بنوتة توتة
06-10-2004, 06:08 PM
كشري
--------------------------------------------------------------------------------
قوه ياخواتي .. شلونكم وشخباركم عساكم بخير .. يعلكم بخير وعافيه يارب .. اليوم بنسوي كشري .. وحده من خواتكم تبي تعرف الكشري وراح نكتب الطريقه .. عاد ركزوا معاي شوي وتركوا عنكم الربربه والتحرش في بعض .. يالله خلونا نبدي
بسم الله .. اول شي نحتاج حق الكشري .. جيلتين عيش .. جيله ماش عدل الكبير اللي جنه زرارات قميص .. مكرونه نص جيس اللي جنها ربيان يابس .. شعريه نص قلاص ..باكيت زبده .. 5 بصلات وليمات مقصصين شرايح .. والبهارات .. كمون .. فلفل اسود .. ملح .. كزبر حب ..دارسين ... اول شي نغسل الماش وبعدين نفوحه بماي مع ملح ونتيفة بهارات يعني رشه من كل نوع وبعدين من يستوي نشخله ونخليه على كتر .. بعدين نفوح المكرونه مع نص كمية الزبده ونشخلها ونخليها على كتر ولاتنسون الملح طبعا .. بعدين نحط بالجدر باجي الزبده ونكت فوقها الشعريه عشان تتحمر .. وبعدين نحط العيش فوقهم ونخلط شوي شوي عشان لايتكسر وبعدين نحط ماي وملح وبهار شوية يعني من كل نوع اقل من ربع قفشة الحوس .. وبعدين ننطره لما يتسكر واثناء ماهو يتسكر .. ناخذ جدر ثاني ونحط فيه زيت او زبده ونحمس شوية من كمية البصل مع البهارات ونكت فوقهم الماش ونقلبه عدل على نار خفيفه وبعدين نسكر النار .. والحين كل شي جاهز الا البصل شنسوي فيه؟؟ ادري ماتفهون شوفوا يابنات ابليس الحين تقلون البصل عشان يصير مثل الحشو ويصير شوي يابس يعني عقب ماتقلونه خلوه يبرد وينشف من الدهن .. المهم الحين نحط العيش في ماعون جزاز هذا اللي يسمونه بايركس .. وبعدين نصف فوقه المكرونه وبعدين الماش واخر شي البصل المقلي .. وعليكم بالعافيه
هذي طريقة الكشري .. مايبيلها شي .. وديروا بالكم لاتخلون الماش والمكرونه يستون عدل؟؟ يعني لاتصير المكرونه مذويه وايد؟؟ لا مستويه بس ماهي مذويه وحتى الماش لا يتفتت عليكم؟؟ ترى بتحصلون خناق وزف وطراقات من ريايلكم
وفي ناس تسوي الخلطه المصريه مع المطرونه وفي ناس تسوي الدقوس العادي وفي ناس تسوي دقوص صبار .. على هواكم .. والخلطه المصريه او الدئه على قولتهم عباره عن خل وفلفل اخضر وليمون وثوم و كزبر حب وملح وكمون .. يخلطونها مع بعض اي وبعد يحمسون بصل معاها انا ماحبها وافضل الدقوس العادي او دقوس الصبار
تحياتي
--------------------------------------------------------------------------------
قوه ياخواتي .. شلونكم وشخباركم عساكم بخير .. يعلكم بخير وعافيه يارب .. اليوم بنسوي كشري .. وحده من خواتكم تبي تعرف الكشري وراح نكتب الطريقه .. عاد ركزوا معاي شوي وتركوا عنكم الربربه والتحرش في بعض .. يالله خلونا نبدي
بسم الله .. اول شي نحتاج حق الكشري .. جيلتين عيش .. جيله ماش عدل الكبير اللي جنه زرارات قميص .. مكرونه نص جيس اللي جنها ربيان يابس .. شعريه نص قلاص ..باكيت زبده .. 5 بصلات وليمات مقصصين شرايح .. والبهارات .. كمون .. فلفل اسود .. ملح .. كزبر حب ..دارسين ... اول شي نغسل الماش وبعدين نفوحه بماي مع ملح ونتيفة بهارات يعني رشه من كل نوع وبعدين من يستوي نشخله ونخليه على كتر .. بعدين نفوح المكرونه مع نص كمية الزبده ونشخلها ونخليها على كتر ولاتنسون الملح طبعا .. بعدين نحط بالجدر باجي الزبده ونكت فوقها الشعريه عشان تتحمر .. وبعدين نحط العيش فوقهم ونخلط شوي شوي عشان لايتكسر وبعدين نحط ماي وملح وبهار شوية يعني من كل نوع اقل من ربع قفشة الحوس .. وبعدين ننطره لما يتسكر واثناء ماهو يتسكر .. ناخذ جدر ثاني ونحط فيه زيت او زبده ونحمس شوية من كمية البصل مع البهارات ونكت فوقهم الماش ونقلبه عدل على نار خفيفه وبعدين نسكر النار .. والحين كل شي جاهز الا البصل شنسوي فيه؟؟ ادري ماتفهون شوفوا يابنات ابليس الحين تقلون البصل عشان يصير مثل الحشو ويصير شوي يابس يعني عقب ماتقلونه خلوه يبرد وينشف من الدهن .. المهم الحين نحط العيش في ماعون جزاز هذا اللي يسمونه بايركس .. وبعدين نصف فوقه المكرونه وبعدين الماش واخر شي البصل المقلي .. وعليكم بالعافيه
هذي طريقة الكشري .. مايبيلها شي .. وديروا بالكم لاتخلون الماش والمكرونه يستون عدل؟؟ يعني لاتصير المكرونه مذويه وايد؟؟ لا مستويه بس ماهي مذويه وحتى الماش لا يتفتت عليكم؟؟ ترى بتحصلون خناق وزف وطراقات من ريايلكم
وفي ناس تسوي الخلطه المصريه مع المطرونه وفي ناس تسوي الدقوس العادي وفي ناس تسوي دقوص صبار .. على هواكم .. والخلطه المصريه او الدئه على قولتهم عباره عن خل وفلفل اخضر وليمون وثوم و كزبر حب وملح وكمون .. يخلطونها مع بعض اي وبعد يحمسون بصل معاها انا ماحبها وافضل الدقوس العادي او دقوس الصبار
تحياتي