع يستحق النقااش غاليتي

فكم طفل وطفلة انحرفوا بسبب اهمال اهلهم لهم ..





الصراحة موقف سخييف ..

يعني لهالدرجة الأهل وصلت فيهم يتركون عيالهم مع اولاد اكبر منهم

حتى لو كان معوق هذا مايضر

وشكلهم صار لهم فترة طويلة مع بعض يمارسون هالعادات السيئة ..

لأنها لو اول مرة كان صارخت او طلبت الحماية من اي احد جنبها








المراقبة لا تكفي ..

والمفروض مانبين لأطفالنا اننا نراقبهم لا نعطيهم اولا الثقة علشان يكون قدهاا

ونشجعهم على اللعب البنات مع البنات والأولاد مع الأولاد

وياليت من الأمهات يشاركون عيالهم باللعب حتى لو 5 دقائق من وقتك ...


ولازم نعلمهم ان هالشي خطأ واذا اي احد بدأ يتحرش فيكم لازم تطلبون النجدة من امهاتكم وآبائكم ..


وطبعا مو بس البنات مع الأولاد حتى البنات مع البنات نفسهم والأولاد مع الأولاد نفسهم

فعلينا الحذر ثم الحذر ...


وعلينا ان نفرق اولادنا عن بناتنا في المضاجع ..

وحتى في السباحة لازم نفرقهم .. ولازم نعلمهم ان السباحة مع بعض حرااام

في بعضهم يتركون بناتهم مع اقرب المقربين لهم وهم غااافييين مايدرون شنو يصير من ورااهم

الا وهذا يقول والثاني يفعل ... والحمدلله والشكر ... كأنهم عايشين في الغرب وهم اصلا متربين

تربية صالحة على محبة اهل البيت عليهم السلام ...



4_ لو لو لاسمح الله .....أنتبهت انه ولدك أو بنتك ...................كيف تتعامل معا هم ؟

لو كانت بنتي والله اول حاجة اتكلم معها بهدوء

واخليها ترتاح لي وتقول كل حاجة صارت ..

وبعد كذا افهمها ان كل هالشي مايصلح يصير بين البنت والولد

وهذا حررررراااااام

واخوفها من عذاب الله ..

واخليها تستغفر الله وتصلي حتى لو كانت صغيرة ..

علشان تعرف ان اللي سوته اكبر غلط ..

واقول لها اذا عرفت انك تركتي هالشي راح اعطيك اللي تبغينه

واكيد اعطيها اللي تبغاه علشان تتولد الثقة من جديد




طولت عليكم..

بس والله هاالأيام منتشر هالشي خاصة بين الأطفال

ولا يغركم عمرهم ..


انتبهووووا عى اطفالكم .. من كل شي ...


تحياتي : همس القوافي

[عماد علي]

موقف يهز الجسم ويطير العقل لو يصير قدام عيني خلاص العقل بعيد والولد أعطيه إللي يستحقه وما أفوتها له ... أنتِ أنتبهت له ويمكن أطفال ثانية أنتبهوا له يعني خراب قاعد ينشره ابن الناس...

[دمعة الاحزان]

هلا بالغوالي

موقفق يهز البدن وينخاف منه

بس لاتستغربي احنا اليوم عايشين في عصر النت والقنوات الفضائيه

فكل شي يوصل الى حده واذا على هالحركات انا اعرف اخو مع اخته

شفتي اخو مع اخته فمابالك الغريب والحين هالاهل مطمنين عشان انه معاااق

وحتى البنت مطمنه وماخذه حريتها ولو للاقيه من يكون جنبها راح تتكلم وماراح تخاف

وهالولد لو شايف ناس تردعه وتصده ماراح يتجرا ويسووي كذه

بس الله يستر علينا وعلى جميع المؤمنين والمؤمنااااات

امول مو قلت الك راح ادخله

تسلمين وربي يعطيك العافيه

دمعه الاحزان

[ملكة سبأ]

حقيقة من هول ما قرأت ليس لدي ما أضيفه على تعقيب الإخوة والأخوات
فقط : الله يستر علينا ويجنبنا هالمشاكل
لاحول ولاقوة إلا بالله .كان الله في عونك أختي أم عبد لله على الموقف اللي شفتيه ولا رح تنسيه بسهولة .
بارك الله فيك و يعطيك العافية

[طفوف]

الحقيقه لاأعرف ماذا أقول

موقف لاتحسدين عليه خيتو أمل

أهم شي ان الأم تكون صديقة بنتها في كل الأحوال

ولو صار الموقف لاسمح الله تحاول الأم تمسك أعصابها

وتفهم البنت بهدوء ان هذا الشي لايرضي الله وحرام والللي يسوي كذا يروح النار

وجسدك ملكك انتي وحدك لاتسمحي لأحد الإقتراب منه أو النظر اليه

ختاما الله يكفي أطفالنا الشر

ومشكوره حبيبتي على طرحك المهم

[Princess]

وي اموول تدري اليوم رحت الكليه مواصله والسبب موضوعش ..خخخ حسبي الله على ابليس.داار راسي :wacko: . قريته وجيت باعقب الا الأذان اذن.. يوووه
وبعد الصلاه جيت كان انام ساعه صرت افكر.. واتقلب تقولي دجاج شوايه على هالسرير.. خخ منجد فجعتني هالسالفه ويش هالقرف
ياعلي .. وربي زمن اقشر عجل يافرج الله بالحضور ..
ممممممم تبغي اجاوب على اسألتش
وي الله يعينش على هلوستي
_ سجل وجهة نظرك من الموقف ؟


خخخخ وجهة نظري فوووق سوي ليها كوبي بيست..



2_ في واقعنا كثير يعيشون في بيت أبناء عمامهم ويلعبون .هل ستكتفي بالمراقبة فقط أم هناك وسائل
تتخذها ؟
المراقبه مع التحذير بس بأسلوب يعني مثلا البنت .. تقعد وياها امها من اول ما يصير عمرها سبع سنوات وتفهمها والله ماني عارفه كيف اشرح بس تفهمها انها تملك اشياء ملكها.. ولا تجرأ احد عليها .. امول وصلت الفكره اكيد ما يحتاج توضيح




3_كيف تربي أبنائك جنسيا سواء بنت اوولد ؟وكيف تفهم البنت أنها تحافظ على شرفها من صغرها ؟
مثل ما قلت قبل تقعد الأم مع بنتها وتفهمها ان عندها شي غالي لازم تحافظ عليه وانها ما تفرط فيه وان هالبلاوي مهي لعب وتوعيها من صغرها
قبل لا يطيح الفاس بالراس




4_ لو لو لاسمح الله .....أنتبهت انه ولدك أو بنتك ...................كيف تتعامل معا هم ؟
ياعلي .. الله لا يقولها.. اكيد بنفجع.. بس لازم يكون بيننا حوار صريح اعرف من وين جا على البال تسوية هالأشيا وليش
واوضح لهم بأسلوب مدى خطورة ووقاحة هالأشياء بعمرهم
والله لا يبلى الجميع يارب




ويسلمووو اموول .. الله يغربل بليسش ن جد نفضتي بدني بهالسالفه
يادافع البلا
دمتي بحفظ الرحمن عزيزتي

[اريام الدلوعة]

:weird: :embarrest: الله يعطيك العافية أختي
أمل الظهور:embarrest:

[أمل الظهور]

اهلا بالمنفجعين :

همس القوافي :مشكورة على كل توجيه تفضلتي به .

عماد علي :تشكر على التواجد

دمعة الأحزان :ايوه قلتي انك بتدخليه وبتعقبي وعند وعدك ربي لايحرمني منك ،فعلا لا امان لا قريب ولا بعيد

مشكورة غلاي .

ملكة سبأ:الموقف راح يمر عليه تقريبا 3اسابيع ولسه يدور في بالي ولا اني قادرة انساه ...

لو كان كبار او الولد مو معوق وفي بيت يمكن تسعين بالمية يمر علي الموقف اوكي ..

الله يكون بالعون مشكورة سلمتي.

طفوف :اهلا بمرورك ،معاك المفروض الأم قد قد ماتقدر تمسك اعصابها مو ضرب وعقاب وحرق الجسم ...

سلمتي خيتووو .

أميرة المرح :ويه اميرة فلم مرعب مايطالعوه قبل النوم كيف موضوع مرعب تقرأيه قبل ماتنامي ..الله يهداك بس ..

انت لو شفتيني اول ماشفت المنظر كيف هزيت رأسي هز ...قلت يمكن اتخيل ...

كان والله ويش قلتي عني ...ترى هلوستك عجبتني كثير ...أممــ عرفتي ليش اقول البنت لازم تكون قريبه من امها ..

يلا معليش اميره آخر نفضات البدن أن شاء الله معنو ماتوقع ...مشكورة غناتي .


أريام الدلوعه :مشكورة على المرور خيتووو .

بس وربي العتب مو على الجيل الجديد على مربي هالجيل ...


سلمتم من كل شر جميعا ..

الله يستر علينا ..

ليسامحني الجميع على هزة البدن ..

[majdyhamdy]

موقف يقشعر منه الجسم ويشيب له الرأس

وهذي المواقف تصير بطريقة تخليك على طول تشكك من كثرتها وخاصة في ايامنا هذي


يعني لازم الواحد يحاسب ويكون اكثر حذر وعلى طول مفتح عينه


ما نقول اطفال في حركاتهم الا اكبر من الكبار وتستغرب شلون يكون عندهم ها..............



اخوتي

بالنسبة لنوم البنت مع الولد في غرفة واحده اذا كانت الظروف لاتسمح

بفتح غرفة أخرى ..

من المستحسن مراعاة نقطتين :

* البنت قبل النوم تلبس شيء ساتر

مثل البنطلون او بيجاما يعني لو لبست جلابية او فستان خفيف ممكن الشرشف اوالبطانية ترتفع وترتفع معاها

الملابس ..

* مايكون باب الغرفة مقفل عليهم او مسكر يكون مفتوح ...


امهات واباء الحاضر والمستقبل لاتستهينوا بالوضع وتقولوا صغار واخوان ومستحيل (الشيطان شاطر )

سمعنا وسمعنا حالات يشيب الرأس منها ....

وسمعنا وشاهدنا برامج تتحدث عن سفاح الاقارب






ايضا الأنتباه للعلاقة بين الزوجين ماتكون بين الأبناء ...

الله يحفظ ويستر على الجميع



وما اقدر اضيف اكثر

[الــــنـــاري]

:sad2: لي عودة انشاء الله
لاني بصراحة تفلسفة ليي شوي
بس انقهرت لان المتصفح خبط :evil:

على العموم مشكروة اختي على الموضع المقرف ههه ........ حساس

[أمل الظهور]

اخ مجدي تشكر على المرور وتأيدك لرأيي يعطيك العافية ومشكور

اخ الناري : مشكور على المرور ...وانا بإنتظار فلسفتك ..

يسلمووو

يعطيكم العافية

[العجمية]

شكرا اختي بس معقولة بنت عمرها 8 شنوات و الولد معوت لالالالا ما اتوقع معقولة في هاي الزمن يصير كل شيئ استغفر الله

[أمل الظهور]

مشكورة خيتوو العجميه على التواجد

معقوله شفتها بعيني يعني مو منقول او سامعه ...

كل شيء في هالزمن يصير ...

الله يستر

يعطيك العافية

[ام باسم]

الله يستر علينا ويجنبنا هالمشاكل ..
مشكوره اختي ام عبدالله والله يعينش على ماشفتيه من بلاوي ..

[Ali03000]

أففففففف ... كتبت هدرة الدنيا .. وبعدين خرف النت عندي وانمسح كل شي

بس في حاجة باكتبها مرة ثانية.. انتي تساءلتي في بداية الموضوع اذا كان هذا النوع من المواضيع ممنوع ولا لا.. أنا أقول لو هذا ممنوع أجل وشو اللي مو ممنوع؟؟ أصلاً هذي المواضيع اللي فيها فايدة ونقاش هادف..

شكراً مرة ثانية أمووووولة... لو أنا بدالش ما اروح نفس الحديقة مرة ثانية...خخخخخ

[أمل الظهور]

اشكركم على المرور

الله يحفظ الجميع

يعطيكم العافية