اعطوني رايكم..السفر مع الاطفال

[ام ياسين]

بسمه تعالى
وصلاته على نبيه وآله

احبائي.. ابي اآخذ رايكم في السفر مع الاطفال..
السالفة وما فيها أني بسافر مع زوجي في سيارتنا والسفرة مدتها 10 ساعات وعندنا طفل عمره شهرين يعني خايفه عليه يتبهدل في هالمشوار فمن سافرت من قبل مع اطفال او لديها خبره بهذا الموضوع ياليت تفيدني وبماذا تنصحوني
شاكرة لكم..ودمتم سالمين
ام ياسين

[أمل الظهور]

بسم الله الرحمن الرحيم

السلام عليكم ورحمة الله وبركاته

بالنسبه للسفر مع الصغار انا مع و ضد السفر معهم فيمكن ما فيدك كثير

لان لو أخذناهم معانا زي ما قلتي بيتبهدلوون ويستمرضون خاصة ان ولدك لسه صغير

ولو ما أخذتيه لا زم تعطينه حد من اللي واثقه فيهم كثير

واذا سافرتي بتحاتينه و تفكرين فيه وهو بعيد عنك

هو صغير ما يتحمل فراقك مسكين

اذا المدى اللي بتبقين فيها طويله

يمكن حيرتك أكثر

لكن قلت اقول لك على المحاسن والمساويء وانت تختاريين

نصيحتي لك أخذي خيره من أحد الشيوخ الأفاضل

تحياتي لك أختك :

أمل الظهور

[ملكة سبأ]

أهلاً بكِ أختي أم ياسمين
أنا من رأيي إذا كانت السفره لعدة ساعات أويوم وترجعي مافي داعي يتبهدل الطفل إذا كان عندك احد تستأمنين على الطفل عنده
لكن إذا مطوله سفرتك فا الأفضل يكون الطفل معك
وعموماً الطفل في هذا العمر معروف أكثر الساعات نوم مارح يحس بتعب وهوفي حضنك لكن من يحتاج غيار غيري له ولا طولين عليه
موفقه إن شاء الله سفرسالماً وعود حميد بإذن لله

[عاشقة الرضا]

هلا بيك ام ياسمين
اول مشاركه لي شفت الموضوع وقلت لازم ارد عليه لاني مريت من ايام بنف الموقف
انا اقولش وانتين ورايش
انا بنتي كان عمرها شهر ونص او اقل بيومين تقريبا
رحت بها المدينه بالباص 15 ساعه
ومسكينه في الروحه كانت ترضع وتنام في الرجعه مسكينه تبهدلت صارت مضايقه وتصيح والحفاض لمن اغيره لها ماعرف لانه مافي حمام على طول والحين حر يعني ادا خليتي الحفاض عليها فترة طويله تتصلخ
وانا تعبت كان من المفروض اني ماسافربها لكن العايله كانت كلها بتسافر حتى زوجي وكان مافي حجز بالطائرة عشان نروح فيها
وعلى دلك كان عندي ولدين واحد عمره خمس واحد 3 وانا تعبت جدا ادا كنتي ماترضعيه عادي خليه عند احد من اهلك تثقي فيه ويحبك لكن ادا كنتي ترضعيه صعبه انك تقطعينه وصعبه ادا بتاخدينه لانه جدا صغير ومايتحمل تنزلي من السيارة بارده الى بره السيارة حر بعدين يزكم ويمرض انا جدا تعذبت بالسفر بهم وتمنيت اني ماسافرت بهم بعد هناك ماتعرفي تطلعي ابدا بتصيري ملزومه بالصغير
وانت ورايش انا راي انك ماتسافري تاجليه لمن ولدك على الاقل يصير عمره 6شهوراو7
يله اتركك الله يوفقك ويخليلك اولادك ويحفظك من كل سوء
اخيرا ممكن اعرف وين بسافري <بيني وبينك انا اموت في السفر خصوصا للزيارة >
نسالكم الدعاء اختك عاشقة ال بيت النبي عليه السلام

[ام ياسين]

بسمه تعالى
وصلاته على نبيه وآله

امل الظهور.. في البداية شاكرة ردك الكريم
وكلامك صحيح انا ماقدر اخليه لأني بحاتيه بتصير السفرة كدر والشي الثاني انا ارضعه رضاعة طبيعيه وزوجي يقول خليه لكن انا مو موافقة وهو ملزم نسافر انا احترت بين الاثنين
ملكة سبأ.. شاكرة لك
سفرتنا تستغرق خمسة او ستة ايام عشان كذا ما اقدر اخليه و ولدي من النوع الهادئ لكن قليل نوم بس يمكن يدوخ من السيارة وينام:bigsmile:
عاشقة الرضا.. لك كل الشكر
تصدقين انك عورتي قلبي و خفت اكثر لكن بما انك مريتي بهذه التجربة ابيك تنصحيني ويش آخذ معاي ويش اسوي عشان الطفل ما يتعب كثير وبالله المستعان
ومدام انك تحبين السفر يلا تعالي معانا:cool: احنا رايحين الامارات ( دبي والشارقة و ابوظبي)
وأن شاء الله في العيد بنطلع ماليزيا اذا ما فيها زلازل وتسونامي:nuts:
في انتظار نصيحتك

واتمنى من لديه اي نصيحة ان لا يبخل بها
ودمتم سالمين
ام ياسين

[عاشقة الرضا]

هلا عزيزتي
اولا عجبتني صورة التوقيع حقك وايد
اذا انت ملزمه اتكلي عاى الله والله كفيل بان يساعدك ويريحك ويجعله دايم نايم
وخذي معك كلينس لتنظيف الحفاض ووكم حفاض يكفي مدة الطريق وبجامات له عشان تبدلين له في نص الطريق ولازم تكون التياب مريحه
ورضاعه للضرورة ادا كنت ماتعطيه حليب اعطيه ماي او شاي ميلوبا لانك يمكن تحتاجي
وخذي له غطى يمكن يبرد في الليل
واحسن لا تقطعيه من صدرك اعطيه الرضاعه البيعيه احسن لانك ادا سافرتي وخليته وقطعتيه من صدرك ماراح يشرب ادا جيتي بيعيفه وبيجف الحليب نوعا ما فخليه معك عشان الرضاعه بس لان انا سافرت بنتي عشان الرضاعه لو مارضعها كان ماخدتها
والله كريم الله يحفظك ويوسع عليك وترجعي بالسلامه
والله نفسي اسافر ادعي اروح ايران
نسالكم الدعاء

[ام ياسين]

بسمه تعالى وصلاته على نبيه وآله
يعطيش العافية اختي عاشقة الرضا
ما قصرتي وجزاك الله خيرا
دعائي لك وللجميع بزيارة ضامن الجنة وزيارة جميع المراقد الشريفة
ولا تنسونا من الدعاء..

اختكم ام ياسين