لوّين راجع !!!! قلّي؟؟؟؟ [الأرشيف] - شبكة الناصرة الثقافية

العنود

07-28-2006, 11:49 PM

لوّين راجع !!!قلّي؟؟؟؟
راجع....
راجع بعد كل هالسنين تبكي حنينك
وكان السبب , حرقة قلب... و هالطفل ع ايدك
شو تغيّرت عليّ كلماتك
زادت الاااااااه بأهاتي
تركت الدني كرمالك
و حبك غيّر حياتي
وزرعت بقلبي احلام , عمري ما نسيتا
وصرخت طفل جوعان , ما قدرت نهيتا.

وبالحلم...
شو حلمت بحضن يدفيني
وقلب كبير يحميني
من شوقي لعطش الأيام
و حكي الناس والملام
لكن... ما شفت غير حضنك
وقلبي الحنون بشوق , عم يحضنك
ولما صحيت , من صحوة الأيام
شفت حالي بغربة ظلم من الأوهام.

وبالأمس...
كنت متل المجنون , تجن بغرامي
وبلحظة ضعف مني , ملكت كياني
خمّرت ع كيفك , حبوب العنقود
ورسمت ع جسمي , خريطة وعود
وسكبت من حزن عمري , اصعب كاس
سقيتني الحزن منو , وشربت انت الماس
لكن طلعت خاين !!!! وما عندك وفا
نسيت اسمي!!! ونسيت ايام الدفى

بس... شو زنب هالطفل المسكين
الحامله همو انا , صرلي سنين
ما شاف صوره , لوجه بيو الحقير
العايش بالجاه والغنى ... و هو عايش فقير
ياكل , و يشبع من دموع عيوني
الدابت ع البعد , و يتّمت جفوني
وجايّ اليوم ...ومن بعد كل هالسنين
تنادي بأسمي , وتقلّي !!!! رجعي يا كل الحنين.

و كيف؟؟؟
كيف بدي ارجع , والقلب مجروح؟
عم ينزف دمّو بألم , والجرح مفتوح؟
لا.. لا تحط ايدك ع جرحي , بطلب السماح....
ولا تزرف دموع الندم.... بكلامك المباح...
وهات...هات اعطيني هالطفل المسكين
قبل ما تحس بزنبك , و ياخدك الحنين
ولا تفتكر, انك شفت بحنبني نور حلمك المعهود
انا بحنيني ...محيت اسمك من كل الوجود
العنــــــــــود الحـــــــــزيـــــــن
اذكروني كلما شفتوا حروف اسمي000العنود
مع اعذب التحيات اختك
العنـــــــــــــــــــود
الحــــــــــزيــــــــــن

أمير العاشقين

07-29-2006, 12:33 AM

كلمات جميله من قلم جميل ..

لا أستغرب من قلمكي هذا البوح الرائع ..
وهذه الحروف الجميله ..

دائمـــا وأبداً مواضيعك وكلماتك تتميز برونقها الخاص ..

كلمات أعجبتني للغايه ..

خاصة وانها تتميز بطابع الحزن ..

تـــواصلاً دائــــم في هذا القسم أخيه ..

عساكي على القوة يارب ..
أخــــاك ..
أمير العاشقين ..