المقاطعة قبل العرس..وش الهدف منها

[عفاف الهدى]

اهلا وسهلا
مساء الخير

اليوم جت على بالي سالفة
خصوصا ان قرب زواجي باقي اقل من اسبوعين تقريبا :embarrest:
وفيه شغلة بصراحة مأذيتني ...:toung:
ما ادري انتون مؤيدين والا لا ..

خلونا نستعرض مع بعض هالسالفة ومن الي بدعها ؟؟
وش سلبياتها وش ايجابياتها ؟؟:huh:

السالفة يا طويلين العمر هي عبارة عن :

المقاطعة قبل العرس ..بين العريسين ...وطالعين فيها شهر مقاطعة
ليش؟؟ :evil:
عشان يشتاقوا لبعض:wacko:


طيب هل لهذا الكلام اساس من الصحة؟؟ومن الي بدعه؟؟

خلونا انشوف اراء بعض
والي عنده ردود الى الأستفسارات يتحفنا بها ...
لي عودة مع رأيي
بعد رلؤية اراءكم
...........
الموضوع وفكرته من رأسي:noworry:

[دمعة على السطور]

اللهم صل على محمد وآل محمد وعجل فرجهم وفرجنا بهم ياكريم وألعن من آذى فاطمة ..

صباحك أجنحة الشوق......!!



>>وش دخلش بهالموضوع ...................أطلعي :noworry:<<< بقول كلمتين :toung:





عفاف شكلش معانية ياغناتييي ..ربي يوفقك ويتمم لك بخير يااارب...


بالنسبة للموضوع ..راح اتكلم بعفوية وحسب مااسمع....

من وجهة نظري هالسالفة تخص الزوجين وحدهم..

يعني هم بكيفهم ....يبغوا يقاطعوا بعض ...أو يظل يشوفها وتشوفه...هذا راجع لهم ..

>>> :weird: بعيد الشر .....(يقاطعوا بعض عاد....!!!) المصطلح :huh:



بس حلوووو بعد يشتاقوا لبعض .............مو لدرجة شهر كامل ...مشكلة عاد شهر...

وإذا بناخذها من ناحية ثانية بنقول ممكن عادي ..ويصييير..

يعني تعالي نحسبها ..

بالاضافة إلى حكايات الشوق اللي يقولوا عنها ...... وهالقصص اللي المخطوبين والمتزوجين ادرى بها...

اعتقد الزوجة من جهة ثانية تبغى تسوي مفاجئات ...ويمكن تبغى تغير من شكلها لزوجها..وتفضل إنه يشوف كل هالتغيرات بعد الزواج....


إضافة إلى هذا إن العروس قبل الزواج بشهر..اتوقع بتبدي تستعد للزواج.... وواحد من معالم الاستعداد إنها بتربي حواجبها :toung:........ألخ>> لازم تفصل..:toung:

و المرأة بطبيعتها ماتحب يشوفها زوجها بهالوضعية ...يعني حواجب والحالة شتى ووو


وبعد يتراوى لي... إن الزوجين تقريباً مشغولين في هالفترة ......تعرفوا الزحمة اللي قبل العرس بكم اسبوع !!!



وإذا بنقول هالشي بدعة ...يمكن بداية السالفة هي ( عروس حبت تسوي هالحركة ...!!

مو مشكلتها إن الناس قامت وقلدتها ولاأحد مجبور إنه ينصاع لهالفكرة ..هي مُجرد فكرة ....والناس تابع ومتبوع على قولتهم.....!!



والحين مثل ماقلتي معظم الناس تسوي هالحركة ..!

واشوفها حلوة ..لو بننظر لها من المنظور اللي انذكر...



يمكن الزوجين يشوفوا صعوبة بهالموضوع لأن تعودوا كل يووم روحات وجيات ..وتبسيط بالبيت ..>>هذا اللي أغلب الأزواج يسووه فترة الخطوبة .....



فـ راح يكون صعب البعد فجأة...لمدة اسبوعين أو شهر يبتعدوا ويكتفوا بالمكالمات ..!!


لو كان يشوفها كل يوووم...وفي اليوم أكثر من مرة ...هنا المشكلة ...
يحاولوا يقللوا شووي بالتدريج ...عشان لايصير هالفترة صدمة بالنسبة لهم ...




الموضوع فيه محاور كثيرة ....وهذا هو كل اللي اقدر اخوضه...!!

وراح اكون مُتابعة لآراء الاعضاء إن شاء الله



عفاف الغالية .

مُبارك لكِ مُقدماً..وربي يتمم لكم بخير وسعادة يااارب...

تسلمي على هذا التقديم المميز والحساس نوعاً ما..



يعطيك العافية يااارب...

ربي يوفقك ويهنيك ...وييسر أمورك بحق الطاهرين


موفقة لكل خير إن شاء الله تعالى

دمتِ بعين المولى الجليل

[أمل الظهور]

اللهم صل على محمد وآله


الاخت دموعه كفت ووفت احييها على كل كلمة


على حسب الزوجين اذا متقبلين هالفكره


وخاصه الزوجه لانها تحب تغير شكلها وتطلع له بــ لوك جديد :bigsmile:وماتحب يشوفها الا في ليلة الزواج


على الاقل بأسبوع او اسبوعين وخاصه بهالفتره تكثر الزحمه ومافيه وقت للشوق اصلا :embarrest:


وفرصه للزوجين انهم يجددوا الشوق اكثر للقاء وبعدها بيجتمعوا في بيت واحد للابد ان شاء الله ...


ربي يوفقك ويسعدك ويتمم لك على خير

[آهات حنونه]

مقاطعه ..كانها الكلمه قويه شوي في قاموسي

اني بصراحه عن نفسي امي كل يوم تقولي قبل الزواج الى متى راح تشوفيه...والمشكله انه اهو الي يوديني ويجيبني ههه

لا اوايد شهررررررررررررر مره وحده ظلم ههه

في ناس اسبوع ايوه لان راح تكون مو مشغوله الافووق فوق المشغوله

اهئ صارت عاده حلوه بين الناس

بس صارو يبالغو واجد ناس شهر وناس والله شهرين..اني اعرف وحده شهرين ماشافها

والازيد صايرين حتى كلام بلجوال مافيه ...عادات جداغريب...

اوكي بنقول تغيير عند قبل اسبوع تقدرين تغيري لازم قبل شهر


كاني طولت بس معليش لان هل السالفه ترفع ضغطي ماتعجبني ههه

والف الف الف مبروكـ مقدما والله يهنيك ويسعدكـ طول العمر غاليتي عفووف العروس

[عفاف الهدى]

اللهم صل على محمد وآل محمد وعجل فرجهم وفرجنا بهم ياكريم وألعن من آذى فاطمة ..
اللهم صلي على البشير النذير والسراج المنير
صباحك أجنحة الشوق......!!

وصباحك قشطة ياقشطة

>>وش دخلش بهالموضوع ...................أطلعي :noworry:<<< بقول كلمتين :toung:

الا ادخلي على العكس نورتي ....اتفضلي نحن مستمعون



عفاف شكلش معانية ياغناتييي ..ربي يوفقك ويتمم لك بخير يااارب...


بالنسبة للموضوع ..راح اتكلم بعفوية وحسب مااسمع....

من وجهة نظري هالسالفة تخص الزوجين وحدهم..
صح100% واني وياش
يعني هم بكيفهم ....يبغوا يقاطعوا بعض ...أو يظل يشوفها وتشوفه...هذا راجع لهم ..
على عيني وعلى راسي .......طيب والزنة على الراس من اهل الطرفين والى متى والى متى
وكأنهم عاملين حرام ..يمكن الأثنين متفقين بس الي حولهم يزيدوا الطين بله
>>> :weird: بعيد الشر .....(يقاطعوا بعض عاد....!!!) المصطلح :huh:

فعلا قوية الكلمة بس هي كداااااااااااا

بس حلوووو بعد يشتاقوا لبعض .............مو لدرجة شهر كامل ...مشكلة عاد شهر...
حلو الشووق اكيد...بس الموضة اتقول شهر (((وع من دي موضه)))
وإذا بناخذها من ناحية ثانية بنقول ممكن عادي ..ويصييير..

يعني تعالي نحسبها ..

بالاضافة إلى حكايات الشوق اللي يقولوا عنها ...... وهالقصص اللي المخطوبين والمتزوجين ادرى بها...

اعتقد الزوجة من جهة ثانية تبغى تسوي مفاجئات ...ويمكن تبغى تغير من شكلها لزوجها..وتفضل إنه يشوف كل هالتغيرات بعد الزواج....


إضافة إلى هذا إن العروس قبل الزواج بشهر..اتوقع بتبدي تستعد للزواج.... وواحد من معالم الاستعداد إنها بتربي حواجبها :toung:........ألخ>> لازم تفصل..:toung:

و المرأة بطبيعتها ماتحب يشوفها زوجها بهالوضعية ...يعني حواجب والحالة شتى ووو

واني معاش في تغيير الشكل تقلل زيارات اي تقلل جلسات اي ..بس مقاطعة نهائية والله قوية
وعلى طاري الحواجب اكيد حشيش عشان الزهوة بعدين ويمكن تضعف ويمكن تمتلي قص وصبغ شعر وغيرة
بس شهر ........نو نو نو ثم نو بعد..
وبعد يتراوى لي... إن الزوجين تقريباً مشغولين في هالفترة ......تعرفوا الزحمة اللي قبل العرس بكم اسبوع !!!

احنا زحمتنا من نوع ثاني نتضطر انشوف بعض ((((هههههههه)))) شقتنا من اول ما انخطبت وهي جاهزة الشهر الأخير صار فيها الشغل (((خخخخخخ)))

وإذا بنقول هالشي بدعة ...يمكن بداية السالفة هي ( عروس حبت تسوي هالحركة ...!!

مو مشكلتها إن الناس قامت وقلدتها ولاأحد مجبور إنه ينصاع لهالفكرة ..هي مُجرد فكرة ....والناس تابع ومتبوع على قولتهم.....!!

فعلا مو قضية جبر ...بس صارت عادة (( وعليش اكس اذا ما سويتيها او اعرتيها اهتمام))

والحين مثل ماقلتي معظم الناس تسوي هالحركة ..!

واشوفها حلوة ..لو بننظر لها من المنظور اللي انذكر...

امممممممم الناس اذواااااااااق

يمكن الزوجين يشوفوا صعوبة بهالموضوع لأن تعودوا كل يووم روحات وجيات ..وتبسيط بالبيت ..>>هذا اللي أغلب الأزواج يسووه فترة الخطوبة .....



فـ راح يكون صعب البعد فجأة...لمدة اسبوعين أو شهر يبتعدوا ويكتفوا بالمكالمات ..!!


لو كان يشوفها كل يوووم...وفي اليوم أكثر من مرة ...هنا المشكلة ...
يحاولوا يقللوا شووي بالتدريج ...عشان لايصير هالفترة صدمة بالنسبة لهم ...


فعلا قضية اثرتيها مهمة
مو شرط احنا ما نتلاقى على طول على طول ولا عندنا طلعات زايدة
بس فكرة مقاطعة شوي ما دخلت مزاجي
اكيد الي يلتقي على طول صعوبه في المقاطعه راح يلاقيها ويمكن اتأثر عليهم حتى
يمكن لأن اني مخطوبة حاليا فأحس بصعوبة الشي واهولها
واني ليما الحين ما قاطعت ظروفنا تحكم
بس يمكن هالأسبوع وخلاص
مع ان الحشيش اخ مأخذه في جبهتي ((((ههههههههههههههههههه))))

الموضوع فيه محاور كثيرة ....وهذا هو كل اللي اقدر اخوضه...!!

وراح اكون مُتابعة لآراء الاعضاء إن شاء الله

بالفعل مداخله رائعة جدا جدا
والمحاور الي اثرتيها جدا مهمة
واسعدني تعليقش في متصفحي خيوووو


عفاف الغالية .

مُبارك لكِ مُقدماً..وربي يتمم لكم بخير وسعادة يااارب...

تسلمي على هذا التقديم المميز والحساس نوعاً ما..
الله يبارك فيش غناتي
وعقبال ما نفرح فيكم جميع


يعطيك العافية يااارب...

ربي يوفقك ويهنيك ...وييسر أمورك بحق الطاهرين


موفقة لكل خير إن شاء الله تعالى

دمتِ بعين المولى الجليل




موفقة يالغالية







اشكرش عالمرور من هنا

[عفاف الهدى]

اللهم صل على محمد وآله
اللهم صلي على البشير النذير والسراج المنير


الاخت دموعه كفت ووفت احييها على كل كلمة
الصراحة اي ما شاء الله عليها


على حسب الزوجين اذا متقبلين هالفكره


وخاصه الزوجه لانها تحب تغير شكلها وتطلع له بــ لوك جديد :bigsmile:وماتحب يشوفها الا في ليلة الزواج


على الاقل بأسبوع او اسبوعين وخاصه بهالفتره تكثر الزحمه ومافيه وقت للشوق اصلا :embarrest:


وفرصه للزوجين انهم يجددوا الشوق اكثر للقاء وبعدها بيجتمعوا في بيت واحد للابد ان شاء الله ...


ربي يوفقك ويسعدك ويتمم لك على خير




مشكورة امولة عالمرور من هنا

[عفاف الهدى]

مقاطعه ..كانها الكلمه قويه شوي في قاموسي
واني بعد

اني بصراحه عن نفسي امي كل يوم تقولي قبل الزواج الى متى راح تشوفيه...والمشكله انه اهو الي يوديني ويجيبني ههه
شفتي اذا انتين امش ..اني حتى اخواني ..يمكن انتقام من مقاطعة زوجاتهم يبوني اقاطع زوجي ..ههه
لا اوايد شهررررررررررررر مره وحده ظلم ههه
واجد ظلم صراحة شهر
اشوى في ناس تأيدني
ههه
في ناس اسبوع ايوه لان راح تكون مو مشغوله الافووق فوق المشغوله
ان شاء الله اني اسبوع وكم يوم هههه
اهئ صارت عاده حلوه بين الناس
حلوة ....اشك فيها ..يمكن بإضافة سكر اي
بس صارو يبالغو واجد ناس شهر وناس والله شهرين..اني اعرف وحده شهرين ماشافها

والازيد صايرين حتى كلام بلجوال مافيه ...عادات جداغريب...
لا عاد قوية وقوية جدا
حرام عليها
اتعذب الرجال
زين ما تركها وراح لوحده ثانية
اوكي بنقول تغيير عند قبل اسبوع تقدرين تغيري لازم قبل شهر
فعلا كاني غيرت شغلات اجتهدت في التربية واحسنت بعد التربية في الحواجب مثلا
وكل ما طالعني قلت اله ها مو تقول غشيناك هذا شكلي الأصلي
هههههههههههههههه
بس شهر شهرين صعبة موديل اعتبره قديم ومؤثر سلبا بعد


كاني طولت بس معليش لان هل السالفه ترفع ضغطي ماتعجبني ههه
واني معاش طولي وخوضي هالهرب معاي
بس نجي بنتيجة
والف الف الف مبروكـ مقدما والله يهنيك ويسعدكـ طول العمر غاليتي عفووف العروس

تسلمي لي يالغالية
وعقبال صبايا وشباب الشبكة يا رب

[عفاف الهدى]

وينكم جماعة

سكوتكم يدل على تأييدكم عفر

انير المتصفح بأرائكم

ماهذا الصرح الا للنقاش

[آهات حنونه]

وينكم جماعة

سكوتكم يدل على تأييدكم عفر

انير المتصفح بأرائكم

ماهذا الصرح الا للنقاش


الظاهران جميع من في الشبكه من المؤيدين

عدا اني وانتي هههه

والاغلب احسهم بنات فمن شان هيك ممكن خجل في الرد ولا يقولك ما بستبق الاحداث

بس الموضوع قابل للنقاش بشكل موسع للخروج بفائده تعم المخطوبين ههه

[نور الهدى]

اللهم صلي وسلم وزد وبارك على محمد وال محمد



الناس كل يوم يطلعو لينا بدعه ترى


مثلا هالايام طالعين لينا بأن العريس ليلة الملجة لازم يأكل العروس عسل بصبعته


عادةايرانية هاذي بس الحين طالعين فيها واشوفها بزدياد


والله سفرة العجم هاذي بعد اسمها فيها سفرة عجم يعني مو من عوايدنا ولا تقاليدنا بس الناس وحب التقليد واخذوها علينا



وسالفة المقاطعه نفس الشي ما ادري بصراحه من الي بدعها


اذكر مرت اخويي خلوهم اكثر من شهر لا تلفون ولا حتى كلمة ولا طله

وكأن حرام اذا شافها


بس الحين صار اهون ,, معظم البنات وخاصة ان ما في احد لهم يخلص وياهم مشاوير العرس فيكون العريس هو الي يوديها ويجيبها


لكن لو بكيف الاهل ما خلوهم يشوفون بعض


و الشوق موجود حتى لو ما سوو مقاطعه لان كفاية الاحساس الي بينوجد بينهم وانهم بيحسون بالاستقرار اخيرا وانهم بيبدؤن حياة جديده


لو اني منش عفاف ما اسوي مقاطعه ههههههه


عن نفسي ما سويت ولا شي

ما خليتهم يقصون عليي

<<<< الي يسمعها يقول خطوبتها سنة وهي شهر واحد بس



عفاف الله يوفقك يا رب


وسوي الي بخاطرك ولا يهمك من احد

دام انك صح

خليكي رافعه الراس وامشي بخطوة ثابته

[عفاف الهدى]

الظاهران جميع من في الشبكه من المؤيدين

عدا اني وانتي هههه

صدقتي خيو
هههه
بس يعطونا رايهم مو مشكله
نقاش فقط لا غير

والاغلب احسهم بنات فمن شان هيك ممكن خجل في الرد ولا يقولك ما بستبق الاحداث

بس الموضوع قابل للنقاش بشكل موسع للخروج بفائده تعم المخطوبين ههه

وهذا ما اتمناه

[عفاف الهدى]

اللهم صلي وسلم وزد وبارك على محمد وال محمد




اللهم صلي على البشير النذير والسراج المنير
الناس كل يوم يطلعو لينا بدعه ترى


ويا كثر البدع يا ام محمد
مثلا هالايام طالعين لينا بأن العريس ليلة الملجة لازم يأكل العروس عسل بصبعته


وان كانت مستحسنه مثل ما يقولوا
فبينهم لحالهم ما عليه
عادةايرانية هاذي بس الحين طالعين فيها واشوفها بزدياد


واني كنت ناوية اسويها بس ما ضبطت...ههههههه
والله سفرة العجم هاذي بعد اسمها فيها سفرة عجم يعني مو من عوايدنا ولا تقاليدنا بس الناس وحب التقليد واخذوها علينا



هابيين فيها هالأيام
وزواج بنت اخوي انا والبحر توأمان حناها بسووا هالسفرة

وسالفة المقاطعه نفس الشي ما ادري بصراحه من الي بدعها

اما لو يطيح بيدي ؟؟؟؟؟؟؟
اذكر مرت اخويي خلوهم اكثر من شهر لا تلفون ولا حتى كلمة ولا طله

وكأن حرام اذا شافها


طيب اني بحثت في كل الكتب ومالقيت اليها اساس من الصحة
خخخخ
بس صراحة ما سمعنا حديث ولا رواية تدل على هالشي
من باب الشوق امنا بالله
بس شهر
نوووووووووووووووووووبالقوة بعد
بس الحين صار اهون ,, معظم البنات وخاصة ان ما في احد لهم يخلص وياهم مشاوير العرس فيكون العريس هو الي يوديها ويجيبها


يا حظهم هديلين...احسدهم
لكن لو بكيف الاهل ما خلوهم يشوفون بعض


بصراحه ما عندهم سالفة
و الشوق موجود حتى لو ما سوو مقاطعه لان كفاية الاحساس الي بينوجد بينهم وانهم بيحسون بالاستقرار اخيرا وانهم بيبدؤن حياة جديده


مثل ما قلتي خيو واني معاش
لو اني منش عفاف ما اسوي مقاطعه ههههههه



اقووول لا اتحديني عالشر
تراني ناويه
بس لا احد يسمع
عن نفسي ما سويت ولا شي

ما خليتهم يقصون عليي

قوية والله

<<<< الي يسمعها يقول خطوبتها سنة وهي شهر واحد بس



اها عجل وين بتحطي المقاطعة
اني 7 شهور تقريبا
عفاف الله يوفقك يا رب


وسوي الي بخاطرك ولا يهمك من احد

دام انك صح

خليكي رافعه الراس وامشي بخطوة ثابته
تسلمي يا ام محمد



يعطيش الله الف عافية
ومشكورة عالمرور من هنا وعالتعليق الجميل

[آهات حنونه]

ام محمد..والله العادات الي قليها اني اول مره اسمعها

لسى ماوصلت ديرتنا لاحقين ياحب الناس لتقليد الاعمى

افتكينا من هل خربطات


اختي عفاف ماشكلش تبين احد يحدك انتي محدوده وخالصه ههههههه

جد الموضوع فيه شئ غريب

يعني لو وحده كانت خطوبتها سنوات اشلون بهل السهوله تقاطع صعبه والله

اني خطوبتي كانت سنتين وكم شهر وكل يوم اشوفه يعني بسهوله اجي اقوله لاتجي ...

ويش بيقول عني..!!!!>>وهو ليلة الحنا اهو الي وصلني بيت اختي هع هع



لو تجي من الرجال تنهضم وتبلع شوي مع شويات تقدر تغير رايه هههه

[قطرة عطاء]

الله يبارك لكم ختنا عفاف الهدى جميل ان تقرؤا بعض الاستحبابات الواردة عن أهل بيت العصمة ليلة الزفاف وهي موجودة في كتب عديدة منها كتاب مكارم الأخلاق وابرز تلك المستحبات الصدقة والصلاة ....

تختلف العادات والتقاليد من مطقة إلى أخرى ففي بعض المناطق السعودية الزوج لا يرى وجه زوجته طيلة حياته " لبس برقع " وفي بعض المناطق الهندوسية الزوجة تحرق حينما يموت زوجها " لتذهب لخدمته في العالم الآخر " وغيرها من العادات والتقاليد منها ما فيه " استحسان عقلا " ومنها ما فيه " مخالفة للشرع " جرى العرف في بعض المناطق على ان ما يسمى " فترة الخطوبة " خارج اطار الزوجية بمعنى لا نفقة واجبة للزوج على زوجته ولا تمكن الزوجة زوجها من نفسه " بمعنى النفقة انما تجب بالتمكين " وفي بعض المناطق تكون فترة الخطوبة فترة دخول مع خذ الاحتياطات في الحمل والانجاب عموما لكل ما ذكر أحكام شرعية تترتب عليها ينبغي للمتزوجين الاطلاع عليها حتى لا يقصروا في حقوقهم وواجباتهم التي فرضها الله عليهم

عذرا للاطالة وأجدد لكم ولزوجكم وعائلتكم وعائلته المباركة وأسال الله أن يرزقكم الذرية الصالحة " هناك اعمل لطلب الولد الصالح قبل واثناء وبعد الولادة فانشدوها " والله اسال ان يزوج كل اعزب وعزباء بحق محمد وآل محمد

[عفاف الهدى]

ام محمد..والله العادات الي قليها اني اول مره اسمعها

لسى ماوصلت ديرتنا لاحقين ياحب الناس لتقليد الاعمى

افتكينا من هل خربطات

اهلين غناتي...احنا درينا عن هالشغلات من زمان ..وواصلة الينا بعد
وصاروا الجماعة يتفننوا في صنع كوشات سفرة العجم وغيرها
والحيم بنت اخويي بعد في زواجعا لتسوي سفرة العجم

اختي عفاف ماشكلش تبين احد يحدك انتي محدوده وخالصه ههههههه
صدقتي
جد الموضوع فيه شئ غريب

يعني لو وحده كانت خطوبتها سنوات اشلون بهل السهوله تقاطع صعبه والله

اني خطوبتي كانت سنتين وكم شهر وكل يوم اشوفه يعني بسهوله اجي اقوله لاتجي ...

ويش بيقول عني..!!!!>>وهو ليلة الحنا اهو الي وصلني بيت اختي هع هع



لو تجي من الرجال تنهضم وتبلع شوي مع شويات تقدر تغير رايه هههه


ما ادري احس مبالغ في الشغلة عند البعض
ومثل ما انذكر سابقا
البعض الزوج هو الي يوصله العروس وهالشغلات فكيف بتصير مقاطعة؟؟؟
اصلا احيانا الضرورة اتحتم انه الزوج هو الي يوصل عروسته في الحنا والعرس حتى
فهل يعتبر سوو جريمة
والا نقص لأنهم ما قاطعوا؟؟؟

[عفاف الهدى]

الله يبارك لكم ختنا عفاف الهدى
مشكور اخوي عالمشاعر الطيبة
جميل ان تقرؤا بعض الاستحبابات الواردة عن أهل بيت العصمة ليلة الزفاف وهي موجودة في كتب عديدة منها كتاب مكارم الأخلاق وابرز تلك المستحبات الصدقة والصلاة ....
فعلا لم نغفل عنها ومشكور للتذكير بها
تختلف العادات والتقاليد من مطقة إلى أخرى ففي بعض المناطق السعودية الزوج لا يرى وجه زوجته طيلة حياته " لبس برقع " وفي بعض المناطق الهندوسية الزوجة تحرق حينما يموت زوجها " لتذهب لخدمته في العالم الآخر " وغيرها من العادات والتقاليد منها ما فيه " استحسان عقلا " ومنها ما فيه " مخالفة للشرع " جرى العرف في بعض المناطق على ان ما يسمى " فترة الخطوبة " خارج اطار الزوجية بمعنى لا نفقة واجبة للزوج على زوجته ولا تمكن الزوجة زوجها من نفسه " بمعنى النفقة انما تجب بالتمكين " وفي بعض المناطق تكون فترة الخطوبة فترة دخول مع خذ الاحتياطات في الحمل والانجاب عموما لكل ما ذكر أحكام شرعية تترتب عليها ينبغي للمتزوجين الاطلاع عليها حتى لا يقصروا في حقوقهم وواجباتهم التي فرضها الله عليهم

طرح حلو بالنسبة للعادات والتقاليد مثل سفرة العجم والعسل الي طرحت سابقا من اعراف العجم بس غصب ناويين يدخلوها على مجتمعنا
ان شاء الله بس ما يطبقوا نظرية حرق الزوجة اذا مات زوجها ...ههههههه
الحمد لله على نعمة الأسلام
مثل ما قلت هي عادات للدول ...فهل صح نقلها الى مجتمع اخر
مثل ما ناخذ في الجغرافيا سابقا
تبادل العادات بين الدول ؟؟؟؟؟
عذرا للاطالة وأجدد لكم ولزوجكم وعائلتكم وعائلته المباركة وأسال الله أن يرزقكم الذرية الصالحة " هناك اعمل لطلب الولد الصالح قبل واثناء وبعد الولادة فانشدوها " والله اسال ان يزوج كل اعزب وعزباء بحق محمد وآل محمد


مشكور لتعليقكم الرائع والهادف
اضفت نكهة جديدة لموضوعنا
يعطيكم العافية

[Princess]

مرحبا
عن نفسي أأيد هالحركه وبالقوه
فيه بنات اعرفهم قبل زواجها بيوم وهي بحناها توها حتى ما غسلته
وهو متربع وياها..
ويع صراحة... والله ويع
وحتى اسبوع يتراوالي قليل
ومثل ماقالو البنات قبلي ..
حلو يشتاقو لبعض..
وخلها تغير في روحها شوي
وحلو ليلة الزواج كل واحد يقول متى .. متى يتلاقو...

مو تجي والوضع عادي توه شايفنها من كم يوم

اهلنا لول ما يشوفها موليه الا ليلة زواجها.. وشوفو مشاعر المعرس والعروس شلون ..
مو بعد الحين تغير الوضع وصار فيه ايام خطوبه وطلعات وروحات وجيات ..
فبعد ليش يمصخوها لآخر ايامها...!!!

دايما اقول لصديقاتي بهالسوالف اذا سألوني
مستقبلا ويش ممكن اسوي
اقول
مو بعيده جايز اسويها شهرين بعد
شهر اخليه يتواصل وياي تلفون وماسنجر فقط
والشهر الأخير مقاطعه موليه
الا اذا كان طبيعة شغله مثل شباب هاليومين .. بالأسابيع والشهور بالعمل وماينزل الا كم يوم
جايز اغير حكمي..

و اكم ماسكين علي هالكلام وينتظرو يجاكروني به ويشوفو مدى صدقي
و الله العالم...
هل بيعايروني ساعتها
والا بيقولو قلتيها وصدقتي....

ولو اني احس من طبيعتي و شخصيتي ... ( تحدي × عناد )
احتمال كبير اصدق .. والله يعينه p:

موفقين يارب

دمتم بخير
وبحفظ الرحمن

[عفاف الهدى]

مرحبا

اهلين ..والله نورتي صفحتي
عن نفسي أأيد هالحركه وبالقوه
شديدة والله البرنسه/COLOR]
فيه بنات اعرفهم قبل زواجها بيوم وهي بحناها توها حتى ما غسلته
وهو متربع وياها..
ويع صراحة... والله ويع
[COLOR="DarkOrange"]لحظة لحظة ..هنا اختلاف
متربع وياها للمسخرة والتصوير للذكرى ووو
معاش فيها 100% لأن ليلة الحنا ليلة العروس بس
..
احيانا متربع وياها لأنها مسكينه ما عندها من يوديها ويجيبها فبيتضطر انه يتربع معاها
يوصلها الأفضل ويمشي الى مكان الحنا
واحيانا ما تهون على الواحد معاها ويقدر يجلس اشويات فيجلس
يمكن هالأحساس ما يصير الا مع المخطوبين ...ما ادري
بس اتصير للضرورة
مو ابرر اليهم يتحملوا كلها ليلة او ليلتين بالكثير والشوق مطلوب
وحتى اسبوع يتراوالي قليل
وجهة نظر
ومثل ماقالو البنات قبلي ..
حلو يشتاقو لبعض..
وخلها تغير في روحها شوي
وحلو ليلة الزواج كل واحد يقول متى .. متى يتلاقو...

مو تجي والوضع عادي توه شايفنها من كم يوم
كم يوم تفرق عن اسبوع خيو
والشوق مطلوببببببببببببببببببببب وبقوة

اهلنا لول ما يشوفها موليه الا ليلة زواجها.. وشوفو مشاعر المعرس والعروس شلون ..
مو بعد الحين تغير الوضع وصار فيه ايام خطوبه وطلعات وروحات وجيات ..
فبعد ليش يمصخوها لآخر ايامها...!!!
الأول تحول
وما اعتقد فيه مقارنه
وما تعتبر تمصيخ في كل الحالات
لحظة دفاع
مثلا اني عن نفسي صار عندنا شغلات ضرورية في الشقة اخر اسبوعين تضطرني اكون معاها فيها
تطلب راي الأثنين وافكارهم ...فأضطر اروح معاه
مو تمصيخه رايحه لشي ثاني جلسه ووو...حتى ما يمدي احك راسي من زحمة الشغل هناك بحيث
اني كرفته ورفت روحي معاه من الظهر الى اخر الليل ما نوقف الا للعشاءوالصلاة
يعني مو مصخينها يمكن غيرنا اي وما اعتبرها تمصيخه بس قلة ملح اشوي
لأن هالأمر يجي عن قناعه وعلى هوى الزوجين من وجهة نظري
دايما اقول لصديقاتي بهالسوالف اذا سألوني
مستقبلا ويش ممكن اسوي
اقول
مو بعيده جايز اسويها شهرين بعد
شهر اخليه يتواصل وياي تلفون وماسنجر فقط
والشهر الأخير مقاطعه موليه
قاسية المرة طلعت..حرام .. اصلا لما تنخطبي بتشوفي كيف ان الزوج يتأثر في هالمرحلة
واني عاينت اخواني الثلاثة الأخيرين اتزوجوا مع بعض وفترة المقاطعة تبعهم كأنهم عصافير بدون اعشاش
ونفسياتهم اصلا تتأزم
الا اذا كان طبيعة شغله مثل شباب هاليومين .. بالأسابيع والشهور بالعمل وماينزل الا كم يوم
جايز اغير حكمي..
اثنين من اخواني كدا يغبوا فكانت فترة المقاطعة مو هينه اصلا ..والي كان موجود هنا ويقدر يشوف زوجته على طول
كان اكثر واحد متأزم وضايع ...هديلاك اوردي متعوديين على المقاطعه مع انها بتصعب شوي وشوق بزيد
بس الله يعين

و اكم ماسكين علي هالكلام وينتظرو يجاكروني به ويشوفو مدى صدقي
و الله العالم...
هل بيعايروني ساعتها
والا بيقولو قلتيها وصدقتي....
ونحن نترقب ايضا
عقبالش قريب غناتي
ونحكم بعدها
ولو اني احس من طبيعتي و شخصيتي ... ( تحدي × عناد )
احتمال كبير اصدق .. والله يعينه p:
صدقتي الله يعينه هالمحروس
موفقين يارب

دمتم بخير
وبحفظ الرحمن



مشكورة عالمرور اخية
ويعطيش الله العافية
عجبتني صراحتش ومداخلتش

اشكرش للتوقف هنا

[عفاف الهدى]

مــــــــــــــــــــــــــــــــــلاحظة
الي حسيته
ان هالموضوع يعتمد على ازوجين وطبيعتهم
ولا هو امر حتمي
مع ضغوطات الجماعة

وكل اثنين ظروفهم تحكمهم لأي قرار يتخذوه في هالشأن

والشوق مطلوب والتغير مطلوب
بالحدود المعقولة الي بحطوها العريسين

ودمتم بخير
اتمنى القى مشاركات اخرى هنا

[للدموع إحساس]

صبآح الخيرآت و الليرآت ع الجميع ،،.
في حقيقة الأمر ..
شدني الموضوع لـ أبعد حد ..
و وصل بي لـ درجة أنني قرأت كُل مآ حوآه حرفً حرفً ..
بعدهآ خرجت ..
لكنه سرقني من نفسي مُجدداً ..
و أعآدني لـ حيث هو ..
حتى أرسم رأيي المتوآضع << و الخآص بي وحدي ..
بـ شعور خجل من نفسي لـ تقصيري الذريع معكم ..
سـ أبدأ رحلتي من جديد ..
لـ أخط أحرفي و أدلو بـ دلوي ..
في موضوع شعرت بـ أنه لآمس جزء مني ..
و خلق بي رغبة عآرمة في الكتآبة من جديد .. << كآني طولت :weird:..
و لـ نبدأ ..
بمآ أني أنآ الأخرى مقبلة على تلك المرحله الصعبة نوعاً مآ ..
أحببت أن أُسجل تأييدي و بقوة لـ مثل تلك الفكرة ..
لـ أسبآب كُثر بـ عدد حبآت الرمآل ..
و قد تفضل البعض منكم مشكوراً بـ سرد جزء بسيط جداً منهآ ..
لـ ذآلك لن أعآود طرح مآ ذُكر ..
لكنني فقط ..
جئت أُبين جمآل لحظة اللقآء ..
بعد طول غيآب ..
لكم هو رآئع ذآلك الشعور ..
و قد مررت به بعد شهر وآحد فقط من خطوبتي ..
و عدت و قضيت مع زوجي الحبيب أسبوعين فقط ..
لـ يفآجأني خبر توظيفي في منطقة بعيدة نوعاً مآ ..
تظطرني لـ الغيآب عنه أسبوع كآمل حتى ألتقيه بعدهآ لـ مدة 48 سآعة فقط ..
لـ أعود مجدداً لـ الغيآب ..
بعد أن أكون قد أقمت مجدداً مرآسيم حبي و عشقي الأبدي له ..
و رسمت أشوآقي على جفنيه ..
و طبعتهآ على طهر الجبين ..
و تركته بعدهآ لـ الإنتظآر ..
لكنني لم أغفل يوماً ..
عن التلذذ بـ جمآل لحظه اللقآء ..
و يـآهـ مآ أشهى تلك اللحظآت ..
عندمآ تتعآنق النظرآت ..
و يعود الخجل لـ يرتسم على محيآيي وكأنني أرآه لـ أول مرة بعد أعوآم ..
أٌقسم أنهآ من أجمل اللحظآت ..
و لـ ذآلك لن أفوت أبداً ..
الإستمتآع بـ بريق عينيه ..
و قرأة أشوآقة الغآرقة في تقآسيم إبتسآمته الجذآبة ..
و حرآرة إلتقآء اليدين ..
سـ أغيب عن نآظريه لآ عن قلبه و حنآنيه بـ إذن المولى الكريم ..
_ شهراً _ و ذآلك بعد إرآدة ربي الكريم ..
<< و أعآنك الله على مآ كُتب عليك :amuse: ..
عفآف الغلآ ..
يبدو أنني أطلت السرد ..
لكنني أحببت أن أوضح شيئاً تفهمينه بـ التأكيد ..
و وآثقة أنه وصل ..
عدآ عن ذآلك ..
فـ كُل الشكر لـ مآ طرحتي ..
و مُبآرك لكِ يآرب ..
لكِ تحيآتي ..
أُختكِ في الله ..
للدموع إح ـسآس ..

[الجعفرية]

اللهم صلي على محمد وآل محمد وعجل فرجهم واهلك اعدائهم إلى يوم الدين
الف مبروك اختي والله يتمم لش على خير وعساها العشرة طويييييييييييييلة يارب
بصراحة انا فترة خطوبتي ستة اشهر وصارت المقاطعة على قولتش ثماني ايام لأن
هذي الأيام كنا فيها مشغوووووووووووووولين مرة وغرفتنا ماوصلة يعني بالمختصر هو موفاضي ولاانا
سوي إلا يريحش
تقبلي مروري اختكِ: الجعفرية

[أُخرىْ]

جيت متأخره ..وشكلها عفاف زواجها هالاسبوع مو ..
المهم ست عفاف الله يهنيك بحياتك ..ويوفقك ..والله يجمع بينكم بالخير

بس جد أنا أشوف أن المقاطعة شي إيجابي , ولو بتكلم بشكل عام أنا اشجع مسألة أن العروس تقاطع عريسها , ومش المعنى تقاطعه تلفون..ولكن بس مايشوفها , هي بتتغير وبتطلع فيها زهوة العرس ..فليش يرز فيسه ويشوفها ,استغرب من ناس تتحنى ومن يجف حناها الا المعرس مبسط في بيتهم ..حشى مو شايف خير ..ولكل شي حد وانا اشوف اللي يكون كل يوم في بيت الخطيبه فمن الصعب عليه انه يتعود وحتى العروسة صعب تتعود انها ماتشوفه ..
الغريب في البعض أنها تجهز للعرس وكل قطعة ثوب شرتها يشوفها , شو الفايدة أجل ؟؟
هذا هم أهل لول..لايشوفها ولا يشوف ظلها ..وبعدين تعرس وهي ماتعرف عنه غير اسمه وويش يشتغل يمكن !! :amuse:
أخوي خطب وسافر أمريكا لمدة سنة ولما رجع شاف خطيبته بس يومين وبعدها ماشافها الا يوم العرس اللي صار بعد 10 ايام ..والعرس صار بعد العيد بيومين ..فحتى العيد ماشافها بس معايدة تلفونيه هع



تصدقين اني اقول ..بنخطب مثل اهل لول بس عقد ..ومااشوفه الا يوم العرس ..بس غيرت رايي لأن الشي وان كان شي جميل بس المعرفة مهمة في هذا العصر !!


يمكن مااضفت شي ..وتراني لما شفت كم رد من الحلوات اللي ردوا ..شفت انهم قالوا اللي بقوله ..
بس المقاطعه شي ايجابي ومش سلبي , وحتى لو المعرس او العروس تضايقوا منها بس..هي شي حلو



المهم تراني رديت بس لاتقولون لأمي ..عشان لاتسوي هيك :evil:..وتقول : بعد بعد ماحصلتي تتفلسفين الا بأمور مالش فيها ..لاحقه عالتفكير بهالشي ..

متباركة ومتهنية..عفاف الهدى ..

[كبرياء]

من المؤيدين ..!
وبشده ..
وقد ذكر غيري الإأسبآإب ..}
سلإأم

[عفاف الهدى]

لي عودةهنا

[عفاف الهدى]

صبآح الخيرآت و الليرآت ع الجميع ،،.
في حقيقة الأمر ..
شدني الموضوع لـ أبعد حد ..
و وصل بي لـ درجة أنني قرأت كُل مآ حوآه حرفً حرفً ..
بعدهآ خرجت ..
لكنه سرقني من نفسي مُجدداً ..
و أعآدني لـ حيث هو ..
حتى أرسم رأيي المتوآضع << و الخآص بي وحدي ..
بـ شعور خجل من نفسي لـ تقصيري الذريع معكم ..
سـ أبدأ رحلتي من جديد ..
لـ أخط أحرفي و أدلو بـ دلوي ..
في موضوع شعرت بـ أنه لآمس جزء مني ..
و خلق بي رغبة عآرمة في الكتآبة من جديد .. << كآني طولت :weird:..
و لـ نبدأ ..

يا صباح الأنواااااااااااار..
اهلا وسهلا فيش خيو
زماااااااااااان عنش يالغالية
الحمد لله عجبش موضوعي
ادلي بدلوش فأن فنحن متشوقون لرأيكم في الموضوع
بمآ أني أنآ الأخرى مقبلة على تلك المرحله الصعبة نوعاً مآ ..
أحببت أن أُسجل تأييدي و بقوة لـ مثل تلك الفكرة ..
لـ أسبآب كُثر بـ عدد حبآت الرمآل ..
و قد تفضل البعض منكم مشكوراً بـ سرد جزء بسيط جداً منهآ ..
لـ ذآلك لن أعآود طرح مآ ذُكر ..
لكنني فقط ..
جئت أُبين جمآل لحظة اللقآء ..
بعد طول غيآب ..
لكم هو رآئع ذآلك الشعور
نعم كما رئينا لحظة لقاء النبي يعقوب بالنبي يوسف بعد فراق دام سنين طوال
لحظات اللقاء لها طعمها ومذاقها الخاص
فعلا الشووووق بين العريسين مطلوب ثلاثة ايام فصلتني عن زوجي وعدنا بشووووووووووق
مو طبيعي(((حتى المصورة تسأل كم ما شفتوا بعض)))
انما الموضوع هنا يعود للنفسية الشخص اعتقد
..
و قد مررت به بعد شهر وآحد فقط من خطوبتي ..
و عدت و قضيت مع زوجي الحبيب أسبوعين فقط ..
لـ يفآجأني خبر توظيفي في منطقة بعيدة نوعاً مآ ..
تظطرني لـ الغيآب عنه أسبوع كآمل حتى ألتقيه بعدهآ لـ مدة 48 سآعة فقط ..
لـ أعود مجدداً لـ الغيآب ..
بعد أن أكون قد أقمت مجدداً مرآسيم حبي و عشقي الأبدي له ..
و رسمت أشوآقي على جفنيه ..
و طبعتهآ على طهر الجبين ..
و تركته بعدهآ لـ الإنتظآر ..
لكنني لم أغفل يوماً ..
عن التلذذ بـ جمآل لحظه اللقآء ..
و يـآهـ مآ أشهى تلك اللحظآت ..
عندمآ تتعآنق النظرآت ..
و يعود الخجل لـ يرتسم على محيآيي وكأنني أرآه لـ أول مرة بعد أعوآم ..
أٌقسم أنهآ من أجمل اللحظآت ..
و لـ ذآلك لن أفوت أبداً ..
الإستمتآع بـ بريق عينيه ..
و قرأة أشوآقة الغآرقة في تقآسيم إبتسآمته الجذآبة ..
و حرآرة إلتقآء اليدين ..
سـ أغيب عن نآظريه لآ عن قلبه و حنآنيه بـ إذن المولى الكريم ..
_ شهراً _ و ذآلك بعد إرآدة ربي الكريم ..
<< و أعآنك الله على مآ كُتب عليك :amuse: ..
عفآف الغلآ ..
يبدو أنني أطلت السرد ..
لكنني أحببت أن أوضح شيئاً تفهمينه بـ التأكيد ..
و وآثقة أنه وصل ..
عدآ عن ذآلك ..
فـ كُل الشكر لـ مآ طرحتي ..
و مُبآرك لكِ يآرب ..
لكِ تحيآتي ..
أُختكِ في الله ..
للدموع إح ـسآس ..


يا هلا فيش خيو
اسعدني مروركن هنا

[عفاف الهدى]

اللهم صلي على محمد وآل محمد وعجل فرجهم واهلك اعدائهم إلى يوم الدين[/
اللهم صلي على الحبيب المصطفى

COLOR]
[COLOR=#800080]الف مبروك اختي والله يتمم لش على خير وعساها العشرة طويييييييييييييلة يارب
الله يبارك فيش[/B
]
[B]بصراحة انا فترة خطوبتي ستة اشهر وصارت المقاطعة على قولتش ثماني ايام لأن
هذي الأيام كنا فيها مشغوووووووووووووولين مرة وغرفتنا ماوصلة يعني بالمختصر هو موفاضي ولاانا
سوي إلا يريحش
تقبلي مروري اختكِ: الجعفرية

اهلا وسهلا فيش خيو
8 ايام نعمة
والا كنتي تبي اكثر؟؟؟

مشكورة على المرور من هنا

[عفاف الهدى]

جيت متأخره ..وشكلها عفاف زواجها هالاسبوع مو ..
المهم ست عفاف الله يهنيك بحياتك ..ويوفقك ..والله يجمع بينكم بالخير

بس جد أنا أشوف أن المقاطعة شي إيجابي , ولو بتكلم بشكل عام أنا اشجع مسألة أن العروس تقاطع عريسها , ومش المعنى تقاطعه تلفون..ولكن بس مايشوفها , هي بتتغير وبتطلع فيها زهوة العرس ..فليش يرز فيسه ويشوفها ,استغرب من ناس تتحنى ومن يجف حناها الا المعرس مبسط في بيتهم ..حشى مو شايف خير ..ولكل شي حد وانا اشوف اللي يكون كل يوم في بيت الخطيبه فمن الصعب عليه انه يتعود وحتى العروسة صعب تتعود انها ماتشوفه ..
الغريب في البعض أنها تجهز للعرس وكل قطعة ثوب شرتها يشوفها , شو الفايدة أجل ؟؟
هذا هم أهل لول..لايشوفها ولا يشوف ظلها ..وبعدين تعرس وهي ماتعرف عنه غير اسمه وويش يشتغل يمكن !! :amuse:
أخوي خطب وسافر أمريكا لمدة سنة ولما رجع شاف خطيبته بس يومين وبعدها ماشافها الا يوم العرس اللي صار بعد 10 ايام ..والعرس صار بعد العيد بيومين ..فحتى العيد ماشافها بس معايدة تلفونيه هع



تصدقين اني اقول ..بنخطب مثل اهل لول بس عقد ..ومااشوفه الا يوم العرس ..بس غيرت رايي لأن الشي وان كان شي جميل بس المعرفة مهمة في هذا العصر !!


يمكن مااضفت شي ..وتراني لما شفت كم رد من الحلوات اللي ردوا ..شفت انهم قالوا اللي بقوله ..
بس المقاطعه شي ايجابي ومش سلبي , وحتى لو المعرس او العروس تضايقوا منها بس..هي شي حلو



المهم تراني رديت بس لاتقولون لأمي ..عشان لاتسوي هيك :evil:..وتقول : بعد بعد ماحصلتي تتفلسفين الا بأمور مالش فيها ..لاحقه عالتفكير بهالشي ..

متباركة ومتهنية..عفاف الهدى ..


واني معاكم المقاطعة اليها اثارها الحلوة بس ....!!!!!

الله يبلغنا فيش خيو

ومشكورة عالتهنئة والتعليق هنا

[عفاف الهدى]

من المؤيدين ..!
وبشده ..
وقد ذكر غيري الإأسبآإب ..}
سلإأم


ياهلا فيش خيو
والله يبلغنا فيكم قريب