المساعد الشخصي الرقمي

مشاهدة النسخة كاملة : لا تتعب وتتعبني


أمير العاشقين
03-17-2004, 11:42 PM
http://www.flashfoosh.net/vb/images/icons/heart.gif



ما أبيك ما أبيك لا تتعب و تتعبني.....قلبـي بغيـرك تولع و إنتهى أمره


بعدين قلــي : وش اللي فيـك يعجبني.....وإنته ولا أنته تجيء من صاحبي شعره


هذاك كـلـه على بعـضـه مـجـنـنـي.....شأوصف شأخلـي من أوصافه ومن سحره


يرسل سهومه على قلبـي و يأخذنـي.....لوين مدري و لكن السبب نظـره


http://www.flashfoosh.net/vb/images/icons/heart.gif


نظرة وساع جفاها حيـل يذبـحـنـي.....يقهر صمود الخفوق و ينجـلي صبـره


قوي بأسي و لكن سهل يهزمنـي!.....أضيع عنده و أشوف فـ خده القمره


وإن هو ضحك لي حتـى الشعر يخذلنـي.....يا ويل حالي على ذا الشهد في ثغره


و الله لو هو يقول : أرجـوك اتركني.....دور بديلي أقول إنته و لا عـشـره


http://www.flashfoosh.net/vb/images/icons/heart.gif


و أنا اللي اسمه إذا قالوه يربكني.....و إن شفت زوله أتوه في ليله وبحره


و إن هو تكلم كلامه شعـر يطربنـي.....يقـول عني كـلام ذايـب فـ صـدره


أحيان أحسـه يبـي يقبـل و يحضنـي.....من هرجه اللي فيـه من الوله نبره


لكن مع أهله و لا كنـه يناظـرني!.....ما كنه اللي تشكي غيبـتـي حسـره


http://www.flashfoosh.net/vb/images/icons/heart.gif


من زود حبـه أحبـه لـو يعذبنـي.....وأشوف موتي إذا عزم على السفرة


و أرضى وصاله لو هـو نار تحرقنـي.....أدوس دربه حبيبـي جـمـرة جـمـره


يعني تأكد بأنـك مـا تنـاسـبـنـي.....حتـى لو الموت يجبـرنـي على هجـره


لأنه سكني مثل ما يسكن الـجـنـي!.....وسط الـخـلايق و بسم الله على ذكره


http://www.flashfoosh.net/vb/images/icons/heart.gif

منقووول


وســـلامتكـــــم


http://www.flashfoosh.net/vb/images/icons/heart.gif


أمير العاشقين



http://www.flashfoosh.net/vb/images/icons/heart.gif
بسـ ورديه كوتـه
10-23-2006, 03:16 PM
تسلم والله امير العاشقين والله يعطيك العافيه:embarrest:
انت حتى لو منقول بعد يجننن:rolleyes:
تشاووووووووووووو:noworry: :cool:
Princess
10-23-2006, 04:27 PM
تسلم والله
مر علي هالشعر من قبل وقعدت اطالع اوه قلت يمكن انت الكاتب
بس يالله ما صدناه
خخخخخخخخ
من جد كلمات هالشعر كلها ذوق واحساس وحركتات
بس لأنك حطيته وخليتنا نقراه كلك نظر وذوق وحس
يسلمووووووو خيوووووووووو
القلب_الحنون
10-23-2006, 08:34 PM
ياسلام كلمات رائعة جداً جداً تسلم حبيبي الغالي (أمير العاشقين ) على النقل الجميل والأختيار الرائع
ربي يهنيك ويسعدك
وكل عام وانت الحب
نور الولاية
10-28-2006, 01:58 PM
رائع ٌ ما كتبت لنا امير العاشقين
يعجز التعبير عن تسطير مدى الإعجاب بقلمك
فالكلمات مؤثرة بأسلوب جميل و رائع

بإنتظار دائم لجديدك ..
نور الهدى
10-30-2006, 03:41 PM
الله يعطيك الف عافية امير

وعساك على القوة دوووم يا رب

كذا نبيك على طول تبيض وجه امك

حتى في نقلك له حس

تحياتي

ام محمد
اسير الهوى
10-30-2006, 04:35 PM
تسلم امير حلوة مرررررة
ياسر..
شمعه تحترق
10-31-2006, 03:30 AM
ماشالله خيوووو

اختيار كله ذوووووق

مشكور أمير
فرح
10-31-2006, 08:15 AM
تسلم خيوووامــــــــــير
كلماتك دائما مؤثره ورائعه
يعطيك ربي الف عااااااااااافيه
موفق