هؤلاء يرونكم من برج عاجي .....كيف تتعاملون معهم ؟؟؟؟

[واحد فاضي]

بسم الله الرحمن الرحيم
اللهم صل على محمد وآل محمد الطيبين الطاهرين

نظرة البعض للمجتمع من برج عاجي هي نظرة يراها البعض طبيعية من واقع ان لكل شخص مستواه .

البعض الآخر يعتبرها نظرة تكبر مقيته ...تحمل معنى مغاير لما جاء به الرسول الأعظم وآل البيت عليهم الصلاة والسلام .

البعض لا يسلم على بعض الناس .بحجة انهم ادنى من مستواي

البعض لديه من الأنفة من أن يخالط المجتمع على الرغم من أن هذا المجتمع هو من أعطاه الوجاهة ونفس المجتمع هو من أعلى مرتبته في نظر الناس .....لكنه لا يرحب بنفس المجتمع ...فلماذا؟؟

بعض الرجال لا يتعاطى مع الفقراء ولا مع الباعة ولا مع العمال لأنه يعتقد بأن تعاملهم معه يخالف برستيجه ويخالف نظرته .

بعض النساء في المقابل لا تذهب مثلاً للمركز الفلاني ليس لأن عملهم دون المستوى لكن ....ما اروح لهذا المركز لأنه دون مستواي ...اني مستواي في الدمام او الخبر .

او انهن لا يذهب للزواج الفلاني لأنه مهو بذيك الفخامة اللي تناسب برستيجي

سؤالي ...ماهي نظرتكم لأمثال هؤلاء الناس ؟؟؟

كيف تتعاملون معهم ؟؟


فمان الكريم

[عفاف الهدى]

لي عودة بأذن الله

[.:روح وريحان:.]

السسلام عليكم |~


كثير مآ حذّر الآسلآم من النظرة الدونية !

و [ الطبقات الاجتماعية ] اللقب الذي يستر وراءة هذا المعنى السيء جداً !

آمآ عن كيف اتعامل معهم !

لآ أرى طريقة للتعامل معهم ! سوى الإبتعاد ~

طرح رائع .. مميز .. هدّاف

حليفك التوفيق أُخي~

[كبرياء]

مرآحب ..}
ولنآ زمآن عن هالموآضيع أللي تشد الواحد وتخليه غصبـن عنه يرد ..
بالنسبه لي هالناس احسهم مضحكييين جدآ ..
يعني في نآس تغتر وتشوف نفسهآ يمممكن أحيانا على شي يسوى ..
بس الغالبيه العظمي الله يكفانا شرهم ..
والمصيبه إن كذآ موقف مر علي من هالنوع و بسسسرعه تنقلب الآيآت ويتحوب < مثل ما يقولون ..
وآحد من الموآقف أحنا أيآم الأمتحانات عشآن أريح فـ مرآقبة القآعآت يصير بقسمي بالمدرج شي بنآت سنه ثآنيه وشي رآبعه او ثآلثه ..
وحده من البنآت اللي من هالنوع قومت الدنيآ ..!
لييش بناات سنه ثآنيه يجلسون معنا بقاعه احنا سنه راااابعه < ولو تشوووف الشموخ وهي تقول رآبعه اللي يشوفها يقول
هذي دكتورآه وإلآ ضآمنه الجنه مثلآ ..
السنه اللي بعدهآ ألقى هالبنت " اللي المفروض تخرجت " لآزآلت ترآكض ورى محاضرآتهآ وهي " مآكله تبن :noworry: "
موقف ثآني ع بنات الأدبي ههههه ..
وهذآ عآد دآآآآآيج بقوه ..
هو صحيح ان بنات الأدبي الأكثر داخلين لانهم مو حاطين ببالهم شي ..
بس في ناس لها طموح حتى مع الأدبي ..
الحمدلله تخرجت من الأدبي و دخلت قسم رآئع ومطلوب ..
واللي كآنو أمس ينظرون لي نظره دونيه لآني تنآزلت عن العلمي " مع قدرتي على دخوله "
وشكوآ بذكآئي ومخاوفي منه ..
اليوم هم " بدون درآسه " ومجموعهم يخليهم يجلسون بالبيت دون حتى المحاوله ..!
عشان كذآ أنا هالناس تضحكني ..!
وتخليني أقول ببآلي الحمدلله ربي علمنا درس عظيييم من خلالهم وتفآدينهم بدون مانطيح بنفس تجربتهم ..
طبعآ هالمواقف بسيطه جدآ قدآم مسأله غني أو فقير ..
بس المجتمع حولي بعده صغيرون فهذآ اللي شفته منه ..
تسسلم أخووي وآحد فاضي ع الطرح ..
ومآننح ـرم من جود وجودك ..}

[قطرة عطاء]

أخي الكريم طاب لي قلمك وأحببت ان ابدي بعض الملاحظات عليه رجع علي عليه السلام بعد ان احتز رأس عمرو بن ود يمشي بزهو فعاب المسلمون منه ذلك فأخبرهم النبي (ص ) بأنها من مواطن الزهو والافتخار ... أحيانا يكون التكبر عبادة إذا كان على المتكبر ولكن ينبغي أيضا أن نعرف بأن فرعون الذي علا في الأرض وقال انا ربكم الأعلى ورغم هذا التكبر قال تعالي لموسى وهارون عليهما السلام " وقولا له قولا لينا " فموضوع استخدام لين العريكة أو تقطيب الوجه وعبوسه أحيانا أخرى متروك لتشخيص الفرد للحالة وربما تدخل في باب الأمر بالمعروف والنهي عن المنكر فالأصل التسامح والمحبة ولكن أحيانا الزجر يكون له الأثر الأنجع
أتطلع إلى مزيدك أخ فاضي لتكون اسم على مسمى ههههه :bigsmile: وتقبل مزاحي برحابة صدرك المعهودة

[عفاف الهدى]

هؤلاء من ينظرون للناس من فوق البرج او بنظرة تعالي وتكبر
الا يعلمون ان مصيرهم يحشرون كالنملة تدوس الأقدام عليهم

للأسف التفاخر والتعاليوحتى التكبر باااااااااااااات امرا متداولا حتى بين الأطفال
انا عندي بلاستيشن انت ما عندك فما راح اجلس معاك
اني عندي ايبد انتين ما عندش مو منمستوايي اجلس معاش
والى البابا يشتغل كدا فا........
والا اخويي عنده جيب وووو
وغيره وغيره
وللأسف صار قدامي هذا الموقف
كنا رايحين مزعة اني وصاحباتي قبل شي اسبوعيين
احنا كنا جالسين مع بعض
والفتايا البنوتات المراهقات مع بعض

وكان حواسي عندهم اسمع وش يهربدون

الأولى اتقووول
اوووووووصار زحمة مني شكلي باقووم اجلس على لابتوبي اشوي
قالت الثانية لابتوبي شريت اله اكسسوارات مرة نايس
الثالثة عندكم لابتوبات
الأولى والثانية صاروا يضحكوا اي ليش ما عندش ؟؟ الحين اللابتوب حاجة قديمة
الرابعة ما اني عندي بلاك بيري الثالثة اني جوال بدون كاميرا لسه ما عندي
قالت السادسة شكلي باقوووم اصوور بره
الأولى عندش كاميرا ؟؟ اي عندي
بس اكيد مو مثل كاميرتي الأحترافية يمكن سوني
عندي احترافية وعندي سوني بعد وكمان كاميرا فيديو الى البابا بس يخليني اصور

صحيح عندش احترافية
بين كل وحده عندي وعندي
وما ظل جهاز اني ما اعرفه ولا اعرف استخدمه الا واستعرضوه
والي ما عندها اتصير ما تسوى
والي عندها ترفع خشمها فوووق
ول هدولين بنات ابتدائي ومتوسط وش خلووو الى ثنوي


فعلا الكبر شي موزين ونهى الأسلام عنه
طرح جميل اخوي ابو زين

ربما لنا عودة

[Princess]

مرحبا..
وطرح جميل اشتقنا اليه في جنبات منتدانا..

بالنسبه لي هالناس اتحاشى التواجد بينهم و لا احب اخذ واعطي وياهم...
و الحمدلله ما مر علي موقف اضطرني اني اتعامل معاهم ...
ولكن افضل كلام ممكن ينوصفو به ويتوجه ليهم يتلخص بهالأبيات:

لن تبلغ طول جبال الأرض و اصلك بعض تراب
و حضورك لون غياب و استيقاظك حين مآب ..
ونهاية امرك في شبرين.. وطريقك مسدود البابين
فعلام الكبر و انت رهين الضعف رهين حساب ....
الله الله ياناسي .. ان المتواضع للناس ... حين الميزان ارجح انسان !
قدر الرحمن على المتكبر تصغره الأقدار
كي يعلم ان الله كبير منتقم جبار...
و هنا تاريخ بين يديك.. فتأمله بالله عليك..
كل عروش الجبروت انهارت مثل هشيم النار ..!!

من روائع قصائد شيخنا الأكرف ... حفظه الله
الله يبعد عنا شر المتكبرين ويجعل عاقبتهم الخسران ياكريم
موفق خيو و تسلم عالطرح ..

[واحد فاضي]

والله ما ادري ويش اقول ليكم

كلالمكم على العين والراس

وتجارب والله تخلي الواحد يعرف طريقه

لكل من حضر هنا وابدى وجهة النظر

تحية علي راسي والله

ان شاء الله لي عودة وردود مفصله

ان شاء الله تعالى

كل التحايا والتقدير لكم جميعاً

فمان الله