المساعد الشخصي الرقمي

مشاهدة النسخة كاملة : أنـا آســـــف...نسيـت أعلـمك وشلـون تنسـاني!!



عماد علي
10-22-2006, 04:00 PM
أكيد انك على غفلـه نسيـت وجبـت لـي سيـره!!

أو انـي ماعرفـت اعلمـك وشلـون تنسـانـي.!!

كثر ماكنـت أشـوف ان المفـارق ضيقه...وحيـره

كثر ماكنـت أحـس انـك ولهت...وجـاك ماجانـي

أعـرف الحـب الأول مايموت...ومايجـي غـيـره

وأعرفـك كـل مايطـري عليـك القرب...تلقانـي!

أجل ماقلت لك:ساعـه معـك تسـوى لهـا ديـره

علامك تـزرع الغيبـه قصيـد وتحصـد أحزانـي؟!

تغيـب وماتبينـي أطـوي الــدرب ومشـاويـره

وأنـا لـولاك ماكـان القصيـد يحـرك أشجانـي.!

إذا ماكـل شاعـر يكـتـب الهـامـه وتفكـيـره

تعال اكتبني في دفتـر حياتك...واعـزف الحانـي.!!

حبيبي والطعون اللـي تجـي مـن خنجرك...خيـره

لأن الجـرح ياخـذ هيبتـه مـن هيبـة الجانـي.!

تعبـت وكـل ذنـب بغيبـتـك مـاتـت معـاذيـره

مثل ماكنـت مسـرف بالعطايا...وأنـت حرمانـي.!

تخيـل حتـى لـو قلبـي بديـت أشعـر بتقصيـره

أدور لـك بدالـه قلـب يعطـي والعمـر فـانـي.!

لو انك تفهـم احسـاس الغـلا وشلـون تأثيـرهـ

فهمت وشلون ماشوفك...واجيب اسمك على لساني.!

تصدق عاد...أنـا والشـوق والاحسـاس والغيـره

جلسنا كـل واحـد يشكـي غيابـك علـى الثانـي!

أقولـك شي...وماتزعـل علي...وتفضهـا سيـره

أنـا آسف...نسيـت أعلمـك وشلـون تنسانـي!!

نور الهدى
10-22-2006, 09:29 PM
الله يعطيك العافية اخي عماد

وعساك على القوة

ودمتم بالف خير

اختك ام محمد

ام باسم
10-23-2006, 08:23 AM
عماد
رائع ماتنقله او تكتبه لنا
لاعدمناك يالغالي

وكل عام وانت بخير

عماد علي
10-23-2006, 11:31 AM
الله يعطيك العافية اخي عماد

وعساك على القوة

ودمتم بالف خير

اختك ام محمد
أهلا بك أختي أم محمد كل الشكر لكرم المرور والله يعافيك أختي.

عماد علي
10-23-2006, 11:32 AM
عماد
رائع ماتنقله او تكتبه لنا
لاعدمناك يالغالي

وكل عام وانت بخير
الرائع وجودك في صفحتي يا ام باسم وكل عام وأنت بألف خير...